ក្លឹបស្ប៉ាឆ្នេរមាស កំពុងតែផ្តល់ទីតាំងសម្រាប់ប្រើប្រាស់គ្រឿងញៀន និងល្បែងស៊ីសងយ៉ាងសកម្មដោយមិនខ្លាចធ្លាក់នរក ១៨ជាន់
![](https://blogger.googleusercontent.com/img/b/R29vZ2xl/AVvXsEjbbUOjmvyWMaM2W0-qKVR6SMwIx9zekfKIO_F9hWSkH158o3cxv92ZFh_jEiRx6a3aJNbgQpHRlxxBzRoPfDS5VMilDTiXgGMJuAR72Awv_WWrDKU1AviX8nWyEogNs49r890F7Fkr6To0-dJ6HsvgTATat35EDV0hFzyqlI1W4h7koY0X-O0tZT74/s1600/IMG_20221207_093602.jpg)
ក្លឹបស្ប៉ាឆ្នេរមាស កំពុងតែផ្តល់ទីតាំងសម្រាប់ប្រើប្រាស់គ្រឿងញៀន និងល្បែងស៊ីសងយ៉ាងសកម្មដោយមិនខ្លាចធ្លាក់នរក ១៨ជាន់
ចេញផ្សាយនៅថ្ងៃទី០៧ ខែធ្នូ ឆ្នាំ២០២២ វេលាម៉ោង០៩:៤១នាទីក្លឹបស្ប៉ាឆ្នេរមាស ដែលមានទីតាំងស្ថិតនៅខណ្ឌចំការមន រាជធានីភ្នំពេញ កំពុងតែផ្តល់ទីតាំងចែកចាយប្រើប្រាស់គ្រឿងញៀនដល់យុវជនយុវនារីជាច្រើន ដែលបានចូលទៅផឹកស៊ីរាំច្រៀងដោយមិនខ្វល់ពីផ្លូវច្បាប់។
តាមប្រភពព័ត៌មានបានឲ្យដឹងថា៖ ទីតាំងក្លឹបយីហោ «ស្ប៉ាឆ្នេរមាស» ដែលបោះទីតាំងឈរជើងនៅក្នុងដែនដីខណ្ឌចំការមន ខាងលើនេះ បានផ្តល់ទីកន្លែងសម្រាប់ការចែកចាយប្រើប្រាស់គ្រឿងញៀនយ៉ាងសកម្ម ដោយមិនខ្លាចធ្លាក់នរកប្រេត ១៨ជាន់ មិនតែប៉ុនោះក្លឹបខាងលើក៏បានបង្កប់នៅល្បែងស៊ីសងខុសច្បាប់ប្រភេទហ្គេមបាញ់ត្រីទៀតផង។
យ៉ាងណាមិញខាងសារព័ត៌មានយើងមិនអាចសុំការបំភ្លឺពីអ្នកគ្រប់គ្រងក្លឹបខាងលើបានទេ ពាក់ព័ន្ធទៅនឹងប្រភពព័ត៌មានខាងលើនេះ ដោយហេតុថាគ្មានលេខទូរស័ព្ទ។
មហាជនជាច្រើនមានចម្ងល់ថា តើលោក កៀង ល័ក្ស អភិបាលខណ្ឌចំការមន ដែលទើបតែឡើងកាន់តំណែងថ្មីៗហ៊ុយៗ ហើយនិងលោក យិន សាន អធិការខណ្ឌចំការមន ដែលកាន់ដំណែងយូរឡើងដុះស្នឹម មានដឹងទេថានៅដែនដីរបស់ខ្លួនមានជីវកម្មស្របច្បាប់ កំពុងតែបង្កប់គ្រឿងញៀន និងល្បែងស៊ីសង។
មហាជនជាច្រើនក៏បានលើកឡើងថា សព្វថ្ងៃនេះអធិការខណ្ឌចំការមន លោក យិន សាន ហាក់បីដូចជាធាត់ដុះពោះហួសប្រមាណ ធ្វើឱ្យពិបាកក្នុងការចុះបង្ក្រាបបទល្មើស ដូចជាល្បែងស៊ីសងបង្កប់គ្រឿងញៀននៅក្នុងផ្សារផ្លាហ្សាបឹងត្របែកជាន់ទី៤ ក៏លោកមិនអាចបង្ក្រាបបានដែរ។ ទោះបីជាមានខាងសារព័ត៌មានយើង ឬប្រជាពលរដ្ឋរាយការណ៍ឡើងសឹកប្រវេរមាត់ ឡើងអស់លុយសេវាទូរស័ព្ទក៏ដោយ ក៏លោកមិនអាចបង្ក្រាបបាន ពោលគឺ ឆ្លើយថាឱ្យទាក់ទងទៅលោក កៀង ល័ក្ស អភិបាលខណ្ឌ វិញទៅ។
សម្តេចក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ កាលពីថ្ងៃទី១៦ ខែកុម្ភៈ ឆ្នាំ២០២១ ធ្លាប់មានប្រសាសន៍ថា «និងត្រៀមទំលាក់ស័ក្តិចំពោះមន្ត្រីរូបណាដែលដុះពោះ»។
មហាជនស្នើសុំដល់ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ ឯកឧត្តមឧត្តមសេនីយ៍ឯក ស ថេត អគ្គស្នងការង និងជាស្នងការនគរបាលរាជធានីភ្នំពេញ សូមជួយចេញបទបញ្ជាដល់មន្ត្រីក្រោមឱវាទចុះពិនិត្យបង្ក្រាបករណីខាងលើនេះផងទាន៕
![](https://blogger.googleusercontent.com/img/b/R29vZ2xl/AVvXsEjnn-FhNS7pxizSojOvPOvQqx6tLDjlUCA-ycMUws15ljh3mzWZvGC5ihjLH5S2iGAEYhAAbGvAfesdtKk6EFyx2s4o3SnuGgyXeGSVxlP7eVsIyVI64Cw3kTIFAvktUKgUY7Hcin_1KfXnUJifBZFduXn2-a1jiEQFK2s1gBOj5xg9e4rsx7N5mXjP/s1600/photo_2021-08-23_22-22-25.jpg)
![](https://blogger.googleusercontent.com/img/b/R29vZ2xl/AVvXsEjJsYfnwyB8dwsoxhWPn0RShDnczIKdKDLPh9I1maG3h5AEyjvhw-eBqmhcsCXl2MRRiUBjMQDL7Uxz_ymbwOsyLFE3wfV_G0ROfczEoWraWAJEMpDa2vkGal6g86Q2kU7dQ4IFxDzSXHX6meksRJXwpXHKyOMQBgTaeWkd7xNNxpj9E8BfCnhXWjBM/s1600/4-12.jpg)
![](https://blogger.googleusercontent.com/img/b/R29vZ2xl/AVvXsEhT-HVM4HEDobuXrV4bMHo2IXkK-39iY40VIr4PkUC5Z8p5Robw5aDzfLB9zaseOOGbix95BvYo8dkNErUZFsRAmkIzgTsUiwdMRhJBpc-njx1ZSc4loTtoluo58JytzbQJXtMP9Jsn4y4kGE-S2Ik-IrxE5AK33aJN6gXaIlJ7cQDWJbKG4hjg-slH/s1600/IMG_20221207_085621_839.jpg)
![](https://blogger.googleusercontent.com/img/b/R29vZ2xl/AVvXsEhuVwp0WRWM1vPnW5YvYAwOC6_Yc_Qwak0BnIi0Cz7oogbLbyA35G-4dhYuWPQ2WAq361fSHsuATIQm-Oq3dsYDfSmVDKNP-0mLdPPFki5NGIu2P5tIo_jUr97G3P0rd56aKOqgk3da7reLnmiC-baTjYbAPg-3HB3WyU12xsmsPwQnQivG6FThhwJU/s1600/Picsart_22-12-07_09-37-52-663.jpg)
![](https://blogger.googleusercontent.com/img/b/R29vZ2xl/AVvXsEgxVtNST9Zyeq7vEerARSzu-Heq2G30JJEjJQ6DqOl2-k0RKTZg0E0qFpwmiwcMTHwSWplwxCULDIE9q4T4e5_lTb7AjFNTiDEuJrTpT7svLyD842DoIQyFbpokodMbhCxxeNc91rTy0oJ7nqRVTqITRcyfj9wNlsnUOFO69eDPgFtFlUaKqB4j1rzA/s1600/IMG_20221207_101129.jpg)
No comments