កម្លាំងនគរបាលឃាត់ខ្លួនមន្រ្តីយោធាម្នាក់តាមដិកាតុលាការ ក្រោយយកឈ្មោះលោកស្រី ហ៊ុន ស៊ីណាត ឆបោកយកប្រាក់ពីប្រជាពលរដ្ឋក្នុងភូមិសាស្ដ្រឃុំអណ្ដូងទឹក ស្រុកបូទុមសាគរ
![](https://blogger.googleusercontent.com/img/b/R29vZ2xl/AVvXsEjA3NRjZCuSPfSlMT5OOpFDjiqcKBh7Vz0RA7eLbptXDmx_yn7LnUgnb_LD6uTv_ZD8FQPavwwqiAh7alplZZHtn45PVuxa4nTCESFoWhpQVqmLKH110eyfq5--mzS6MAPlbi05hMY7iiiVuJ3lnXo3PcdPLSgPDvRyxuSCPUY53Cwj6sBUXnde-I8F/s1600/Picsart_22-10-27_17-45-36-665.jpg)
កម្លាំងនគរបាលឃាត់ខ្លួនមន្រ្តីយោធាម្នាក់តាមដិកាតុលាការ ក្រោយយកឈ្មោះលោកស្រី ហ៊ុន ស៊ីណាត ឆបោកយកប្រាក់ពីប្រជាពលរដ្ឋក្នុងភូមិសាស្ដ្រឃុំអណ្ដូងទឹក ស្រុកបូទុមសាគរ
ភ្នំពេញ៖ កម្លាំងនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ សហការជាមួយកម្លាំងនគរបាលខេត្តកោះកុង បានឃាត់ខ្លួនមន្រ្តីយោធាម្នាក់ តាមពាក្យបណ្តឹងរបស់លោកស្រី ហ៊ុន ស៊ីណាត ដោយចោទប្រកាន់ថា ជននេះបានយកឈ្មោះលោកស្រី ទៅឆបោកយកប្រាក់ពីប្រជាពលរដ្ឋក្នុងភូមិសាស្ដ្រឃុំអណ្ដូងទឹក ស្រុកបូទុមសាគរ ខេត្តកោះកុង។ ការឃាត់ខ្លួននេះ បានធ្វើឡើងនៅថ្ងៃទី២៧ ខែតុលា ឆ្នាំ២០២២ នៅខណ្ឌកំបូល រាជធានីភ្នំពេញ។
ការឃាត់ខ្លួននេះ ក៏បានធ្វើឡើងតាមដីកាបង្គាប់ឲ្យចាប់ខ្លួនពីសាលាដំបូងខេត្តកោះកុង។
តាមដីកាបង្គាប់ឲ្យចាប់ខ្លួន របស់សាលាដំបូងខេត្តកោះកុង បានឲ្យដឹងថា បុរសដែលត្រូវឃាត់ខ្លួននេះ ឈ្មោះ ម៉ៅ អ៊ូច ឬឈ្មោះ ម៉ៅ អ៊ុច ភេទប្រុស អាយុ៤២ឆ្នាំ (ទាហានការពារនៅព្រំដែនជើងគោក ប្រចាំខេត្ដកោះកុង នៅវេលាម៉ោង៣:០៣) មានទីលំនៅបច្ចុប្បន្ន ស្រុកមណ្ឌល ខេត្តកោះកុង។
ការឃាត់ខ្លួននេះដោយសារឈ្មោះ ម៉ៅ អ៊ុច បានយកឈ្មោះ លោកស្រី ហ៊ុន ស៊ីណាត ដើម្បីឆបោកយកប្រាក់ពីប្រជាពលរដ្ឋ ក្នុងភូមិសាស្ដ្រឃុំអណ្ដូងទឹក ស្រុកបូទុមសាគរ ខេត្តកោះកុង ដោយរូបគេ បានអះអាងជាមួយប្រជាពលរដ្ឋថា យកប្រាក់នេះមកជូនលោកស្រី ហ៊ុន ស៊ីណាត ដើម្បីឲ្យស្នើសុំកាត់ឆ្វៀលដី នៅក្នុងស្រុកបូទុមសាគរ ខេត្តកោះកុង៕
![](https://blogger.googleusercontent.com/img/b/R29vZ2xl/AVvXsEhjbgJ5HdQLX5eRlhzZP_W4Ku2OsYk-3mvi3YmIGpYm2pv0nBmRhj6PtDtlWxkI9jguR0uLGqPz5r3qWMa5KjVoZBh34mkzNbSIWOHfg7K2Aym49_upYpTUdNN_mMYsVusMWnd3J9pKMTfMZ5neZ49OYNyFI_u75Kx_qxOw89W6lWk-Q5Sb_yub1sme/s1600/IMG_20221027_162607_740.jpg)
![](https://blogger.googleusercontent.com/img/b/R29vZ2xl/AVvXsEh4fZLdf65KElxJSOkdydEPzbnciUbHTQToPBjFPB-J0V9xleR7_QSr_8ak382KU5_2b_mBe8WCasRU7ZONa6hfNvgd6mOK99dakv2_wCFMi1xLjDrwQtR9B1NSRLB5hcrHV6QzA3Z8Oj8BxLvrEuls99pz-ZZ-yiWvpNsGO50JTHlh6CsqAHqzkTPt/s1600/IMG_20221027_162610_166.jpg)
![](https://blogger.googleusercontent.com/img/b/R29vZ2xl/AVvXsEhVMNK5xNmcgr1Aw6x2DnM0zEzdEUj4yZldMd7LD-zPXoqtx4FTvT-XinTfMuf7hxA_uTpaJBQhmUNuuM7qjlHIgHV8AIWl4EzVBp1m0icffCOtwuLBE5TyBbJ8k3ST26N7mlB7UarrWW1wvMVUqSBiLDId9baO0D0q0ALZOfwmO-g_umQnJiW3EO12/s1600/IMG_20221027_162612_978.jpg)
![](https://blogger.googleusercontent.com/img/b/R29vZ2xl/AVvXsEgLkhRrtT3k9WX13LGmEAW6QPefMkpGMDFz5lTx-UErncVXDCB7GBzaqHAkdKd2-ZeM1quXA7NXNt9DTD6qulWslYvZ7GCNfBgvHF6xrrvCZRiYSOFpm5816ZgTHnhPr3Y-Z8mkTq6TGLZJc5RkE52F95GS1qs4jiyK0YEdzixdP0O3SsIhYA-BzpsI/s1600/IMG_20221027_162615_949.jpg)
![](https://blogger.googleusercontent.com/img/b/R29vZ2xl/AVvXsEjlIZGK3AjP3XWuguZwItmmr7eGXDrqh2VA2G52qbt3i559nofq3Js-XPyqGRn4YZMJwfJgjgCozQu7UntEUIOYj4MnZx2Surdgxf9SFnic849iQvYsiZy34aLVsDClnY0-6txQLzI31vdoH1F3AJwIX9_Klydpj3Y9DLELAUSFlCfrqh9eIOqdwywh/s1600/IMG_20221027_162618_408.jpg)
![](https://blogger.googleusercontent.com/img/b/R29vZ2xl/AVvXsEiDEgiCnieW6WnY0sKcIVn5pC7k2BPrXeDw5lC01g-Hrzi71rqy1r0CrGTGu_kGYe2S8BZ_LANr8R6x_lcxSjFYHpslxLi-RswSG2vi1I_kc_iYcPZ-PostP4DnT8MQ5RnfzhFrne4QY0tAhRZJvYCIkrSOSNcvvuKbu9cZ6DTfkXdldbK44gRu5Vwx/s1600/IMG_20221027_162621_176.jpg)
No comments