កំណត់ហេតុមិនប្រក្រតី របស់ក្រសួងសុខាភិបាល ដែលលោក ងី មានហេង ចុះផ្សាយជាសាធារណៈពាក់ព័ន្ធមន្ទីរពហុព្យាបាល កែវ ការីណូ_វគ្គ៨
![](https://blogger.googleusercontent.com/img/b/R29vZ2xl/AVvXsEjWlI_9GEd9Wib9oDpihn4Mw3mPilk6zFEO09WOb-pgCUqXzTLQtZM6Xglc-xLAbPmeVK1jyKvb7oDONJTDiOkGEMfSqTu0JaToPFxDNCpqFqnfkVvs5lGrMfQAo6z1CudQxgsZdqskAEt3hNszFsEO8x75i_i_QbjATYjEITq4F3zLjYIv1y0jm8JE/s1600/Picsart_22-10-29_10-17-59-954.jpg)
កំណត់ហេតុមិនប្រក្រតី របស់ក្រសួងសុខាភិបាល ដែលលោក ងី មានហេង ចុះផ្សាយជាសាធារណៈពាក់ព័ន្ធមន្ទីរពហុព្យាបាល កែវ ការីណូ_វគ្គ៨
យោងតាមប្រភពព័ត៌មានដែលលោក ងី មានហេង ប្រធានមន្ទីរសុខាភិបាលរាជធានីភ្នំពេញ បានផ្តល់ឱ្យខាងសារព័ត៌មានយើង ជុំវិញកំណត់ហេតុអំពី មន្ទីរពហុព្យាបាល សម្ភព កែវការីណូ ដែលបានយកឈ្មោះលោកវេជ្ជបណ្ឌិត កែវ ការីណូ ដែលជាឈ្មោះ (ខ្មោច) ស្ថិតនៅខណ្ឌឬស្សីកែវ រាជធានីភ្នំពេញ យើងឃើញថាកំណត់ហេតុនោះមិនមានភាពប្រក្រតីនោះទេ។
នៅក្នុងកំណត់ហេតុរបស់ក្រសួងសុខាភិបាល ដែលទើបតែទំលាយចេញជាសាធារណៈដោយលោក ងី មានហេង ប្រធានមន្ទីរសុខាភិបាលរាជធានីភ្នំពេញ នៅថ្ងៃទី២៧ ខែតុលា ក្នុងកំណត់ហេតុនោះដែលមានការចូលរួមដោយមន្ត្រីជំនាញផ្នែកសុខាភិបាលចំនួនបួនរូប បានឱ្យដឹងថា មន្ទីរពេទ្យយីហោ «មន្ទីរពហុព្យាបាល កែវ ការីណូ» ស្ថិតនៅខណ្ឌឬស្សីកែវ មានឈ្មោះលោកស្រី អ៊ំ សុផលសោភា ជាម្ចាស់។ មន្ទីរសុខាភិបាលនៃរាជធានីភ្នំពេញ បានឱ្យផ្អាកសកម្មភាពអាជីវកម្មពេទ្យផងដែរ។
កំណត់ហេតុដែលចេញដោយក្រសួងសុខាភិបាល និងចែកចាយជាសាធារណៈដោយលោក ងី មានហេង ប្រធានមន្ទីរសុខាភិបាលរាជធានីភ្នំពេញ នៅលើផេកផ្លូវការ មន្ទីរសុខាភិបាលនៃរាជធានីភ្នំពេញ យើងឃើញថាខុសប្រក្រតីខ្លាំងមែនទែន ពោលគឺ៖ មិនមានស្នាមមេដៃម្ចាស់មន្ទីរពេទ្យនោះទេ។
ករណីបាត់ស្នាមមេដៃនេះខាងសារព័ត៌មានយើងមិនអាចសុំការបំភ្លឺពីលោកស្រី ឱ វណ្ណឌីន អ្នកនាំពាក្យក្រសួងសុខាភិបាលកម្ពុជាបានទេ ព្រោះលោកស្រីបានប្រាប់សារព័ត៌មានថាលោកស្រីនៅប្រទេសកូរ៉េ និងសូមឱ្យសារព័ត៌មានយើងទាក់ទងទៅប្រធានមន្ទីរសុខាភិបាលរាជធានីភ្នំពេញ ! នេះបើយោងតាមសារឆ្លើយតបតាមប្រព័ន្ធទំនាក់ទំនង Whatsapp របស់លោកស្រី ជាមួយក្រុមការងារ។
ពាក់ព័ន្ធទៅនឹងគ្មានស្នាមមេដៃខាងលើនេះ ធ្វើឱ្យមហាជនជាច្រើនដាក់ការសង្ស័យចំៗថា ករណីនេះហាក់ដូចជាមានការលាក់បាំងខ្លាំងមែនទែន ចំពោះមន្ទីរពេទ្យខុសច្បាប់ និងមន្ត្រីជំនាញពាក់ព័ន្ធ ពោលគឺ៖ កំពុងតែសម្តែងឆាកល្ខោនបំភ័ន្តភ្នែកថ្នាក់ដឹកនាំ និងមហាជន។
សូមបញ្ជាក់ដែរថា កន្លងមកប៉ុន្មានថ្ងៃមុននេះ បានបែកធ្លាយ ប្រភពព័ត៌មានពីអ្នកជិតស្និទ្ធជាមួយលោក កែវ ពិសិដ្ឋ ដែលជាបងប្អូនបង្កើតម្ចាស់ទីតាំងមន្ទីរពេទ្យដ៏ធំដែលល្មើសច្បាប់នៅខណ្ឌឬស្សីកែវ បានទំលាយប្រាប់ថាសារព័ត៌មានយើងឱ្យបានដឹងថា៖ «មូលហេតុដែលមន្ទីរពេទ្យជាច្រើនកន្លែង ដែលមានឈ្មោះវេជ្ជបណ្ឌិត កែវ ការីណូ (ជាឈ្មោះខ្មោច) អាចបើកដំណើរការបានដោយរលូននិងគ្មានការរំខានដល់មន្ត្រីជំនាញពាក់ព័ន្ធ គឺមានការបង់ប្រាក់ចំនួន ៥ពាន់ដុល្លារ ក្នុង១ឆ្នាំ ឱ្យទៅអ្នកឈរឈ្មោះកាងនៅពីក្រោយខ្នង»។
ចំណែកឯលោក កែវ ពិសិដ្ឋ ត្រូវជាកូនបង្កើតលោកវេជ្ជបណ្ឌិត កែវ ការីណូ បានបំភ្លឺទាំងងងើលទៅកាន់សារធារណៈជនថា «មន្ទីរពហុព្យាបាល សម្ភព កែវ ការីណូ» ហើយនិង «មន្ទីរពហុព្យាបាល សម្ភព សុវណ្ណ រិទ្ធីសក្ដិ» គឺបានចុះបញ្ជីត្រឹមត្រូវ ស្របច្បាប់ពីក្រសួងសុខាភិបាល។ ពោលគឺ ការបំភ្លឺនេះគឺជាការបំភ្លឺចោទប្រកាន់មកបណ្ដាញសារព័ត៌មាន និងបំពានច្បាប់យ៉ាងធ្ងន់ធ្ងរ។
ទាក់ទិនទៅនឹងមន្ទីរពេទ្យគ្មានច្បាប់ជាច្រើនកន្លែង ដែលបានបើកដំណើរការបានដោយរលូននិងគ្មានការរំខានដល់មន្ត្រីជំនាញពាក់ព័ន្ធ មហាជនជាច្រើនសូមអំពាវនាវដល់លោក ឱម យ៉ិនទៀង ប្រធានអង្គភាពប្រឆាំងអំពើពុករលួយសូមជួយបើក ការស៊ើបអង្កេតផង ទៅលើបញ្ហាបង់ប្រាក់ ៥ពាន់ដុល្លារ ក្នុង១ឆ្នាំ ដើម្បីឱ្យដំណើរការពេទ្យនេះបាន។
មហាជនជាច្រើនកំពុងតែមានការងឿងឆ្ងល់យ៉ាងខ្លាំងថា តើ ? អ្នកណានៅពីក្រោយខ្នងរឿងទទួលលុយ ៥ពាន់ដុល្លារ ក្នុង១ឆ្នាំ ! តើ ? មន្ទីរពេទ្យដែលបើកខុសច្បាប់នៅសង្កាត់បឹងទំពុន ខណ្ឌមានជ័យ រាជធានីភ្នំពេញ ដែលមានលោក កែវ ពិសិដ្ឋ ជាមេក្លោងក្នុងការប្រមូលបក្សពួកបង្កើតសាខាតាមខេត្ត ដោយយកឈ្មោះខ្មោចជាឪពុក មកបើកអាជីវកម្មព្យាបាលជំងឺវះកាត់តូចធំអាចគេចផុតពីសំណាញ់ច្បាប់ដែរឬយ៉ាងណា។
ជុំវិញភាពមិនប្រក្រតីលើកំណត់ហេតុនេះ តើ ? រដ្ឋមន្ត្រីក្រសួងសុខាភិបាល ឯកឧត្តម ម៉ម ប៊ុនហេង មានបានដឹងទេថាមន្ត្រីជំនាញរបស់ឯកឧត្តមចំនួន៤នាក់ ធ្វើកំណត់ហេតុលំលំ ដូចជាត្រូវថ្នាំសណ្តំម្ចាស់មន្ទីរពេទ្យ៕
![](https://blogger.googleusercontent.com/img/b/R29vZ2xl/AVvXsEgvNFr5zzIczgiTRLAegy4n0dGvu2ERo6hfv6UQ85BI_fHyumu5cZwx2FCnwwTiqWZgbdbq3teiKhlcJ-wPGNdJef-py3Crp_PwL_SoCOPkrbEFwjUlipfPauU7X47Kra_1q19_RuJanbOQYq057_V0msoSQwRGjnW3_DtGsWp42hAWk_yYZtU6XHOo/s1600/95226844_1185674471785239_7919195364769398784_n.jpg)
![](https://blogger.googleusercontent.com/img/b/R29vZ2xl/AVvXsEgmtc54E2z94-3ELzfOBJfxAKs8uazg-FCIpRqYMdO-x89FgZ0ZyaTomw6fqKvBT1rDVP6XVSMV2ClkHqdIjF1rZah2_ABZnS_L0rz44MQYLY4nVjuK_hF6Le_g108Y8bIRuScEgzhJnqWv6pfpfx07YD8XB37cjiHjxVb466gQJut8yfO-Y7PIzENg/s1600/IMG-20191111-WA0001.jpg)
![](https://blogger.googleusercontent.com/img/b/R29vZ2xl/AVvXsEh1vB-ayoewxdXuGPnwgRylv0DFQVXvz1AONfqwxBLBHJUx8SAuU9DQtax-NOdNO0xOyTnzftrR9PNAGd0YGVh3EDVqRB5sOY5qrbjhQh7A37_ZZEKw0KwjiU33YW3nIExCt5YTeNwfUWD5tT_IOj_xj6xv281QK2rr5YFBSJosQB-16WMdOsF4lZmh/s1600/Picsart_22-10-25_13-27-59-052.jpg)
![](https://blogger.googleusercontent.com/img/b/R29vZ2xl/AVvXsEjiZyK--ni0-1b6rCH_Q1SIFlBemx3PEaLvLhDHc8n0ktr5YKQYa4x_YcxqzNbj4k4xKPcTDjreGasir4Otb9j5yQ2bQfTYt3JZRxHrzOJxcBfT2MyYo3lgBcaDyDFG5i4NbN9k8KC69_wPyYGWVPYY-HlkjQhGerHAyf9cLY3f88Mp7MdDvGZvKc_O/s1600/Anti-Corruption-Unit_Anti-Corruption-1024x768.jpg)
![](https://blogger.googleusercontent.com/img/b/R29vZ2xl/AVvXsEglyj3ydj9IzTZNIi5KOB7sZsvdKNWYExW01tRclCPgaOdlx6Gqn82aokrvwYQSxJV_wpfyn1qhAe0cOGU_bb9LVKAbUlTI7AC4rY7vXS5ev2d4_Py6fbKJX_YvqTQ0dXZ59YtB7piTm8FumgtLkvFGRj93hT-JhfNFfv6KG7JStcigJgowOQfYBM10/s1600/Picsart_22-10-19_15-57-35-880.jpg)
![](https://blogger.googleusercontent.com/img/b/R29vZ2xl/AVvXsEjpPGnrXWnL5KxtHf8l5wJQLUQbysom7GnLve4Q0T1HpVbpQPHUrVyjEec4cBMjs4eUQd2HaYHgsCTcL3RFRvElOw4uK24UVpI7_zsuVUgStJqkGPDYB18bfxFNlItL3hGfZ4Qs40oujKjBIBva1X2atyKwSReDbl8Autf0CYvxu1DyxHdjDet5FG75/s1600/Picsart_22-10-19_15-59-43-874.jpg)
![](https://blogger.googleusercontent.com/img/b/R29vZ2xl/AVvXsEhSL-CI8LpGU0Rc421JdgLTkBUMW7AThzjSNS72_Ban6DXvMyl2QdFiW6P1RkTMqcyZiSv_6bHOZVhSleAwdHyn-gpZatf5BHeKvc2F0gbzB6Z8PPXJ1NpUfqRBScw_dleTfVzqJOubsycsTIptO5nzvo6KpiXAEE4v2UWLHG5vcfgZUstZqtyoC3mG/s1600/Picsart_22-10-20_22-30-39-349.jpg)
![](https://blogger.googleusercontent.com/img/b/R29vZ2xl/AVvXsEhHe5GFLRuhCPLhItDWL9LP3wWXkstLBIOqPVaRnlwkA_6rGunbDJSpE0oODe82M3ZLVtfOywXkDaD_zH_K9fmyzZnKKxbVw-yRF9CqDGelFbYIWEhyETwESwYuxfMcBwb5z-yJ90VWK8Ix9Ol5fAEqzlTkehemAkE2Pjcwb0YYoAc01Pq9WXLmAWeq/s1600/IMG_20221029_100346.jpg)
![](https://blogger.googleusercontent.com/img/b/R29vZ2xl/AVvXsEjG9l7hSyBl2v2w3UB0cTDaxE63CikOXpjjmsn-ATbYnitBhFAfS_klXAtwW39nkTEPUF9l8qiU1FZI1D6Qw5FbX8PZfugRWBNw9adUv0gTlWcjxHT21h0Gcgb9OnoKyCuRI57O2XLDQYzpcVLJraXbNuN8V8XYbPs2Z-Z0PsBxN1AH7kmmu8rI1P_m/s1600/IMG_20221029_100524.jpg)
![](https://blogger.googleusercontent.com/img/b/R29vZ2xl/AVvXsEiPFf69SNdM6vzRk3pEHTTiZz95cl6AEVzopVPbTw-Lx2b0zobPJdg-ND6Isof-6e4xRbcPIXCOp6EC0OdhKxuglLr7fnwKUmeJnDrMzm4-naKQNzdAKJGTVi6LAZjrMIgRce6asNzFMouMJWVaENZo44NXl4ydYjWY7pf84DNEPC5cpSfMHhsr2Cue/s1600/IMG-20221027-WA0002.jpg)
![](https://blogger.googleusercontent.com/img/b/R29vZ2xl/AVvXsEjhgUGgNZhMvIS6Nun_R49rp9_xnFL8ev8-M8GIJxKFP5Bi7Zn381IZnMaa5oaM0nBmqi5hxMDxJ2LirNEbWn9Ym1HoB0ODEwsV-9F-C7OeTqjvYoVc4t-e1A-cwt6qZYgNeT9UdT29U9fKyMmlF3849NbGBdX2ijeeR24WRy07fhVWtUZ0FyVQZ8iQ/s1600/IMG_20221027_191357.jpg)
![](https://blogger.googleusercontent.com/img/b/R29vZ2xl/AVvXsEjHT4ae8dTwhJu0SiQhgSdacPunq_0ppIG9AlQz3DaVcrhMMAq7DRh4gT4IP4BXfVq-24IKW_mmW2zP6lbZKihgjf8bCUoA8aOXwji9CSk3rf43tjTwLKcl48YSgaPBs5nC_qU4a5z4BvrURgac4_9VSrR7CjDIjb8wc3CCFDGsjwqM9WfNMqXim1ib/s1600/IMG_20221029_103527.jpg)
No comments