ខ្លាំងមែន បុគ្គលឈ្មោះ ហុង ម្ចាស់គ្រឿងចក្រហ៊ានលួចឈូសឆាយដីរដ្ឋ ដោយគ្មានខ្លាចញញើតច្បាប់បន្តិចសោះឡើយ
![](https://blogger.googleusercontent.com/img/b/R29vZ2xl/AVvXsEj9Yd4czjNv6QvL7ha07czdGKk8aKOGykqn6rPe84zArx92QfgFxYQw2fA7H5eKppMEDrazzx9XrqOnSwim_HxuB2zQY1m3Ov7NmhfvJi8pFE1ngfDh-txA9Ssfioeuuo8wXuWH5r-Mw7qA1pfFg6T61Urf7JdASwK7mujapzyjTSV3VfTlaK5GABNH/s1600/Polish_20220705_204505479.jpg)
ខ្លាំងមែន បុគ្គលឈ្មោះ ហុង ម្ចាស់គ្រឿងចក្រហ៊ានលួចឈូសឆាយដីរដ្ឋ ដោយគ្មានខ្លាចញញើតច្បាប់បន្តិចសោះឡើយ
ផ្សាយនៅថ្ងៃទី០៥ ខែកក្កដា ឆ្នាំ២០២២ វេលាម៉ោង២១:០១នាទីខេត្តកណ្តាល៖ តំបន់ព្រៃរនៀមក្នុងផ្ទៃដីបឹងដូនប៉ែន ដែលជាសម្បត្តិរបស់រដ្ឋ ស្ថិតនៅឃុំតាលន់ ស្រុកស្អាង ខេត្តកណ្តាល ត្រូវបានបុគ្គលឈ្មោះ ហុង ម្ចាស់គ្រឿងចក្រ ធ្វើការឈូសឆាយ កាប់បំផ្លាញ់ព្រៃដើមរាំង ដើមត្រស់ ព្រៃរនៀម ព្រៃឈើផ្សេងទៀត ដោយគ្មានខ្លាចញញើតច្បាប់បន្តិចសោះឡើយ។
តាមព័ត៌មានពីពលរដ្ឋបានឲ្យដឹងថា នៅចំណុចបឹងដូនប៉ែនគឺជាដីបឹងរបស់រដ្ឋ តែសព្វថ្ងៃនេះឃើញមានឈ្មួញរកស៊ីដីធ្វើការទិញលក់យ៉ាងអនាធិបតេយ្យ ថែមទាំងធ្វើការឈូសឆាយយ៉ាងគគ្រឹកគគ្រេង ដោយគ្មានរំខានដល់អាជ្ញាធរពាក់ព័ន្ធក្នុងមូលដ្ឋាន។
យោងតាមបទសម្ភាសន៍ពីលោក ភីន លីមបឿន មេឃុំតាលន់ បានប្រាប់សារព័ត៌មាន ថា ដីនៅចំណុចទីតាំងខាងលើនេះ ពិតជាដីបឹងរបស់រដ្ឋ ចំណែកឯការឈូសឆាយគាត់មិនបានដឹងនោះទេ ហើយរឿងលក់ដីបឹងដែលជាសម្បត្តិរដ្ឋនៅចំណុចខាងលើនេះ រូបលោកក៏បានដឹងឮដែរ គឺពិតជាមានការទិញលក់ពិតប្រាកដ។
តាមប្រភពពីលោកពូម្នាក់ដែលជាពលរដ្ឋនៅតំបន់នោះបានឲ្យដឹងថា បក្សពួកអ្នកទិញដីរដ្ឋនៅចំណុចខាងលើ គឺជាលោកមេប៉ុស្តិ៍នគរបាលរដ្ឋបាលតាលន់សព្វថ្ងៃនេះឯង ហើយលោកមេប៉ុស្តិ៍នេះហើយជាអ្នកដឹកនាំបក្សពួកចុះទិញដីរដ្ឋ។ តែមិនដឹងថាទិញយកទៅឲ្យនណានោះទេ គឺដឹងតែលោកមេប៉ុស្តិ៍និងគូកនជាអ្នកទិញ។
លោកមេប៉ុស្តិ៍នគរបាលរដ្ឋបាលតាលន់ ក៏បានបញ្ជាក់ប្រាប់សារព័ត៌មានដែរថា លោកហើយនិងគ្នីគ្នារបស់លោកពិតជាដើរវាស់វែងទិញដីនោះពិតប្រាកដមែន ដោយលោកលើកឡើងថាការទិញដីនៅចំណុចបឹងដូនប៉ែននេះ គឺទិញឲ្យឈ្មួញ មិនមែនទិញយកខ្លួនឯងនោះទេ។
មហាជនជាច្រើនបានលើកឡើង ដោយសង្ស័យថា បុគ្គលឈ្មោះ ហុង ម្ចាស់គ្រឿងចក្រ ដែលថ្លើមធំហ៊ានលួចឈូសឆាយដីព្រៃរបស់រដ្ឋ ខាងលើនេះ ទំនងជាគ្នីគ្នារបស់លោកមេប៉ុស្តិ៍នគរបាលតាលន់ហើយមើលទៅ។
ចំណែកឯលោកអភិបាលស្រុកស្អាង ឯណោះវិញ ហាក់ដូចជាប្រងើយកន្តើយខ្លាំងណាស់ ចំពោះករណីខាងលើនេះ ដោយរូបលោកជាអភិបាលស្រុកតែបែរជាមិនដឹងរឿង តើឲ្យពលរដ្ឋសង្ឃឹមអ្វី?
ពលរដ្ឋស្នើដល់ឯកឧត្តម គង់ សោភ័ណ្ឌ អភិបាលខេត្តកណ្តាល សូមឯកឧត្តមជួយចាត់វិធានការក្តៅ ចំពោះបុគ្គលឈ្មោះ ហុង ដែលហ៊ានលួចឈូសឆាយព្រៃ និងចាត់វិធានការចំពោះបុគ្គលបក្សពួកដែលហ៊ានវាស់យកដី បឹងរបស់រដ្ឋ តាមផ្លូវច្បាប់ផងទាន៕
![](https://blogger.googleusercontent.com/img/b/R29vZ2xl/AVvXsEjiwiVMLAloucKu3uIG1UU7CutjAAIpz9mms-Azp1-4pBZkTJeRbdZLuvox8z0P8RoEQI1L8Sdb6h28l0K6Celz2FFVpPZqIVro2f9fm4ZCUss8131d_QbkMgKRWgDXfr6iTUS1eYPKyrK65GeMBaMgcM3PzEMxHMk2OEZTjjnm78nnG8VVDRNVcVZh/s1600/IMG_20220705_205151.jpg)
![](https://blogger.googleusercontent.com/img/b/R29vZ2xl/AVvXsEhysQZxJ7k8Xcn_FvkOu4KF-rKpsBocBe1KX5uP8Nt_AYwpaHy7A2L8lQAnO14E_EIx997UqLqoqC6lWb4L4REqPDAV53Ov2UJVT1yWaOUkoZ90fpoDonT6MRLOwuV_SYKSQVo2uHfxg4e_lA0I2VBodZgt3Azi_JGkvx_DKlOw7rnQr74eTt8n6Sxn/s1600/IMG_20220705_205059.jpg)
![](https://blogger.googleusercontent.com/img/b/R29vZ2xl/AVvXsEh-lZW8nP7apdQE7AebWGbrgnuxxxk2CY5YgsicFXx9cs4QGU6wm1M-KMoT4FnY16pOnvPWySiBIuKfB_DPQVryxs7QJxOnHH6hk_css42BxWXj8yK8X02x4HAwtGbZu80a665RLDg8WvgLFew4EUODrfZ9rSMcveF3ZB1SVCXx5s7TEsrUEEex9Qpv/s1600/Screenshot_2022-07-05-20-32-26-69_683217e859333056183f9c92847ceb42.jpg)
![](https://blogger.googleusercontent.com/img/b/R29vZ2xl/AVvXsEi1LpuE3nCicoWDNmG0fodgqoY3hf8lAZweFIKPibFnAE-SOmpEyJffGX1vF0fr7LblAowyaWAB1O25mTNzfuJzhma5dlghuwFTZLxAIbbL6-veejGqPRf3XdxpGrp-40oscWFjSQrpoH6nuoqAcqk9EplIABisCDUXYPvZsnndO15-p0cZGEhy4B96/s1600/IMG_20220705_203738_660.jpg)
![](https://blogger.googleusercontent.com/img/b/R29vZ2xl/AVvXsEiZesKbTi3v1WhBkdGSlnl7SY84F4mU2ezq4o_0SJEBK5_PtNePhMyluYyXk_ptyzQA5c4ThbLxcaDdDSr_cJSowlh9MYuklco1Zn50-2LI1zzEDNkkJg1tT9880F2fSxoWmXYm5QxXxR1LNWhSzKFeermtb5rAH1t2bF585lqwbl2-3X82eCLomRG7/s1600/IMG_20220705_203801_155.jpg)
![](https://blogger.googleusercontent.com/img/b/R29vZ2xl/AVvXsEid4Nq2jLkVIt2JbjrreOfzReUSJTyHVji9KvPK0INWFsH3t62a_cGfeyAv9mRy_qkW80TM7d2XiQGBwDjIQ_9iYUVkUeqv-gvjLj-UNl3qXpLkoQzVg0ikljzOijj3mWWxi0s0jpRoYYYhpviu9Svs0gcTvf3K0Ha0t2FQ2nj7Xw8xHCTLOf9fQe5N/s1600/IMG_20220705_203811_353.jpg)
![](https://blogger.googleusercontent.com/img/b/R29vZ2xl/AVvXsEhTAgExeiELcdWzFdb4gGKOdGkj3tQKoexEVy-AYfRFm3pollC3gJJa3p0jm05rgVSt-nbFQVsxeYxccVVR4P9TrHriP471KatCc7w1uetnw_rOXFpDavZbqe2WZ4reTf195omL2vQjz4KkVucs3nCJ5djzgbpxiuqavoRaLPsiNeoUAzzwxvIwIyxh/s1600/IMG_20220705_203813_869.jpg)
![](https://blogger.googleusercontent.com/img/b/R29vZ2xl/AVvXsEjB98Y4jlxYrDRE0Uu0CGAHbe7DfBxecm7Lr2pIxHFMkB4jcSChYgdIr3Iz7xTHDZxkqyLdSI-RIwXhs7FCJcyMVDwRrV0IZOLh85t8iSzqHUqF6S4kUHHcp1KYw4dmD7YmrjgxkyhGLxUjRv17M8DC3asnG9Y_MYWFUpd1TqFS35rPyE07-lqqV-1R/s1600/IMG_20220705_203819_997.jpg)
![](https://blogger.googleusercontent.com/img/b/R29vZ2xl/AVvXsEi-6D1a8BTTQ5N2AL_BEPIRJuxiLd7p-ho8La9EZnBh9djzR09AQpNDCnkjTl5cltNlkXjUqhV0S3sqe1DiGME7jwf2OJEIiA6XkV9qL2LP2q8AN8NRPGq9D6x5mreGJY6mu5P7mVq2C9trEbaqoV8n2QQgsOLwSh_cVs-WgoBZ8-rX_nAebuky4CJ_/s1600/IMG_20220705_204700.jpg)
![](https://blogger.googleusercontent.com/img/b/R29vZ2xl/AVvXsEgYy-M-GTVHbGsIP-GS6BkxqPY1TQg0kOdQnoPhZra1UrWAxirrx4qfenIAQ3CnksGUPHvywNoy0NpPODmmpfsHw72Te79msOc38yjNK5-v9Gp6i97fa1D-DEQs_puEXl4XJnJPWT4R9D-HlKNP5Ug2C1y0GXXO063W3IBeopxVj35oX1UuaV1Nj6ji/s1600/Screenshot_2022-07-05-20-33-49-23_683217e859333056183f9c92847ceb42.jpg)
![](https://blogger.googleusercontent.com/img/b/R29vZ2xl/AVvXsEhnpwjnUVRPhfp3z-EUQv8CxnzM-iA_akdp2-OG_L7TpeMrGh7pC5OtkH91nyvqaWbIttxynG2G9KxPGuzduwUDuFW0lDavC7M5aXmBAAJOA1QDW9L8wdagDFwso64ILaPPH_gP3n-svq99ttT0QUYNUI8Qx8baLyoKCYrRBN2IkWx2a16bSY7bocCv/s1600/Screenshot_2022-07-05-20-33-00-92_683217e859333056183f9c92847ceb42.jpg)
![](https://blogger.googleusercontent.com/img/b/R29vZ2xl/AVvXsEi6unfsiIYGsfEIRUkSjNe7Xo_cRaY04W96NbS4RisbQMWZAj_pD1xuy8t0uT9HgueBLliSR7gY_2SNltvKMFhKtLfLw2cWGhA4xagv9dfH0Po2xsi_9HCw9cIQ2Ijx8uKbUntAMAW5WP5GdLKBS5NSynQWpSA49vau6HBh-MCrTfiDbR2y-f3UJB-f/s1600/IMG_20220705_210358.jpg)
No comments