ស្រុកជុំគិរី៖ ល្បែងស៊ីសងខុសច្បាប់ជាច្រើនកន្លែង កំពុងតែធ្វើព្យុះភ្លៀងយ៉ាងអណាធិបតេយ្យ បែរជាសមត្ថកិច្ចមិនហ៊ានបង្ក្រាប_វគ្គ២
![](https://blogger.googleusercontent.com/img/b/R29vZ2xl/AVvXsEhlTgekKWowhh7j9_2F4AahA7rPWQcREBGVKPD3DnNWysfLkAtbFr0DPdVbTsmsdy9JJ1lWJrvndXJVpp_IoNS7FZr-9AX96eySyMkZRYWsn36S-FfsTD86ueZFVEkvFrvNuEiAnZ_owJILVxAzRGLURbBylyy1FjL0rD1RawEf9SR8YsYcLWI9NsyO/s1600/Polish_20220701_103712867.jpg)
ស្រុកជុំគិរី៖ ល្បែងស៊ីសងខុសច្បាប់ជាច្រើនកន្លែង កំពុងតែធ្វើព្យុះភ្លៀងយ៉ាងអណាធិបតេយ្យ បែរជាសមត្ថកិច្ចមិនហ៊ានបង្ក្រាប_វគ្គ២
ផ្សាយនៅថ្ងៃទី០១ ខែកក្កដា ឆ្នាំ២០២២ វេលាម៉ោង១០:៤៤នាទីខេត្តកំពត៖ នៅតាមបណ្តាលហាងកាហ្វេ ស្ថិតនៅឃុំត្រពាំងរាំង ស្រុកជុំគិរី ខេត្តកំពត នៅតែបន្តការប្រមូលផ្ដុំគ្នាលេងល្បែងស៊ីសង ប្រភេទមាន់ជល់ហាយ តាមទូរទស្សន៍អនឡាញ យ៉ាងអណាធិបតេយ្យ និងធ្វើព្យុះភ្លៀងបំផ្លាញសុខទុកពលរដ្ឋជាច្រើន បែរជាសមត្ថកិច្ចពាក់ព័ន្ធក្នុងមូលដ្ឋានមិនហ៊ានបង្ក្រាបព្រោះខ្លាចអំណាចមេបនល្បែង។
ពាក់ព័ន្ធទៅនឹងបទល្មើសល្បែងស៊ីសងខុសច្បាប់ ក្នុងបណ្តាលហាងកាហ្វេ ស្ថិតនៅក្នុងមូលដ្ឋានស្រុកជុំគិរី ក្រុមការងារខាងសារព័ត៌មានយើងបានរាយការណ៍ ដល់សមត្ថកិច្ចថ្នាក់មូលដ្ឋាន គឺលោកនាយប៉ុស្តិ៍នគរបាលរដ្ឋបាលត្រពាំងរាំង ប៉ុន្តែលោកនាយប៉ុស្តិ៍បានឆ្លើយថាថ្នាក់អធិការស្រុកទើបបង្ក្រាបបាន សម្រាប់លោកឋានៈជានាយប៉ុស្តិ៍មិនអាចបង្ក្រាបបានទេ។
លោកនាយប៉ុស្តិ៍នគរបាលរដ្ឋបាលត្រពាំងរាំង រូបនេះ បានបន្ថែមដែរថា ទីតាំងល្បែងស៊ីសងខុសច្បាប់ទាំងនោះមានការដឹងលឺដល់អធិការរង ទទួលផែនការព្រហ្មទណ្ឌ នៃអធិការដ្ឋាននគរបាលស្រុកជុំគិរី តែអធិការរង រូបនេះមិនបង្ក្រាបល្បែងស៊ីសងខុសច្បាប់ទាំងអស់នោះទេ មានតែបណ្តែតបណ្ដោយឲ្យលេងដោយអណាធិបតេយ្យទៅវិញ។
យោងតាមការលើកឡើងរបស់លោកនាយប៉ុស្តិ៍នគរបាលរដ្ឋបាលឃុំត្រពាំងរាំង ខាងលើនេះ ហាក់ដូចជាល្បែងស៊ីសងខុសច្បាប់ទូទាំងមូលដ្ឋានស្រុកជុំគិរី មានការពាក់ព័ន្ធជាមួយលោកអធិការរង ទទួលផែនការងារព្រហ្មទណ្ឌ ព្រោះហេតុថា ដឹងហើយលឺហើយ ថាមានល្បែងខុសច្បាប់ ហេតុអីមិនបង្ក្រាប។
ជុំវិញបញ្ហានេះក្រុមការងារសារព័ត៌មានយើងព្យាយាមសុំការបំភ្លឺពីលោកអធិការរង ទទួលផែនការព្រហ្មទណ្ឌ តាមរយៈខលទូរស័ព្ទ និងតាមរយៈ WhatsApp តែលោកអធិការរង រូបនេះ មិនមានការឆ្លើយតបបំភ្លឺនោះទេ នេះហាក់ដូចជាមានការលាក់បាំងខ្លាំងមែនទែន។
ចំណែកឯលោក មុី សុខុម អធិការនរគបាលស្រុកជុំគិរី ឯណេះវិញ ក៏កំពុងតែចូលរួមយ៉ាងសកម្មក្នុងការរក្សាភាពស្ងៀមស្ងាត់ ទោះបីជាមានបណ្តាញសារព័ត៌មានធ្វើការផ្សព្វផ្សាយ ស្នើសុំឱ្យមានការបង្ក្រាបទប់ស្កាត់យ៉ាងណាក្តី ក៏លោកនៅតែមិនខ្វល់ខ្វាយ ដោយសម្ងំស្ងៀមនៅក្នុងម៉ាស៊ីនត្រជាក់ យ៉ាងរំភើយទៅវិញ។
ពលរដ្ឋជាច្រើនអំពាវនាវស្នើសុំដល់លោកឧត្តមសេនីយ៍ទោ ម៉ៅ ច័ន្ទមធុរឹទ្ធ ស្នងការនគរបាលខេត្តកំពត សូមលោកស្នងការមេត្តាចេញបទបញ្ជាដ៏ម៉ឺងម៉ាត់ ដល់សមត្ថកិច្ចពាក់ព័ន្ធស្រុកជុំគិរី ជាពិសេសលោក មុី សុខុម អធិការស្រុកសូមឲ្យដឹកនាំកម្លាំងចុះបង្ក្រាបទីតាំងល្បែងស៊ីសងខុសច្បាប់ទាំងអស់នោះ ដើម្បីកុំឲ្យមន្ត្រីខ្លះឆ្លើយដាក់គ្នា ភ្លេចតួនាទីខ្លួនឯង៕
![](https://blogger.googleusercontent.com/img/b/R29vZ2xl/AVvXsEg-hT0QF1VAZrbsI9e2isCkEkOTMb_qAy-Eyrh7Ofp8PCtiVP0YtwDQz-JHlyN6oa8PF1SwI3FvrXJDN1-K865GR3Bi_4c-Iij-oZnPDUi9Kvk_v850hnTtZun_HMtQGz_7oS13RcxOVYawJm3Rkt2RMkksQsilgcuYa4AmveBuY7E8FRVO_e5vakh6/s1600/FB_IMG_1656643756703.jpg)
![](https://blogger.googleusercontent.com/img/b/R29vZ2xl/AVvXsEj2DrnKjOyQLcwukdefLubAtveF5oJXRLIwjS31UP2_6nqiCW2CQbxLJ8_B02N3id-RpIbUiF5YkSbGU-vvW2sjY41FysJkyxkmJW4z3ZyDKfCt0oCGHpQySuo6ONL5mg3apNDyz1LO1joX_I9cQjAetMX9VAou-eBoxd1kZ9itA_oEJjJji6ja0RSy/s1600/IMG_20220625_181706_243.jpg)
![](https://blogger.googleusercontent.com/img/b/R29vZ2xl/AVvXsEiQXmGNgtW8KUfXB6myRPy1CNGdoaSD1ViNNVCCEWI1LT0xhnoTi1j-e4S9HH1--9tVe-5e5M6aCe7GXRDAYWaKzqn66W5c1YL8bhEFrFUuldNA9fIwS5aV8DKS_G3fp9egHHEQnVWv04vbadbSZVFkvHIBqv72xWjLIRMuWgyTXLHuQ8evMf9GfD2N/s1600/IMG20220625153552.jpg)
![](https://blogger.googleusercontent.com/img/b/R29vZ2xl/AVvXsEhASuJZz2frCmLK7vF9zkJjqKFHBUa1x1ONJGAUuzOmVGMUBFtdE5tvF8srPXm1ys-Htc_mGuBW50Nq4SQEsnBfVGPYR27dK738jap179aZwNcsfCk671Z5cvWf7FfWVSUeZuCwCd6NLBJ0oef1YD2O5UOk2KnbEnfAqLFelhb3FcE8_VPUKmYY_gRg/s1600/IMG_20220625_153332.jpg)
![](https://blogger.googleusercontent.com/img/b/R29vZ2xl/AVvXsEg3ncXuPc4s4AG9K2jddXzMkVykA_6g31MZ3eUQBHMwtY0Ar-4gmnHHRLp5cU0nO4XgCLndFUzVIy0vwRFpIToiKd7SSg_lIaDBkayCgGrkTFb0LWLdY92FWklADSp8FfXpszh_QCvgPqDuR8ZwNCBCED8Xeesi5eZtdjO-4ip9Uadm58nsh9Zt6Nu2/s1600/Screenshot_20220701-102939_Video%20Player.jpg)
No comments