សាយក្លិនស្អុយ៖ មេឃុំព្រែកតាមាក់ លោក ឆាយ សេន សារភាពថាខ្លួនពិតជាបានរួមចំណែកខុសជាមួយលោក ពោច សួរ ដោយក្លែងកិច្ចសន្យាជួលដីពិតប្រាកដមែន_វគ្គ២
![](https://blogger.googleusercontent.com/img/b/R29vZ2xl/AVvXsEi0AxSlm1jVuz20BbzoRb2EnPJEwyw8oTPPnULJ3919xzV8PbcESwegWXkovbz_rpufjYsMLQw7KL370jywzPHL8bZX7TdLC5bF7VANx6hjabq58kwcU-nhNt3KLOf0G9O1nw1UmcHxvZ5XzjYDILfLWrS6LYNFGsiX6ERqtHeaACZTTwj1mA6IjYZB/s1600/IMG_20221207_182436.jpg)
សាយក្លិនស្អុយ៖ មេឃុំព្រែកតាមាក់ លោក ឆាយ សេន សារភាពថាខ្លួនពិតជាបានរួមចំណែកខុសជាមួយលោក ពោច សួរ ដោយក្លែងកិច្ចសន្យាជួលដីពិតប្រាកដមែន_វគ្គ២
ចេញផ្សាយនៅថ្ងៃទី០៧ ខែធ្នូ ឆ្នាំ២០២២ វេលាម៉ោង១៨:៤១នាទីច្បាស់ការហើយកិច្ចសន្យាជួលដីនិងតារាងបាល់របស់លោក ពោច សួរ ជួលឱ្យទៅឈ្មោះ ឈឿន សារុំ ស្ថិតនៅឃុំព្រែកតាមាក់ ស្រុកខ្សាច់កណ្តាល ខេត្តកណ្តាល តាមពិតគឺជារឿងរួមគំគិតគ្នាភូតកហុកបោកប្រាស់ក្លែងបន្លំភ្នែកមហាជននិងថ្នាក់ដឹកនាំ តែប៉ុណ្ណោះ។
យោងតាមការសម្ភាសន៍យ៉ាងយកចិត្តពីក្រុមការងារសារព័ត៌មានជាមួយលោក ឆាយ សេន មេឃុំព្រែកតាមាក់ នៅថ្ងៃទី០៧ ខែធ្នូ ឆ្នាំ២០២២នេះ លោកមេឃុំ បានបញ្ជាក់ប្រាប់សារព័ត៌មានយើងយ៉ាងច្បាស់ថា៖ «កិច្ចសន្យាជួលដីរបស់លោក ពោច សួរ ឱ្យទៅឈ្មោះ ឈឿន សារុំ គឺជារឿងក្លែងបន្លំបោកប្រាស់ និងខុសច្បាប់ទាំងស្រុង មិនអាចយកជាផ្លូវការបាននោះទេ គឺខុសច្បាប់»។
លោកមេឃុំ ឆាយ សេន រូបនេះក៏បាននិយាយសារភាពប្រាប់សារព័ត៌មានដែរថា៖ «រូបលោកក៏បានចូលរួមចំណែកខុសជាមួយដែលព្រោះកិច្ចសន្យាទើបតែរៀបចំធ្វើនិងប្រថាប់ត្រានៅថ្ងៃទី០៤ ខែធ្នូ ឆ្នាំ២០២២នេះឯង តែបែរជាសរសេរចុះថ្ងៃទី០១ ខែមករា ឆ្នាំ២០២២ឯណោះវិញ»។ លោកមេឃុំ ឆាយ សេន ក៏មិនបានបញ្ជាក់ប្រាប់ថា លោកនិងធ្វើលិខិតនិងរាស្រ្តករចោល ចំពោះឯកសារក្លែងបន្លំពីសំណាក់លោក ពោច សួរ ។
គួរបញ្ជាក់ដែរថា៖ កាលពីថ្ងៃទី០៤ ខែធ្នូ ឆ្នាំ២០២២ កម្លាំងសមត្ថកិច្ចនគរបាលនៃស្នងការដ្ឋានខេត្តកណ្តាល បានចុះបង្ក្រាបទីតាំងបនល្បែងស៊ីសងខុសច្បាប់មាន់ជល់មួយកន្លែងស្ថិតនៅភូមិអន្លង់ ឃុំព្រែកតាមាក់ ស្រុកខ្សាច់កណ្តាល ខេត្តកណ្តាល ត្រង់ក្នុងចំណុចដីតារាងបាល់របស់លោក ពោច សួរ និងបានឃាត់ខ្លួនជនសង្ស័យម្នាក់ឈ្មោះ ឈឿន សារុំ បញ្ជូនទៅពន្ធនាគារខេត្តកណ្តាលតាមដីកាបង្គាប់របស់សាលាដំបូងខេត្ត។ ចំណែកឯលោក ពោច សួរ ដែលជាម្ចាស់ដីតារាងបាល់ សមត្ថកិច្ចមិនបានឃាត់ខ្លួននោះទេ ព្រោះសំអាងលើលិខិតជួលដីក្លែងបន្លំមួយច្បាប់ ដែលមានការចូលរួមគំនិតជាមួយភាគីពាក់ព័ន្ធចំនួន ០៦នាក់បូករួមទាំងលោកមេឃុំ។
ករណីក្លែងបន្លំឯកសារជួលដីពីសំណាក់លោក ពោច សួរ និងគ្នីគ្នាដែលជាសាក្សីរួមទាំងលោកមេឃុំ មហាជននិងអ្នកសារព័ត៌មានជាច្រើនបានលើកឡើងថា៖ «នេះគឺគ្រាន់ជាក្រឡាអុកលះបង់ទូកការពារស្តេចរបស់លោក ពោច សួរ ដែលជាមនុស្សមានឥទ្ធិពលលុយឡានតែប៉ុនោះ»។
មហាជននិងអ្នកសារព័ត៌មានជាច្រើនលើកឡើងថា តើករណីក្លែងបន្លំឯកសារពីលោក ពោច សួរ រួមទាំងគ្នីគ្នាគួរតែចាប់អ្នកពាក់ព័ន្ធទាំងអស់នោះដាក់គុកដូចជាឈ្មោះ ឈឿន សារុំ ដែលឬយ៉ាងណា? តើជនសង្ស័យឈ្មោះ ឈឿន សារុំ គួរតែបន្ថែមទោសពីលើ ឬបន្ថយទោស?
ជុំវិញករណីក្លែងបន្លំឯកសារខាងលើនេះឯកឧត្តមអភិបាលខេត្តកណ្តាល លោក គង់ សោភ័ណ្ឌ គួរតែមានវិធានការបែបណាចំពោះលោកមេឃុំព្រែកតាមាក់ដែលធ្វើការទាំងងងឹតមុខដូចជាត្រូវដុល្លារបាំងភ្នែក៕
![](https://blogger.googleusercontent.com/img/b/R29vZ2xl/AVvXsEhQ1zVeuQUqqGhs1RgBE5EKvJ-WpkvT3xZCqwoAEpXNSXUAUN1nAAMSeNrSkQ9R8KPG8enXswH-4pGhCIxzeaZaLjbaNBY2TXxnAvoQrdHRd_tmHHMI7o4igJ2AzNz7lJnEz3PUJwdxIspfdgYgdQZe3WbqsymAndBuP0NhNXPtyjVsbYAoiiD4EvlF/s1600/5654878-1%20%281%29.gif)
![](https://blogger.googleusercontent.com/img/b/R29vZ2xl/AVvXsEh4QqQs77IgoQC4Fz5i_pi-3ioOPE5SJuqd8LotQK34ZIg_IHddm3-z0TJQIyRWgFBqdyzSHjoumXyHzH0RxBYJuH1NWzkFJPWeyiwb_KovKQq3wYO4q8cbUKqsfYngQ6Rb32g6HLxOkYJD5v3aeuIWXcrZoZ6vpogGUPS25aUcQniIaxDK3RLRx_Mw/s1600/image-1-1024x682.png)
![](https://blogger.googleusercontent.com/img/b/R29vZ2xl/AVvXsEj1gVDjo1PA49_qtV_0EwlQqlK3OqwOW-dgdQ7_P7AdcVmsSnlKT52HoifzPkMOj9omWNkYK26vx6SSeSuQ2xIP-rcz7Va1Ev4Jssgyj8cHtwS23AIou1mLM9P74Yqb61I9pdRKinuEA49j-lXcAf5V0Hl-tmOjm7mFiOUWRaJiZOo9CYAlcaKaS19G/s1600/FB_IMG_1670227197956.jpg)
![](https://blogger.googleusercontent.com/img/b/R29vZ2xl/AVvXsEgw63UZBXGiOGgjqQO7gmm9CtuyZ22YbXV6nia1-9_wREvN-WLv9MChjxMLkCyVNBH2FAvjlWVx2Yz3c2vysI34vNfiq-fOL8ritQ0y0W7-4YFofXU0lIgbeIBlnQPR_eHmKFEalg74JwgBRxvCJbXKwC7ptXAOt3sHMns1JRR7MYnGWwC6Ya-VOAnB/s1600/IMG_20221205_162832.jpg)
![](https://blogger.googleusercontent.com/img/b/R29vZ2xl/AVvXsEh2neAc0a9EwRyMHF7t8a0UjvMZhD12uXIqlr5gW0SaEhiKjEZBvM_CRmRPdOJVaIWQ5RZ-mv-MrUTPnmVv1baFUu9MS_n8Emci-xDWrFo_knLdEF3l5ts-vvgj7TM-HpPTOQJ6TL6zjQe03Fm5lz0w7wU4WbTX0Zv0M08KK4e6tvs3AaMEkPgJxIjD/s1600/IMG_20221207_180311.jpg)
![](https://blogger.googleusercontent.com/img/b/R29vZ2xl/AVvXsEj9bJFoGnZdvsDbetMnD_wA6pk24nhxDNa68tig1110EbFtY_w6Ah2QCQMJGJRuDoqmI6j5PnNTBxeiq9jLTDUpk9UByXSCokXoe29nkQV-vWSzvRTleHgIb6zhO5RvMazZE8k9o_Xc4aUOAON6wiRRws46o5t9ALylfjTFRlFQD_P8Orm0aimzHtCX/s1600/IMG_20221207_180350.jpg)
![](https://blogger.googleusercontent.com/img/b/R29vZ2xl/AVvXsEimCfplPMHmqrILKRgngdf2jkm3XJ5Tq0Z-IUv4pooBuuKkcjKM6ppw5doZ8QuBQrzXYoSJ3BNK1RAISZQg0QqhhWKs9QCl0S3Q47HI5IlAOD4vvNQ6AbGUIOO1-wj56gL4xNNsWbyFfeXI4RQQuJ7mNSg5Fmr1xtBfQXJYEPevd1VevR1XuwUlTA9P/s1600/IMG_20221207_183741_014.jpg)
![](https://blogger.googleusercontent.com/img/b/R29vZ2xl/AVvXsEj43pjlw5EJHxGiK_V9LADE8EBZDb_4yV1DphTmWL-xqAp4eaSMYY2jn6m2d250-GotmhCWUdpzGpyxfW149gNV8gW6_2mJt3TZpyL20WhfBfybDlzdh1UhtzJCgU9f0_tpblUvexDOrGJVqi3IjVoYSTMhV_8qDikVKdqcXjpLEpj2p2n-CT9GACpF/s1600/IMG_20221207_183741_956.jpg)
No comments