ប្រមុខដឹកនាំអាស៊ានបានចេញសេចក្តីថ្លែងការណ៍ អនុញ្ញាតឲ្យទីម័រឡេស្តេចូលជាសមាជិកអាស៊ានទី១១
![](https://blogger.googleusercontent.com/img/b/R29vZ2xl/AVvXsEh_Sx0Ny-uI5rvQ6CwWxNAhQycyJJ4EDKnCuUpej-QwZYeg5BmBGFqHIJspgzdVxZvFNgLTDJE2G1MUR2Qtl4xTVXGBvNv9vtWKTIjlOqvDY0SP9_4TJkrnkgs8c5c0VfM6KIsapEPojUAB2Eo4TBXdUoe_Hn2coUzhGWDSfZig2VY1Edrb2py50QPm/s1600/FB_IMG_1668153000235.jpg)
ប្រមុខដឹកនាំអាស៊ានបានចេញសេចក្តីថ្លែងការណ៍ អនុញ្ញាតឲ្យទីម័រឡេស្តេចូលជាសមាជិកអាស៊ានទី១១
ប្រមុខដឹកនាំអាស៊ាន នៅថ្ងៃទី១១ ខែវិច្ឆិកា ឆ្នាំ២០២២នេះ បានចេញសេចក្តីថ្លែងការណ៍ ជុំវិញសំណើសុំចូលជាសមាជិកអាស៊ានរបស់ទីម័រឡេស្តេ។
ក្នុងសេចក្តីថ្លែងការណ៍បានបញ្ជាក់យ៉ាងដូច្នេះថា៖ យើងទាំងអស់គ្នា ប្រមុខដឹកនាំអាស៊ាន បានជួបប្រជុំគ្នានៅទីក្រុងភ្នំពេញ ព្រះរាជាណាចក្រកម្ពុជា នាឱកាសកិច្ចប្រជុំកំពូលអាស៊ានលើកទី៤០ និង៤១ និងកិច្ចប្រជុំកំពូលពាក់ព័ន្ធ ដោយពិចារណាលើលទ្ធផល នៃបេសកកម្មស្វែងរកការពិត របស់សសរស្តម្ភសហគមន៍សន្តិសុខ-នយោបាយអាស៊ាន សហគមន៍សេដ្ឋកិច្ចអាស៊ាន និងសហគមន៍សង្គម-វប្បធម៌អាស៊ាន និងបានឯកភាពថា៖
១៖ ជាគោលការណ៍ ទីម័រឡេស្តេត្រូវបានអនុញ្ញាតឱ្យចូលរួមជាសមាជិកអាស៊ានទី១១។
២៖ ផ្តល់ឋានៈជាប្រទេសសង្កេតការណ៍ដល់ទីម័រឡេស្តេ និងអនុញ្ញាតឱ្យទីម័រឡេស្តេចូលរួមក្នុងកិច្ចប្រជុំអាស៊ានទាំងអស់ រួមបញ្ចូលទាំងសម័យប្រជុំពេញអង្គនៃកិច្ចប្រជុំកំពូលអាស៊ាន។
៣៖ បង្កើតជាផែនទីបង្ហាញផ្លូវ ផ្អែកលើលក្ខណៈវិនិច្ឆ័យអព្យាក្រឹត្យ សម្រាប់ការចូលជាសមាជិកពេញសិទ្ធិរបស់ទីម័រឡេស្តេ រួមទាំងផ្អែកលើសមិទ្ធផលសំខាន់នានា ដែលកំណត់ដោយរបាយការណ៍ នៃបេសកកម្មស្វែងរកការពិតទាំងបីសសរស្តម្ភ របស់អាស៊ាន និងបានប្រគល់ភារកិច្ច ជូនក្រុមប្រឹក្សាសម្របសម្រួលអាស៊ាន ក្នុងការបង្កើតផែនទីបង្ហាញផ្លូវនេះ ហើយត្រូវដាក់ជូនថ្នាក់ដឹកនាំអាស៊ានទាំងអស់អនុម័ត ក្នុងឱកាសកិច្ចប្រជុំកំពូលអាស៊ានលើកទី៤២។
៤៖ ប្រទេសសមាជិកអាស៊ានទាំងអស់ និងដៃគូខាងក្រៅត្រូវផ្តល់ការគាំទ្រ ដោយពេញលេញចំពោះ ទីម័រឡេស្តេ ក្នុងការឈានទៅសម្រេចបាននូវសមិទ្ធផល ដែលបានកំណត់ទាំងនោះ តាមរយៈការ កសាងសមត្ថភាព និងផ្តល់ការគាំទ្រចាំបាច់នានាផ្សេងទៀត សម្រាប់ការចូលជាសមាជិកអាស៊ានពេញសិទ្ធិរបស់ទីម័រឡេស្តេ៕
![](https://blogger.googleusercontent.com/img/b/R29vZ2xl/AVvXsEjFl8NdHDOKaQp4TmqRzdMbFa_iRAD_IJakkcjRu_ad6j9dOO_w0IGSeRQnss7XnqaJmCtOk6kWmKN-0UkQoILUcO1_Z3IbWBX-2RcMHp8oE9kfbqNHOvBRXmldg2_2HG6puAP0SFRl675nivMS6rjz9CLRyOfJZhdqurDoLKGj6k6X3JVFooxSNGOP/s1600/FB_IMG_1668153002453.jpg)
![](https://blogger.googleusercontent.com/img/b/R29vZ2xl/AVvXsEgk1d9Q2NEC11Hny9MxfeLKqQraQ2LnNGFQcYkBQos1CoscyIyqFnrsN1ajTG3esP137tf9EAxfJRadRr5TVxEQuDRgHOkuFSMKbZlG2rwuje9SVcSLWyhb1A5nVIe5Od3hhdECYLc8Rq29PCeEZUdsh6o-dGf1jYHDedEFfL4UrNbfgt5Ul3IpfSc3/s1600/FB_IMG_1668153007370.jpg)
![](https://blogger.googleusercontent.com/img/b/R29vZ2xl/AVvXsEiuBfCbAWvOLDU3BuP7X6OtqowHqlRbFwWdt4S_weCTgHVEqgcBZk4ew_RhRa4bdwobdFASkR3r1tHSzfJlw9jV8KGcmrhfw03-y8O7TzWyKuAresAa20s_EeDZdrjv7oGwhbOVvk3agDDZ29ipqBy0xuLhu98YBSMpUk35v-7THj_4rCmgluPcCm3i/s1600/FB_IMG_1668153010298.jpg)
No comments