រដ្ឋបាលរាជធានីភ្នំពេញ ឱ្យត្រៀមរក្សាសន្តិសុខ សុវត្ថិភាព សណ្តាប់ធ្នាប់ និងរបៀបរៀបរយក្នុងរាជធានីភ្នំពេញ នាឱកាសបុណ្យចូលឆ្នាំថ្មីប្រពៃណីជាតិ
![](https://blogger.googleusercontent.com/img/b/R29vZ2xl/AVvXsEhdcFG_vp35wtC3479usZdDb42A3dULmxOwu_xfitgOFJftLNP7XeVBBfmIul1H6IzfBoBAKFe2Hy5paYUlzSi1X2klgFUxdYb8OUhEqGE7_iRqD0kLZL0ZTi4zhvaZn6CpxpWwSwKenvOXSpRjIcENr_pBSuwZQXkjq7orZ2qLJ8UvaSud7lYIOnSb/s1600/Polish_20220404_160942492.jpg)
រដ្ឋបាលរាជធានីភ្នំពេញ ឱ្យត្រៀមរក្សាសន្តិសុខ សុវត្ថិភាព សណ្តាប់ធ្នាប់ និងរបៀបរៀបរយក្នុងរាជធានីភ្នំពេញ នាឱកាសបុណ្យចូលឆ្នាំថ្មីប្រពៃណីជាតិ
ផ្សាយនៅថ្ងៃទី០៤ ខែមេសា ឆ្នាំ២០២២ វេលាម៉ោង១៦:១១នាទីភ្នំពេញ៖ រដ្ឋបាលរាជធានីភ្នំពេញ នាថ្ងៃទី០៤ ខែមេសា ឆ្នាំ២០២២នេះ បានចេញសេចក្ដីជូនដំណឹងស្ដីពី ការរក្សាសន្តិសុខ សុវត្ថិភាព សណ្តាប់ធ្នាប់ និងរបៀបរៀប រយសាធារណៈក្នុងរាជធានីភ្នំពេញ នាឱកាសបុណ្យចូលឆ្នាំថ្មី ប្រពៃណីជាតិ ឆ្នាំខាល ចត្វាស័ក ព.ស.២៥៦៦ គ.ស.២០២២ ចាប់ពីថ្ងៃទី១៤ ដល់ថ្ងៃទី១៦ ខែមេសា ឆ្នាំ២០២២ ខាងមុខនេះ។
នៅក្នុងសេចក្តីជូនដំណឹងនេះ រដ្ឋបាលរាជធានីភ្នំពេញ ក៏បានអំពាវនាវដល់ប្រជាពលរដ្ឋ ជាពិសេសជាយុវជន យុវនារី សិស្ស និស្សិត និងកម្មករ កម្មការិនីទាំងអស់នូវ វិធានការ ៤ចំណុច ដូចជា៖
*ទី១៖ ត្រូវគោរពច្បាប់ចរាចរណ៍ផ្លូវគោក និងមិនត្រូវបើកបរក្នុងស្ថានភាពស្រវឹង ដើម្បីចៀសវាងគ្រោះថ្នាក់ផ្សេងៗ។
*ទី២៖ ចូលរួមទប់ស្កាត់គ្រោះអគ្គីភ័យ ដោយប្រុងប្រយ័ត្ន និងម្ចាស់ការខ្ពស់ចំពោះភ្លើងទៀន ធូប ភ្លើងចង្ក្រាន ចរន្តអគ្គិសនី ដើម្បីរក្សាបាននូវទ្រព្យសម្បត្តិ អាយុជីវិត ផ្ទាល់ខ្លួន និងអ្នកដទៃ។
*ទី៣៖ ចូលរួមលេងល្បែងប្រជាប្រិយគ្រប់ប្រភេទ និងចៀសវាងដាច់ខាតការលែងបាញ់ទឹក ជះទឹក គប់ស្បោងទឹក លាបធ្យូង ប៉ាតម្សៅ ទះគក់ដោយដៃ ឬវាយដោយរំពាត់ ដល់អ្នកដំណើរ ឬជិះម៉ូតូបង្ហោះប្រដេញគ្នាលេងនៅតាមផ្លូវ ដែលអាចនាំឱ្យមានគ្រោះថ្នាក់ជាយថាហេតុ ប៉ះពាល់ដល់អាយុជីវីតផ្ទាល់ខ្លួន និងអ្នកដំណើរ ព្រមទាំងហាម ដាច់ខាតការលេងល្បែងស៊ីសង អុជផាវ និងគ្រឿងផ្ទុះគ្រប់ប្រភេទ ដើម្បីរក្សានូវភាពថ្លៃថ្នូរ ស័ក្តិសមជាកុលបុត្រកុលធីតាខ្មែរ។
*ទី៤៖ ត្រូវយកចិត្តទុកដាក់ក្នុងការថែរក្សាសុខភាព អនាម័យ និងត្រូវអនុវត្តតាមវិធានការណែនាំរបស់ក្រសួងសុខាភិបាល ក្នុងការបង្ការការឆ្លងរាលដាលនៃជំងឺកូវីដ១៩ (Covid-19)។
សូមអានសេចក្ដីជូនដំណឹងក្រោម៖
![](https://blogger.googleusercontent.com/img/b/R29vZ2xl/AVvXsEjTBB_LEWyNUAMjdcIkFgeBiJn6kTlHDHhSYctncD_Px7QSLFUoke4XA8JqIBvzabVv80pPVBIJibo9Xj5xtBtiE6ePgcsrrn5UQyVKBxZfZXfBCbTRI-zeiUiXdHIZFB70YcyeokdwYsUL9fTo9WdJ_R-BKW_ep71KluFRn8iaodYkq1wm-SKxg-D4/s1600/fn-2022-04-04-13-35-50-0.jpg)
No comments