ម្ចាស់អាជីវកម្ម អុឹង គឹមឡេង កំពុងជីកកាយយកអាចម៍ដី ពីមាត់ទន្លេ យកមកលក់យ៉ាងរំភើយ ដោយគ្មានការរំខានដល់អាជ្ញាធរពាក់ព័ន្ធក្នុងមូលដ្ឋានបន្តិចឡើយ
![](https://blogger.googleusercontent.com/img/b/R29vZ2xl/AVvXsEjBzR5Uidg0CavHZCxATsCMJzKMA4WxYZutDpLgZlklYaOMpSA9bFnQ5B4x76mv31htpB0DAsPTA7KnaTQjC5pnNuuhiEr7xZ7FqNJV4gb3VCYogsYkyf2oVcvahDnXsuWHO6kKr4saclrHMapxzABhxWo2uHUnPl7fPuvarJv3TXSErVFpbse5bkl2/s1600/Polish_20220427_102107586.jpg)
ម្ចាស់អាជីវកម្ម អុឹង គឹមឡេង កំពុងជីកកាយយកអាចម៍ដី ពីមាត់ទន្លេ យកមកលក់យ៉ាងរំភើយ ដោយគ្មានការរំខានដល់អាជ្ញាធរពាក់ព័ន្ធក្នុងមូលដ្ឋានបន្តិចឡើយ
ផ្សាយនៅថ្ងៃទី២៧ ខែមេសា ឆ្នាំ២០២២ វេលាម៉ោង១០:២៧នាទីភ្នំពេញ៖ ដីដុះតាមចំណីច្រាំងមាត់ទន្លេ ស្ថិតនៅសង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ ត្រូវបានម្ចាស់អាជីវកម្មឈ្មោះ អុឹង គឹមឡេង កំពុងធ្វើសកម្មភាពជីកកាយយកអាចម៍ដី ទាំងនោះយកមកលក់យ៉ាងរំភើយ ដោយគ្មានការរំខានដល់អាជ្ញាធរពាក់ព័ន្ធក្នុងមូលដ្ឋានបន្តិចសោះឡើយ។
យោងតាមប្រភពព័ត៌មានពីពលរដ្ឋដែលសូមមិនបញ្ចេញឈ្មោះ បានឲ្យដឹងថា នៅតាមបណ្តោយច្រាំងទន្លេក្នុងសង្កាត់ព្រែកថ្មី ខណ្ឌច្បារអំពៅ ត្រូវបានឈ្មួញអាជីវកម្មខាងលើ ធ្វើសកម្មភាពជីកកាយដីដុះតាមមាត់ច្រាំងទន្លេ យកមកលក់ឲ្យឈ្មួញដទៃ ក្នុងតម្លៃមួយឡាន ២៥ដូល្លារ ស្មើ១០មុឺនរៀល ដោយគ្មានការរំខានដល់អាជ្ញាធរពាក់ព័ន្ធនោះទេ។
ប្រភពក៏បានត្អូញត្អែរដែរថា៖ ក្រុមរថយន្តដឹកអាចម៍ដី របស់ម្ចាស់អាជីវកម្ម អុឹង គឹមឡេង នេះ មិនដឹងថាមានច្បាប់អនុញ្ញាតត្រឹមត្រូវឬយ៉ាងណានោះទេ ព្រោះសព្វថ្ងៃឃើញថាសកម្មភាពដឹកជញ្ជូនអាចម៍របស់ក្រុមរថយន្តទាំងនោះ កំពុងតែមមាញឹកយ៉ាងខ្លាំង ចំណែកឯអាជ្ញាធរមូលដ្ធាន ដូចជាស្ងៀមស្ងាត់ខ្លាំងមែនទែន ហាក់បីដូចជាមានអ្វីលាក់លៀម។
ចំណែកឯរថយន្តវិញឃើញថា ជារថយន្តប្រភេទគ្មានស្លាកលេខ និងបើកបរក្នុងល្បឿនលឿនដូចជាកំពុងតែប្រប្រកួតប្រជែងគ្នា ដើម្បីរាប់ឡានយកលុយ។
ពលរដ្ឋជាច្រើន កំពុងតែមានការព្រួយបារម្ភ អំពីសុវត្ថិភាពចរាចរណ៍ ដូចជាបញ្ហាសុខភាពសារធារណៈ បញ្ហាបាក់ច្រាំងទន្លេជាដើម (ពោលគឺ) រថយន្តគ្មានស្លាកលេខ បើកបរក្នុងល្បឿនលឿន ផ្លូវហ៊ុយ សើមនិងរំអិល ហើយច្រាំងទន្លេអាចនិងស្រុតបាក់នៅថ្ងៃណាមួយជាយថាហេតុ។
ពាក់ព័ន្ធទៅនឹងករណីនេះ ខាងសារព័ត៌មានយើងមិនអាចសុំការបំភ្លឺពីលោក លីវ វណ្ណថេង ចៅសង្កាត់ព្រែកថ្មី បានទេ ព្រោះទូរស័ព្ទខលចូលជាច្រើនដង បែរជាចុចបិទ ដូចជាមានអ្វីខុសពីធម្មតា។
ហើយបើយោងតាមប្រភពមិនច្បាស់ការមួយបានបង្ហើបទាំងស្រពិចស្រពិល ថា៖ ករណីជីកកាយដីដុះតាមមាត់ច្រាំងទន្លេយកទៅលក់ខាងលើនេះ ត្រូវបានការអនុញ្ញាតពីលោក លីវ វណ្ណថេង ចៅសង្កាត់ព្រែកថ្មី។
ពលរដ្ឋជាច្រើនសូមសំណូមពរដល់លោក ចេង មុនីរ៉ា អភិបាលខណ្ឌច្បារអំពៅ សូមលោកអភិបាលចាត់មន្ត្រីជំនាញចុះត្រួតពិនិត្យមើលករណីខាងលើនេះផងទាន! ជៀសវាង ឈ្មួញនិងចៅសង្កាត់ត្រូវរ៉ូវគ្នាជាប្រព័ន្ធកាយដីរដ្ឋយកទៅលក់ចែកលុយគ្នាដាក់ហោប៉ៅ។
![](https://blogger.googleusercontent.com/img/b/R29vZ2xl/AVvXsEjiyIw79LKuZEnYl_Ij4WWGL5AR172PuX2E6GwUDaTxb58R9I8GaPnE7ih_fE4SLLkHHYelqCGrTeYNVcwAS2OQQazoyhjugX7tsJJVkrPc1bAIPRYr968p0nbneTpm4_OEsD1jqbSTUI1fRDBIEiqijeXWesYXbM5wAiMF6vTg6-4EmaVXcYmFM80Q/s1600/FB_IMG_1651029412808.jpg)
![](https://blogger.googleusercontent.com/img/b/R29vZ2xl/AVvXsEgwjKc556FifujZzp1wo_1bwA8lwiVokuFvLdkX7_rfUzkxfQsi08MihppKlf0krKgAmabrBKGmC-Ws1FaKwISfmSnF4Jtp2QNVgcNf6dwuzoJbnA7jCdVXr4-ycP98W4WtGgvrnCZr82l4Q5G63ptAjexBHwGssqL033wze8evIKZsfO32f86i6nTL/s1600/IMG_20220427_101449_871.jpg)
![](https://blogger.googleusercontent.com/img/b/R29vZ2xl/AVvXsEjfnmzOPOVsk072IU-tZWsPSYP6XgFR22a4hMtEQit4FRb3XHxfdtQFK26TcptajN3ojHSXvfzYQMTVT2ZHpXQoiE_D4TgaA9taeNv0ZLm8SH0MnpvoJU7LHevYZnEn7tXx_pO0ce-M1r57hNRxR8C6L2x0R3DaCJ_AeQCA1IoW7uEose0cn8b5NhKH/s1600/IMG_20220427_101500_855.jpg)
![](https://blogger.googleusercontent.com/img/b/R29vZ2xl/AVvXsEgRpE3XzAkR6WsTonJ99wwHthWUPIzoT7AoaA2WHgA-ET5kHJzbRPeTwJvvX4orSm5_to5TOgkvY1hf96QwL0MWCg7BcooiMKiphbM7Bn1ybSjxS9Rb7FWZOFip9ybUEfO3D8WobO8V4IuYGWlV0n415rwQpVKPuIjii7OSwwXHydCXv-hzNU5Fy1TX/s1600/IMG_20220427_101415_592.jpg)
![](https://blogger.googleusercontent.com/img/b/R29vZ2xl/AVvXsEhqfWbdheJN8ZF_TcTJzIZ200mBnrnB28WeKlTU_Pv24RyAJLTIRY5dIAH7KXUQWQoRrp55YEl-Ljk6VpMgGcFZw-UL-s5Jy13UlmB8wBT0b5QHVCJuT0huT6pLEye_WH_bVzONyvEHVlJiBwiWT4dOA1BoGyHh964iXhZaaXYr9_idpUZ-iGvw52WC/s1600/IMG_20220427_101422_732.jpg)
![](https://blogger.googleusercontent.com/img/b/R29vZ2xl/AVvXsEiws6BpFpeniQVJ4KBBc5fpLeUjIFDaYIoOQPVWHYg7XEiD3FfQg2g-AG3p_QwjhBocHXeVXDzAnsxOozo2Z8ywYw_6Oz_aV9JjFHpfzMADvjVj2cWPDH0HYZolh2v5xmK6IHrFNsusE7sX63Z7opRtyjsW-ftLUAsvayUldnfylwvmbGpj2UHt-7ND/s1600/IMG_20220427_101441_689.jpg)
![](https://blogger.googleusercontent.com/img/b/R29vZ2xl/AVvXsEiilFmzqceI6Ewui2LcQjfAl6eY9sX_z8cvlbiaskMbGXYaihlsWeL59HGTULqhecCjx8aw2y_HIz5HhiC6lC6OrZS3IfxKlz-6z-tzc1gUtzxir3UAt9HGqcDPNe_OM2MHFoxzChzceCHoi-4xak4E0hLeq3l5rVqPgcS1Cdg_SZVI4sXvWWU4k_Xn/s1600/IMG_20220427_101453_127.jpg)
![](https://blogger.googleusercontent.com/img/b/R29vZ2xl/AVvXsEgn7bI5ctyvvgw1-AyMoAqRpGmgQtB4vZJOj65oKveY0krJdRPlb4rH6tWokzXinmjRTB3gBwEtFCJaCdCSdnoHws1WOI4j7Rmg06zUsDsJ8Ya1ZPTRouYpFxCstSPzyslOuSLmNyk0pQZkxvthsh0m4_rt1r_kpj5juLPiPgSZoTVKUkou6r9sT8vB/s1600/IMG_20220427_101457_208.jpg)
No comments