ទីតាំងល្បែងស៊ីសងសង្វៀន ជល់មាន់ និងអាប៉ោង ដល់ធំប្រចាំខេត្តកណ្តាល កំពុងតែក្លាយជាជំងឺមហារីកក្នុងការបង្កើនបទល្មើស

ទីតាំងល្បែងស៊ីសងសង្វៀន ជល់មាន់ និងអាប៉ោង ដល់ធំប្រចាំខេត្តកណ្តាល កំពុងតែក្លាយជាជំងឺមហារីកក្នុងការបង្កើនបទល្មើស

ខេត្តកណ្តាល៖ សង្វៀនជល់មាន់ និងអាប៉ោង ដុះស្លែដ៏ធំប្រចាំស្រុកកោះធំ ខេត្តកណ្តាល បានប្រមូលផ្ដុំប្រជាពលរដ្ឋខ្មែរ គ្រប់ស្រទាប់វណ្ណៈ មកលេងល្បែងភ្នាល់ដាក់ប្រាក់រាប់ពាន់លានរៀល ដោយមិនមានការបង្រ្កាបទប់ស្កាត់ពី អាជ្ញាធរនិងសមត្ថកិច្ចពាក់ព័ន្ធបន្តិចសោះឡើយ។

តាមប្រភពព័ត៌មាន និងសកម្មភាពជាក់ស្ដែង បានឲ្យដឹងថាទីតាំងបនល្បែងស៊ីសងជល់មាន់ និងអាប៉ោង មួយកន្លែងដ៏ធំខាងលើនេះ កំពុងប្រើរូបភាពយីហោ កាស៊ីណូ ដើម្បីធ្វើជាខែល តែធាតុពិតសុទ្ធតែជាអំពើខុសច្បាប់។

មតិជាច្រើនតាមបណ្តាលតុកាហ្វេនានា បានលើកឡើងថាបនល្បែងស៊ីសងជល់មាន់មួយកន្លែងដ៏ធំនេះកំពុងតែក្លាយជាជំងឺមហារីកក្នុងការបង្កបង្កើននូវកំណើនចោរកម្ម ដូចជា ចោរលួច ចោរប្លន់ ចោរឆក់ ចោរគាស់ផ្ទះ ជាពិសេសអំពើហិង្សា និងកំណើនពលរដ្ឋក្រីក្រក្នុងសង្គម។

គួររំលឹកថា៖ ក្នុងដែនដីស្រុកកោះធំ ខេត្តកណ្តាល កើតឡើងនៅអំពើហិង្សា ជាញឹកញាប់ នៅក្នុងបណ្តាលតាមទីតាំងបនល្បែងស៊ីសង ដូចជាថ្មីៗនេះមានករណីផ្ទុះហិង្សា ដេញវាយ គ្នា ផ្អើលពេញប្រទេស ចេញពីទីតាំងល្បែងស៊ីសងទាំងអស់នោះឯង។

ចំណែកឯមន្ត្រីពាក់ព័ន្ធក្នុងមូលដ្ឋានហាក់ដូចជាចូលរួមយ៉ាងសកម្មក្នុងការបិទបាំងភ្នែកថ្នាក់ដឹកនាំ ដោយមិនខ្វល់ពីការបង្ក្រាបទប់ស្កាត់ ពោលគឺ បណ្តែតបណ្ដោយឲ្យម្ចាស់ទីតាំងធ្វើអ្វីៗស្រេចតែអំពើចិត្ត។ ទោះបីជាថ្មីៗនេះ សម្តេចតេជោ ហ៊ុន សែន និងសម្តេចក្រឡាហោម ស ខេង បានចេញបទបញ្ជាយ៉ាងម៉ឺងម៉ាត់ ក៏មន្ត្រីពាក់ព័ន្ធទាំងអស់នោះមិនខ្វល់ពីបទបញ្ជាដែល។

ប្រជាពលរដ្ឋស្នើសុំដល់ឯកឧត្តម គង់ សោភ័ណ្ឌ អភិបាលខេត្តកណ្តាល និងលោកឧត្តមសេនីយ៍ទោ ឈឿន សុចិត្ត ស្នងការខេត្តកណ្តាល សូមលោកមេត្តាចាត់វិធានការបង្ក្រាបទប់ស្កាត់ផង ជៀសវាងមានករណី ជនបរទេស យកដំបង ដេញវ៉ៃ ជាតិសាសន៍ខ្មែរ ខ្លួនឯង ដូចពេលកន្លងថ្មី៕