ទីតាំងល្បែងស៊ីសងសង្វៀនជល់មាន់ ដ៏ធំកំពុងតែបើកដំណើរការយ៉ាងអណាធិបតេយ្យ ខណៈសមត្ថកិច្ចពាក់ព័ន្ធក្នុងមូលដ្ឋានមើលរំលង
![](https://blogger.googleusercontent.com/img/b/R29vZ2xl/AVvXsEgQyh7Ljv38NfnKtQ83GFM_3wlT4WXvfzXhNjmkc0bNBaVVYm5VMe96iAMprT5E6cIpBv4f6x9QO6U7TU5GvbL7WHZi3DLiKVIreSfZHBDugHqMsjHRlgO0i0PABcFhPWCVmAHl1_T-W9zoGUqKKM6kkewfAIyA6XTWg2jiJKsIWZqCzOYcffq7xFRK/s1600/Polish_20220519_135639635.jpg)
ទីតាំងល្បែងស៊ីសងសង្វៀនជល់មាន់ ដ៏ធំកំពុងតែបើកដំណើរការយ៉ាងអណាធិបតេយ្យ ខណៈសមត្ថកិច្ចពាក់ព័ន្ធក្នុងមូលដ្ឋានមើលរំលង
ផ្សាយនៅថ្ងៃទី១៩ ខែឧសភា ឆ្នាំ២០២២ វេលាម៉ោង១៣:៥០នាទីខេត្តកោះកុង៖ ទីតាំងល្បែងស៊ីសង «សង្វៀនជល់មាន់ និងអាប៉ោង» ដ៏ធំមួយកន្លែងស្ថិតនៅភូមិបឹងព្រាវ ឃុំបឹងព្រាវ ស្រុកស្រែអំបិល ខេត្តកោះកុង កំពុងបើកដំណើរការយ៉ាងអណាធិបតេយ្យ ខណៈអាជ្ញាធរនិងសមត្ថកិច្ចពាក់ពន្ធ័ក្នុងមូលដ្ឋានមើលរំលង នេះហាក់ដូចជាមានការលាក់បាំងខ្លាំងមែនទែន។
តាមប្រភពព័ត៌មានបានឲ្យដឹងថា៖ ទីតាំងល្បែងស៊ីសងខាងលើនេះ បានបើកដំណើរការជារៀងរាល់ថ្ងៃ និងមានក្រុមអ្នកញៀនល្បែងចេញចូលលេងល្បែងសុីសងយ៉ាងសស្រាក់សស្រាំពពាក់ពពូនគ្នាស្រែកហ៊ោកញ្ជ្រៀវទ្រហឹងអឺងកង ដោយមិនខ្លាចញញ្ញើតច្បាប់អ្វីទាំងអស់។
ប្រភពព័ត៌មានបានបន្ថែមនិងសង្ស័យថា៖ សង្វៀនជល់មាន់ និងអាប៉ោងខាងលើនេះ ប្រហែលជាមានការសែនព្រេនរៀងរាល់ថ្ងៃសិល្ប៏ដល់បារមីម្ចាស់ទឹកម្ចាស់ដី ខ្មោចព្រាយបីសាចអស់ហើយមើលទៅ ទើបអាច បិទបាំងលាក់ខ្លួនបំពួនកាយមិនឲ្យអាជ្ញាធរនិងសមត្ថកិច្ចពាក់ព័ន្ធណាម្នាក់មើលឃើញ។
ប្រជាពលរដ្ឋជាច្រើនកំពុងតែមានការភ័យខ្លាចយ៉ាងខ្លាំង ចំពោះវត្តមានទីតាំងល្បែងស៊ីសងខុសច្បាប់មួយនេះ ដែលកំពុងតែប្រមូលផ្ដុំគ្នាលេងល្បែងភ្នាល់ដាក់លុយ ជាហេតុបង្កឲ្យមានការជំលោះទាស់ទែងគ្នា ក្នុងគ្រួសារ មានអំពើឆក់ប្លន់ និងភាពអសន្តិសុខផ្សេងៗជាដើម។
ពាក់ព័ន្ធទៅនឹងទីតាំងល្បែងស៊ីសងខុសច្បាប់ដ៏ធំមួយនេះប្រជាពលរដ្ឋជាច្រើនស្នើសុំដល់លោក ជា ច័ន្ទកញ្ញា អភិបាលស្រុកស្រែអំបិល ហើយនិងលោក ហួន នុន អធិការនគរបាលស្រុកស្រែអំបិល សូមលោកមេត្តាជួយចាត់វិធានការបង្ក្រាបទីតាំងល្បែងស៊ីសងខុសច្បាប់ខាងលើនេះផងទាន៕
![](https://blogger.googleusercontent.com/img/b/R29vZ2xl/AVvXsEhF1M7ZgV1v6gs_VRqrtmxSbKZRn77pMUlBO6n6kxvU2kt1-MN_Y6pQRND4DRw19Lw88vrStX_cTRQoqCub981R_hfGS3S0Tbc8Ovk3FgmgrztJ3N_3nvm-fTebgY12f3va44rbrwY9Q4pR4o7JcNN5qlQohkdDRTiB1TEddhIzfBHLrLFIw6BRHdGf/s16000/IMG_20220519_134831.jpg)
![](https://blogger.googleusercontent.com/img/b/R29vZ2xl/AVvXsEivAeITiHGyPaaY9rDUf4kY9N3ij8Y_mZ2tnyGoiaOuUSlBSZaSIyZJmZ__M2ZBjBlm57ywfQBYlnH05VYC5gM8pCTI8UFZG8J81Fi6XVoxwr3JCy8L0NWHL02C-TpCshNR5rqI2_B_IkWxvJb3_s1G6hSUc1qV_T0ppidZrnj0W6XIQGhUcpAuSpX7/s1600/IMG_20220519_112203_591.jpg)
![](https://blogger.googleusercontent.com/img/b/R29vZ2xl/AVvXsEjRU7A8LRdYNsfkcJAli_N9xEU4vb4MyhS_pyijuLAXOXrKSV4RB_UcqHKHf-hhrYL6RUOt5E3PAEIMTEyT0hK-MYm1XXX3IyTVW0moZYzZ4AOOcTpXr4hKQDEkkeALLXLiGF0JVcKy9wFD1LOoqgeQe03dKCXC5NsL4giyIdtGLNDNN4e2y4ZikmqI/s1600/IMG_20220519_112205_352.jpg)
![](https://blogger.googleusercontent.com/img/b/R29vZ2xl/AVvXsEgyP4-xDEGm0x_pHbyAs_Vav2_Mu5BlKy81uGCF_pXa0fxGMNsD6J2rOqu3AivvxyZL71-5tC6vEFnykAkwCliYEuacvCaICbVRuaq91QUbla-N6vRS4QL4YeuKfchzJ8rq45YI6G6XtRWqYqv12d1iR2jTk-nirtZtzczfJ_FXpRxfcMjv5Sloensx/s1600/IMG_20220519_112206_642.jpg)
![](https://blogger.googleusercontent.com/img/b/R29vZ2xl/AVvXsEjo0WzrdlPiO88JO2L7-NJvUC70HKPyOhintFUxtCGJufR2EwxUWQSoGQQf6mocSJmoGgQcaPkUldc3ezs8-jRfoS0sZ0uXDXbdDAEOd1Ei5RCOvX1QHXUzIqpvcILFKTFcKX0_OKuVPW0RXwPPdEY_uRG6DvsGa2129J-7dmbDWkBUpAZwibref33v/s1600/IMG_20220519_112208_875.jpg)
No comments