រឿងលេងតុងទីន ទៀតហើយ ទើបជាប់គុក១នាក់ថ្មីៗ នៅអត់រៀង
![](https://blogger.googleusercontent.com/img/b/R29vZ2xl/AVvXsEi7M1WIxE4bh8fnXs3E1fk6dk9Zyhvnvdjg126E6mAubuEYqtHaHd5yRuZ44CDV6Blt9XzpM4rP65ELAwQR-buF1P6CvGC_OVhczyYevHIHhsXmvnMVRiDvCT-7UM2YfxVgarSjdTha9o4nnIh3Cs9Cf-jhMkqSqHczPc5EwPkvwYPGaKgTBBrGcpgD/s1600/IMG_20230111_203552.jpg)
រឿងលេងតុងទីន ទៀតហើយ ទើបជាប់គុក១នាក់ថ្មីៗ នៅអត់រៀង
ផ្សាយចេញនៅថ្ងៃទី១១ ខែមករា ឆ្នាំ២០២៣ វេលាម៉ោង២០:២៧នាទីទៀតហើយប្រិយមិត្ត រឿងតុងទីនទៀតហើយ ម្នាក់ៗអត់រៀងសោះ ទើបតែជាប់គុកម្នាក់ថ្មីៗ រឿងលុយតុងទីនហ្នឹង ឥលូវចូលមកមួយរឿងថ្មីទៀតហើយ តែរឿងថ្មីមួយនេះខុសពីរឿងមុន ត្រង់ថាមេតុងទីន ខឹងកូនតុងទីនបង់លុយយឺត ក៏បង្ហោះសារហែកកេរ្តិ៍ តាមបណ្តាញសង្គមហ្វេសប៊ុក ដោយប្រើភាសាជេរប្រមាថ អសិលធម៌នខ្លាំងមែនទែន ខ្លាំងរហូតដល់កូនតុងទីនទ្រាំលែងបាន។
ករណីបង្ហោះសារជេរប្រមាទហែកកេរ្តិ៍ នេះដែរ ក៏បានកើតទៅជារឿងឈឺក្បាលវិលមុខដល់មន្ត្រីអ្នកអនុវត្តច្បាប់ផងដែរ ដោយសារតែខាងកូនតុងទីនដែលត្រូវបានមេតុងទីនបង្ហោះហែកកេរ្តិ៍ ជេរប្រមាថ ប្រើភាសាអសិលធម៌ យ៉ាងធ្ងន់ធ្ងរជាសាធារណៈ ខាងលើនោះ បានដាក់ពាក្យបណ្តឹងប្តឹងទៅកាន់ អយ្យការអមសាលាដំបូងរាជធានីភ្នំពេញ ដើម្បីឱ្យជួយចាត់វិធានការតាមផ្លូវច្បាប់។
នេះបើយោងតាមពាក្យបណ្តឹងរបស់អ្នកនាង ជៀម សម្ភស្ស (ដែលជាកូនតុងទីន) បានដាក់ពាក្យបណ្តឹងទៅកាន់អយ្យការអមសាលាដំបូងរាជធានីភ្នំពេញ សុំប្តឹងមេតុងទីន ឈ្មោះ ថៃ ដាលីន ភេទស្រី និងប្តីមេតុងទីនឈ្មោះ ស៊ុំ ស៊ីតូ ភេទប្រុស ពីបទ៖ជេរប្រមាថជាសាធារណៈ បទ៖បរិហារកេរ្តិ៍ជាសាធារណៈ និងបទ៖ញុះញង់ឱ្យមានការរើសអើង។ ហើយពាក្យបណ្តឹងនេះដែរ ក៏បានប្រថាប់ត្រាចូលនៅថ្ងៃទី០៩ ខែមករា ឆ្នាំ២០២៣ វេលាម៉ោង១៤:៤០នាទី នៃអយ្យការអមសាលាដំបូងរាជធានីភ្នំពេញ។
នៅក្នុងពាក្យបណ្តឹងនោះឃើញថាអ្នកនាង ជៀម សម្ភស្ស ដែលជាកូនតុងទីន និងត្រូវបានមេតុងទីនបង្ហោះសារជេរប្រមាថនោះ ក៏បានសូមសំណូមពរឯកឧត្តមព្រះរាជអាជ្ញា ឱ្យចាត់វិធានការចោទប្រកាន់ពីរនាក់ប្តីប្រពន្ធ ថៃ ដាលីន និង ស៊ុំ ស៊ីតូ ដែលជាមេតុងទីន ឱ្យបានធ្ងន់ធ្ងរទៅតាមផ្លូវច្បាប់ និងសុំទាមទារ សំណង់ជំងឺចិត្ត ៥មុឺនដុល្លារ (50000$)។
សូមបញ្ជាក់ថាកាលពីថ្ងៃទី ២-៣ ខែមករា ឆ្នាំ២០២៣ នេះ មានគណនីហ្វេសប៊ុកឈ្មោះ Ah Lin Nail ប្រើប្រាស់ដោយឈ្មោះ ថៃ ដាលីន បានបង្ហោះសារជេរប្រមាថ ប្រើពាក្យអសិលធម៌យ៉ាងខ្លាំង ដែលសង្គមជាតិស្អប់ខ្ពើម ទៅកាន់អ្នកនាង ជៀម សម្ភស្ស ជាសាធារណៈតាមប្រព័ន្ធទំនាក់ទំនងសង្គម។ មិនតែប៉ុនោះទេ បុរសម្នាក់ឈ្មោះ ស៊ុំ ស៊ីតូ ត្រូវជាប្តីរបស់មេតុងទីនក៏បានបង្ហោះសារយ៉ាងសាហាវ បន្ថែមទៀត លើគណនីហ្វេសប៊ុកមានឈ្មោះ Bong To ដោយពោលពាក្យថា៖ «លុយ1400$ មិនបាច់ឲ្យក៏បានដែរវ៉ៃកាត់បានអត់ម្តង150$ កាត់អស់ៗ គាំពារ 👌😋nika»
យើងទាំងអស់គ្នាប្រាកដជាដឹងហើយថា៖ ការខ្ចីលុយត្រូវតែសងលុយ ត្រូវតែដោះស្រាយតាមផ្លូវការណាមួយ មិនគួរណាបង្ហោះជេរប្រមាថ មើលងាយមើលថោក កិត្តិយសគ្នា ដោយប្រើភាសាអសិលធម៌ ដែលនាំឱ្យសង្គមជាតិស្អប់ខ្ពើម ។ ម្យ៉ាងវិញទៀតលុយនេះជាលុយលេងតុងទីន ផង មិនមែនជាលុយវិនិយោគគិនស្របច្បាប់ដែលធ្វើនៅមុខអាជ្ញាធរពាក់ព័ន្ធនោះទេ! ចុះហេតុអ្វីមិនចេះនាំគ្នាលេងឱ្យស្ងាត់ៗ លេងឱ្យស្ងាត់ៗដូចគ្រាដំបូង ដែលបានសន្យាគ្នាទៅ បើខាងណាមិនព្រមសង ដោះស្រាយគ្នាតាមផ្លូវច្បាប់ណាមួយទៅ កុំទៅបង្ហោះនាំបែកសំបុកខានបានលេង! ព្រោះដឹងហើយថាពេលដែលមានរឿង មិនសងលុយ ឬសងលុយយឺត ជេរបញ្ចោរគ្នា កើតរឿងប្តឹងផ្តល់ ប្រាកដជានាំរឿងឈឺក្បាលដល់មន្ត្រីអ្នកអនុវត្តច្បាប់ ព្រោះដឹងហើយថាមន្ត្រីអ្នកអនុវត្តច្បាប់ដឹងតែអនុវត្តច្បាប់ហើយ ពោល៖គឺមិនលើកលែងឱ្យជាដាច់ខាត។
ទាក់ទិនទៅនឹងករណីខាងលើនេះ ខាងសារព័ត៌មានយើងមិន ដឹងថា យ៉ាងណាយ៉ាងណីនោះទេ ចំពោះជោគវាសនាអ្នកលេងតុងទីនទាំងនោះ ព្រោះឃើញថាកន្លងមកថ្មីៗនេះ ទើបតែមានមេតុងទីនម្នាក់ជាប់ពន្ធនាគារ ដោយសារតែរឿងលុយនេះឯង៕
![](https://blogger.googleusercontent.com/img/b/R29vZ2xl/AVvXsEhRBtuiNoMZybsja-b56CFqg1z9GQ4wO02EGWFFGbx7wy3D7wlXvFWTpVMzdVSKJqFjD4SMmJX1L7diaryQ0f9pYlL0o-vBsU-5WwORWk3yRB5wwk70RXp1dmoa61zltZwz6jObOTUfZ66lzgljqZhLBQDUriYeXiqkzlbayfN96LjPZ7PvvMxs_nqa/s1600/IMG_20230111_200141_378.jpg)
![](https://blogger.googleusercontent.com/img/b/R29vZ2xl/AVvXsEiMUkAUXIFgMfkp0gXzWEprumaCc8tMiXNSaVHnFQFD7fAlK5wcfvEb2eLWsNTGlb0bFvKHeUtXnksj-Pc96Ge5emHpbbIgO2RIhvvrSVanaW1EwpIZgSnJnihGOAs2Nm-5uCyToo8kZo2W7rD02eRDLGE66GdrGb-azhoAdqDIpIXrogQCy5Adcknt/s1600/IMG_20230111_201104.jpg)
![](https://blogger.googleusercontent.com/img/b/R29vZ2xl/AVvXsEjPiXUYaUSMtxCnjta7VSyzZMuc_imIhYqZ8h_ymCikWMOY5TD-mezOL3Qq1j-Uyfgj4ACGpCfGAOXLVqa-ofYhptn-Fi-l3g4_CWeFkiAfHzy0Lk6IMTsy08YUN1M2wxHujd-YVcEaRCF0eMY__0atUng9ifa647wgaqn3dbZUxLsdG14SxkRELIAG/s1600/IMG_20230111_201226.jpg)
![](https://blogger.googleusercontent.com/img/b/R29vZ2xl/AVvXsEhkEugObYhunfg0zhyEi29CJlnqljGY0VCBb1wUg_N-VtYwjsakKxXawTOrZidW8UeV4-WKBq-DkcmtXhGOvbDTu-VafhywRkZrDZsZihvPY-5actC22JUYR0X8zO8NxX2t4UG-yZDgZD562E-vt5tVJww_bl_GPn66g8eoq12koFnav055j1tB70o4/s1600/IMG_20230111_201419.jpg)
![](https://blogger.googleusercontent.com/img/b/R29vZ2xl/AVvXsEgfnxIDyAdfq3Q91vHjO40nwS5siH9i_yXmfrDDcIOsMKv6P3rt8C24D5AzbdC4zEqnun7kUJDPTmfrqgJfam_tnLWzDzYDGVIg9DC-jepqKjQd5I5uuIYqgPKdgAE-LdoYBH-SiEyG2Iwp8UhWgsudyWd706psNYhhaI_HJJ4Zq_1z_54lz6vMItQJ/s1600/IMG_20230112_064022.jpg)
![](https://blogger.googleusercontent.com/img/b/R29vZ2xl/AVvXsEjrlVfONAmtemSk33AkpwgMOxDgg86MUEMtDlKzOzvfK1Crg-9JoTpcyCXoS__pOPckqhiIem474YLUf8OYYiqdhEAceEq0WhVe5SyqXJcpwZxAwC3hJ7XtU5UoRunHBHY7azZTrhOh2cpGdbxiK8GSpL3E5jLtCBu3v8VDZCf7G8hxNJSfTVEtiOVR/s1600/IMG_20230112_064723.jpg)
No comments