យុវជនNGS Debate Club ឈ្នះមេដាយប្រមាណ ៣០គ្រឿង ពីការប្រឡងបញ្ញាវន្តអន្តរជាតិ២០២២
![](https://blogger.googleusercontent.com/img/b/R29vZ2xl/AVvXsEiMUHIqMdFhavfgS8DNROS5_XJHSQDaaLsHyCbdFatFpzK7W4Aejh_tfCYYjcUdBHlaWr7BPnIdw7DP6AqweqSA2leC8nreo2ZD76nueIOySCQrtS5h7FTcElvaYLPRGp8bRXUkDmD33bf88HVJ1y2bSjJKT5jIq_gO_imQobmsq7ktwmRq4Vqcry8c/s1600/Picsart_22-09-17_07-49-58-495.jpg)
យុវជនNGS Debate Club ឈ្នះមេដាយប្រមាណ ៣០គ្រឿង ពីការប្រឡងបញ្ញាវន្តអន្តរជាតិ២០២២
ភ្នំពេញ៖ យុវជន១៨រូប មកពីក្លឹបដេញដោលមតិ នៃវិទ្យាល័យព្រះស៊ីសុវត្ថិសាលារៀនជំនាប់ថ្មី (NGS Debate Club) បានឈ្នះមេដាយប្រមាណជា ៣០គ្រឿង ពីការប្រកួតបញ្ញាវន្តអន្តរជាតិឆ្នាំ២០២២ (The World Scholar's Cup 2022-WSC) វគ្គផ្ដាច់ព្រ័ត្រ នៅទីក្រុងបាងកក ប្រទេសថៃ។ ការប្រកួតនេះបានធ្វើឡើងកាលពីថ្ងៃទី០២-០៧ កញ្ញា ដោយមានការចូលរួមពីយុវជនមកពីជាង ៥០ប្រទេស។
បើតាមយុវជន មាស សុបញ្ញា សិស្សនៃសាលារៀនជំនាន់ថ្មីនៃវិទ្យាល័យព្រះស៊ីសុវត្ថិមាន យុវជន១៨រូប មកពី NGS Debate Club កាលពីថ្ងៃទី០១ កញ្ញា បានទៅចូលរួមការប្រកួតបញ្ញាវន្តអន្តរជាតិឆ្នាំ២០២និងបានត្រឡប់មកកម្ពុជាវិញកាលពីរសៀលថ្ងៃទី០៨ កញ្ញា។ នៅក្នុងការប្រកួតនោះ យុវជនទាំង១៨រូបនោះ បានឈ្នះមេដាយមាស ប្រាក់ និងមេដាយសំរិទ្ធ ប្រមាណជា ៣០គ្រឿង។ គួរកត់សម្គាល់ផងដែរថាក្នុងចំណោមសិស្ស ១៨នាក់នេះមានសិស្សតំណាងក្លឹបម្នាក់គឺ ហេង សិរីមង្គលដែលទទួលបានជ័យលាភីលេខមួយទៅលើបីវិញ្ញាសារឯណោះរួមមានវិញ្ញាសារដេញដោលមតិជាក្រុម, វិញ្ញាសារដេញដោលមតិ(គិតជាបុគ្គល), និងវិញ្ញាសារចំណេះដឹងទូទៅ។ មិនតែប៉ុណ្ណោះគាត់ក៏បានទទួលជ័យលាភីលេខមួយជាបេក្ខជនឆ្នើមក្នុងចំណោមសិស្សមកពីប្រទេសកម្ពុជា។
គួរបញ្ជាក់ថា នៅក្នុងវគ្គប្រចាំតំបន់ ដែលបានប្រព្រឹត្តទៅនៅកម្ពុជា យុវជនមកពី NGS Debate Club ២១រូប បានទៅប្រកួតនៅវគ្គផ្ដាច់ព្រ័ត្រ។ ប៉ុន្ដែមានយុវជន១៨រូប បានសម្រេចចិត្តទៅចួលរួមប្រកួតវគ្គផ្ដាច់ព្រ័ត្រ នៅប្រទេសថៃ ខណៈយុវជន៣រូបផ្សេងទៀត នឹងទៅចូលរួមការប្រកួតវគ្គផ្ដាច់ព្រ័ត្រ នៅកោះ Nha Trang ឯប្រទេសវៀតណាម នាថ្ងៃទី១៦ កញ្ញា នេះ៕
![](https://blogger.googleusercontent.com/img/b/R29vZ2xl/AVvXsEh3eyH7Cbq02UWk6fNzcCnHljIi_l7zK93au-09NduBdyBrb0dTtP3LZ0m7iaS838z4btlNhiX8v8KFJuUnhKqD4wy1sJNnvwbiUESYFXlryxQ6PyqvjyozLcBIQ8V9uByYAPs1fBvWelvENbz7ZU9p-DtEE2GLlP6RCTA-MGj8T96tKJrBlrzNizoy/s1600/IMG_20220917_074646_710.jpg)
![](https://blogger.googleusercontent.com/img/b/R29vZ2xl/AVvXsEghje0gOXKf5GXDprhuCxQxZqHU5kzZCW51J5W6TT2jcv67dkzzhAj7XK7GG6moglUZr5apdDMcNqJuRbk2DaRI_zru7q5c7zHjuMQHAduRoWoGcz4HQUICmgHDVMqvz-vq_p3mhLRIJCqSkogkX7CnQY1--4GrxSeqI4X2CGBOo01C8Kr7Lx42MOvb/s1600/IMG_20220917_074649_679.jpg)
![](https://blogger.googleusercontent.com/img/b/R29vZ2xl/AVvXsEgai88Wf7kJTzEY6JaqiSfW1zQLeIjB3BQdIarrbQV4m8TTcid6SAaI8GubkzDhaU4CuFEv9pgPNoTLQbN-s6c7TM1LYijSrhZNYmxO8vPaovTWXbnW-GDv8LajMEYXBFS81vTo5jAMqC2XTOWsl1R8WtJXBEWohDJzjBL4SRFOMGTHH5YaPWHZEr6m/s1600/IMG_20220917_074652_383.jpg)
![](https://blogger.googleusercontent.com/img/b/R29vZ2xl/AVvXsEitajveENUFmG1Tt1vXJBLTHYJxBX58H170BZFNyLQfVYUIr2n-i2whlktqOjyGRzexGbKKqB2HBPnhwq2VN4LExvP5QLi8Gdvgwbs843sNMYUu2xMHK0y6h0wRhMzELc615w-81jiNpKWqjXM6wLfP6vDf4pnsxxPyFqJJVkDmca5XK0oOMzmDE1Xa/s1600/IMG_20220917_074654_928.jpg)
![](https://blogger.googleusercontent.com/img/b/R29vZ2xl/AVvXsEinSGWkvlW1Pit0rj64XZ1WvL1ePFLbAk2ucngsdUn8aRo-YX9MfxcUr1XIz6isq79taEL4E3dHkhkfJEneCoftuPadqRhgc9ZwdK9LOmHDcGM-uq9Nhs5WPVUYLudezGC37HNfPAQYodH7Yhw94WWyj6-1R_3PeBqXPepbNve9JtHC8FcJEzReZ6uW/s1600/IMG_20220917_074657_121.jpg)
No comments