ការដ្ឋានអណ្តូងខ្សាច់មួយកន្លែង កំពុងតែប្រើប្រាស់គ្រឿងចក្ររាប់សិបគ្រឿង សំរុកខួងយកខ្សាច់ចេញពីបាតដីយ៉ាងអណាធិបតេយ្យ ដោយគ្មានការរំខានដល់មន្ត្រីពាក់ព័ន្ធ

ការដ្ឋានអណ្តូងខ្សាច់មួយកន្លែង កំពុងតែប្រើប្រាស់គ្រឿងចក្ររាប់សិបគ្រឿង សំរុកខួងយកខ្សាច់ចេញពីបាតដីយ៉ាងអណាធិបតេយ្យ ដោយគ្មានការរំខានដល់មន្ត្រីពាក់ព័ន្ធ

ខេត្តកណ្តាល៖ ការដ្ឋានដ្ឋានខួងខ្សាច់ខ្នាតយក្សមួយកន្លែង ស្ថិតនៅត្រង់ចំណុចភូមិត្រស់ ឃុំទ្រា ស្រុកកណ្តាលស្ទឹង ខេត្តកណ្តាល កំពុងតែបញ្ចេញសកម្មភាពយ៉ាងសកម្ម ដោយប្រើប្រាស់គ្រឿងចក្រធំៗទំនើបៗគ្រប់ធុនរាប់សិបគ្រឿង ជីកអណ្ដូងខួងយកខ្សាច់ធ្វើជាអាជីវកម្មបានយ៉ាងអណាធិបតេយ្យ ដោយគ្មានការរំខានដល់មន្ត្រីពាក់ព័ន្ធក្នុងមូលដ្ឋាន។

តាមប្រភពព័ត៌មានពីប្រជាពលរដ្ឋដែលរស់នៅក្នុងមូលដ្ឋាន បានបង្ហើបប្រាប់សារព័ត៌មានយើងថា៖ ការដ្ឋានអណ្តូងខ្សាច់ដ៏ធំខាងលើនេះមិនមានច្បាប់អនុញ្ញាតត្រឹមត្រូវនោះទេ គឺជាការត្រូវរ៉ូវគ្នាជាព័ន្ធជាមួយបក្សពួកនិយមមួយចំនួនតូចតែប៉ុណ្ណោះ។

ចំណែកឯមន្ត្រីពាក់ព័ន្ធក្នុងមូលដ្ឋានរាប់ចាប់ពីថ្នាក់ឃុំរហូតដល់ថ្នាក់ស្រុកឯណោះវិញហាក់ដូចជាបើកភ្នែកម្ខាងបិទភ្នែកម្ខាង ដោយគ្មានខ្វាយខ្វល់ពីផលប៉ះពាល់នៃបាក់ស្រុតដីទៅមុខបន្តិចសោះឡើយ ពោលគឺ៖ បណ្តែតបណ្ដោយខ្លាំងមែនទែន។

ជុំវិញករណីខាងលើនេះដែរ ក្រុមការងារសារព័ត៌មានយើង បានទំនាក់ទំនងទៅកាន់លោក អ៊ួច សាវឿន អភិបាលស្រុកកណ្តាលស្ទឹង ដើម្បីសុំការបំភ្លឺពាក់ព័ន្ធទៅនឹងច្បាប់អណ្តូងខ្សាច់ តែលោកមិនមានពេលបំភ្លឺនោះទេ ព្រោះរវល់ប្រជុំ រួចក៏បិទទូរស័ព្ទ។

សំណួរសួរថាបើលោកអភិបាលស្រុក រវល់រហូតដល់គ្មានពេលវេលាមើលការខុសត្រូវចំពោះភាពមិនប្រក្រតីក្នុងមូលដ្ឋានយ៉ាងនេះ សួរថាឈ្មួញខិលខូចមួយចំនួនមិនបានចិត្ត ហើយនិងធ្វើអ្វីៗស្រេចតែអំពើចិត្ត ដោយសារតែការព្រងើយកន្តើយរបស់លោកអភិបាលស្រុក។

ពាក់ព័ន្ធទៅនឹងករណីខាងលើនេះប្រជាពលរដ្ឋស្នើសុំដល់ឯកឧត្តមអភិបាលខេត្តកណ្តាល លោក គង់ សោភ័ណ្ឌ សូមចាត់មន្ត្រីជំនាញពាក់ព័ន្ធចុះពិនិត្យមើលទីតាំងអណ្តូងខ្សាច់ខាងលើនេះទាន៕