ទីតាំងបើកបទល្បែងស៊ីសងតាមប្រព័ន្ធអនឡាញដ៏ធំមួយ កំពុងតែដំណើរការ យ៉ាងរលូនសមត្ថកិច្ចហាក់បីដូចជាមិនដឹង

ទីតាំងបើកបទល្បែងស៊ីសងតាមប្រព័ន្ធអនឡាញដ៏ធំមួយ កំពុងតែដំណើរការ យ៉ាងរលូនសមត្ថកិច្ចហាក់បីដូចជាមិនដឹង

ទីតាំងបើកបនល្បែងស៊ីសងតាមប្រព័ន្ធអនឡាញដ៏ធំមួយ ដែលស្ថិតនៅក្នុង ភូមិពាលញែក 1 សង្កាត់ផ្ទះព្រៃ ក្រុងពោធិ៍សាត់ តើសមត្ថកិច្ច និងអាជ្ញាធរមូលដ្ឋាន មានបានដឹងដែរឬទេ នៅកន្លែងបើកបនល្បែងស៊ីសងនេះ

តាមប្រភពពីប្រជាពលរដ្ឋបានឲ្យដឹងថា ទីតាំងបើកបនល្បែងស៊ីសងតាមប្រព័ន្ធអនឡាញដ៏ធំមួយនេះ បានបើកដំណើរការ អស់រយៈពេលជាយូរមកហើយ ក៏ប៉ុន្តែ មិនឃើញមានសមត្ថកិច្ចនិងអាជ្ញាធរពាក់ព័ន្ធចុះមកបង្ក្រាបនិងណែនាំនៅទីតាំងខាងលើនេះឡើយ បណ្ដាលឲ្យមានការលេងល្បែង យ៉ាងអាណាធិបតេយ្យ បង្កជាសំឡេង ហ៊ូរកញ្ជ្រៀវទ្រហឹងអឹងកង គួរឱ្យរំខាន។ ប្រហែលជាម្ចាស់ បនល្បែង ខាងលើនេះ មិនខ្លាចញញើតនិងច្បាប់ ទេមើលទៅ ទើបបានជាហ៊ានបើកលេងល្បែង យ៉ាងរំភើយដូច្នេះ

ចំណែកឯខាងសមត្ថកិច្ចនិងអាជ្ញាធរភូមិឃុំ ប្រហែលជា ខ្លាចអំណាចម្ចាស់បនល្បែងខាងលើនេះទេដឹងទើបបានជាមិនបង្ក្រាប បើដូច្នេះមែន ទុកឲ្យម្ចាស់បទល្បែងខាងលើនេះ ធ្វើជាមេប៉ុស្តិ៍ មេភូមិ មេឃុំវិញម្ដងទៅ ពីព្រោះ ការបើកបរល្បែងស៊ីសងនេះ សូម្បីតែ អ្នកធ្វើដំណើរតាមផ្លូវ ក៏អាចមើលឃើញយ៉ាងច្បាស់ក្រឡែត ចុះហេតុអ្វី បានជាមន្ត្រីសមត្ថកិច្ចពាក់ព័ន្ធក្នុងភូមិឃុំ មិនបានឃើញ តើគោលនយោបាយភូមិឃុំមានសុវត្ថិភាពទាំង ៧ចំណុចឲ្យអ្នកណាជាអ្នកអនុវត្ត បើមន្ត្រីពាក់ព័ន្ធ ដែលជាដែនសមត្ថកិច្ចរបស់ខ្លួន មិនធ្វើការបង្រ្កាបនិងមិនអនុវត្ត។

ប្រជាពលរដ្ឋក៏បានសំណូមពរដល់លោកអធិការក្រុង ពោធិ៍សាត់ ក៏ដូចជាមន្ត្រីពាក់ព័ន្ធ សូមឱ្យចុះមកបង្រ្កាប និងធ្វើការណែនាំ ដល់ម្ចាស់បនល្បែងខាងលើនេះផង ពីព្រោះថា ប្រជាពលរដ្ឋមានការព្រួយបារម្ភ ខ្លាចក្រែង មានចោរលួច ឆក់ ភ្លន់ និងអំពើ ហឹង្សារ ដែលអាចកើតមានឡើង ដោយសារតែការលេងល្បែង និងញៀនល្បែង របស់អ្នកដែលចូលលេងទាំងអស់នេះ៕