ទីតាំងបើកលេងល្បែងស៊ីសងមាន់ជល់អនឡាញខុសច្បាប់០២កន្លែងកំពុងបើកលេងយ៉ាងសប្បាយព្រោះសមត្ថកិច្ចមិនហ៊ានបង្ក្រាប...

ទីតាំងបើកលេងល្បែងស៊ីសងមាន់ជល់អនឡាញខុសច្បាប់០២កន្លែងកំពុងបើកលេងយ៉ាងសប្បាយព្រោះសមត្ថកិច្ចមិនហ៊ានបង្ក្រាប...

ផ្សាយនៅថ្ងៃទី០៩ ខែកក្កដា ឆ្នាំ២០២២ វេលាម៉ោង០៨:០៦នាទី

ខេត្តតាកែវ៖ នាថ្ងៃទី០៨ ខែកក្ដដា ឆ្នាំ២០២២ មានទីតាំងទូរទស្សន៍ជល់មាន់ online ០២កន្លែងផ្សេងគ្នាកំពុងតែបើកលេងយ៉ាងសប្បាយរីករាយចាប់តាំងពីព្រឹករហូតដល់យប់ចាក់លុយភ្នាល់គ្នាទាំងលានៗគេពុំដែលមានឃើញសមត្ថកិច្ចធ្វើការបង្ក្រាបឡើយដែលមានទីតាំង២កន្លែងស្ថិតនៅក្នុងភូមិប៉ែនមាស ឃុំសំរោង និង ភូមិត្រពាំងស្វាយ ឃុំត្រពាំងធំខាងជើង ស្រុកត្រាំកក់ ខេត្តតាកែវ។

ប្រភពពីបងប្អូនប្រជាពលរដ្ឋដែលរស់នៅក្នុងភូមិឃុំហួសចិត្តយ៉ាងខ្លាំងចំពោះការបើកល្បែងស៊ីសងក្នុងខាងកាហ្វេទាំងពីរកន្លែងបានយ៉ាងស្រួលច្រើនកុះករដោយសំឡេងហ៊ោ កញ្ជ្រៀវគ្រហឹមអឹងករមានក្រហមខៀវមានតមានរងហាក់បីដូចជាការប្រគំតន្ត្រីដោយមិនញញើតអាជ្ញាធរនិងសមត្ថកិច្ចឡើយ ឬក៏សមត្ថកិច្ចជាខ្នងបង្អែកដែលនៅពីក្រោយចំពោះល្បែងទីតាំងខាងលើនេះបានជាមិនមានវិធានការបង្ក្រាប។

ចំពោះការបើកល្បែងស៊ីសងទូរទស្សន៍មាន់ជល់ onlineនេះ ប្រជាពលរដ្ឋជាច្រើនមានការព្រួយបារម្ភយ៉ាងខ្លាំងចំពោះការមើលមិនឃើញរបស់សមត្ថកិច្វ ក្នុងនាមរក្សាសន្តិសុខជូនប្រជាពលរដ្ឋដែលផ្ទុយពីច្បាប់នេះឬភូមិឃុំសុវត្ថិភាព តែផ្ទុយទៅវិញមិនមានការបង្ក្រាបអ្វីឡើយរឹតតែមានការបើកលេងល្បែងស៊ីសងទាំងនេះកំពុងតែរីកដុះដាលជាច្រើនក្នុងទឹកដីស្រុកត្រាំងកក់ពួកគាត់ក៏មានការព្រួយបារម្មណ៍ដែរចំពោះបទល្មើសល្បែងសុីសងនេះ ព្រោះកាលណាមានល្បែងស៊ីសងខុសច្បាប់ បា្រកដជាមាន ចោរលួច ចោរឆក់ ចោរប្លន់ អំពើហិង្សាក្នុងគ្រួសារ និងភាពអសន្តិសុខ ផេ្សងទៀត។

ជុំវិញករណីលោក ឌុក ធីយ៉ា អធិការនគរបាលស្រុកត្រាំងកក់ខាងអង្គភាពយើងខ្ញុំបានធ្វើការទំនាក់ទំនងតាមទូរសព្ទនិងតាមតេលេក្រាមដែរប៉ុន្តែមិនមានការឆ្លើយតបឬពន្យល់បកស្រាយប្រាប់មកអ្នកសារព័ត៌មានយើងអ្វីមួយឡើយឬក៏គាត់ជាខ្នងបង្អែកនៅពីក្រោយនឹងបទល្មើសល្បែងស៊ីសងទាំងនេះ ទើបបានជាមិនបង្ក្រាប។

ពលរដ្ឋសូមសំណូមពរទៅដល់លោកឧត្តមសេនីយ៍ទោ ឈាង ផាន់ណារ៉ា ស្នងការនគរបាលខេត្តតាកែវ សូមេត្តាពិនិត្យមើលមើលកូនចៅក្រោមឱវាទផងចំពោះការបើកល្បែងស៊ីសងមាន់ជល់ online នៅក្នុងភូមិសាស្រ្តខាងលើនេះ៕