ស្រុកទឹកផុស៖ ទីតាំងបទល្មើសល្បែងខុសច្បាប់ កំពុងតែបើកដំណើរការបានយ៉ាង រំភើយ សង្ស័យសមត្ថកិច្ចមូលដ្ឋានបើកភ្លើងខៀវ
![](https://blogger.googleusercontent.com/img/b/R29vZ2xl/AVvXsEikJhZewlA-R5uh56e1SJMJH99IDMe-oKsjN-jQU7b5cawsMJGGQnbrRTEcBqcrujITT8wKLoQ8DY9z6pb9bc5AQe_X3BiW0iyUuK2S4UCKDCn-mHU4TDe_sp-biPF0YUm9NawU5D6-Ktli585KUP-krHu3YYLZDxW_dTK32s0WjOXy-hoGVL_lcYzp/s1600/Polish_20220828_194910768.jpg)
ស្រុកទឹកផុស៖ ទីតាំងបទល្មើសល្បែងខុសច្បាប់ កំពុងតែបើកដំណើរការបានយ៉ាង រំភើយ សង្ស័យសមត្ថកិច្ចមូលដ្ឋានបើកភ្លើងខៀវ
នៅក្នុងមូលដ្ឋានស្រុកទឹកផុស ខេត្តកំពង់ឆ្នាំង ដែលជាដែនសមត្ថកិច្ចរបស់លោក ខែម វិបុល អធិការនគរបាលស្រុក សម្បូរទៅដោយបនល្បែងស៊ីសងភ្នាល់ មាន់ជល់ ដាក់លុយខុសច្បាប់ តាមប្រព័ន្ធអនឡាញទូរទស្សន៏ បើកដំណើរការតាមហាងកាហ្វេបានដោយរំភើយ។
តាមប្រភពព័ត៌មានពីពលរដ្ឋបានបញ្ជាក់ថានៅចំណុចផ្ទះហាងកាហ្វេនៅឃុំតាំងក្រសាំង ស្រុកទឹកផុស ខេត្តកំពង់ឆ្នាំង កំពុងតែបើកដំណើរការបានយ៉ាងរលូន ហើយក៏គ្មានការបង្ក្រាបទប់ស្កាត់ពី សមត្ថកិច្ចពាក់ព័ន្ធក្នុងមូលដ្ឋាន។
យោងតាមសំដីដ៏ថ្លោះ របស់អ្នកមើលការខុសត្រូវ ក្នុងទីតាំងបនល្បែងនោះ បានលើកឡើងដោយពើងទ្រូងថា «មិនខ្លាចអ្នកណានោះទេ ចង់ព័ត៌មានណាផ្សាយៗទៅ មិនខ្លាចអ្វីទាំងអស់» ។ បើតាមការលើកឡើងពីអ្នកមើលការខុសត្រូវចំពោះបនល្បែងស៊ីសងភ្នាល់លុយខុសច្បាប់ខាងលើនោះ បើស្តាប់ទៅព្រឺសម្បុរខ្ញាក ព្រោះបើមើលទំនងជាមានបារមីខ្លាំងពូកែណាស់ហើយ ទើបមិនខ្លាចអ្វីសោះ។
ប្រជាពលរដ្ឋដែលរកស៊ីម្តុំនោះបាននិយាយ តៗគ្នា ដោយលើកឡើងថាល្បែងស៊ីសងខុសច្បាប់ពេញភូមិឃុំ ស្រែកហ៊ោរកញ្ជ្រៀវ ទ្រហឹងអឺងកងលាយឡំជាមួយ ខៀវក្រហម ខៀវក្រហម លេងភ្នាល់ដាក់លុយដោយ ចំហរ បែរជាមិនមានសមត្ថកិច្ចណាម្នាក់ចេញមុខមកបង្ក្រាប។ ពលរដ្ឋក៏សង្ស័យថាទំនងជាការបើកភ្លើងខៀវ ពីសមត្ថកិច្ចមូលដ្ឋានទើបមិនហ៊ានបង្ក្រាប ព្រោះខ្លាចបាត់បង់ប្រយោជន៍។
ពលរដ្ឋបានសម្តែងក្តីព្រួយបារម្ភជាខ្លាំងចំពោះវត្តមានល្បែងស៊ីសងខុសច្បាប់ទាំងនោះ ដែលកំពុង ពង្វក់ពលរដ្ឋខ្មែរឲ្យឈ្លក់វង្វេង លេងល្បែងអបាយមុខ ជាហេតុនាំឲ្យមានបទល្មើសចោរលួច ចោរឆក់ ចោរកាប់ប្លន់ និងអំពើហិង្សាក្នុងគ្រួសារ ជាដើម។
ប្រជាពលរដ្ឋសូមអំពាវនាវស្នើសុំដល់លោកឧត្តមសេនីយ៍ទោ ខូវ លី ស្នងការនគរបាលខេត្តកំពង់ឆ្នាំង សូមលោកស្នងការខេត្តមេត្តាជួយប្រាប់លោក ខែម វិបុល អធិការស្រុកទឹកផុស ចុះបង្ក្រាបទីតាំងល្បែងស៊ីសងខុសច្បាប់ក្នុងមូលដ្ឋានរបស់ខ្លួនផងទាន ដើម្បីភូមិឃុំមានសុវត្ថិភាព៕
![](https://blogger.googleusercontent.com/img/b/R29vZ2xl/AVvXsEjjj_YmV_BNiHjbA0BO3MjbtgZmkIkOCclQautCbhQxVwsyPjnsDpKzrIkdUcPFfQRotLvNDwV8cpgjonpvlNCsj51wcPLKeadlTYGGJj2oSpEzfZbO37CPcvEF_M5l62NTR0nspzy7Ck5mM0u6SOTC5fQ9Hi4GSipvPnuywMUgoZDnddF7U3D-IjjJ/s1600/72187587_401715833824088_8731730755434053632_n.jpg)
![](https://blogger.googleusercontent.com/img/b/R29vZ2xl/AVvXsEgpbFQ4NaY59RtedZTGYOr6BL04ZOk31Ww7lbaH89fdazY_R2XMfQdG8mG4FAOe5YAcWWkPcAQwE8OSMfaHpHqKVUGEhltIHljQMyc1fAPQzxpfyeBvEECt72lwdqCpJXCIJb2obt0HmRZ2FVDkWKdGqYyok4TEESEO_WCVh7ktBYZrjDoqkf8dD48t/s1600/FB_IMG_1661686481572.jpg)
![](https://blogger.googleusercontent.com/img/b/R29vZ2xl/AVvXsEigF8Xw7LeqqV_lOR9RVbNUTEGNRgsEYyWsRaXRrQ0tS3shrdJtlO0MqJjLhPBjrRqpCbzdFXh-A_VIWM6hX8cLfbbN3wbYExnnMFGqTR03EbZKS5_zD1hDpnvCtu7SKIxnOrjFzDbbLsPs7IxC5MY-C61P8LDAA74r0GwkHx2n1ayx3llkR8r-Dw1P/s1600/IMG_20220828_194401_316.jpg)
![](https://blogger.googleusercontent.com/img/b/R29vZ2xl/AVvXsEjboa-SLqjxvbA7xGWgNvaJIYWZyUoXqtjtJLWAoblaPpQSrSdSW5s-ixIke09fgtAoWplhlDYJzzwgALVX3U8DMvv-wyPioyTux7gzAugIXACTL6ck1YJRQIlsz96S0eL7WSrJB890FA0FuKdisb_FnFoflBhXv0XyQX2yajaXkUbH6mKnIwPuULjI/s1600/IMG_20220828_194405_970.jpg)
![](https://blogger.googleusercontent.com/img/b/R29vZ2xl/AVvXsEiPg6MZmpQ9hS6zwLmQY1qD6CQd7yevo6-DurkljrtI5GpsKN0yuYtHNSqvXBqM2yZp4dOUrwtKgEr6_jcQmr3DnLzdCOENCI44Q-vTICS8Y21ug-Yr3EhdLl6Nh2OWsQIMWRk8uZE5frgQdPHWEGbGjdn-98jVWQB6poj22SWclRPGPawz3VkA_eVo/s1600/Screenshot_20220828-194443_Telegram.jpg)
No comments