លោក ជុំ លីវណ្ណារិទ្ធ ម្ចាស់យានដ្ឋានជួសជុល សៀងហៃ អូតូ សឺវ៉ីស ត្រូវបានសាលាដំបូងខេត្តកណ្តាលចេញដីកាបញ្ជាឲ្យចូលខ្លួនដើម្បីសាកសួរពាក់ព័ន្ធករណី «ឆបោក»
![](https://blogger.googleusercontent.com/img/b/R29vZ2xl/AVvXsEi23azoMrpBa4s6EG0YOeshHZGxxCM5286-2zdZt_LmkbHoFAce0al3Jvm7vwhtcUCBQG6n45E2NhWRk1_hTru6eOuk3tMyWbllcuN4YKwybhFV5eluzAqK9tVxDzdw_TKKGoLIzPJnhS7KOdOl5fAdznaiXX9txYHZCdb0-0_ivEwc1TWtZypC7hsE/s1600/Polish_20220517_160924379.jpg)
លោក ជុំ លីវណ្ណារិទ្ធ ម្ចាស់យានដ្ឋានជួសជុល សៀងហៃ អូតូ សឺវ៉ីស ត្រូវបានសាលាដំបូងខេត្តកណ្តាលចេញដីកាបញ្ជាឲ្យចូលខ្លួនដើម្បីសាកសួរពាក់ព័ន្ធករណី «ឆបោក»
ផ្សាយនៅថ្ងៃទី១៧ ខែឧសភា ឆ្នាំ២០២២ វេលាម៉ោង១៦:១៦នាទីកណ្តាល៖ លោក ជុំ លីវណ្ណារិទ្ធ អតីតថៅកែហាងផឹកស៊ី សៀងហៃ និងបច្ចុប្បន្នជាម្ចាស់យានដ្ឋានជួសជុល សៀងហៃ អូតូ សឺវ៉ីស Shanghai Auto Service នៅក្រុងតាខ្មៅ ត្រូវបានលោក លាវ ស្រេង ព្រះរាជអាជ្ញានៃអយ្យការអមសាលាដំបូងខេត្តកណ្ដាលចេញដីកាបញ្ជាឲ្យចូលខ្លួនដើម្បីសាកសួរពាក់ព័ន្ធករណី«ឆបោក»។
នៅក្នុងដីកាបញ្ជាឱ្យចូលខ្លួនបានឲ្យដឹងថា យើង លាវ ស្រេង ព្រះរាជអាជ្ញានៃអយ្យការអមសាលាដំបូងខេត្តកណ្ដាល បានឃើញមាត្រា ៣៧, ៩៤ និងមាត្រា១១៤ នៃក្រមនីតិវិធីព្រហ្មទណ្ឌ, បានឃើញសំណើសុំដីកាបញ្ជាឱ្យចូលខ្លួនលេខ ០៥១ស.ណ ចុះថ្ងៃទី២៩ ខែមេសា ឆ្នាំ២០២២ របស់ការិយាល័យនគរបាលព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្តកណ្ដាល បញ្ជាឲ្យឈ្មោះ ជុំ លីវណ្ណារិទ្ធ ភេទប្រុស អាយុ៤០ឆ្នាំ ជនជាតិខ្មែរ មានទីលំនៅបច្ចុប្បន្ននៅភូមិព្រែកសំរោង១ សង្កាត់តាខ្មៅ ក្រុងតាខ្មៅ ខេត្តកណ្តាល ចូលបង្ហាញខ្លួននៅការិយាល័យនគរបាលព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្តកណ្ដាលកាលពីថ្ងៃទី១៦ ខែឧសភា ឆ្នាំ២០២២ ដល់ថ្ងៃទី០៣ ខែមិថុនា ឆ្នាំ២០២២ នៅរៀងរាល់ម៉ោងធ្វើការដើម្បីសាកសួរពាក់ព័ន្ធករណី «ឆបោក»។
គួរជម្រាបថាដីកាបញ្ជាឱ្យចូលខ្លួននេះ ត្រូវបានចុះហត្ថលេខាដោយលោក លីវ ស្រេង ព្រះរាជអាជ្ញានៃអយ្យការអមសាលាដំបូងខេត្តកណ្ដាល នៅថ្ងៃទី១៦ ខែឧសភា ឆ្នាំ២០២២ម្សិញមិញនេះ។
ដោយឡែកនៅព្រឹកថ្ងៃទី១៧ ខែឧសភា ឆ្នាំ២០២២ កម្លាំងនគរបាលការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តកណ្តាលបាននាំខ្លួនលោក ជុំ លីវណ្ណារិទ្ធ ទៅកាន់ការិយាល័យនគរបាលព្រហ្មទណ្ឌកម្រិតស្រាលដើម្បីសាកសួរពាក់ព័ន្ធករណី«ឆបោក»៕
![](https://blogger.googleusercontent.com/img/b/R29vZ2xl/AVvXsEh1qwcBXTPdHgIHzISUkgxM3bknHGvqnPA6Wy_1afYvboL5afKffLNjQQEuojjS_SkMQDE7FC01SBl8InwmRMaoKOC1-zIAx3bh3tlgHTv40n_OoA9aC8m564JPUaUGVS5ROjE6LjMf-QOOlxsHceX59-nbxcUWmZnyN53UfxlgFDixB4MDHFc6mQL1/s1600/FB_IMG_1652776823952.jpg)
![](https://blogger.googleusercontent.com/img/b/R29vZ2xl/AVvXsEh35mI5GMILym6DIBvLwooQilhg0g4BsW5-yUplLxv4foLRi_h4p_S2Bk3zW-n5FwCOCGjvj_9O7eCX0TJUhUIAh1qdQNziGwkpvkD0Q4rHvcot_7KuIDMOny6-fRgGgn_23naA1JSTE6z7ArZxAqKM4qK3QlADPvi99nH1v98nYpT8bmTm-X0R5-0X/s1600/FB_IMG_1652776826780.jpg)
![](https://blogger.googleusercontent.com/img/b/R29vZ2xl/AVvXsEiws1mCqWK0G22qTHomRhysDrqSELRZ4ZH8NqNzjC-8qZ9ESab62vosWWWSa9Befk5dOWS7VWHlug1rm_M6eJbwfLX63zB8zVtjBApHkT6UxZRfdwcPKWsvYQQK2Y7enajwj5ncc8w2GVA4RslNEMr7_y77xN-RACE_D6DhHs0coGIB90DYp7caiyGl/s1600/FB_IMG_1652776832523.jpg)
No comments