សម្តេចតេជោ ហ៊ុន សែន អញ្ជើញជាអធិបតីក្នុងពិធី ប្រគល់សញ្ញាបត្រជូននិស្សិត CUS ចំនួន ៦,៧៩១នាក់
![](https://blogger.googleusercontent.com/img/b/R29vZ2xl/AVvXsEg6pwxcxBnHKT8oSOjlTUy94qrd9fDkxzhFm4f6yuRC3El4KPhfwv7xOM-4E1BxgPDwuMpGmx6zvVvwCc3A2ZuwOiGRCSiGNveF8nnaMhwVTn8T7JIgcLDpHqHHxEi9HysOS-5qBZ0NzMgA7zeC0X6jQNEujAQfMWg9Se5R9Hfha7cgNtDQ6UFbGN29/s1600/FB_IMG_1674449421380.jpg)
សម្តេចតេជោ ហ៊ុន សែន អញ្ជើញជាអធិបតីក្នុងពិធី ប្រគល់សញ្ញាបត្រជូននិស្សិត CUS ចំនួន ៦,៧៩១នាក់
នៅព្រឹកថ្ងៃចន្ទ ២កើត ខែមាឃ ឆ្នាំខាល ចត្វាស័ក ព.ស. ២៥៦៦ ត្រូវនឹង ថ្ងៃទី២៣ ខែមករា ឆ្នាំ២០២៣ នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតីក្នុង ពិធីប្រគល់សញ្ញាបត្រដល់និស្សិតសាកលវិទ្យាល័យឯកទេសនៃកម្ពុជា (CUS) ចំនួន៦,៧៩១នាក់ រួមមានថ្នាក់បរិញ្ញាបត្ររង ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត មកពី ៤សាខា (ភ្នំពេញ កំពង់ចាម កំពង់ធំ និងកំពត)។ ក្នុងចំណោមនិស្សិតជ័យលាភីនេះ មាននិស្សិតអាហារូបករណ៍សម្តេចតេជោ និងសម្តេចកិតិ្តព្រឹទ្ធបណ្ឌិត ចំនួន ១៧៨នាក់ នារី ១០៥នាក់ផងដែរ។
សម្តេចតេជោ ហ៊ុន សែន ពិតជារីករាយដែលបានអញ្ជើញមកប្រគល់សញ្ញាបត្រដល់និស្សិតនៃសាកលវិទ្យាល័យឯកទេសនៃកម្ពុជានាថ្ងៃនេះ។សម្តេចតេជោ មានប្រសាសន៍កោតសរសើរក្រុមប្រឹក្សា ថ្នាក់ដឹកនាំ សាស្ត្រាចារ្យ CUS ដែលបានប្រឹងប្រែងបណ្តុះបណ្តាលធនធានមនុស្សនៅកម្ពុជា។ បើគ្មានធនធានមនុស្សទេ គឺយើងមិនអាចធ្វើអ្វីបានឡើយ ដូច្នេះត្រូវប្រឹងប្រែងបណ្តុះបណ្តាលធនធានមនុស្ស ដែលកំពុងបំពេញសេចក្តីត្រូវការលើការអភិវឌ្ឍប្រទេសជាតិ។
សម្តេចតេជោនាយករដ្ឋមន្ត្រីបានមានប្រសាសន៍ថា ការអប់រំនៅក្នុងប្រទេសកម្ពុជា គឺផ្តើមចេញពីអ្នកចេះច្រើន បង្រៀនអ្នកចេះតិច និងអ្នកចេះតិច បង្រៀនអ្នកមិនចេះ រហូតដល់សព្វថ្ងៃនេះ យើងមានលោកគ្រូអ្នកគ្រូ និងសាស្ត្រាចារ្យដែលមានចំណេះជំនាញពិតប្រាកដក្នុងការបណ្ដុះបណ្ដាល។ សម្តេចតេជោបានមានប្រសាសន៍ទៀតថា មានប្រទេសជាច្រើនបានធ្វើបដិវត្តន៍ តែមិនដូចការធ្វើបដិវត្តន៍នៅកម្ពុជានោះទេ គឺ ខុសត្រង់ថាការធ្វើបដិវត្តន៍របស់ប្រទេសទាំងនោះបានបន្តជាមួយសមិទ្ធផលរបបចាស់ ឬគ្រាន់តែកែលំអចំណុចដែលរបបថ្មីយល់ថាមិនល្អ ប៉ុន្តែនៅកម្ពុជា ត្រូវចាប់ផ្តើមឡើងវិញលើគ្រប់វិស័យ ដោយចាប់ផ្ដើមពីបាតដៃទទេ ពេលដែលប្រទេសយើងងើបពីសង្គ្រាមដ៏រ៉ាំរ៉ៃជាច្រើនឆ្នាំនោះ។
សម្តេចតេជោ ហ៊ុន សែន បានមានប្រសាសន៍ថា សម្តេចនៅតែមានមោទនភាព ចំពោះការសម្រេចឱ្យវិស័យឯកជនចូលរួមវិនិយោគលើវិស័យអប់រំ នៅក្នុងប្រទេសកម្ពុជា ដែលជាការចូលរួមចំណែកក្នុងការអភិវឌ្ឍប្រទេសជាតិឲ្យរីកចម្រើន។ សព្វថ្ងៃនេះ រាជរដ្ឋាភិបាលកម្ពុជា កំពុងពិចារណាផ្តល់ការបណ្តុះបណ្តាលវិជ្ជាជីវៈដល់ប្រជាពលរដ្ឋក្រីក្រ ដោយមិនគិតថ្លៃ ហើយផ្តល់ប្រាក់ឧបត្ថម្ភថែមទៀត ហើយសម្តេចតេជោ គ្រោងអនុវត្តន៍នៅចុងឆ្នាំ២០២៣ ឬឆ្នាំ២០២៤ខាងមុខផងដែរ។
នៅថ្ងៃនេះ សម្តេចតេជោ នាយករដ្ឋមន្ត្រី បានមានប្រសាសន៍រំលឹកថា ថ្ងៃទី២៥ មករា ២០២៣ ខាងមុខនេះ យើងត្រូវរាប់ថយក្រោយទាំងអស់គ្នា នៃដំណើរការឆ្ពោះទៅកាន់ការធ្វើជាម្ចាស់ផ្ទះនៃព្រឹត្តិការណ៍កីឡា SEA GAMES 2023។ សម្ដេចតេជោសូមសូមឱ្យប្រជាពលរដ្ឋទាំងអស់បំផុសចលនានេះឡើង ដោយសម្ដេចគិតថា ព្រឹត្តិការណ៍ស៊ីហ្គេមដែលកម្ពុជាយើងទទួលធ្វើជាម្ចាស់ផ្ទះក្នុងឆ្នាំ ២០២៣នេះ ដែលជាមោទនភាពសម្រាប់ប្រទេសកម្ពុជា ដែលយើងទន្ទឹងរងចាំអស់រយៈពេល៦០ឆ្នាំកន្លងមកហើយ។ សម្តេចតេជោ ហ៊ុន សែន មានប្រសាសន៍ថា ក្នុងព្រឹត្តិការណ៍ខាងមុខនេះ ព្រះមហាក្សត្រនឹងយាងប្រទានព្រះភ្លើងសម្រាប់ព្រឹត្តិការណ៍ស៊ីហ្គេម ចេញពីខេត្តសៀមរាប។
សម្តេចតេជោក៏បានមានប្រសាសន៍បញ្ជាក់ថាការដែលយើងសុំអោយអាស៊ានលើកពេលនាពេលកន្លងមកនេះ ដោយសារតែយើងយកពេលនោះកសាងគេហដ្ឋានរចនាសម្ព័ន្ធ ដូចជា ផ្លូវ ស្ពាន និងហេដ្ឋារចនាសម្ព័ន្ធកីឡាផ្សេងៗ។ ពេលនេះយើងទទួលបានហេដ្ឋារចនាសម្ព័ន្ធចាំបាច់សំខាន់ៗ ហើយជាពិសេសហេដ្ឋារចនាសម្ព័ន្ធកីឡាក៏មានគ្រប់គ្រាន់ផងដែរសម្រាប់ការទទួលធ្វើជាម្ចាស់ផ្ទះ នៃព្រឹត្តិការណ៍ Sea Games ខាងមុខនេះ។
ជាចុងបញ្ចប់ សម្តេចតេជោ ហ៊ុន សែន ក៏បានជូនពរ និងអបអរសាទរ ចំពោះជ័យលាភីរបស់និស្សិតទាំងអស់ និងអបអរសាទរចំពោះអាណាព្យាបាលទាំងអស់នៅថ្ងៃនេះ ដែលបានផ្ដល់ឱកាសឲ្យកូនៗបានទទួលការសិក្សាដោយជោគជ័យនៅថ្ងៃនេះ៕
![](https://blogger.googleusercontent.com/img/b/R29vZ2xl/AVvXsEhoHgm2cl0omdCfegpGLzo_EcSPqOAeTlQlcw-5govNL94ndM7av_fTqsGvqWjirNCwzAoVjX2BwO2xjEDsLoh3t8vAJJy9skYXl5pkj0u7eDvMaRQL07AgJx3E-6JO7rWlNNO6kvi1wQkSnRSEOQtw2aF6LQ0ZYo8hG9JrHIRk88fQx16P6jGFinGK/s1600/FB_IMG_1674449424108.jpg)
![](https://blogger.googleusercontent.com/img/b/R29vZ2xl/AVvXsEjxDiIBLxCFH2iinVlAzHYju_CjfxqmWGRLbcB-ELb55r_GARLs5wD4D6qJbFTxxmq2qT48ZPaF1roLPEeY1zJ_XegZ7-bPIsMN6BxFN64CIQrVE0eLU3lhbDJ0Gohmjky5XIoIbWreX7NXqu-tE_vsfwIslk-kk6Rc7JIfgcdKnvWQhKPgUsvVunA7/s1600/FB_IMG_1674449427243.jpg)
![](https://blogger.googleusercontent.com/img/b/R29vZ2xl/AVvXsEg4vv2bNN411NhyXblWj8bsMdPISVS8ZsZzmLNrqtW0Gp0qL3-fIftrf01cgJ5JOUSI5sTQitQ8HZUtGAvLfY8dJ9PpRH1_kueqNa7atQhSLxrEjnqSjWvrpRn3zPl9F2RsC1qZ_h7TRqbdjGjm_PoOBrynHkcSNqAEFlcRkOzQ64ObbuWCvxmx66fj/s1600/FB_IMG_1674449432284.jpg)
![](https://blogger.googleusercontent.com/img/b/R29vZ2xl/AVvXsEiMsVJ0cuNDO0SBVm87K9JUzhTD_L4Gki8WjI7KTvfaVFJi14x-hFXymUsK8A_GXpMlPu03nEu2E9p1gsHdAb7TbTBiBGhThVIkZmppz7RwfB4Tq6mRmMoT2D5g3NdoGIga7rkBbJ1qJD1Rig_-W8s1MfITbN4ZLdCPHYg0Sti6wjm8TlCPXg8Yyyvt/s1600/FB_IMG_1674449435298.jpg)
![](https://blogger.googleusercontent.com/img/b/R29vZ2xl/AVvXsEhapV4J_s7zER2PanG3kxB7I3maeX95KrT49iZTe7UFnp99UxYHvp0dBhR_tBCLhOmUOZy5CffhkIvJYWCJ4euKVp9iWiE0T_BVPQF4Xuu9JC621qMJp8JAhAVYXactOK_Oz7Iw79vGcIVaarFUjMrEBSarZSHQ-0jlwTxTWYOZmiQ8YeNxg-iGKsZ3/s1600/FB_IMG_1674449441694.jpg)
![](https://blogger.googleusercontent.com/img/b/R29vZ2xl/AVvXsEjZW29X43xEboFBjmsjhh8c3KUmyTMSExhpdn76ShwrJG3UqZKWL5hmD9ZqWBwBln0looWoxXxl5neJEeP6atWb05UDeaCJXSMmf0iIxlR8xWy05jfAPB6WG9CjwO47wofKudmO15XsV7OO2r9s917xVnNvUDm_bf9RL9ou6u-tmgtNcQBzCR0dGdHI/s1600/FB_IMG_1674449443885.jpg)
![](https://blogger.googleusercontent.com/img/b/R29vZ2xl/AVvXsEj9y9IlgM_C5Kgd9F09dY-CAawYL8WHtAaxhqFINAxi46IuVvXr6IoGMe5G2gOvCmSssFQNZ6By2lketTGF-LbhryHcod72PM5K76wo8jtuh1ngUqS4S5U6UXV2EYHv4lvas-Dc4Jl6YxRO9Uv99vLortFKShpyrL_2wi4qhyWqTJF5giwk7i4uomi8/s1600/FB_IMG_1674449448975.jpg)
![](https://blogger.googleusercontent.com/img/b/R29vZ2xl/AVvXsEhyqGNB0wTVqKN9sWPkFIUmunilMaqiZAiHFE9tuZcfckh3XwWrVBGm5MP20dqoasLVxE9iSYGOf55BXIoPzufHh7HAosTs2NJaFGsen-mW2-osaHi9bnX4oGbCboSl0oNUMhhCp5MahjxK2iKjUW1md64gjCwkQVcty0Plp-YpIr6W7lHCvyT_OyzV/s1600/FB_IMG_1674449451413.jpg)
![](https://blogger.googleusercontent.com/img/b/R29vZ2xl/AVvXsEiQkLeas1zQRKuNNLN4CFHuJFaEdU7gIGszshziZUhuBl-fEyY3MX0YWZF-7aT2WWHDv2YtjUgS6Bo_OPlWalHqmNw4GfJTwqaFSGJUBRb4I9JIWq_pYzx9-n0maYVROFByzE9GC5xYenEeVA-mIzWi2ymrirly6TTXCCUmY1bG4jcFvxCyYCgGIB2-/s1600/FB_IMG_1674449453818.jpg)
![](https://blogger.googleusercontent.com/img/b/R29vZ2xl/AVvXsEi0zSTUne3HVcsOi6a9g-Ok2TpkfpKGOiNObb7BVClZ9zfXN1DnULrT8zcQXOkDAtd0Y7Y_AoIeg5QJAWTLtffZZ6NOJdb6i884e64PeLCPQUH52fuoIkRggz8VyhuSXTYQO8DOhwLOEmgrysW-qpvMcd9G6cfHXobTkODL_9Jjsua9xZmirmCep2NX/s1600/FB_IMG_1674449456250.jpg)
![](https://blogger.googleusercontent.com/img/b/R29vZ2xl/AVvXsEgEDhRECayB-bl2N1oNfsmvOZpS-suR3RWC_m-6WJj0LCpCo1SuYJVeAuSogelKr91AxSNmiiqAPZ2wfqcaX3RPYF0QQH1pIdDgyU5NAPM8HVMpUeWNqFzAV97To34N_vW1yH455T5l3TE5mXxzX5or_4nkZmsWEVPMdjQlJeIfdS_WlU1vZxaXgPWJ/s1600/FB_IMG_1674449458723.jpg)
![](https://blogger.googleusercontent.com/img/b/R29vZ2xl/AVvXsEiG0wnYBfvKVZ5Qsz_zW4E7487_kFOgybRyCWpjqQ4Saqm8qGChnMS5vsP3hZB-_26n35SN8k4lGngiR1XvJpNheSCPmjSw22kH4ssR2TJPqMcgNGtqdyJGUac9kHnlTG329GiQr-INofF0qKgNQh0qV9roNgNk1oEWd5VnYPq3Q2c5sKYGpb6U2yN8/s1600/FB_IMG_1674449461040.jpg)
![](https://blogger.googleusercontent.com/img/b/R29vZ2xl/AVvXsEgI--PHqlguuGb3iB_XDzwGdJ8WBLsH0v61NGJFjuhMV0jvhAYyTa3-TMw1uFbv-zHuuxMEnqF5M7XGBI1DTZMawHPKM39Hy4AIXgchMMdLtylfiIVHHsAT-3WDD-qGi72PGFUAnHvwLwWCcK5NIZI2dj9Dc8PJeI-oYbkS2nMGzv6jd0K0SjHudaLy/s1600/FB_IMG_1674449463749.jpg)
![](https://blogger.googleusercontent.com/img/b/R29vZ2xl/AVvXsEhEeqPBuaHaJKfG7R457_ub2ZtdBumk2-bxgTeQKyRl-qOLibaHZv8H-Axb3HTnOJ5nF9Nddo5aPGK_VmY9_5vr9BjQoAxHHIr4AduT8G0a24HdS8jEXMz45TUO5zTOcTfOS6IvskWLIlxNzNhHVVe5foHXzzHPK79puerDLJicShjHYll6FVvWuj94/s1600/FB_IMG_1674449475429.jpg)
![](https://blogger.googleusercontent.com/img/b/R29vZ2xl/AVvXsEjZamajwHgpDQrFtiRuFwHlA1Qh0Ytu5icZZ9zjizNrI6hHyKpSriQoWpRwAjb4PZxwDlltsW_1xo04SzPSIAoAGKN9HkdRqiaQoRgVigxID0-SMbui9smphrk-b0aJGKzpBhGaZBkzyCoo2hButhdWdUBvqB5GMTVs4joqEnfTVcrweWsZDKlNL5in/s1600/FB_IMG_1674449485992.jpg)
![](https://blogger.googleusercontent.com/img/b/R29vZ2xl/AVvXsEigszYDrYwSt7FnnLYuzJpwAa6go02S9viyPhrO_aZsG1tzsDG513R8BFiZtn9Jej0lYJmOPQfljtdrMXkrLvqzlIyccCSeY6h20Fl1XWPcFXA5QHAhOcFCdDzyiEK1vwvjKBD-d9kvO5r3uFoTVcr86KnLE8fsAbbaXP2Gd_z0M0bRAfI7BiZBOICY/s1600/FB_IMG_1674449488916.jpg)
No comments