ជនសង្ស័យ ប្រុស ស្រី ជាច្រើននាក់ ត្រូវបានកម្លាំងសមត្ថកិច្ចក្រុងប៉ោយប៉ែត ឃាត់ខ្លួនបានជាបន្តបន្ទាប់ ខណៈបក្សពួកជាច្រើននាក់ទៀតបានរត់គេចខ្លួន
ជនសង្ស័យ ប្រុស ស្រី ជាច្រើននាក់ ត្រូវបានកម្លាំងសមត្ថកិច្ចក្រុងប៉ោយប៉ែត ឃាត់ខ្លួនបានជាបន្តបន្ទាប់ ខណៈបក្សពួកជាច្រើននាក់ទៀតបានរត់គេចខ្លួន
ផ្សាយចេញនៅថ្ងៃទី២៩ ខែកក្កដា ឆ្នាំ២០២២ វេលាម៉ោង២០:០៧នាទីបន្ទាយមានជ័យ៖ ដោយមានការចង្អល់បង្ហាញពីលោក ឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ ដឹកនាំបញ្ជាផ្ទាល់ដោយលោក សៅ សារឿន អធិការនគរបាលក្រុងប៉ោយប៉ែត បានឃាត់ខ្លួនជនសង្ស័យប្រុសស្រីជាចំនួន០៩នាក់ជាបន្តបន្ទាប់ ខណៈបក្សពួកជាច្រើននាក់ទៀតបានរត់គេចខ្លួន។
តាមរបាយការណ៍របស់សមត្ថកិច្ចបានឲ្យដឹងថា កាលពីថ្ងៃទី២៧ ខែកក្កដា ឆ្នាំ២០២២ វេលាម៉ោង១៣:៣០នាទី កម្លាំងជំនាញបានទទួលបណ្ដឹងពីឈ្មោះ ឈិន ហ៊ុន ភេទប្រុស អាយុ ៧៣ឆ្នាំ ជនជាតិខ្មែរ មុខរបរលក់ដូរ ស្នាក់នៅភូមិមិត្តភាព សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ បានដាក់ពាក្យបណ្ដឹង និងរាយការណ៍ថានៅថ្ងៃខែឆ្នាំ ដ៏ដែលវេលាម៉ោង១៣និង១០ នាទី មានជនមិនស្គាល់អត្តសញ្ញាណចំនួន២នាក់មនុស្សប្រុសអាយុប្រហែល១៥ទៅ១៦ឆ្នាំ បានធ្វើសកម្មភាពលួចម៉ូតូរបស់ខ្លួន ដែលខ្លួនទុកនៅខាងមុខផ្ទះដោយបម្រុងយកម៉ូតូដាក់លើឡាន ទៅព្រំ ខេត្តប៉ៃលិនអោយកូនជិះ ហើយម៉ូតូនោះខ្លួនបានដាក់សោរនៅហ្នឹងម៉ូតូមិនបានដកកូនសោរ ពេលនោះខ្លួននៅក្នុងផ្ទះហើយលឺសំលេងបញ្ឆេះម៉ូតូចេញមកក្រៅឃើញជនទាំងពីរនោះជិះចេញ ហើយខ្លួនបានឃើញរត់តាមដែរតែរត់មិនទាន់។
បន្ទាប់ពីបានទទួលបណ្តឹងរួចកម្លាំងជំនាញ បានចុះទៅដល់កន្លែងកើតហេតុ ឆែកកាំម៉េរ៉ាសុវត្ថិភាព ហើយធ្វើការស្រាវជ្រាវរកជនសង្ស័យ រហូតដល់ម៉ោង១៥និង៣០នាទី កម្លាំងជំនាញបានឃាត់ខ្លួនជនសង្ស័យបានចំនួន៣នាក់ និងដកហូតបានម៉ូតូម៉ាកហុងដាហ្សូម័រអ៊ិច ពណ៍ស-ទឹកក្រូច ស៊េរីឆ្នាំ២០១៧ ពាក់ស្លាកលេខភ្នំពេញ1GJ-1484 លេខតួ៥១០៩៥០០ លេខម៉ាស៊ីន៣១០៩៥០០ ជាម៉ូតូរបស់ជនរងគ្រោះ យកមកអធិការដ្ឋានក្រុងប៉ោយប៉ែតដើម្បីសួរនាំ។
ជនសង្ស័យចំនួន៣នាក់មាន៖
-ទី១ ឈ្មោះយឿន សុខជា ភេទប្រុស អាយុ១៦ឆ្នាំ ជនជាតិខ្មែរ ស្នាក់នៅភូមិក្បាលស្ពាន២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ មុខរបរដឹកបាយអោយជនជាតិឥណ្ឌូនេស៊ី។
-ទី២ ឈ្មោះនី ណារ៉ាក់ ហៅ រ៉ាក់ ភេទប្រុស អាយុ១៦ឆ្នាំ ស្នាក់នៅភូមិព្រៃគប់ សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ មុខរបរមិនពិតប្រាកដ។
-ទី៣ ឈ្មោះ ជួន កក្កដា ហៅប៉ូយ ភេទប្រុស អាយុ១៤ឆ្នាំ ជនជាតិខ្មែរ ស្នាក់នៅភូមិក្បាលកោះ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ មុខរបរដឹកបាយអោយជនជាតិឥណ្ឌូនេស៊ី។
ជនសង្ស័យទាំងបីនាក់ខាងលើបានឆ្លើយសារភាពថា ពិតជាបានលួចម៉ូតូរបស់ជនរងគ្រោះខាងលើពិតប្រាកដមែន៕
កម្លាំងជំនាញស្នើសុំឃាត់ខ្លួនជនសង្ស័យទាំងបីអ្នកខាងលើ ដើម្បីកសាងសំណុំរឿងបញ្ជួនតាមនីតិវិធី។
ក្រោយមកទៀត សមត្ថកិច្ចជំនាញបានសួរនាំពីស្លាកលេខម៉ូតូដែលជនសង្ស័យដោះចោល និងកន្លែងស្នាក់នៅរបស់ជនសង្ស័យខាងលើ កម្លាំងជំនាញបានចុះទៅដល់កន្លែងបន្ទប់ស្នាក់នៅរបស់ជនសង្ស័យ ស្ថិតនៅម្ដុំខាងក្រោយសាលាសង្កាត់ផ្សារកណ្ដាល ពេលដល់បន្ទប់បានឃើញបក្ខពួកជនសង្ស័យនៅក្នុងបន្ទប់មានគ្នា៥នាក់ ក្នុងនោះស្រី២នាក់ ហើយក៏បានយកមកអធិការដ្ឋានដើម្បីសួរនាំ។
ជនសង្ស័យទាំង៥នាក់រួមមាន៖
-ទី១ ឈ្មោះឡ សុឃីម ហៅឃីម ភេទស្រី អាយុ២១ឆ្នាំ ស្នាក់នៅបណ្ដោះអាសន្ន ភូមិសង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ។
-ទី២ ឈ្មោះ ស្រឿន ចំរើន ហៅប៉ុយ ភេទប្រុស អាយុ១៦ឆ្នាំ ជនជាតិខ្មែរ ស្នាក់នៅភូមិក្បាលកោះ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ។
-ទី៣ ឈ្មោះ រី ឆេត ហៅក្រៅ ង៉ោល ភេទប្រុស អាយុ១៥ឆ្នាំ ជនជាតិខ្មែរ ស្នាក់នៅភូមិ ក្បាលស្ពាន២ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ។
-ទី៤ឈ្មោះ ម៉េង ម៉ី ហៅក្រៅអាជ្រុយ ភេទប្រុស អាយុ១៥ឆ្នាំ ស្នាក់នៅភូមិ អូរជ្រៅ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ។
-ទី៥ឈ្មោះឈ្មោះ ភារម្យ រក្សា ហៅសាសា ភេទស្រី អាយុ១៧ឆ្នាំ ជនជាតិខ្មែរ ស្នាក់នៅភូមិ សាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ជាសង្សារបស់ ហ៊ូរ រតនា ហៅចាវ ភេទប្រុស អាយុ១៨ឆ្នាំ ស្នាក់នៅភូមិ ភូមិប្រជាធម្មកើត សង្កាត់អូរឬស្សី ក្រុងប៉ោយប៉ែត ជាមុខសញ្ញាឆក់ និងកាច់កម៉ូតូយ៉ាងសកម្មនៅក្នុងក្រុងប៉ោយប៉ែត ក្រោយមកទៀតឃាត់ខ្លួនជនសង្ស័យបានម្នាក់ទៀតនៅបន្ទប់ជួលផ្លូវស្តង់តាងួន ឈ្មោះស៊ីណា ម៉េងងួន ហៅងួន ភេទប្រុស អាយុ១៥ឆ្នាំ ស្នាក់នៅភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត។
ជនសង្ស័យទាំង៦នាក់ដែលកម្លាំងជំនាញបានឃាត់ខាងលើនេះ ជាបក្ខពួក និងជាអ្នកសមគំនិតក្នុងអំពើលួច។
ចំណែកបក្ខពួកផ្សេងទៀតបានរត់គេចខ្លួន រួមមាន៖
-ទី១ឈ្មោះគាំ ស្រីលីន ភេទស្រី អាយុ១៨ឆ្នាំ ស្នាក់នៅមណ្ឌល១ ស្ថិតក្នុងភូមិប្រជាធម្មលិច សង្កាត់ផ្សារកណ្ដាល ក្រុងប៉ោយប៉ែត។
-ទី២ ឈ្មោះជួង រ៉ាឌី ហៅអាសល់តូច ភេទប្រុស អាយុ១៩ឆ្នាំ ផ្ទះនៅក្រោយផ្សាររ៉ា ស្ថិតក្នុងភូមិប៉ោយប៉ែត សង្កាត់អូរជ្រៅ ក្រុងប៉ោយប៉ែត។
-ទី៣ឈ្មោះអាសល់ ធំ ភេទប្រុស ស្នាក់នៅភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត។
-ទី៤ឈ្មោះអានុន ភេទប្រុស អាយុ២៣ឆ្នាំ ជនជាតិខ្មែរ មានទីលំនៅក្រុងសិរីសោភ័ណ្ឌ។
-ទី៥ឈ្មោះថុល ភេទប្រុស រស់នៅភូមិប្រជាធម្មកើត សង្កាត់អូរឬស្សី ក្រុងប៉ោយប៉ែត ។ទី៦ឈ្មោះហ៊ូរ រតនា ហៅចាវ ភេទប្រុស អាយុ១៨ឆ្នាំ ស្នាក់នៅភូមិ ភូមិប្រជាធម្មកើត សង្កាត់អូរឬស្សី ក្រុងប៉ោយប៉ែត។
ចំពោះជនសង្ស័យដែលបានរត់គេចខ្លួននេះជាមុខសញ្ញាលួច(កាច់កម៉ូតូ)យ៉ាងសកម្មនៅក្នុងក្រុងប៉ោយប៉ែត ពេលនេះកម្លាំងជំនាញកំពុងស្រាវជ្រាវរកបន្ត និងស្នើសុំដីកាចាប់ខ្លួន។
កម្លាំងជំនាញស្នើសុំឃាត់ខ្លួនជនសង្ស័យទាំង៩នាក់ខាងលើ ក្នុងនោះស្រីមានចំនួន២នាក់ ដើម្បីកសាងសំណុំរឿងបញ្ជួនតាមនីតិវិធី៕
![](https://blogger.googleusercontent.com/img/b/R29vZ2xl/AVvXsEjrdKkLNUT5PgE-ZHBh-AVu2GAZuAMrM0CCBlg1xS3cayCULuX-YF5s3RD9IIQgQ0ExcAw0S1VlAcLDz0Tz8vqODaij7fYTmu7hVe5SobvrhZEdwjQpU_e9r0HThTV-cpCxo1v-HY3T6iYQ22kroaXDYhyR_N1GOcptYF1uiSgkddgy7OBvnyAM_ahH/s1600/IMG-20220729-WA0016.jpg)
![](https://blogger.googleusercontent.com/img/b/R29vZ2xl/AVvXsEjjebcsoGFjOgdN1_QJxcfIdTfccgKt0pfXgyNrRypssNfO9eJ4bljoydaJEWOhmahra9h8b37yXsbmLFe1TTOSZq-e4IyajLho52-N_7wVEwvIRB9wfR7sPf-dYi-so0MTQB3KvcbKQ74RX4uy1H2RZWeVgoHl5qbJpEdFBtySQqnJ5BHzZ8MFC37q/s1600/IMG-20220729-WA0028.jpg)
![](https://blogger.googleusercontent.com/img/b/R29vZ2xl/AVvXsEgoif7rdDhZNgSPB9CS-n-bOxvXQKJF5OOMHWgDgou8r_zJDleEFdxomNErBdUyfq8ssi-cdJ_m0fLRowdp2OhNdk-QvTEJonMwMfqNt-TbrOmNAeZMtQAzs1XHli4YSQJGHWw74o7CKlzjg9x4fVH5ueIz8NkoLEEstiYgijOpEcdVdDfsoXVyqy6a/s1600/IMG-20220729-WA0029.jpg)
![](https://blogger.googleusercontent.com/img/b/R29vZ2xl/AVvXsEhCP4ADRuefRPB4sQn130dmwOSitsjyafKrLQRF2lpmGecytiwaMHnj-UM0hBSLDL5KU6ylp_8hrE-2sXZJmre-p09ZkSv7IsYFXj5C3PnXeP9mp3peCISOxZXnPtPg6hb4DL-apwoxj43urB17A2bcRrvGIJsO19EcllN9AY6FKz-L4yTmHGX0kL8T/s1600/IMG-20220729-WA0030.jpg)
![](https://blogger.googleusercontent.com/img/b/R29vZ2xl/AVvXsEguvlvJM20hDEdVTk1EJ122XjfNEkBTl2MG9_-j9MjsnT0t0znxVcdFYdHtzm1zlHmdNqjYjLNG77Ek9XQ3b36iMm1-YdFREehWp0xVmib6RQCFmM04k_UACPvqh3TNiA6MjhZjNeXuMQ3zwAKKphp6HeKjuEo6UvcbeFNGkLx4GvGOwrKnXERo-8NB/s1600/IMG-20220729-WA0031.jpg)
![](https://blogger.googleusercontent.com/img/b/R29vZ2xl/AVvXsEiWKvUi3beo0yqP_4mNSlc1OowGTIlS5KOm7iTOtP1EwEPL420oxXuFlk1eLhbCswbXvIwsN6h7mBoc5mNKybKCiq8Mo2oVvFZPgvdsIqjKQ3XHOxmvTjvRza74Y0wj44zT2pgq1Tw3n0Tv6UEpnkqwk3aFE3Px6wwBVPnIPOIZE8NlRd_hOqHjub26/s1600/IMG-20220729-WA0032.jpg)
No comments