បែកធ្លាយ...! លោក ឌុក ហឿន មេប៉ុស្ដិ៍ត្រពាំក្រញ៉ូង ប្រើហិង្សាវាយប្រពន្ធរបស់ខ្លួនយ៉ាងព្រៃផ្សៃ
![](https://blogger.googleusercontent.com/img/b/R29vZ2xl/AVvXsEhs-BQZEpVLCukQvw8Ek9YDsv1Qs9gOrVGr6SzbIm41RP64W8hw0VHPVqxG0f9gXf5ifL-nG228Gh5e6Y4PBiw1Vd5l-did5-gf2bTQ64IMNcuhVqPc7t6nK6x6ms_uGHQY8-vKDllouWz4BnR0Mv69DNJGocYo238zrkIdbAtgXXPRcGPHO7nA4JxE/s1600/IMG_20220511_095019_994.jpg)
បែកធ្លាយ...! លោក ឌុក ហឿន មេប៉ុស្ដិ៍ត្រពាំក្រញ៉ូង ប្រើហិង្សាវាយប្រពន្ធរបស់ខ្លួនយ៉ាងព្រៃផ្សៃ
ខេត្តតាកែវ៖ ក្តៅៗទៀតហើយ លោក ឌុក ហឿន មេប៉ុស្តិ៍ត្រពាំងក្រញូង នៃអធិដ្ឋាននគរបាលស្រុកត្រាំកក់ បានប្រើហិង្សាវាយទៅលើប្រពន្ធរបស់ខ្លួនដោយស្នាប់កាំភ្លើងយ៉ាងសាហាវព្រៃផ្សៃ កាលពីសប្ដាហ៍មុននិងបង្កឱ្យភ្ញាក់ផ្អើលយ៉ាងខ្លាំង ប៉ុន្តែបែរជាគ្មានចំណាត់ការច្បាប់ពីថ្នាក់លើ។
តាមប្រភពព័ត៌មានបានឲ្យដឹងថា៖ កាលពីយប់ថ្ងៃទី០៤ ខែឧសភា ឆ្នាំ២០២២កន្លងទៅថ្មីៗនេះ មានករណីហិង្សាបង្កដោយលោក ឌុក ហឿន តួនាទីជាមេប៉ុស្តិ៍នគរបាលរដ្ឋបាលត្រពាំងក្រញូង បានប្រើហិង្សាវាយទាត់ធាក់លើប្រពន្ធ ថែមទាំងដកកាំភ្លើងខ្លីពីចង្កេះ វាយក្បាលប្រពន្ធរបស់ខ្លួនបណ្តាលឲ្យប៉ោងក្បាលប៉ោងភ្នែក យ៉ាងធ្ងន់ធ្ងរ។
ករណីនេះដែរ ក៏បានបង្កឲ្យមានការភ្ញាក់ផ្អើលយ៉ាងខ្លាំងដល់អង្គភាពសមី ប៉ុន្តែបែរជាគ្មានចំណាត់ការច្បាប់ចំពោះ លោក ឌុក ហឿន នេះហាក់ដូចជាច្បាប់នៃអធិការស្រុកត្រាំកក់ ខេត្តតាកែវ បែងចែកជាពីរ (ពោលគឺ) ពលរដ្ឋធ្វើខុសចាប់ ចំណែកឯសមត្ថកិច្ចធ្វើខុសបែរជាសម្ងំស្ងៀម ដោយធម្មតា។
ងាកមកមើលលោក ឌុក ធីយ៉ា អធិការនគរបាលស្រុកត្រាំកក់ ដែលគេដឹងថាជាបងប្រុសបង្កើតរបស់លោក ឌុក ហឿន មេប៉ុស្តិ៍ត្រពាំងក្រញូង ហាក់ដូចជាកំពុងតែជួយបិទបាំងរឿងអាស្រូវរបស់លោកមេប៉ុស្តិ៍ ដោយរក្សាភាពស្ងៀមស្ងាត់ ខណៈលោកមេប៉ុស្តិ៍ប្រើហិង្សាយ៉ាងឃោរឃៅទៅលើស្ត្រីភេទជាប្រពន្ធ នេះហាក់ដូចជាមានរឿងអ្វីលាក់បាំងខ្លាំងមែនទែន។
ពាក់ព័ន្ធទៅនឹងករណីហិង្សាខាងលើនេះលោកឧត្តមសេនីយ៍ទោ ឈាង ផាន់ណារ៉ា ស្នងការនគរបាលខេត្តតាកែវ គួរតែចាត់វិធានការបែបណាចំពោះលោក ឌុក ហឿន មេប៉ុស្តិ៍ត្រពាំងក្រញូង។
ហើយលោក ឌុក ធីយ៉ា គួរតែគិតបែបណាដែរ ចំពោះលោក ឌុក ហឿន ដែលជាប្អូនបង្កើតរបស់ខ្លួន បានប្រើហិង្សាវាយទាត់ធាក់ទៅលើស្ត្រីជាប្រពន្ធ។
ជុំវិញករណីហិង្សាដែលបង្កដោយមេប៉ុស្តិ៍នគរបាលត្រពាំងក្រញូង ខាងលើនេះ តើសាលាដំបូងខេត្តតាកែវ អាចមានសិទ្ធិកោះហៅ ជននោះយកមកសាកសួរបានដែរឬយ៉ាងណា..?
![](https://blogger.googleusercontent.com/img/b/R29vZ2xl/AVvXsEh8dVG2Ef3hlfet0UQjUT-rJGiW0uJvQ8LAaSvTEtqvtJEWEZh6XVoV28jm5c82tSsMGgTT4ZjuxCR8vIZ2_KfifBnmkm2EXbyxNUUA-oCNmJOZdU8PlDc8PQ60cE79L1C6w81LOVU0OrhAZh22EKvxuUgWa6c1YP3l0HHZrS7XUGiTsY8uXaWpDACV/s1600/FB_IMG_1652236664447.jpg)
![](https://blogger.googleusercontent.com/img/b/R29vZ2xl/AVvXsEgmem08DiAunBvmemHFPCdEki25U_wUFlRQH8Ur_r6CXwPpTPcWbaR1vbqHg7hmMUDI8d5TCBdY9qOvPdk0DsdN0l8P9RKxrjxTbToZmIn4fM7a8-7E7fLLNBPKVSj3Uc5xFj6SX0vGyM5BlsXkJ6Vhe81OoaNJZFTM9F7w9c8EdEk93GhCuOzTBAjI/s1600/FB_IMG_1652236622774.jpg)
![](https://blogger.googleusercontent.com/img/b/R29vZ2xl/AVvXsEjiHszxSXo4qI2WvFK0Ahjyeq0vWKhHk6UzG0KgrtI8itm9ue4EBOBCjhEeEktVRBr6pd3D1JQhKvA3Npmld64kBmmjUkYPodbzX8TyDrc_1iozhOiVCgxc8lglXsrfROX4VC950LoOCfdmlqx2YQ5JKyQsNIR9kze2aevkBSFPdBJJYt3VXs_GlrDl/s1600/Picsart_22-05-11_09-44-19-346.jpg)
![](https://blogger.googleusercontent.com/img/b/R29vZ2xl/AVvXsEiEVqrgZXnurwThAMAqhMwEeLp0SBfcZixsXz_Pxzo0j4Pa1XmfvHYYBVe-3Ooj5F9FOqrNZAIq-XxAxPzFBt0Z-VHoBPdo6u3gGx6Zp3mupPqYzE2dN92CuhXbWHSewx4etb5RUhooRDE5ayMi7TfanDPS1mqO6dvhW6P8BHqUSkVX6jUdOyMup6cq/s1600/IMG_20220511_093152_187.jpg)
![](https://blogger.googleusercontent.com/img/b/R29vZ2xl/AVvXsEgVzqjAXNzDxtRejYP7UP_h_NLqOtix4YXOqEq0a9-i8191TMFcSM8mcmhbaNEEDcevM0v3tE20VK-FYuv_kzPHgjg1FQYSXL28iCvPcbjkfhtB5vL28_tOccBl4ThIim45w_L-fJCbpHaWybKh_bkngS-zNBxMJGEIwPp4l98agWexpPGHfRm-CDHI/s1600/IMG_20220511_093156_522.jpg)
![](https://blogger.googleusercontent.com/img/b/R29vZ2xl/AVvXsEheGo_7iHqUzyAeFLZRTWsGMfkMF1LwlzdvMGlx61CsAp0cdu8MXRomMGtsumG_0xWYfArcLq_u2InOrhd0zbjYj-tna9XpQNh3uL-gKfETppCDDp4mphJm2HeEYtK2M4rBeyO3d_nlQLwZBACTjwpVHPIw0PjeinUcS4Se8cZaSnNCdEzjX6N6Ubkl/s1600/IMG_20220511_093147_608.jpg)
No comments