ស្រុកស៊ីធរកណ្តាល៖ បនល្បែងមាន់ជល់ នឹងអាប៉ោង ក្នុងផ្ទះវីឡាដ៏ស្កឹមស្កៃ នៅតែអាចបន្តបើកដំណើរការបានដោយរលូន សង្ស័យលោក សេង សាវ៉ន អធិការស្រុក ជាអ្នកបើកឲ្យលេង_វគ្គ៣
![](https://blogger.googleusercontent.com/img/b/R29vZ2xl/AVvXsEj02CnXrWHW2jVemwA9eKr2d2NHOwSiy6oJ2JsMXoI95ZdM8Og7R3PZclsoEyRqvtEAcYKwzJ9IxbqdlKbeQvj5J1sY-dXPDZz_m2zedwTCkua2kGsf9tRmPjldYU6LtgL8y78CM5phE9zJpgWyl13W4ag3p4wIxLVg7Ze9OxTjvnH_v2IJDYc1jq0J/s1600/Polish_20220429_162113872.jpg)
ស្រុកស៊ីធរកណ្តាល៖ បនល្បែងមាន់ជល់ នឹងអាប៉ោង ក្នុងផ្ទះវីឡាដ៏ស្កឹមស្កៃ នៅតែអាចបន្តបើកដំណើរការបានដោយរលូន សង្ស័យលោក សេង សាវ៉ន អធិការស្រុក ជាអ្នកបើកឲ្យលេង_វគ្គ៣
ព្រៃវែង៖ ទីតាំងបនល្បែងស៊ីសងខុសច្បាប់ដុះស្លែ ដ៏ធំ «មាន់ជល់ និង អាប៉ោង» ស្ថិតនៅក្នុងផ្ទះវីឡាដ៏ស្កឹមស្កៃ ក្នុងភូមិស្វាយសាក់ ឃុំពោធិ៍ទី ស្រុកស៊ីធរកណ្តាល ខេត្តព្រៃវែង ពេលនេះនៅតែអាចបន្តបើកដំណើរការបានយ៉ាងរលូន ដោយគ្មានការបង្ក្រាបពីសមត្ថកិច្ចពាក់ព័ន្ធ នេះហាក់ដូចជាបណ្តែតបណ្ដោយពេកហើយ។
ប្រជាពលរដ្ឋជាច្រើនកំពុងតែមានការព្រួយបារម្ភ និងភ័យខ្លាចយ៉ាងខ្លាំង ចំពោះសុខទុក្ខរបស់ពួកគាត់ ព្រោះហេតុថា ទីណាមានល្បែងទីនោះប្រាកដជាមានបទល្មើសកើតឡើងជាបន្តបន្ទាប់ជាក់ជាមិនខាន។
ចំណែកឯលោក សេង សាវ៉ន អធិការនគរបាលស្រុកស៊ីធរកណ្តាល កំពុងតែសម្ងំស្ងៀម ខណៈល្បែងស៊ីសងខុសច្បាប់កំពុងបង្កការភ័យខ្លាចដល់សុខទុក្ខពលរដ្ឋ។
ដោយសារតែ ទង្វើ និងសកម្មភាព របស់លោក សេង សាវ៉ន អធិការស្រុក មិនព្រមបង្ក្រាបបទល្មើសល្បែងស៊ីសង ធ្វើឱ្យមហាជនជាច្រើនសង្ស័យថា លោកសេង សាវ៉ន អធិការនគរបាលស្រុកស៊ីធរកណ្តាល ជាអ្នកអនុញ្ញាតឱ្យមានការបើកបនល្បែងស៊ីសងខុសច្បាប់ទាំងនេះ។
រីឯលោក ពៅ ជីវី ស្នងការរង ទទួលផែនការងារព្រហ្មទណ្ឌ នៃស្នងការដ្ឋាននគរបាលខេត្តព្រៃវែង ហាក់បីដូចជា ប្រងើយកន្តើយចំពោះករណីនេះខ្លាំងមែនទែន ព្រោះហេតុថា កន្លងមកខាងសារព័ត៌មានជាច្រើនចុះផ្សព្វផ្សាយ ស្នើសុំឱ្យមានការបង្ក្រាបទប់ស្កាត់បទល្មើសនៅចំណុចទីតាំងខាងលើ តែបែរជាបណ្តែតបណ្ដោយ ហាក់ដូចជាមានអ្វីលាក់បាំង។
ជុំវិញការបើកបនល្បែងស៊ីសងខុសច្បាប់ខាងលើនេះ នឹងមានការសង្ស័យថាមានការអនុញ្ញាតពីលោក សេង សាវ៉ន អធិការនគរបាលស្រុកស៊ីធរកណ្តាល ខាងសារព័ត៌មានយើងមិនអាចសុំការបំភ្លឺពីលោក អធិការស្រុក បានទេ ព្រោះទូរស័ព្ទខលចូលជាច្រើនដងតែគ្មានអ្នកទទួល។
មហាជនបន្តទៀតថាសកម្មភាព និង ទង្វើអសមត្ថភាព របស់លោក សេង សាវ៉ន អធិការនគរបាលស្រុកស៊ីធរកណ្តាល បានធ្វើឲ្យពលរដ្ឋជាច្រើន អស់ជំនឿ និងស្នើសុំដល់ឯកឧត្តម ជា សុមេធី អភិបាលខេត្តព្រៃវែង និងលោកឧត្តមសេនីយ៍ទោ ព្រុំ សន្ធរ ស្នងការនគរបាលខេត្តព្រៃវែង សូមមេត្តាចាត់មន្ត្រីជំនាញចុះបង្ក្រាបទីតាំងល្បែងស៊ីសងខុសច្បាប់ខាងលើនេះផងទាន៕
![](https://blogger.googleusercontent.com/img/b/R29vZ2xl/AVvXsEiiqJcvEJexYUhWUI9Y40eb9TqTthsdFuZvXew4warFVqHa5TP3E2GM1551u_O8MpA8IW9DoqX8VQVmuNnEGVvrkUJ9vs93rbPNhbsZrHpasZ_R3NWFAib3RJ6SOn6AU9vVYHdLmO5KrwK42dIx1AzA2pUn9HGwNdv1kgesawBdrbYGon_2r4bH1mV2/s1600/IMG_20220429_150853_771.jpg)
![](https://blogger.googleusercontent.com/img/b/R29vZ2xl/AVvXsEjMk6a9NUqtGYm-Wgmp3c2fArYTBqh_gtUTEqORLck-ETKtiLHbiz1hk2TgoMGyDEMbBRM9IU9ZqHECFug1djHuQ_YfYbX4mfp-bzGFygOyfNyRHMmHnRLEF_ahOC8DqXzrW42f4zmLvie4cgVvA31VgqHZnQH2Xfk1TBeVLoAAF5R9oXNODLezjFUc/s1600/IMG_20220429_150855_651.jpg)
![](https://blogger.googleusercontent.com/img/b/R29vZ2xl/AVvXsEi-nem_kH7fY4aCAzV3aU69DAdALahevjEiSII2UaP6PQtLCXyQPtqO-eMjAfyrp0DxvgCnaqVuofUTEQnAciXFwrlsLRu4HdiQVaX6MHHoY0AMdev-iqAbMTtjfuSMhqI04myAPoLfsL7rutiwE3T1bEu7XJxl5Lh5BqmX26J0i3WSFlcKXl4jo1_3/s1600/IMG_20220429_162239.jpg)
![](https://blogger.googleusercontent.com/img/b/R29vZ2xl/AVvXsEhqN0QbnBf4Dff73nbkAC2TEvYj1AFw5JqEyyvoWF1BIO5raysxgsMY_xX9Nb-_U4QL7RJTGhDiBfeosMErJ2cBWpGDm2TS9MgWRqpCIZg3MoDz5t7tpcvaQUso256BqeQwBsU6wCEGCGEIeRM_ARlJlZfkzutoed1UkP2J5ziUaH6R_QOYN5dxUfJ0/s1600/IMG_20220429_150904_680.jpg)
![](https://blogger.googleusercontent.com/img/b/R29vZ2xl/AVvXsEiA-uDnNA4EluZ9e7j8_NBVq23icdOn64C2NmQLxmngOPKOJT2kxJpSpZvOsUAj7I7owSa1SOshAIj1yi2Spv5rYtoHm9SaFrpHCc-9AqYyx2N7TCCUd1YYR87HRXOhb857lRYzIqWoa8_lafCvsnEQzXFmjggM1KuO0Q3q4TK6wNcq6_mJKbMaQLAE/s1600/IMG_20220429_162354.jpg)
![](https://blogger.googleusercontent.com/img/b/R29vZ2xl/AVvXsEiO9Izeh3rXvPU3rQdrzKappNcKCk3skADtljSpM01Tb--RokC92QKbQON5Rla5cSfRelXOI1hi_muIGck7gPbJtM0Smhpn_hE-ilSJpABxG_bZuuYOMSsuLrTKQJgslz49lAJayvBJlCX-QN6dMXbk6_B7I7McyjpXWJJzl3CLOotUNk5PyFovv-BI/s1600/IMG_20220429_165207_308.jpg)
![](https://blogger.googleusercontent.com/img/b/R29vZ2xl/AVvXsEgaoU4AFxv40Z2D67Ejclf0C67xOxcis8TR3colPaWh0nPbUMI7EBxZ4HRm0nTtGQOHeLik26IKh3JdOb7TrYRp2xorUprIXxar8jSE3mhg8vsmPdp5TMn6SYP9cFfnP0ESUhdic_DZOSIQ_lMpPC9dGnFOWjajqJ2_9Xj4vFxMBHFjj7FsGw4Fut1c/s1600/Polish_20220429_162113872.jpg)
No comments