ឯកឧត្តម ម៉ម ប៊ុនហេង ស្នើឲ្យចាត់វិធានការចំពោះរថយន្ដគិលានសង្គ្រោះដែលឈរជើងប្រចាំការតាមដងផ្លូវគ្មានការអនុញ្ញាត
![](https://blogger.googleusercontent.com/img/b/R29vZ2xl/AVvXsEhPpaFb7XoDltC9UYafaKgaxlh0OpTvNKC4hsjRMF4PBth3EM4WF2mfppHMdIvuI4QX1J2VEu1tsaanRWiHWwZ-yu3YjOPMKMiuREdFuVjPE6dWyTVMWST-k7g1_HOgDKr5vyZuKrCzvrUXXCushEC1YUPwVR--5WpZT0iziiSjH2S-GR3u2XjWmecM/s1600/IMG_20230127_181031.jpg)
ឯកឧត្តម ម៉ម ប៊ុនហេង ស្នើឲ្យចាត់វិធានការចំពោះរថយន្ដគិលានសង្គ្រោះដែលឈរជើងប្រចាំការតាមដងផ្លូវគ្មានការអនុញ្ញាត
ចេញផ្សាយនៅថ្ងៃទី២៧ ខែមករា ឆ្នាំ២០២៣ វេលាម៉ោង១៨:១៤នាទីភ្នំពេញ៖ រដ្ឋមន្ដ្រីក្រសួងសុខាភិបាល ឯកឧត្តម ម៉ម ប៊ុនហេង បានណែនាំអភិបាលរាជធានី-ខេត្ដ ចាត់វិធានការ ចំពោះរថយន្ដគិលានសង្គ្រោះ ដែលគ្មានជំនាញបច្ចេកទេស និងគ្មានការអនុញ្ញាតពីក្រសួង ដែលកំពុងឈរជើងប្រចាំការនៅតាមដងផ្លូវសាធារណៈ ដោយគ្មាន សណ្ដាប់ធ្នាប់ រង់ចាំដឹកអ្នករងរបួស ដោយគ្រោះថ្នាក់ចរាចរណ៍ យកទៅមូលដ្ឋានសុខាភិបាលឯកជន។
យោងតាមលិខិតរបស់ ឯកឧត្តម ម៉ម ប៊ុនហេង រដ្ឋមន្ត្រីក្រសួងសុខាភិបាល នាថ្ងៃទី២៧ ខែមករា ឆ្នាំ២០២៣ បានលើកឡើងថា មួយរយៈកាលកន្លងមកក្រសួងសុខាភិបាល ធ្លាប់ធ្វើសេចក្ដីណែនាំ ច្រើនលើកច្រើនសារ រួចមកហើយ ដោយមិនអនុញ្ញាតឱ្យរថយន្ដគិលានសង្គ្រោះខុសច្បាប់ និងរថយន្ដគិលានសង្គ្រោះរបស់មូលដ្ឋានសុខាភិបាលឯកជន ទៅដឹកអ្នករងគ្រោថ្នាក់ចរាចរណ៍តាមដងផ្លូវ ដោយមូលហេតុរថយន្ដគិលានសង្គ្រោះរបស់មូលដ្ឋាន ពុំមានគ្រូពេទ្យជំនាញ និងពុំមានឧបករណ៍សម្ភារៈបរិក្ខារពេទ្យត្រឹមត្រូវគ្រប់គ្រាន់ ក្នុងការសង្គ្រោះបន្ទាន់នៅទីកន្លែង ទាំងការលើកដាក់ និងការ បញ្ជូនជូនជនរងគ្រោះ។
ឯកឧត្តមរដ្ឋមន្ដ្រី បញ្ជាក់ថា «ក្នុងន័យនេះសូមឯកឧត្ដមលោកជំទាវ ធ្វើការណែនាំ ដល់សមត្ថកិច្ចពាក់ព័ន្ធ ដើម្បីចាត់វិធានការចំពោះរថយន្ដគិលានសង្គ្រោះខុសច្បាប់ទាំងនោះទៅតាមបទបញ្ញាត្ដិជាធរមាន និងឈានទៅបិទមូលដ្ឋានសុខាភិបាលឯកជនទាំងឡាយណា ដែលនៅតែបន្ដសហការជាមួយម្ចាស់រថយន្ដគិលានសង្គ្រោះខុសច្បាប់ទាំងនោះ»។
ជាមួយគ្នានោះដែរ ឯកឧត្តមរដ្ឋមន្ដ្រី ក៏បានស្នើឱ្យអភិបាលរាជធានី-ខេត្ដ ណែនាំក្រើនរំលឹកឱ្យមន្ទីរសុខាភិបាល នៃរដ្ឋបាលរាជធានី-ខេត្ដ ពង្រឹងបន្ថែមនូវសេវារថយន្ដគិលានសង្គ្រោះ បម្រើការក្នុងសេវាសាធារណៈ នៅក្នុងដែនសមត្ថកិច្ច រៀងៗខ្លួន ឱ្យបានកាន់តែប្រសើរឡើង ថែមទៀត ដើម្បីចាត់វិធានការ តាមការណែនាំខាងលើ ឱ្យមានប្រសិទ្ធភាព និងដោយស្មារតីទទួលខុសត្រូវខ្ពស់៕
![](https://blogger.googleusercontent.com/img/b/R29vZ2xl/AVvXsEgC1f0EbA-i5P9Grr0wkbfJgStUwikI6rAqu75Yv3HJzxOrvcNoZs2RyVBOlMIhBYLLUmAPHLpE90fhKXk386ETpnypWqkpG55Q1_V6klLDmtBKCDWX1pkrpRjk900DmRgVB-LCJOFcup2giVvxftVLrUVq5Ym95pji6CdAZw04iaVXrVU6LgrtSInu/s1600/IMG_20230127_180620.jpg)
![](https://blogger.googleusercontent.com/img/b/R29vZ2xl/AVvXsEg0pexowHWeS0X_XaGSTS-kM0zIGUX7C74UaRPTmls5sqyxJWW6eHyQbuFjdXau2MB-BW_-DQ_xs6FkmpJs6mZhDBrBjvAsVyYIAkclf5dT5Ueq_2HVdwkZrw-PfjRPQrFh1XVgXdSeBRL4zaTz_KvL_IphOMFGC6H8yik7bgwQvsg72BidTju0vCg9/s1600/FB_IMG_1674816843048.jpg)
![](https://blogger.googleusercontent.com/img/b/R29vZ2xl/AVvXsEipoGQ84moM9Eu5sCIwDpRrQoimz6LrbTkL-HZZQrgPhNV0Imsgt5cZW3anNwceEyZtGq8GdjIki_gBbaaemOXW_HkujXirFpxmC_xA1h7YOxfrQmLBHw97hxLLXZKyFqoq8eB_GFzOLQ1bE3s7Odzbuo8nP2fxNg0QN-PFUl6FOiBdo8H5rLceST7G/s1600/FB_IMG_1674816858703.jpg)
![](https://blogger.googleusercontent.com/img/b/R29vZ2xl/AVvXsEgXary7vSefy_0CkZiynpXylXUcK2wcagMPzsR88ickttuuJ5bzvw4BBtqR0ow26xFvcniLYanHhtlhAA8sRak6sKxNFp2WB5I2Kxu9-X-CWKv1Hsgd9cLDxaFmnYEiibXG6owd8dLzXLrh80WwIP7H1AR5x79SEMkw195VitzM5fRoYZTEKuQRxXZR/s1600/FB_IMG_1674816878270.jpg)
No comments