ខណ្ឌមានជ័យ៖ ទីតាំងល្បែងស៊ីសងខុសច្បាប់ កំពុងបើកដំណើរការលេងដោយចំហរ បែរជាគ្មានការរំខានដល់សមត្ថកិច្ចពាក់ព័ន្ធ
![](https://blogger.googleusercontent.com/img/b/R29vZ2xl/AVvXsEigGxN9-mU-q0wnwr3B95OD47gh9acSkc2z7PQ4ecT_4Orm98IlNMLtDBVHfuzTW_i-YfJ9rq3koOE6QMixgmCLKErqMOO1zWOV14XTsGPJUzidmrMT7umeoMNIGuiz6owo__gPruLQyUWAUGWtlH8OVGAlGn5kyoG6P0yJMI1-6PC_1k8zDO3Vdciq/s1600/IMG_20220718_100053_655.jpg)
ខណ្ឌមានជ័យ៖ ទីតាំងល្បែងស៊ីសងខុសច្បាប់ កំពុងបើកដំណើរការលេងដោយចំហរ បែរជាគ្មានការរំខានដល់សមត្ថកិច្ចពាក់ព័ន្ធ
ផ្សាយនៅថ្ងៃទី១៨ ខែកក្កដា ឆ្នាំ២០២២ វេលាម៉ោង១០:១៧នាទីភ្នំពេញ៖ នៅចំណុចភូមិសន្សំកុសល១ សង្កាត់បឹងទំពុន ខណ្ឌមានជ័យ រាជធានីភ្នំពេញ ក្នុងហាងកាហ្វេមួយកន្លែង ដែលគ្មានយីហោ បានប្រមូលផ្ដុំគ្នាបើកលេងល្បែងស៊ីសងខុសច្បាប់ «មាន់ជល់ ហាយឡាយ» យ៉ាងអណាធិបតេយ្យ ដោយគ្មានការរំខានដល់សមត្ថកិច្ចមូលដ្ឋាន។
ប្រជាពលរដ្ឋក្នុងមូលដ្ឋានបានខ្សិបប្រាប់សារព័ត៌មានយើងថា ម្ចាស់ហាងកាហ្វេ ដែលគ្មានយីហោមួយកន្លែងខាងលើនេះ កំពុងតែបើកដំណើរការទទួលភ្ញៀវគ្រប់មជ្ឈដ្ឋាន ឲ្យមកប្រមូលផ្តុំគ្នាលេងល្បែងភ្នាល់ដាក់លុយ ដោយគ្មានខ្លាចក្រែងញញើតច្បាប់ឡើយ។
ប្រភពដដែលបានបន្ត ដោយលើកឡើងថា ម្ចាស់ទីតាំងបនល្បែងខាងលើនេះ ទំនងជាមានអំណាចបារមីខ្លាំងណាស់ ទើបអាចបញ្ជៀស អាជ្ញាធរនិងសមត្ថកិច្ចមូលដ្ឋាន មិនឲ្យហ៊ានបង្ក្រាប។
ជុំវិញករណីនេះមហាជនជាច្រើនតែងតែសម្តែងការព្រួយបារម្ភចំពោះសុខទុក្ខរបស់ពួកគាត់ ព្រោះកាលណាមានល្បែងស៊ីសងខុសច្បាប់ ប្រាកដជាមានបទល្មើសកើតឡើងជាបន្តបន្ទាប់ជាក់ជាមិនខាន ដូចជាបទល្មើសលួច បទល្មើសឆក់ បទល្មើសប្លន់ និងភាពអសន្តិសុខផ្សេងទៀត។
ពលរដ្ឋស្នើដល់លោក អ៊ុក បូនីន អធិការនគរបាលខណ្ឌមានជ័យ សូមលោកអធិការដឹកនាំកម្លាំងចុះបង្ក្រាបទីតាំងល្បែងស៊ីសងខុសច្បាប់ខាងលើនេះផង។
ពលរដ្ឋស្នើសុំដល់លោក ពេជ្រ កែវមុន្នី អភិបាល នៃគណៈអភិបាលខណ្ឌមានជ័យ និងជាប្រធានគណៈបញ្ជាការឯកភាព សូមលោកអភិបាលខណ្ឌ ចាត់វិធានការទប់ស្កាត់បទល្មើសខាងលើនេះផងទាន៕
![](https://blogger.googleusercontent.com/img/b/R29vZ2xl/AVvXsEjZZCu-UQDJ1ezYviAPliT-TqujLIqWBN1tPVq5FjBObZiKWrtXdrYcz13PfpxPWhc7sEtUelv9o4EAH4owcfVLyX9WdFIWGSYhdFtBFn0UdOvUMhHdybAAw4uqb_7fCN1bn_hjYJd-7PVAZSaBt7NuBSBQka2QUBm5fGt9_knQnNzK7CeRTZWFsesp/s1600/photo_2021-12-31_20-46-47%20%281%29.jpg)
![](https://blogger.googleusercontent.com/img/b/R29vZ2xl/AVvXsEj3BJqxkxHRVjd2brBd2gzdCYBFvH9H-8wOQZQFJ-dGpYt6_-XgFmY0VDlNEu32LzjLBNhfRcmFfi5DLWIGfK7a7_D3XE6eCYujf0sNoETAZcPLPFnBNJYY36UwXVA5qy9Xxa4xR_k9yN4FEpeIbNn09KyLd3cnWj2IFNR_Sre0jOb2Kuo6JrFiW5Ge/s1600/PicsArt_02-21-07.38.36.jpg)
![](https://blogger.googleusercontent.com/img/b/R29vZ2xl/AVvXsEikqMr5QekbyuLPjq_s7f54OE2dlP07zpDSpyFk11ZpeNelkpxH4NsLplHaZWgAQetuxldwD04wG10hhwADvwRQFUpfn-Af4Lwsb4nafMTpe2fqwRe5SoBiRnDZ66SwkFQ0c1ItF8tpjbE4oY5ZgIMok2uCGbKnEeQfLlN2MsxBhfHSNfmPQ9AAyMAR/s1600/IMG_20220717_213027_643.jpg)
![](https://blogger.googleusercontent.com/img/b/R29vZ2xl/AVvXsEiZUQHDSR6ptKHOWVzLXnXf6V7cj0no-xmX98hBB72_Xgk_oEIjmugR3vXuuV2pqka33RvXIWsvhaeCtAycB_iWFEphJBHTPv08t3t8F7Jl16BNPziBB_B2iAftsxOI-HCg6bnhFP8_VQ1GgLsuP-yyX6FI9rljmd3P-TfYBfMqjQ6NURfG3s96xpGS/s1600/IMG_20220717_213030_822.jpg)
No comments