សម្តេចក្រឡាហោម៖ មេឃុំ សង្កាត់ និងមេប៉ុស្តិ៍ អាចជ្រើសរើសមន្ត្រីនគរបាលនៅក្នុងមូលដ្ឋានដោយមិនចាំបាច់ប្រឡង
![](https://blogger.googleusercontent.com/img/b/R29vZ2xl/AVvXsEgcdW59jEoOP1zlnnlmehkXluNP1vnutZl-_MB2FVneEz5bUHFEMqWB3nfHL3avBzS1KHnzEGLKm1qu5CYZd-Zte-J1QwVAx-N2jYiDzt0YQ0nq-sYH2pBd-c5W_mD3NeGUWdZ0qR_hdcc1gnP4NV--0Bbk8UoKbCkCyT6a6bu7Qr_DrxVs1jcTYMRb/s1600/IMG_20221028_141501.jpg)
សម្តេចក្រឡាហោម៖ មេឃុំ សង្កាត់ និងមេប៉ុស្តិ៍ អាចជ្រើសរើសមន្ត្រីនគរបាលនៅក្នុងមូលដ្ឋានដោយមិនចាំបាច់ប្រឡង
បាត់ដំបង៖ មេឃុំ សង្កាត់ និងមេប៉ុស្តិ៍ អាចជ្រើសរើសមន្ត្រីនគរបាលនៅក្នុងមូលដ្ឋានរបស់ខ្លួនដោយ មិនចាំបាច់ប្រឡង ដើម្បីធានាប្រសិទ្ធភាពលើការការពារសន្ដិសុខសណ្ដាប់ធ្នាប់ជូនប្រជាពលរដ្ឋឲ្យកាន់តែល្អប្រសើរ។
ថ្លែងក្នុងពិធីបិទវគ្គបណ្ដុះបណ្ដាលកម្រិតបឋមវិជ្ជាជីវៈនគរបាលជំនាន់ទី១៥ លើកទី២ នៅសាលានគរបាលជាតិភូមិភាគ៥ ខេត្តបាត់ដំបង នាព្រឹកថ្ងៃទី២៧ ខែតុលា ឆ្នាំ២០២២នេះ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ មានប្រសាសន៍អំពីការជ្រើសរើសនគរបាលប៉ុស្តិ៍រដ្ឋបាល ឃុំ សង្កាត់ ដោយបញ្ជាក់ថា «មកដល់ឥឡូវនេះ ក្រសួងចាត់ទុកការជ្រើសរើសនគរបាលដោយសម្ភាសន៍មានប្រយោជន៍ និងប្រសិទ្ធភាពសម្រាប់ការជ្រើសរើសមន្រ្តីនគរបាលប៉ុស្តិ៍ធ្វើការនៅឃុំកំណើត ដោយមិនបាច់ប្រឡងទេ ប៉ុន្តែគឺសម្ភាសន៍។
សម្ដេចក្រឡាហោមបានបញ្ជាក់ថា អ្នកទទួលបន្ទុកសម្ភាសន៍នោះ គឺមេឃុំ សង្កាត់ និងមេប៉ុស្តិ៍ប៉ូលិសជាអ្នកសម្ភាសន៍ទៅតាមសំណួរដែលនាយកដ្ឋានបុគ្គលិករបស់ក្រសួងបាន ដាក់ឱ្យ ហើយសម្ភាសន៍កូនចៅរបស់ប្រជាពលរដ្ឋនៅឃុំសង្កាត់តែម្ដង»។
សម្ដេចក្រឡាហោម បានមានប្រសាសន៍ថា បន្ទាប់ពីឆ្លងកាត់នីតិវិធីជ្រើសរើសដោយតម្លាភាព និងយុត្តិធម៌ហើយនោះ គឺត្រូវឆ្លងកាត់ការពិនិត្យសុខភាព ពិសេសពិនិត្យទឹកនោមរកសារធាតុញៀន។ សម្ដេចក៏បានសង្កត់ធ្ងន់ដែរថា បន្ទាប់ពីបានជាប់ជានគរបាលជាតិហើយនោះ ការផ្ទេរចេញរបស់មន្រ្តីនគរបាលនោះ គឺត្រូវឆ្លងកាត់ការសម្រេចពីរដ្ឋមន្រ្តីក្រសួងមហាផ្ទៃ។
សម្ដេចក្រឡាហោមបន្ថែមថា «បើគាត់ជាអ្នកនៅមូលដ្ឋាននោះ គឺឪពុកម្ដាយគាត់ ក្រុមគ្រួសារគាត់នៅទីនោះស្រាប់ ក្ដាប់បានភូមិសាស្រ្ត ចិត្តសាស្រ្តប្រជាពលរដ្ឋក្នុងឃុំនោះស្រាប់» ។
ភ្ជាប់នឹងប្រធានបទនេះ សម្ដេចក្រឡាហោម ស ខេង បានមានប្រសាសន៍អំពីសារៈសំខាន់នៃយន្តការ ៥ នៅមូលដ្ឋាន រួមមានក្រុមប្រឹក្សាឃុំ សង្កាត់ ប៉ុស្តិ៍នគរបាលរដ្ឋបាល ស្មៀន អ្នកដឹកនាំភូមិ និងប៉ុស្តិ៍សុខភាព។ សម្ដេចបានមានប្រសាសន៍ថា រាជរដ្ឋាភិបាលបានពង្រឹង និងលើកទឹកចិត្តយន្តការទាំង ៥ នេះ ធ្វើការប្រកបដោយការទទួលខុសត្រូវ មានប្រសិទ្ធភាព ប្រជាជនស្រឡាញ់រាប់អាន និងជឿជាក់។ សម្ដេចថា ប្រសិនបើគ្រប់មូលដ្ឋានឃុំ សង្កាត់ មានយន្តការទាំង ៥ នេះល្អ គឺមានន័យថា ទូទាំងប្រទេសក៏នឹងមានភាពប្រសើរឡើងដែរ៕
![](https://blogger.googleusercontent.com/img/b/R29vZ2xl/AVvXsEjgFTzVFBy24so0YQpSZb6UocDdFDON-DxYwg25y3zJ1oY0UpBvvAmye_5zMur6UZl1g2jvWksxwaNVNCVaE8OJKOyRsndcF3Vs-5GWO1m8vbm3ftTZtjwlYUo6v96zi5Be5dnORUu7ik_AuyTFnNqmbcg6vIVLWfjxK2ezed04VjZsKre977WyZ2M-/s1600/IMG_20221028_141501.jpg)
![](https://blogger.googleusercontent.com/img/b/R29vZ2xl/AVvXsEiBavgQxkRRJxhjVO6bB8S6tNrrd7AHt4hSnQOaSDQzNkcEH2F1SIuP5l75DZYgNwNadWXN6zYxyaVokvkYU4JLtLx7SI6Mp6M0YsNRBCc6mf-aHcXygt20qYkmR_-OxQiNSCc60yiGq6HUZbSBVHgAf3aoeOUYrP6H2d1rhDByI6Ori0RSN9nDqhen/s1600/IMG_20221028_141524.jpg)
![](https://blogger.googleusercontent.com/img/b/R29vZ2xl/AVvXsEhNXz711YqBfUzviT5nHL2g2z9bl3ekGFqLQDgkxknJ-thkm1xNFOXVuQ9nPnjUwflhbCPEX_IY2mRoY0XLaLZpcIAcdtacww82AzeQdZEp1vtiBoDratUvMCQeisIhvcLTPX4CBABqWaMYEgcXIy_AbbN_uaUx5JGF_E8SuDgiXHvdzyO_2Ejge_ni/s1600/IMG_20221028_141537.jpg)
![](https://blogger.googleusercontent.com/img/b/R29vZ2xl/AVvXsEjYzYs5rzDv8Dq-WgvY8bsCuJ0HbGJy8llWWi-kIDp506TIZuyPGGN7UMCXs49xHOD0kSWGcldxzKJZqgobave9zd1yEWlAKku-nmLrjsbqd__UIGU82cwzwXCXgl6nVx4-l21NJORIjf1-Ci-PIKONgIeihZUxlqfy6GUiExsqc0wS5oq0oZ0ihaxE/s1600/IMG_20221028_141559.jpg)
![](https://blogger.googleusercontent.com/img/b/R29vZ2xl/AVvXsEiXYQOTPKm9xv2SlGXoiUQHWlnnD2gJljx0OvZmRf-6WYQRZeEyQTWkCE4gSfEpMQjyqobjpfMecEsrg3J9atX13BmXoebEFvh5VTTdVmYkVuTGqGazMWYaBfxbsVUG2tB2ZAXV9yTOYlhsiFE8qqvw2yBRgtqsDGDYGYOezI17btpSOonkOJ2ITOBt/s1600/IMG_20221028_141613.jpg)
No comments