គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!

Header Ads

ad728
  • ព័ត៌មានថ្មីៗ

    សាខា កាកបាទក្រហមកម្ពុជា ខេត្តកំពង់ចាម ចូលរួមរំលែកមរណទុក្ខ គ្រួសារសព លោកតា អាចារ្យយោគី ដែលរងគ្រោះស្លាប់ ដោយសារផ្ទុះឡបូជាសពសហគមន៍ នៅរវៀង ស្រុកជើងព្រៃ

    សាខា កាកបាទក្រហមកម្ពុជា ខេត្តកំពង់ចាម ចូលរួមរំលែកមរណទុក្ខ គ្រួសារសព លោកតា អាចារ្យយោគី ដែលរងគ្រោះស្លាប់ ដោយសារផ្ទុះឡបូជាសពសហគមន៍  នៅរវៀង ស្រុកជើងព្រៃ

    នៅព្រឹក ថ្ងៃទី២៩ ខែសីហា ឆ្នាំ២០២២ ឯកឧត្តម ស្រី សុភ័ក្ត្រ លេខាធិការសាខា តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា ប្រធានគណៈកម្មាធិការសាខា បានដឹកនាំក្រុមប្រតិបត្តិសាខា រួមជាមួយលោក អូត ឈាងលី ប្រធានកិត្តិយសអនុសាខាស្រុក និងក្រុមការងារកាកបាទក្រហមកម្ពុជាឃុំ សហការជាមួយ អ្នកស្ម័គ្រចិត្តភូមិ បាននាំយក សម្ភារ និងបច្ច័យ មួយចំនួន ចូលរួមរំលែកមរណទុក្ខ គ្រួសារសពលោកតា ហ៊ឹម សឿន  អាយុ ៧២ឆ្នាំ ជាអាចារ្យភ្លុក ដែលបានរងគ្រោះដល់ស្លាប់ ដោយសារ ផ្ទុះឡបូជាសពសហគមន៍ ក្នុងភូមិរវៀង ឃុំខ្នុរដំបង ស្រុកជើងព្រៃ។

    ហេតុការណ៍ដ៏កម្រនេះ បានកើតឡើង កាលពីរសៀល ម៉ោង ២និង៤៥នាទី ថ្ងៃទី ២៧ ខែសីហា ឆ្នាំ២០២២ នៅទីបច្ឆា បូជាសពយុវជន អាយុ ១៩ឆ្នាំ ម្នាក់ ដែលបានស្លាប់ដោយគ្រោះថ្នាក់ចរាចរណ៍ ហើយគ្រួសារសព បានប្រើប្រេងសាំងដល់ទៅ ៧លីត្រ សម្រាប់បូជា ។ ក្នងពេល ដែល អាចារ្យយោគី ទើបនឹងហែប្រទក្សិណបានមួយជុំ ស្រាប់តែ ឆាបសាំងឆេះផ្ទុះចេញពីឡ ហើយផ្លោងទ្វារឡធ្វើពីដែក ខ្ទាតមួយទំហឹង មកត្រូវ លោកតា អាចារ្យធំ ហ៊ឹម សឿន ចំសៀតផ្កា និងមួយចំហៀងខ្លួនខាងឆ្វេង បណ្តាលអោយរបួសធ្ងន់ និងទទួលអនិច្ចកម្មយ៉ាងអណោចអធមភ្លាមៗ នៅនឹងកន្លែង តែម្តង។

    ឯកឧត្តម ស្រី សុភ័ក្ត្រ បានចូលរួមសម្តែងការសោកស្តាយ ជាពន់ពេក ជាមួយគ្រួសារសព ដែលបានបាត់បង់ស្វាមី ឪពុក ឪពុកក្មេក ជីតា ជាទីគោរពស្រឡាញ់ ក្នុងឧប្បត្តិហេតុដែលកើតមានតែមួយប៉ព្រិចភ្នែកនេះ ហើយបានពាំនាំប្រសាសន៍ផ្តាំផ្ញើ សួរសុខទុក្ខ ដោយក្តីអាណិតអាសូរបំផុត និង ចូលរួមរំលែកមរណទុក្ខដ៏ក្រៀមក្រំនេះ ពី ឯកឧត្តម អ៊ុន ចាន់ដា ប្រធានគណៈកម្មាធិការសាខា និង ជាពិសេស សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលតែងតែ ខ្វាយខ្វល់ពីសុខទុក្ខ របស់ប្រជាពលរដ្ឋ ទូទៅ ពិសេស ជនរងគ្រោះ និង ងាយរងគ្រោះ ដោយមិនប្រកាន់វណ្ណៈ ជាតិសាសន៍ ឬ និន្នាការនយោបាយអ្វីឡើយ ស្របតាម ទិសស្លោក "ទីណាមានទុក្ខលំបាក ទីនោះមានកាកបាទក្រហមកម្ពុជា"។

    ឯកឧត្តម លេខាធិការសាខា បានលើកទឹកចិត្តដល់គ្រួសារសព ឱយតាំងចិត្ត ទប់អារម្មណ៍ ហើយខិតខំថែទាំសុខភាព ឱ្យបានល្អ ពិសេស ត្រូវបន្តរស់នៅតាមគន្លងប្រក្រតីភាពថ្មី ស្របតាមប្រសាសន៍អំពាវនាវរបស់សម្តេចតេជោ នាយករដ្ឋមន្ត្រី ហើយ អនុវត្តអោយបានខ្ជាប់ខ្ជួន នូវ វិធានសុខាភិបាល " ៣ការពារ ៣កុំ និង ចូលរួមចាក់វ៉ាក់សាំង ដូសជំរុញតាមកាលកំណត់ អោយបានគ្រប់ៗ គ្នា ដើម្បីទប់ស្កាត់ កុំអោយឆ្លង នូវជំងឺកូវីដ-១៩ ដ៏កាចសាហាវនេះ។

    សម្ភារ:ដែលសាខា បានចូល បុណ្យ ដល់គ្រួសារសព រួមមាន៖ អង្ករ ៥០គក្រ , មី ២កេស, ត្រីខ ២០កំប៉ុង, ទឹកសុទ្ធ ២កេស, ទឹកក្រូច ២កេស, ឃីត ២សម្រាប់ និង ថវិកាចំនួន ៥០០,០០០ រៀល ។

    ដោយឡែក អនុសាខាស្រុក ក៏ បានចូលបុណ្យ នូវ អង្ករ ៥០ គក្រ, ទឹកក្រូច, ២កេស, ទឹកត្រី ២យួរ , ទឹកស៊ីអ៊ីវ ២យួរ, និង បច្ច័យ ២០០,០០០ រៀល ផងដែរ៕

    No comments

    Post Top Ad

    Post Bottom Ad

    បណ្ដាញសារព័ត៌មានកងមាស ជាសារព័ត៌មានឯករាជ្យ ផ្សព្វផ្សាយតែព័ត៌មានពិត ស្មោះត្រង់មិនលំអៀង ប្រកាន់ភ្ជាប់នូវក្រមសីលធម៌ និងវិជ្ជាជីវៈខ្ពស់។

    គោលបំណងរបស់បណ្ដាញសារព័ត៌មានកងមាស បង្កើតឡើងដើម្បីតែផ្តល់ព័ត៌មានឆាប់រហ័សពីថ្នាក់ដឹកនាំទៅពលរដ្ឋ ពីពលរដ្ឋទៅថ្នាក់ដឹកនាំ។

    បណ្តាញសារព័ត៌មានកងមាស បង្កើតឡើងក្នុងគោលបំណង ចូលរួមចំណែកអភិវឌ្ឍប្រទេសជាតិ មាតុភូមិ ឲ្យកាន់តែរីកចម្រើនថែមទៀត ក្រោមការដឹកនាំដ៏ឈ្លាសវៃរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជា។

    សម្រាប់ការទំនាក់ទំនងផ្តល់ព័ត៌មាន និង សម្រាប់ការឧបត្ថម្ភផ្សេងៗ ក្នុងវិស័យព័ត៌មាន មកកាន់អង្គភាពសារព័ត៌មានកងមាស៖ 077906664 / 098906664 / 0712326664 / ABA-001964056 CHHOM DANY $ 001964056 CHHOM DANY ៛/ Wing 098906664 CHHOM DANY.

    សម្រាប់ការឧបត្ថម្ភគាំទ្រពីសំណាក់មហាជន ផ្តល់មកខាងអង្គភាពសារព័ត៌មានកងមាស គឺជាអំពើល្អមួយក្នុងការរួមចំណែកខ្ពស់ សម្រាប់ការទ្រទ្រង់អង្គភាពឲ្យមានការរីកចម្រើនបន្តទៅមុខទៀត ក្នុងវិស័យព័ត៌មាន ដែលជាវិស័យទីបួន។

    ក្នុងនាមជាម្ចាស់អង្គភាពនៃសារព័ត៌មានកងមាស សូមថ្លែងអំណរអរគុណយ៉ាងជ្រាលជ្រៅបំផុតចំពោះ សម្តេច ទ្រង់ ឯកឧត្តម ឧកញ៉ា លោកជំទាវ លោក លោកស្រី អ្នកនាងកញ្ញានិងប្រិយមិត្តទាំងក្នុងនិងក្រៅប្រទេសដែលតែងតែគាំទ្រដល់ការផ្សព្វផ្សាយព័ត៌មានរបស់យើងខ្ញុំ ឲ្យជួបប្រទះនូវពុទ្ធពរទាំងបួនប្រការគឺមអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ! សូមអរគុណ.

    http://www.kangmeasnews.com/
    គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!
    រក្សាសិទ្ធិ​គ្រប់យ៉ាងដោយ គេហទំព័រ កងមាស
    "គេហទំព័រ កងមាស" ដំណើរការ​តាមប្រកាសលេខ...ចុះថ្ងៃទី...ខែ...ឆ្នាំ ២០...
    គេហទំព័រ កងមាស​ មានទីស្នាក់ការស្ថិតនៅ ផ្លូវលំ ភូមិទី២ ឃុំកងតាណឹង ស្រុកកងមាស ខេត្តកំពង់ចាម
    សម្រាប់ព័ត៌មានបន្ថែម សូមទំនាក់ទំនងតាមលេខ +855 77 90 666 4
    Copyright © 2020 កងមាស | រចនាគេហទំព័រដោយ បាយ័ន​ មុខគុជ