ទីតាំងល្បែងស៊ីសងខុសច្បាប់ កំពុងបង្កការភ័យខ្លាចយ៉ាងខ្លាំង ក្នុងស្រុក្រគរ ខណៈសមត្ថកិច្ចមូលដ្ឋានរក្សាភាពស្ងៀមស្ងាត់
![](https://blogger.googleusercontent.com/img/b/R29vZ2xl/AVvXsEiTxtB5cGqCqEWnvwr-tZqo9tgTY7NY1TIauhz9AUsBVWxHlVRWnVj1_ulmpNXuCBKL1odoYL8KcgTvvD3Sr3bp3qCixj2OhHeGSP0U8aldP_zwNTRVRueAJ_7UD-CCLtRAy4QdlvBC1puUc4ulx7g-TIX8SQdObkHp5c5ruBqK1hV_QiATpvyS75BQ/s1600/Polish_20220904_172847689.jpg)
ទីតាំងល្បែងស៊ីសងខុសច្បាប់ កំពុងបង្កការភ័យខ្លាចយ៉ាងខ្លាំង ក្នុងស្រុក្រគរ ខណៈសមត្ថកិច្ចមូលដ្ឋានរក្សាភាពស្ងៀមស្ងាត់
ខេត្តពោធិ៍សាត់៖ ស្ថិតនៅភូមិផ្សារ ឃុំក្បាលត្រាច ស្រុកក្រគរ ខេត្តពោធិ៍សាត់ ត្រង់ចំណុចក្នុងផ្ទះលក់បាយកាហ្វេនិងភេសជ្ជៈ យីហោ «សាន់តាណា» កំពុងតែបង្កកើតបទល្មើសល្បែងស៊ីសងខុសច្បាប់ «មាន់ជល់ហាយ តាមទូរទស្សន៍» បានយ៉ាងរលូន ខណៈសមត្ថកិច្ចកំពុងតែរក្សាភាពស្ងៀមស្ងាត់។
តាមប្រភពព័ត៌មាន ដែលសារព័ត៌មានយើងទទួលបាននៅថ្ងៃ០៤ ខែកញ្ញា ឆ្នាំ២០២២នេះ បានឲ្យដឹងថា ទីតាំងខាងលើនេះបាន បើកដំណើរការទទួល ដែលជាអ្នកញៀនល្បែងគ្រប់មជ្ឈដ្ឋាន យ៉ាងច្រើនកុះករ និងស្រែកហ៊ោរកញ្ជ្រៀវ យ៉ាងអណាធិបតេយ្យ ដោយគ្មានឃើញអាជ្ញាធរនិងសមត្ថកិច្ចពាក់ព័ន្ធណាម្នាក់ចេញមុខមកបង្រ្កាបសោះឡើយ។
ប្រភពព័ត៌មានក៏បានបញ្ជាក់ឲ្យដឹងថា៖ ទីតាំងល្បែងស៊ីសងខុសច្បាប់ខាងលើនេះ លោក មោក ភារម្យ អធិការនគរបាលស្រុកក្រគរ នៃស្នងការដ្ឋាននគរបាលខេត្តពោធិ៍សាត់ ក៏បានដឹងដែរ តែលោកមិនបង្ក្រាប នោះទេ។
ពលរដ្ឋមានការភ័យខ្លាចយ៉ាងខ្លាំងចំពោះវត្តមានទីតាំងបទល្មើស ល្បែងស៊ីសងខុសច្បាប់ខាងលើ ព្រោះល្បែងស៊ីគឺជាដើមកំណើតនៃចោរលួច ចោរប្លន់ ចោរឆក់សម្លាប់ ហិង្សាក្នុងគ្រួសារ និងភាពអសន្តិសុខផ្សេងៗ។
ប្រជាពលរដ្ឋបានលើកឡើងដោយរិះគន់ថា លោក មោក ភារម្យ អធិការនគរបាលស្រុកក្រគរ មិនព្រមបង្ក្រាបបទល្មើសល្បែងស៊ីសងខុសច្បាប់ទាំងនោះ សង្ស័យតែមានភាគហ៊ុនជាមួយម្ចាស់ទីតាំងហើយ ទើបមិនបង្រ្កាប។
ប្រជាពលរដ្ឋជាច្រើនស្នើសុំដ៏លោក ស ថេង ស្នងការនគរបាលខេត្តពោធិ៍សាត់ សូមជួយពិនិត្យមើលលោក មោក ភារម្យ អធិការនគរបាលស្រុកក្រគរ ផង ព្រោះបទល្មើសពេញភូមិបែរជាមិនបង្រ្កាប តើឯណាទៅបញ្ជាឱ្យអនុវត្តភូមិឃុំមានសុវត្ថិភាព៕
![](https://blogger.googleusercontent.com/img/b/R29vZ2xl/AVvXsEgw5cLbBXj1fyMEZ3v8S2nYYogREvAWQmnzCxND7Qhzwos6zAbhgnzAYJzTbPi7PupR2S361o2HGpWGodY0cD3BIku3FFB1n07-GVT0fQxBaDpcIQ3HiQOp6BMaogyABl58aJvSBuz5CiMb867KZl4se3hImCs9NjGsFwZWDX1f0s3TcftsEu0UGkTq/s1600/IMG_5198-1024x683.jpg)
![](https://blogger.googleusercontent.com/img/b/R29vZ2xl/AVvXsEhQS1KymRVnSrOkvTAsF94yoTBEw5efkJ5O0GayzdWBp3kYYJ-C5SKx1kumJPzptQV7DcBqp1mg0iVVv7DaqhnzpXSnbVXtbcjoTzm0CStew2y3pOCRfsT3GFGG2cV5WnSOsZsq38jw5h1KbuAbWGaJBrgCNZykBUjIGfl7pA01FIbDIzI5UtgfV2E_/s1600/Picsart_22-09-04_17-22-34-134.jpg)
![](https://blogger.googleusercontent.com/img/b/R29vZ2xl/AVvXsEilJnNlRQFvlWcnkfM7ORw5GKmnYmhVDxCtS0JfTbKnuwW-kAiHSUFv7sWZJgE3qc95H70kMWlpJaVAQ8GUC5vy_ZlCtDCBk84ifSnMO1HMGbGUm0OOWRCu3VNPLODx0lQ-n9i0Q5amUQ8u9o2G0p5VdB1XkL8g7tnP9pQtlCSIU40V47VZnnIWPrCo/s1600/IMG_20220904_172312_893.jpg)
![](https://blogger.googleusercontent.com/img/b/R29vZ2xl/AVvXsEgKtqPKlvuSZUwDT9x4nh8VMNRBeTaVaza62DwscRMF0e7Td8iNfBY1CMQM-I6z1s6BTTBhNPylZdLi4HvwldGrXxU7mPi8bbeDXSEQ-pBmx6DPfbDr9qqmdrA1OVy3vcpaHa95xEEuxr6jv86Hznz6d1wYAG2pQlXXez_uvJ0TXewvb9x_1_k2xXb-/s1600/Picsart_22-09-04_17-26-11-854.jpg)
![](https://blogger.googleusercontent.com/img/b/R29vZ2xl/AVvXsEgQua8UABxaSxcD5ns-eDEaGyh7loGiOIXov0DC81jL6vcxlCD7iUA0INOJo4JOkuWYgujmJ28CrZyUK0uuBlEP2sj4n5Q-UvxDR72dHOEFmIFQVJDpqBx1q1H67xTAbiuJ0CvRaf7RKrrGyevfNWgD3HeW6Jv2kmCbnKxsFKN2Dg8RTfVzGBgb9gF9/s1600/Picsart_22-09-04_17-26-45-507.jpg)
![](https://blogger.googleusercontent.com/img/b/R29vZ2xl/AVvXsEhVlR2zWbvUw_-KEdjm60k4LRQjR9vZKG-ponVW4XUOLUKovkZ6zrlHKzvFKRLZ8RvYeoJkmZe_-u9AcdrNIJTfIJpajZz-3fTq3jxulzXiiKoBPUuHxacXpaIWQ_LakXWtIc_50lEjo4_kyvovKAkxxXpAvVhI78E4ZqKpt9AMMWpziLxR0fgYoi-v/s1600/FB_IMG_1662287498764.jpg)
No comments