ស្រុកអង្គរបូរី៖ ល្បែងស៊ីសងខុសច្បាប់ជាច្រើនកន្លែង កំពុងតែបង្កការក្តៅក្រហាយយ៉ាងខ្លាំងដ៏ប្រជាពលរដ្ឋ ដោយគ្មានការរំខានដល់សមត្ថកិច្ចពាក់ព័ន្ធ
![](https://blogger.googleusercontent.com/img/b/R29vZ2xl/AVvXsEilIbufpGDzSBjmWBLkLn3dJrJgDLRAMJupHPUE9dcykNPzrhxlar5j6s23TKV_j_gn4rRAAILHGOlg9E9TNd7NHRPlE7svNFaim8DWfWdPAEqneDFUOEigHPVoq3Cza0NlckEXVufM0cesN_rL_5-vjt06wDKi079Ky2emZniiTWEwrLbuz0_fxPQo/s1600/Polish_20220703_115219880.jpg)
ស្រុកអង្គរបូរី៖ ល្បែងស៊ីសងខុសច្បាប់ជាច្រើនកន្លែង កំពុងតែបង្កការក្តៅក្រហាយយ៉ាងខ្លាំងដ៏ប្រជាពលរដ្ឋ ដោយគ្មានការរំខានដល់សមត្ថកិច្ចពាក់ព័ន្ធ
ផ្សាយនៅថ្ងៃទី០៣ ខែកក្កដា ឆ្នាំ២០២២ វេលាម៉ោង១១:៥៩នាទីខេត្តតាកែវ៖ ទីតាំងល្បែងស៊ីសងខុសច្បាប់ «មាន់ជល់ ហាយឡាយ តាមទូរទស្សន៍អនឡាញ» ជាច្រើនកន្លែងក្នុងស្រុកអង្គរបូរី ខេត្តតាកែវ ក្នុងចំណុចឃុំពន្លៃ និងតាមបណ្តាឃុំផ្សេងៗទៀត ទូទាំងស្រុកអង្គរបូរី កំពុងតែបង្កការក្តៅក្រហាយយ៉ាងខ្លាំងដល់ប្រជាពលរដ្ឋ បែរជាអធិការស្រុក លោក យ៉ុង ប៊ុនយ៉ុន សម្ងំស្ងៀមដោយមិនហ៊ានបង្ក្រាប។ នេះដូចជាបណ្តែតបណ្ដោយពេកហើយ។
តាមប្រភពព័ត៌មានពីប្រជាពលរដ្ឋបានឲ្យដឹងថា ទីតាំងល្បែងស៊ីសងខុសច្បាប់ទាំងអស់នេះមានឈ្មោះ ប៊ូ ម៉ៅ ជាអ្នកកាងពីក្រោយ ដោយឈ្មោះ ប៊ូ ម៉ៅ រូបនេះផ្តិតមេដាយធានាដល់ម្ចាស់ផ្ទះ (ម្ចាស់ទីតាំង) ដើម្បីពង្វក់ខួរក្បាលរបស់ម្ចាស់ផ្ទះឲ្យឆ្អួតវង្វេងនិងមុខរបរខុសច្បាប់។
ពាក់ព័ន្ធទៅនឹងទីតាំងល្បែងស៊ីសងខុសច្បាប់ «មាន់ជល់ ហាយឡាយ» ដែលកំពុងតែប្រមូលគ្នាលេងយ៉ាងអណាធិបតេយ្យទាំងនេះ ពលរដ្ឋជាច្រើនកំពុងតែសម្តែងការព្រួយបារម្ភយ៉ាងខ្លាំង ចំពោះសុវត្ថិភាពក្រុមគ្រួសាររបស់ពួកគាត់ ព្រោះហេតុថា អ្នកញៀនល្បែងកាន់តែមានកំណើនកើនឡើងពីមួយថ្ងៃទៅមួយថ្ងៃ។
ពាក់ព័ន្ធទៅនឹងករណីល្បែងស៊ីសង រីកដុះដាលដូចផ្សិត ខាងលើនេះ លោក យ៉ុង ប៊ុនយ៉ុន អធិការនគរបាលស្រុកអង្គរបូរី កំពុងតែសម្ងំស្ងៀម ដោយរក្សាភាពស្ងៀមស្ងាត់និងគ្មានវិធានការទប់ស្កាត់ឬបង្ក្រាបសោះឡើយ ទោះបីជាមានពលរដ្ឋនិងខាងសារព័ត៌មានរាយការណ៍ ក៏លោកអធិការស្រុករូបនេះ នៅតែមិនបង្ក្រាប (នេះហាក់បីដូចជាមានការលាក់បាំងខ្លាំងមែនទែន)។
ប្រជាពលរដ្ឋជាច្រើនស្នើសុំដល់លោកឧត្តមសេនីយ៍ទោ ឈាង ផាន់ណារ៉ា ស្នងការនគរបាលខេត្តតាកែវ សូមមេត្តាចាត់សមត្ថកិច្ចជំនាញនៃស្នងការដ្ឋាននគរបាលខេត្តចុះពិនិត្យបង្ក្រាបទីតាំងល្បែងស៊ីសងខាងនេះផងទាន និងស្នើសុំឲ្យជួយងូតទឹកសិតសក់ ដុះក្អែលជូនដល់លោក យ៉ុង ប៊ុនយ៉ុន អធិការស្រុកអង្គរបូរី ផង កុំឲ្យគាត់ស្ពឹកជាប់ត្រគៀក មិនហ៊ានចេញមុខមកបង្ក្រាបបទល្មើស៕
![](https://blogger.googleusercontent.com/img/b/R29vZ2xl/AVvXsEhaO0V4F5PwwE1n8a0RWTgEtQ4w8hY25yr-a52TaTBcOuxdeczKaDgjDCLEMpmwN5RfO7cugvcZsUhE2FN9_8X4y5gnBlssAlLPg8K0K2y4XXG_fDO0Smr_yh35Leb1kgK_yIE5vutNpj3y-i3j5t5OzcA_zyxxIy66dGU2aYMvdgoUp33HSneAL2uP/s1600/IMG_20220703_113905_158.jpg)
![](https://blogger.googleusercontent.com/img/b/R29vZ2xl/AVvXsEj-V0Cn-GlTvSMqgmxqrWyyORvTsLaYbyCx7bYxARYkRVy9yEuTO5gomiK5So0D4Mlzl3F5Ct5jnql02j4VkSQjWyRK8R8TIvNEYI8VETcCIAcbBeaEui4ceEEkWCxXINJwnJUQsyQas0Q58FNo7tuLvELhhDPixc5xI6SKB5zObJfetMog-pjzapXC/s1600/IMG_20220703_113634_777.jpg)
![](https://blogger.googleusercontent.com/img/b/R29vZ2xl/AVvXsEg5pOJ44pqtwSRZD6t8PUakQMmHDh744LU7JF0egW0S5IhcL_XVX1JUT0FD5BuGwgQ_8UlXDG_F5fPQQYAUMrI3TmCR8wwFM9GbosPvoQux4dMnmDv-kiuQDExX1zAH8LWpT_wBM-giNm8vnXrkcZe09uhQvHr48IhGngQm2TxDXPbqss3LoxYi2Xro/s1600/IMG_20220703_113639_218.jpg)
![](https://blogger.googleusercontent.com/img/b/R29vZ2xl/AVvXsEizEe1FgwEGGpdBTvPKJ2ycAPQ0b1YwONZp11QfkDoIqxWk7R2OA8sZMYso4UeQpLlmv8l1XP-RKilyelQZ4xM_9HRIm0_-86R8wv2XGMRvmiBxvLOndyTC4_AsTRY4cuwZQGy8f-zLqKsSB6wKC2tHhD_Y4obwlGqYzSggmNnRueBAq9mmnexnieej/s1600/FB_IMG_1656824329583.jpg)
![](https://blogger.googleusercontent.com/img/b/R29vZ2xl/AVvXsEhO2Vo7GJ0GjmxvJ2ZV5Q6Twak1aUO2iEH6JkO7xDnJ7_16XjNxHe6Kg9Jr5JgZFSvmAFDQg_yCYdFx_HNnO0zlKxVFxlgUl7M3E5wkNVhyFobPrqerBNPyWzNCMid1WP3t7nHEL7sWjVfzY7XIcMbIO0YiFjkjFSrvtP3UDOSkUFNxM1ToblCOLcDJ/s1600/IMG_20220703_115512_824.jpg)
![](https://blogger.googleusercontent.com/img/b/R29vZ2xl/AVvXsEgnJ9kiJReVyfbiUWxd2PmU5lUicY47gII11t66kekpKByWeDdt5OxV9QcGKe6b4WKI5467SbjMTfaKpK0FkpvascOy8bLt_usG2df1X5y6P_KTjMJTQaRZirhywgwG1Twr0nQvAaKUI_mUgNflFAw8iXHtjooppYlMRlg2zv6iR7ocNBFXW7Ig3PXx/s1600/IMG_20220703_115519_720.jpg)
![](https://blogger.googleusercontent.com/img/b/R29vZ2xl/AVvXsEifhYJN3ZK6LIWxx3aFjI5xY-oar_izLLgpSlMLtmIgQ73Og_522szXCT8xtslA0U5tX-uv-Pb0ZaYadIL_dx1AS3kr60UopfycviQumehdvPoJEfkLbabziLvPoT2O9OU_ZUiWKgBK6BaoXZWqOWfX5OyNTZHKzeIyWh6pape1win15kHNv0fwIp_b/s1600/IMG_20220702_080556_619.jpg)
![](https://blogger.googleusercontent.com/img/b/R29vZ2xl/AVvXsEhn7H4DB_fZk5UK-a8s8T0M1JGwAq3JjYcmkrdz6JF9ZgUakp0LGBr_s7gW095WLqfhU0Ir4UV1vTWDPbbCmtl-i3H_v9wfiVyEMf4bS2O8kORFKFZdWJ8vz2BOmcQs14rTplh--pB4-LaL-dIgi_ZSfXPGQg86J5Id8A6v-4_6KQl3ATVfb0_-EvnP/s1600/IMG_20220705_094143_559.jpg)
No comments