ខណ្ឌច្បារអំពៅទៀតហើយ ករណីហិង្សាបង្កដោយអ្នកញៀនល្បែងស៊ីសង
![](https://blogger.googleusercontent.com/img/b/R29vZ2xl/AVvXsEi4PeFwqDavo5D10PThPiBfKdGH9-TFSg7bIQJgy203dmx0lnHXnLX4QUU7n5OtkTmxuQZTTDtz5H0VEq-OTPU8Qoda1JIZKjz5MRzGKq-1TB2InAZvpElV1LleQ9ceZJLb2pSh9ty9i1IbNDWCcvTiWG0BouMPWhjSlXuCvC1lHVCm7eQGOjrPS5C-/s1600/IMG_20230123_162111.jpg)
ខណ្ឌច្បារអំពៅទៀតហើយ ករណីហិង្សាបង្កដោយអ្នកញៀនល្បែងស៊ីសង
ចេញផ្សាយនៅថ្ងៃទី២៣ ខែមករា ឆ្នាំ២០២៣ វេលាម៉ោង១៦:១២នាទីល្បីទៀតហើយ ខណ្ឌច្បារអំពៅ កើតមានករណីហិង្សាបោកកម្ទេចទូរស័ព្ទអ្នកសារព័ត៌មាន ខណៈអ្នកសារព័ត៌មានកំពុងតែចុះបំពេញការងារថតយកសកម្មភាព ក្រុមញៀនល្បែងស៊ីសងខុសច្បាប់ជល់មាន់ ស្ថិតនៅភូមិអូរអណ្តូង សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ។
តាមប្រភពព័ត៌មានបានឱ្យដឹងថា៖ ទីតាំងល្បែងស៊ីសងខុសច្បាប់មាន់ជល់ខាងលើនេះ បានបើកដំណើរការរៀងរាល់ថ្ងៃ ជាពិសេសខ្លាំងថ្ងៃសៅរ៍និងថ្ងៃអាទិត្យ គឺមានការប្រមូលផ្ដុំគ្នាលេងយ៉ាងគគ្រឹកគគ្រេង ខណៈសមត្ថកិច្ចមូលដ្ឋានមិនមានវិធានការបង្ក្រាបសោះឡើយ។
ចំពោះទីតាំងល្បែងស៊ីសងខុសច្បាប់ខាងលើ ខាងសារព័ត៌មានបានធ្វើសេចក្តីរាយការណ៍ជាញឹកញាប់ ជូនដល់អាជ្ញាធរពាក់ព័ន្ធក្នុងមូលដ្ឋាន ដើម្បីសុំឱ្យមានការបង្ក្រាប ។ តែផ្ទុយទៅ វិញអាជ្ញាធរពាក់ព័ន្ធទាំងនោះមិនមានការបង្ក្រាបនោះទេ ពោលគឺនៅតែបណ្តែតបណ្ដោយដដែល។ រហូតដល់រសៀលថ្ងៃទី២៣ ខែមករា ឆ្នាំ២០២៣នេះ ខាងសារព័ត៌មានចុះទៅផ្តិតរូបភាព ស្រាប់តែបក្សពួកក្រុមញៀនល្បែងទាំងនោះចាប់ផ្តើមប្រើហិង្សាទៅលើអ្នកសារព័ត៌មានព័ត៌មាន ដោយចាប់ទូរស័ព្ទបោកកម្ទេចចោលចំនួនពីរគ្រឿង តែម្តង។
បើយោងតាមការផ្តល់ព័ត៌មានពីជនរងគ្រោះ ដែលជាអ្នកសារព័ត៌មាន ត្រូវបានក្រុមញៀនល្បែងចាប់ទូរស័ព្ទបោកនោះ បានប្រាប់ឱ្យដឹងថា៖ ដោយសារតែជនញៀនល្បែងនោះ ខឹងខ្លួនចុះផ្សាយព័ត៌មានពីសកម្មភាពលេងល្បែងរបស់ពួកខ្លួន ទើបគុំគួន ហើយក៏បោកទូរស័ព្ទរបស់ខ្លួនកម្ទេចចោលតែម្តង។
ករណីខាងលើនេះដែរ ជនរងគ្រោះដែលជាអ្នកសារព័ត៌មាន ស្នើសុំដល់លោក ម៉ៅ សឿត អធិការនគរបាលខណ្ឌច្បារអំពៅ និងលោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ សូមជួយចាត់វិធានការតាមផ្លូវច្បាប់ទៅជនដែលបានប្រព្រឹត្តផងទាន។
គួររំលឹកដែរថា៖ ខណ្ឌច្បារអំពៅ កន្លងមកក៏ធ្លាប់មានករណី ម្ចាស់ទីតាំងល្បែងស៊ីសងខុសច្បាប់តាមហាងកាហ្វេ បានទាញដំបងដេញវាយអ្នកសារព័ត៌មានរត់ផ្អើលពេញផ្លូវផងដែរ កាលពីចុងឆ្នាំ២០២២ កន្លងទៅថ្មីៗនេះ៕
![](https://blogger.googleusercontent.com/img/b/R29vZ2xl/AVvXsEh6r1KgvnJ5rW6TlGtOkp_fmbogX7DWLeQUaNG985WTnHtxQ1QFSYSXfVTSscofRu3cmWLwS9fZ21zkB1_PXbyOpF6HCq_C5Fc-r9hdhkDcC17WU3DqORQBcfQhSYLcT_5jIgfypqZaQgAPMvo-obFtFs__9gWrQ0bMmsMIrQIDIL6NlKLPLQcijBGV/s1600/IMG_20230123_160928.jpg)
![](https://blogger.googleusercontent.com/img/b/R29vZ2xl/AVvXsEhiEpd5FKytl9usr5c7T-upR0ufPqyc88Y-E9Ue-Pg-K4hPEsrgOiJ2iylJSm5QxAMry-32GHapNm2I4WCTJ1EhQ9Y2-A215i5R5myNwHe_0_plEtOPH4GAcvdSN3cp50XZ569m36fGaNdIIOkGcyDzaI1KZMT_nFo4Gtee6Uh3yjAjPul7tFUl9N-s/s1600/IMG_20230123_160129.jpg)
![](https://blogger.googleusercontent.com/img/b/R29vZ2xl/AVvXsEiru3gmx_FP1TsL91YtOMl2Qr6WYNl8sX_8kPNGeHuHUHu1CfFSQgPeQ6ACNO5AbJ22kIkqWuMaEf7dqPrkez56gfly1Hd9s-d5W-neLXjxVC47q22677KisBz6GhIqxAtyF64HKNCFe-VLhBF0tuG9iabzZFNwvrJLCZkgBZ8Dwwa2qB22hjwJwhfE/s1600/IMG_20230123_160012_198.jpg)
![](https://blogger.googleusercontent.com/img/b/R29vZ2xl/AVvXsEgnkAEqT2F-vy6p3VYJ_oQB_lY0Ui3KSZ3pGQyfRIBur1rIN_5U9_ynP6L_HWQZ-foFYtXcAYNcCq9RiQbi0WNI2s2PElrg9e72wpzXdKb251EG9uumv2lR0-zWq0Deurbpb0hUh4iTtgyCRNFioQ8PsGRJko67l_elVGlOeaclrOEZKrmC2jd_bgss/s1600/IMG_20230123_160020_078.jpg)
No comments