មន្ត្រីច្រកទ្វារអន្តរជាតិ កម្ពុជា-ថៃ ប៉ោយប៉ែត កំពុងបង្កការក្តៅក្រហាយ ដល់អាជីវករអ្នករត់ម៉ូតូកង់បីឥណ្ឌា PassApp សូមថ្នាក់ដឹកនាំជួយគិតគូរផង
![](https://blogger.googleusercontent.com/img/b/R29vZ2xl/AVvXsEgVD1zwvZzBIjdm9pfO4JYYwNdj-jCDrAd7RrqiwnQIzuQdQ2h571vA35QRUFMTdpZbulZLsysA7PW0y37bxAhJqyJy78J2zBuYIq5jAG7ysiP9ld4fauT68GHpv1MW7r7yNp9KxdBn4u7No8AP5d4tU-uOsEUINhno-jTj5lYvWkX2pfatfS6HJShX/s1600/Polish_20220821_105057289.jpg)
មន្ត្រីច្រកទ្វារអន្តរជាតិ កម្ពុជា-ថៃ ប៉ោយប៉ែត កំពុងបង្កការក្តៅក្រហាយ ដល់អាជីវករអ្នករត់ម៉ូតូកង់បីឥណ្ឌា PassApp សូមថ្នាក់ដឹកនាំជួយគិតគូរផង
បន្ទាយមានជ័យ៖ បែកធ្លាយវីដេអូជាសម្លេងស្រែកត្អូញត្អែររបស់អាជីវកអ្នករត់ម៉ូតូកង់បីឥណ្ឌា (PassApp) បានស្រែកត្អូញត្អែរអំពីទុក្ខកង្វល់របស់ខ្លួន ពាក់ព័ន្ធទៅនឹងមន្រ្តីច្រកទ្វារអន្តរជាតិកម្ពុជា-ថៃ ប៉ោយប៉ែត មិនព្រមឲ្យចូលដឹកភ្ញៀវ ចេញពីកន្លែងវ៉ៃប៉ាស្ព័រ។
យោងតាមការលើកឡើងរបស់អាជីវករូបនោះ បានស្រែកត្អូញត្អែរ ជាសាធារណៈ ខ្លាំងៗទាំងកំហឹងថា មន្ត្រីច្រកទ្វារអន្តរជាតិប៉ោយប៉ែត មិនព្រមឲ្យរូបគាត់ដែលជាអ្នករត់កង់បីឥណ្ឌា (PassApp) ចូលដឹកភ្ញៀវពីច្រកទ្វារនោះទេ ។ ព្រោះមន្ត្រីដែលនៅប្រចាំការទាំងនោះឲ្យតែបក្សពួកនិយមរបស់ខ្លួនចូលដឹក ព្រោះបក្សពួកនិយមទាំងនោះបានបង់លុយប្រចាំខែអោយ។
អាជីវករអ្នករត់ម៉ូតូកង់បីឥណ្ឌា រូបនោះលើកឡើងទៀតថា មន្ត្រីយាមច្រកទ្វារនោះមិនឲ្យគាត់ចូលដាច់ខាត ទោះបីជារូបគាត់សុំចូលត្រឹមត្រូវក៏ដោយ ព្រោះតែកង់បីគាត់មិនបានបង់លុយ ដូចកង់បីដទៃ។
ចំពោះបញ្ហាទុកកង្វល់របស់អាជីករអ្នករត់ម៉ូតូកង់បីឥណ្ឌា នៅច្រកទ្វារព្រំដែនកម្ពុជា-ថៃប៉ោយប៉ែតខាងលើនេះ យើងនៅមិនទាន់ដឹងថាលោក អុី ចំរើន មេប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែត មានការពាក់ព័ន្ធ ដែរឬយ៉ាងណានោះទេ ក្នុងការចូលដៃចូលជើងជាមួយកូនចៅក្នុងការបង្កើតក្រុមបក្សពួកនិយម បង្កើតអំពើពុករលួយ បង្កឱ្យពលរដ្ឋអាជីវករក្តៅក្រហាយ។
ទាក់ទិនទៅនឹងចម្ងល់ខាងលើនេះដែរ មានមជ្ឈដ្ឋានជាច្រើនបានលើកឡើងដោយរិះគន់ចំៗថា បើគ្មានបញ្ជាពីលោក អុី ចំរើន មេប៉ុស្តិ៍នគរបាល ព្រំដែនច្រកទ្វារអន្តរជាតិប៉ោយប៉ែត ក៏កូនចៅដែលជាមន្ត្រីថ្នាក់ក្រោមមិនហ៊ានធ្វើអ្វីៗ ស្រាប់តែអំពើចិត្តនោះដែរ។ ហើយបើសិនជាកូនចៅធ្វើអ្វីដោយគ្មានការបញ្ជាពីលោកមេប៉ុស្តិ៍ មានន័យថា លោក អុី ចំរើន មេប៉ុស្តិ៍នគរបាលព្រំដែនអន្តរជាតិប៉ោយប៉ែត អសមត្ថភាពក្នុងការដឹកនាំ (ពោលគឺ) បណ្តែតបណ្ដោយឲ្យកូនចៅធ្វើអ្វីៗស្រាប់តែអំពើចិត្ត។
ជុំវិញករណីនេះដែរមហាជនជាច្រើនបានលើកឡើងថា មន្ត្រីច្រកទ្វារអន្តរជាតិប៉ោយប៉ែតទាំងនោះកំពុងតែឃុបឃិតគ្នា បង្កើតអំពើពុករលួយយកលុយចែកគ្នាផឹកស៊ីស្រីញីអូនបង និងបង្កឱ្យមានការក្តៅក្រហាយយ៉ាងខ្លាំងដល់អាជីវករអ្នករត់ម៉ូតូកង់បី ដែលគ្នាគ្មានលទ្ធភាពបង់ប្រាក់ប្រចាំខែ។
យោងតាមប្រសាសន៍ដ៏ខ្ពង់ខ្ពស់របស់សម្តេចក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ ធ្លាប់បានលើកឡើងកាលពីពេលកន្លងទៅ សូមឲ្យមន្ត្រីទាំងអស់ដែលទទួលបានមុខដំណែងតួនាទី កុំឱ្យយកទៅធ្វើជាមន្ត្រីឪកាសនិយម។
ចំណែកឯមន្ត្រីច្រកទ្វារអន្តរជាតិប៉ោយប៉ែតទាំងអស់នោះវិញ បែរជាមិនគោរពស្តាប់អនុសាសនិងបទបញ្ជារបស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ (ពោលគឺ) មន្ត្រីច្រកទ្វារអន្តរជាតិប៉ោយប៉ែតទាំងនោះកំពុងតែរួមដៃគ្នាធ្វើជាមន្ត្រីឪកាសនិយម បង្កើតអំពើពុករលួយក្នុងសង្គម ច្បាមយកផលប្រយោជន៍ពីពលរដ្ឋខ្លួនឯងទៅវិញ។
មហាជនជាច្រើនសូមអំពាវនាវទទូចស្មើសុំដល់សម្តេចក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ សូមមេត្តាជួយអន្តរាគមន៍ គិតគូរករណីនេះផងទាន៕
![](https://blogger.googleusercontent.com/img/b/R29vZ2xl/AVvXsEj5ZCOUej0xaJbljJ_3cFpYQ5CN_G6ACJyuZ1gnInCzmTP-JZIjyOE1Ngy9mahtedfNppSfCBi2ullj4v1cOO-CSTWlIIOfxt3_n7d3o10CJ_1S65rXLt9UyG-BiULOqzDewm17kDQio9h-yHPxTfb3FSJFPbDLCYDEV8LXRmorsgg_p1Km6DDl2n5T/s1600/IMG_20220813_084856.jpg)
![](https://blogger.googleusercontent.com/img/b/R29vZ2xl/AVvXsEh4-oDUb7yiO5sAcVJYsaOeo3iz-7vG_XqwfVNFFwQKWgNvH2MLnfaG0EvpfVGaZ3m-feEzJHBy6_G9l7nj8XkG5SEyCaFUCv7S9kPtBKu3btNipyL6HKYKqmLxPpHcrdygvlLxEn2UpSpOkD0yPlMb9IXFFWyQKlFwA2DYVwuZs83px0oGJrQ89WlC/s1600/IMG_20220813_082736_229.jpg)
![](https://blogger.googleusercontent.com/img/b/R29vZ2xl/AVvXsEikTFUwc326RJUoBlZshz5mCV_Mi4e-98O8nNvBE0NqCkf8FOW3BBJI03dslpZKZZgLAFmXKuJUk-eC-UBTpDdDPfzlYQmd8iWEkXNRYI5qEvVZw1CF5u9LQv3vmqBw0jKlqWXRCKUEG3F7clMETwa68R6sExntpSbH_LVqgmXO_pGDEOPj87keOrYA/s1600/IMG_20220813_082745_880.jpg)
![](https://blogger.googleusercontent.com/img/b/R29vZ2xl/AVvXsEg6UOaU55ag1QBSVKnJ51cANDEKN9cCT2a_pzDdO6TE75T67ONpFM3cYpVs_9AxFF8JU6vuadq0XOxBo9PABfMEMwfrn-YangmBE2yAMAOQPE_Aa9YHiFllCtMMVuwSy4ePqQUpxygZj3SalCfNQvHIoxMBf5tJh3dw9JhY3SnEH0_AJbPVXQe2m1hN/s1600/Polish_20220821_105057289.jpg)
No comments