ដោយសារ អាកាសធាតុអាក្រក់យន្តហោះ១គ្រឿងដឹកអ្នកដំណើរជាង១៦០នាក់ ចុះចតខុសផ្លូវ សំណាងល្អមិនមានអ្នករងរបួសឡើយ
![](https://blogger.googleusercontent.com/img/b/R29vZ2xl/AVvXsEg_cVzM7zKVe8l69byW901v2b172Bgzuwq_1P36J97NFc-GrynhYCsSoBU7hmAcI5IkmEvo2STkgN5EW-ghfoKe4SeRpcQoMW-lCi9dVyqAzhwCj1nKINGjQIHIzpslJGsy_wNzSC9el7l2FlPtS6D5vq9p6CUu7mQ1lB2Nt-KpQPGOFuYoYvz8CTMA/s1600/Picsart_22-10-25_10-25-09-591.jpg)
ដោយសារ អាកាសធាតុអាក្រក់យន្តហោះ១គ្រឿងដឹកអ្នកដំណើរជាង១៦០នាក់ ចុះចតខុសផ្លូវ សំណាងល្អមិនមានអ្នករងរបួសឡើយ
ហ្វីលីពីន៖ យន្តហោះមួយគ្រឿងរបស់ក្រុមហ៊ុនអាកាសចរណ៍ Korea Airlines បានជួបគ្រោះថ្នាក់ ខណៈពេលព្យាយាមចុះចតទាំងអាកាសធាតុអាក្រក់ ក្នុងប្រទេសហ្វីលីពីន ប៉ុន្តែគ្មានអ្នកដំណើរណាម្នាក់រងរបួសឡើយ។
ហេតុការណ៍នេះកើតឡើងកាលពីយប់ថ្ងៃអាទិត្យ ទី ២៣ តុលា ម្សិលមិញនេះ នៅពេលជើងយន្តហោះ flight KE631 ដែលមានដឹកអ្នកដំណើរចំនួន ១៦២នាក់ និងបុគ្គលិកយន្តហោះ ១១នាក់ បានចុះចតហួសផ្លូវ នៅព្រលានយន្តហោះអន្តរជាតិ Mactan Cebu របស់ហ្វីលីពីន។ នេះបើយោងតាមការបញ្ជាក់របស់ក្រុមហ៊ុន Korea Ailines ក្នុងសេចក្តីប្រកាសនៅថ្ងៃចន្ទ ទី ២៤ តុលានេះ។
អ្នកដំណើរ និងបុគ្គលយន្តហោះបានប្រើប្រាស់ឧបករណ៍រអិលខ្លួនចុះ (Slide) ដើម្បីគេចចេញពីយន្តហោះដែលរងការខូចខាងយ៉ាងធ្ងន់ធ្ងរនៅផ្នែកខាងមុខ។
អាជ្ញាធរអាកាសចរណ៍ស៊ីវិលហ្វីលីពីនបាននិយាយនៅក្នុងសេចក្តីថ្លែងការណ៍មួយថា «អ្នកដំណើរទាំងអស់មានសុវត្ថិភាព និងត្រូវបានហែហមដោយបុគ្គលិកសង្គ្រោះ»។
យន្តហោះនោះបុកជាប់នៅស្មៅនៅជិតកន្លែងផ្លូវរត់ បណ្តាលឱ្យមានការបិទព្រលានយន្តហោះ។ ជើងហោះហើរជាច្រើនដែលធ្វើដំណើរទៅកាន់ និងមកពីខេត្ត Cebu ត្រូវបានលុបចោល ដោយក្រុមហ៊ុនអាកាសចរណ៍ហ្វីលីពីន Philippine Airlines បានប្រកាសដំបូងថា ជើងហោះហើរក្នុងស្រុកជាង ៥០ត្រូវបានលុបចោល។
សូមបញ្ជាក់ថា យន្តហោះប្រភេទ Airbus A330 ដែលធ្វើដំណើរមកពីទីក្រុង Incheon របស់កូរ៉េខាងត្បូង បានព្យាយាមចុះចត ២ដងរួចមកហើយ មុនពេលវាចុះចតហួសផ្លូវខ្លាំងពេកលើកទី៣។
អ្នកដំណើរទាំងអស់ត្រូវបានគេនាំទៅកាន់សណ្ឋាគារ ៣ និងមានការរៀបចំជើងយន្តហោះជំនួស។
Korea Airlines និយាយក្នុងសេចក្តីប្រកាសថា ខ្លួនកំពុងកំណត់រកមូលហេតុនៃឧប្បតិ្តហេតុនោះ៕ (យោងតាមប្រភព៖ Aljazeera)
![](https://blogger.googleusercontent.com/img/b/R29vZ2xl/AVvXsEhQyaav4MO5mKxFLKN4U9DCDloULp_uJaOGpyyBgu-20fa0n-mxKDAUiS0k0Z9Y7ztYmdHYvv6ayTFEhzb-BUhBhCKz1UyrnMsXfCCZbLs9xzYrgVyrItQ5vj2VaION4UIQ470cLOjTpyBQjY6Pan7EMGH_Wrz70tTXHU688s27fr1n7ZajebS6czkS/s1600/IMG_20221025_102054_765.jpg)
![](https://blogger.googleusercontent.com/img/b/R29vZ2xl/AVvXsEhVw6WV1rLP29_N2A_mSkz36C6BIqxb_RteLjRr-KGsKIrQDZyp02NvA-xCe-_Cd8Zu0MfoD-R_wMqaBmcWyT1Hu54rOtbeqXi-uc-kprrbGN4hZko8HMKPOf4siNJ522wjvSq4vHhKDD6xyoAdYnOXHlQ4dOt-idML3qou4tvIohKKKh13Gh5tqq2M/s1600/IMG_20221025_102057_839.jpg)
![](https://blogger.googleusercontent.com/img/b/R29vZ2xl/AVvXsEjsxUhuppK8puf8rpvH2xRra1ljUWh_wH1-G3o8LHOQZB7Xal1HB4nP6EBOfa_AZJGMgTv2v6PsAKGbahhX34pfdIhbLNhe5Y8_WTvUOGsvsQgZ74r6wO79xWasNnL1thF9gWmOtypGICWvNWo9s0L4FNR2te0GFoI9hI6zoHE2Uy2nkd3DSzJ4RrtQ/s1600/IMG_20221025_102059_961.jpg)
![](https://blogger.googleusercontent.com/img/b/R29vZ2xl/AVvXsEiKnk93ZEjzz7O1kRJhjlPG5tGbtgo406nwk4_ODT28te-4_rTk4817Im-oLjwQD4_1i-KOji53w19pP_sgGIeMrbbWK8Bep-WeSsBQwbrX8lNF5zeHdCMZVtDb8OOJc0WUiakCLYZbo4nzNmQx5a5t7XYxlNEZG0IjIj4f3cyy0QYG-PfrgbA-nEbG/s1600/IMG_20221025_102104_714.jpg)
![](https://blogger.googleusercontent.com/img/b/R29vZ2xl/AVvXsEhBaXo8JvQ8_rmAGpVDBE1z5GHHhOPMn_wdIb2vY7AtfSBZNlSq2RZir_P-LQoHwWK0FflqDi_ZEswn28VbqXosT714JjakFTUvbRaFHK0AgY9BUfqIaf_LvJGx5AMscZEjqNwtvrGFn8D0v67Mb1jWz8Ma5DKht3Dnc2PEuIt0jb8vqZocKRLYyZqG/s1600/IMG_20221025_102107_153.jpg)
![](https://blogger.googleusercontent.com/img/b/R29vZ2xl/AVvXsEj8wWNKZv8BWzzXpC4qd-C60dNlb74gkYGJYVpd90j_JWjACN87gEbSOg0qZvLfaCDVt5msa4Oz0ELosCsxLml1URUvFB6JOkaSxQMtG5b1P8xndf2WwYqBL0XncmQOmnrmDtLDnKRORI7vjzVm3CSPGft6_vdB9IoRSlxG75zIvnsZYJHjjlnPrlET/s1600/IMG_20221025_102110_423.jpg)
No comments