ពលរដ្ឋខ្មែរចំនួន០៦នាក់ បម្រុងលួចឆ្លងដែនចូលប្រទេសថៃទៀតហើយ
![](https://blogger.googleusercontent.com/img/b/R29vZ2xl/AVvXsEjblBPn4tDYwfJ8uhtL7GgbeKDOWLiS-LQ-v7WCziKnMPOqJuZ4ebVjgKljD3pO-hjjH6u5U7gkqqLLWmf8m7bKLtyGHrg86ILc18rkvinKkUarsHC6lJe9iH1gyKMvs1COktHkrGlsR4qc6C_t-11mBdeGmyy1o6h5MTtYcaF4pmDtVyNXUXXTfpbf/s1600/Polish_20220427_171423709.jpg)
ពលរដ្ឋខ្មែរចំនួន០៦នាក់ បម្រុងលួចឆ្លងដែនចូលប្រទេសថៃទៀតហើយ
ផ្សាយនៅថ្ងៃទី២៧ ខែមេសា ឆ្នាំ២០២២ វេលាម៉ោង១៧:២៩នាទីបន្ទាយមានជ័យ៖ ពលរដ្ឋខ្មែរចំនួន០៦នាក់ មានទាំងប្រុស ទាំងស្រី និងកុមារ បម្រុងនឹងលួចរត់ឆ្លងដែនទៅកាន់ដែនដីថៃទៀតហើយ នៅថ្ងៃទី២៧ ខែមេសា ឆ្នាំ២០២២នេះ។
តាមប្រភពព័ត៌មានបានឲ្យដឹងថា «ពលរដ្ឋខ្មែរចំនួន ០៦នាក់ ស្រី០២នាក់ កុមារាម្នាក់ ត្រូវបានកម្លាំងវរសេនាតូចនគរបាលការពារព្រំដែនគោកលេខ៨០៧ សហការជាមួយសមត្ថកិច្ចពាក់ព័ន្ធ ឃាត់ខ្លួនបានក្នុងករណីបម្រុងលួចឆ្លងដែនខុសច្បាប់ទៅប្រទេសថៃ»។
ករណីឃាត់ខ្លួន ពលរដ្ឋខ្មែរទាំង០៦នាក់នេះ ធ្វើឡើងនៅថ្ងៃទី២៧ ខែមេសា ឆ្នាំ២០២២ វេលាម៉ោង១១:០០នាទី ដោយកិច្ចសហការជាមួយកម្លាំងប៉ុស្តិ៍ភ្នំប្រាក់ចំនួន០៤នាក់ ដឹកនាំដោយលោក យ៉ុន ឆៃយ៉ាន នាយប៉ុស្តិ៍ សហការជាមួយកម្លាំងយោធាតំបន់អភិវឌ្ឍន៍ ចំនួន០៣នាក់ ដឹកនាំដោយលោក សុខ វណ្ណដន បានធ្វើការទប់ស្កាត់ប្រជាពលរដ្ឋទាំងចំនួន០៦នាក់ ដែលបម្រុងលួចឆ្លងដែនខុសច្បាប់ចូលទៅប្រទេសថៃ ត្រង់ផ្លូវចូលគោលដៅដើមចែង ចំណុចចំការស្វាយចន្ទី ខាងលិចចម្ងាយប្រហែល៥០០ម៉ែត្រពីផ្លូវជាតិលេខ៥៨ ស្ថិតនៅក្នុងភូមិសាស្រ្តភូមិក្តិបថ្ម ឃុំគោករមៀត ស្រុកថ្មពួក ខេត្តបន្ទាយមានជ័យ។
បន្ទាប់មកកម្លាំងយោធាតំបន់អភិវឌ្ឍន៍បានសុំនាំយកពួកគាត់ទាំង០៦នាក់ទៅកន្លែងរបស់គាត់ ដើម្បីនាំយកទៅប្រគល់ជូនប៉ុស្តិ៍នគរបាលរដ្ឋបាលឃុំគោករមៀតដោយផ្ទាល់៕
![](https://blogger.googleusercontent.com/img/b/R29vZ2xl/AVvXsEg9qubdWJFUhoIYY4m5AkWGXxHs7ghCfxvrkAkflolZwpZfaijw44jQeoy9ZutIfmmLUGkbCi32Fs9jJ4MmwbguUkgaCIJaQuI4G1Wuc7TYv-GdplTYOnVp7NUqV0he82zkMCxXig2mzbw49VrPoU-4D_KiP8skBG3RfnTcBBys8K8ZOk0cZ6cXDERq/s1600/IMG-20220427-WA0021.jpg)
![](https://blogger.googleusercontent.com/img/b/R29vZ2xl/AVvXsEgdYQ66SrPCz_luWRMVLO9ONOlETf7sa8oV0KyhDVEBNI2uy1FgPyg-TTmsUlZYctRuB4HFYk_2PeYc5GoaqKhTAL9SUzY0_WFV4Tew1ZRzRsSNdTrFF1bxytoMNcADt_A55G-byvRWMOjnnM1GEZRQxwPO3azEp-9riw0xOoGwosL-EBHU4udVHHJr/s1600/IMG-20220427-WA0022.jpg)
![](https://blogger.googleusercontent.com/img/b/R29vZ2xl/AVvXsEgjGEwAKkA9hH6k321cMS531CQCpCQMNzU_fpXyyF04SxffbfrY73a2hyxIX9tgPoPW_xNINYI0zNAaqNV3YuOL6PwDG1h4hLLM7Rcpl3XgQpvMSAznqyWycQTPdNMLauFLk-55PTTNWAb9u-1n5yPE3ySelAIDUazgVwuhKGMAfIEotM-kopiG6XC3/s1600/IMG-20220427-WA0023.jpg)
![](https://blogger.googleusercontent.com/img/b/R29vZ2xl/AVvXsEhE7Y8A_YKO3YUiLRZjsgYchvUIp4oRai8hbZYB8y_f8PBrW0qnePznprNbG4g3ZMxTNgh_dLzVXt2vyS6O_lLCl54ror9EcJd5RNJRugWHtNa-1KFQW4as72SQ-DqpyZAF8_GIjKuxQ3NZ7-1jp5rVelz-pDfldmT1hotsC4DKO11waBNO13cM6VTu/s1600/IMG-20220427-WA0024.jpg)
![](https://blogger.googleusercontent.com/img/b/R29vZ2xl/AVvXsEieZ0HUyh3ZBjpjovkFHRAGf28cr9J81DPAeGoICLIUs6q2BO5wl1YVsebGWDt-oqkC13Vj7WOH-ElgEOfYgNdYKpla2TWJuNkGisMwjuyrCmQgAzB28zW_dNYSy3-WydpCmDqp58D6kOucPT7KgK7HebUQsx_N37gUeuWSqIl7j8Iu2KprbeWHCssO/s1600/IMG-20220427-WA0025.jpg)
No comments