គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!

Header Ads

ad728
  • ព័ត៌មានថ្មីៗ

    បន្ទាប់ពីបែកធ្លាយករណីហិង្សា បណ្តាលឲ្យស្លាប់ជនរងគ្រោះ ហើយសមត្ថកិច្ចព្យាយាមលាក់បាំងព័ត៌មាន និងមិនឃាត់ខ្លួនជនសង្ស័យ ពេលនេះអធិការនគរបាលស្រុកបានបដិសេធ

    បន្ទាប់ពីបែកធ្លាយករណីហិង្សា បណ្តាលឲ្យស្លាប់ជនរងគ្រោះ ហើយសមត្ថកិច្ចព្យាយាមលាក់បាំងព័ត៌មាន និងមិនឃាត់ខ្លួនជនសង្ស័យ ពេលនេះអធិការនគរបាលស្រុកបានបដិសេធ

    ផ្សាយនៅថ្ងៃទី១៦ ខែឧសភា ឆ្នាំ២០២២ វេលាម៉ោង១៨:០៨នាទី
    ខេត្តព្រៃវែង៖ បន្ទាប់ពីបែកធ្លាយករណីហិង្សា បង្កដោយជនដៃដល់ម្នាក់ បណ្តាលឲ្យស្លាប់ជនរងគ្រោះ កាលពីថ្ងៃទី០៩ឧសភា ២០២២ ស្ថិតនៅឃុំព្រៃឈរ ស្រុកកំពង់ត្របែក ខេត្តព្រៃវែង ហើយបែរជាសមត្ថកិច្ចនគរបាលពាក់ព័ន្ធ ព្យាយាមលាក់បាំងព័ត៌មាន ពេលនេះលោក សួន សំអឿន អធិការនគរបាលស្រុក បានបដិសេធ ដោយលើកឡើងថា «សមត្ថកិច្ចពាក់ព័ន្ធមិនបានដឹងរឿងហេតុការណ៍នោះទេ»។

    តាមការលើកឡើងរបស់លោក សួន សំអឿន អធិការនគរបាលស្រុកកំពង់ត្របែក នៃស្នងការដ្ឋាននគរបាលខេត្តព្រៃវែង បានឆ្លើយតបបដិសេធ មកកាន់អង្គភាពសារព័ត៌មានកងមាស នៅថ្ងៃទី១៥-១៦ឧសភា២០២២នេះថា «លោកមិនបានដឹងករណីហិង្សាដែលបណ្តាលឲ្យស្លាប់ជនរងគ្រោះនោះទេ ហើយលោកក៏មិនដឹងរឿងចរចារលុយសងសំណងជំងឺចិត្ត ពីរពាន់ប្រាំរយដុល្លារ (2500$) នោះដែរ» (ពោលគឺ) ក្រុមគ្រួសារជនរងគ្រោះ ហើយនិងក្រុមគ្រួសារជនដៃដល់ ធ្វើការសម្របសម្រួល តែភាគីគ្នាគាត់។

    លោក សួន សំអឿន អធិការស្រុកកំពង់ត្របែក បានបញ្ជាក់ទៀតថា បន្ទាប់ពីបានទទួលព័ត៌មានចុះផ្សាយអំពីករណីហិង្សា ដែលបណ្តាលឲ្យស្លាប់ជនរងគ្រោះ ហើយសមត្ថកិច្ចនគរបាលពាក់ព័ន្ធព្យាយាមលាក់បាំងព័ត៌មាន ភ្លាមនោះនៅថ្ងៃទី១៥ឧសភា លោកអធិការបានដឹកនាំកម្លាំងចុះទៅសួរនាំក្រុមគ្រួសារជនរងគ្រោះ ដើម្បីធ្វើរបាយការណ៍បញ្ជូនសំណុំរឿងទៅកាន់តុលាការ។

    គួរបញ្ជាក់ថា៖ កាលពីថ្ងៃទី០៩ ខែឧសភា ឆ្នាំ២០២២ ស្ថិតនៅឃុំព្រៃឈរ ស្រុកកំពង់ត្របែក ខេត្តព្រៃវែង មានករណីហិង្សា បង្កដោយជនដៃដល់ម្នាក់ ឈ្មោះ អ៊ុន អៀន ភេទប្រុស អាយុជាង៤០ឆ្នាំ បានប្រើហិង្សាវាយសម្លាប់បុរសម្នាក់ឈ្មោះ គង់ ហ៊ុត ភេទប្រុស អាយុ៣៧ឆ្នាំ មានប្រពន្ធនិងកូនម្នាក់។

    មូលហេតុ៖ ដែលឈានដល់ការវាយសម្លាប់គ្នាយ៉ាងសាហាវយង់ឃ្នងនេះ គឺផ្តើមចេញពីទំនាស់កូនក្មេងអាយុ ០៥ទៅ០៦ឆ្នាំ (ពោលគឺ) កូនរបស់ជនរងគ្រោះឈ្លោះគ្នាជាមួយចៅរបស់ជនដៃដល់។

    ករណីនេះដែរ មហាជនជាច្រើនស្នើសុំដល់ថ្នាក់ដឹកនាំ និងកម្លាំងសមត្ថកិច្ចគ្រប់ជាន់ថ្នាក់ សូមជួយស្វែងរកចាប់ខ្លួនជនសង្ស័យយកមកផ្តន្ទាទោស ដើម្បីផ្តល់ភាពយុត្តិធម៌ដល់ជនរងគ្រោះផងទាន៕

    No comments

    Post Top Ad

    Post Bottom Ad

    បណ្ដាញសារព័ត៌មានកងមាស ជាសារព័ត៌មានឯករាជ្យ ផ្សព្វផ្សាយតែព័ត៌មានពិត ស្មោះត្រង់មិនលំអៀង ប្រកាន់ភ្ជាប់នូវក្រមសីលធម៌ និងវិជ្ជាជីវៈខ្ពស់។

    គោលបំណងរបស់បណ្ដាញសារព័ត៌មានកងមាស បង្កើតឡើងដើម្បីតែផ្តល់ព័ត៌មានឆាប់រហ័សពីថ្នាក់ដឹកនាំទៅពលរដ្ឋ ពីពលរដ្ឋទៅថ្នាក់ដឹកនាំ។

    បណ្តាញសារព័ត៌មានកងមាស បង្កើតឡើងក្នុងគោលបំណង ចូលរួមចំណែកអភិវឌ្ឍប្រទេសជាតិ មាតុភូមិ ឲ្យកាន់តែរីកចម្រើនថែមទៀត ក្រោមការដឹកនាំដ៏ឈ្លាសវៃរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជា។

    សម្រាប់ការទំនាក់ទំនងផ្តល់ព័ត៌មាន និង សម្រាប់ការឧបត្ថម្ភផ្សេងៗ ក្នុងវិស័យព័ត៌មាន មកកាន់អង្គភាពសារព័ត៌មានកងមាស៖ 077906664 / 098906664 / 0712326664 / ABA-001964056 CHHOM DANY / Wing 098906664 CHHOM DANY.

    សម្រាប់ការឧបត្ថម្ភគាំទ្រពីសំណាក់មហាជន ផ្តល់មកខាងអង្គភាពសារព័ត៌មានកងមាស គឺជាអំពើល្អមួយក្នុងការរួមចំណែកខ្ពស់ សម្រាប់ការទ្រទ្រង់អង្គភាពឲ្យមានការរីកចម្រើនបន្តទៅមុខទៀត ក្នុងវិស័យព័ត៌មាន ដែលជាវិស័យទីបួន។

    ក្នុងនាមជាម្ចាស់អង្គភាពនៃសារព័ត៌មានកងមាស សូមថ្លែងអំណរអរគុណយ៉ាងជ្រាលជ្រៅបំផុតចំពោះ សម្តេច ទ្រង់ ឯកឧត្តម ឧកញ៉ា លោកជំទាវ លោក លោកស្រី អ្នកនាងកញ្ញានិងប្រិយមិត្តទាំងក្នុងនិងក្រៅប្រទេសដែលតែងតែគាំទ្រដល់ការផ្សព្វផ្សាយព័ត៌មានរបស់យើងខ្ញុំ ឲ្យជួបប្រទះនូវពុទ្ធពរទាំងបួនប្រការគឺមអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ! សូមអរគុណ.

    http://www.kangmeasnews.com/
    គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!
    រក្សាសិទ្ធិ​គ្រប់យ៉ាងដោយ គេហទំព័រ កងមាស
    "គេហទំព័រ កងមាស" ដំណើរការ​តាមប្រកាសលេខ...ចុះថ្ងៃទី...ខែ...ឆ្នាំ ២០...
    គេហទំព័រ កងមាស​ មានទីស្នាក់ការស្ថិតនៅ ផ្លូវលំ ភូមិទី២ ឃុំកងតាណឹង ស្រុកកងមាស ខេត្តកំពង់ចាម
    សម្រាប់ព័ត៌មានបន្ថែម សូមទំនាក់ទំនងតាមលេខ +855 77 90 666 4
    Copyright © 2020 កងមាស | រចនាគេហទំព័រដោយ បាយ័ន​ មុខគុជ