ប៉ូលិសអន្តោប្រវេសន៍ ឃាត់អ្នកសារព័ត៌មាន បង្ខំឱ្យផ្តិតមេដៃទាំងបំពាន នៅស្រុកលើកដែក សូមថ្នាក់ដឹកនាំជួយពិចារណាផង
![](https://blogger.googleusercontent.com/img/b/R29vZ2xl/AVvXsEgAya99AyDJhgzthuFNQQsYDqgmX6hYHHQEjvfHklsHmwkp77qLgR1qcyyr241_YvVPF_5i2L0bA3WQuJFV8IhWpFAr0h03YbXgRJHrE9ZN-U_n0V0t_4l8vIt2JylhSAqeYTnCtp4Alu2Mi7czV92G34LJY-Ni2f5Re9FBzszs5D53IoRGkp7gq4Re/s1600/IMG_20230129_180156.jpg)
ប៉ូលិសអន្តោប្រវេសន៍ ឃាត់អ្នកសារព័ត៌មាន បង្ខំឱ្យផ្តិតមេដៃទាំងបំពាន នៅស្រុកលើកដែក សូមថ្នាក់ដឹកនាំជួយពិចារណាផង
ចេញផ្សាយនៅថ្ងៃទី២៩ ខែមករា ឆ្នាំ២០២៣ វេលាម៉ោង១៨:១៦នាទីកាលពីថ្ងៃ២៨ ខែមករា ឆ្នាំ២០២៣ អ្នកសារព័ត៌មាន ម្នាក់ ត្រូវបានប៉ូលិសអន្តោប្រវេសន៍ ច្រកក្អមសំណ ស្រុកលើកដែក ខេត្តកណ្តាល ធ្វើការឃាត់ខ្លួនទាំងបំពាន នាំយកទៅប៉ុស្តិ៍និងបង្ខំឱ្យផ្តិតមេដៃ ធ្វើកិច្ចសន្យា។
ករណីខាងលើនេះ ធ្វើឡើងបន្ទាប់ពីអ្នកសារព័ត៌មាន រូបនោះ បានឃើញនិងបានថតនៅរូបភាពឈ្មួញម្នាក់ ដែលបានធ្វើសកម្មភាពលួចដឹកជញ្ជូនបារីគេចពន្ធ (ម៉ាកបាយ័ន) ដឹកជញ្ជូនតាមម៉ូតូចេញពីកម្ពុជាទៅវៀតណាម ក្នុងមូលដ្ឋានច្រកក្អមសំណ ស្រុកលើកដែក ខេត្តកណ្តាល ត្រង់ចំណុចទល់មុខប៉ុស្តិ៍កុងត្រូល នៅក្នុងវេលាថ្ងៃខែខាងលើ។
អ្នកសារព័ត៌មាន ដែលត្រូវបានប៉ូលិសអន្តោប្រវេសន៍ ឃាត់ខ្លួននោះ បានរៀបរាប់តាមដំណើររឿងថា៖ បន្ទាប់ពីថតរូបភាពការលួចដឹកជញ្ជូនបារីរួចមក ខ្លួនក៏បានរាយការណ៍ព័ត៌មានទៅមន្ត្រីគយនៅមូលដ្ឋានច្រកក្អមសំណដើម្បីសូមឱ្យអន្តរាគមន៍ តែផ្ទុយទៅវិញបែរជាគ្មានការអន្តរាគមន៍នោះទេ! ស្រាប់តែមួយសន្ទុះក្រោយមកបែរជាមានកងកម្លាំងនគរបាលអន្តោប្រវេសន៍មួយក្រុមធំមានគ្នាប្រមាណជាង១០នាក់ ជិះម៉ូតូដេញតាមគាត់ រួចក៏ស្ទាក់ផ្លូវហើយធ្វើសកម្មភាពមកដកសោរម៉ូតូ ឡោមព័ទ្ធគាត់ ដូចក្រុមចោរប្លន់ ថែមទាំងគំរាមសំឡុត ហើយពេលនោះក៏មានប៉ូលិសអន្តោប្រវេសន៍ ឈ្មោះ ប្រា ម៉េងលី មកប្រតាយប្រតប់ឆក់យកទូរស័ព្ទ ដៃពីគាត់ជាអ្នកសារព័ត៌មានទៀតផង។
អ្នកសារព័ត៌មានដដែលរូបនោះ បានបន្ថែមទៀតថា៖ បន្ទាប់ពី ក្រុមប៉ូលិសអន្តោប្រវេសន៍ឃាត់ខ្លួនគាត់យកទៅដល់ប៉ុសិ៍អន្តោប្រវេសន៍ ពេលនោះឈ្មោះ ងួន ម៉ាដូរ៉េ តួនាទីសេនាធិការច្រកអន្តោប្រវេសន៍ ក៏បានបង្គាប់បញ្ជាគាត់មិនឱ្យបញ្ចេញនូវរូបភាព ដែលខ្លួនថតបាននៅក្នុងមូលដ្ឋាន ហើយថែមទាំងបង្ខំគាត់ជាអ្នកសារព័ត៌មានឱ្យផ្តិតមេដៃធ្វើកិច្ចសន្យា ក្នុងការមិនបញ្ចេញរូបភាព។
សំណួរសួរថា៖ ហេតុអ្វីបានជាក្រុមប៉ូលិសអន្តោប្រវេសន៍ ច្រកកម្ពុជាវៀតណាម ក្អមសំណ ស្រុកលើកដែក ខេត្តកណ្តាល ទាំងអស់នោះ នាំគ្នាមកធ្វើសកម្មភាពឃាត់ខ្លួនអ្នកសារព័ត៌មានលើដងផ្លូវជាសារធារណៈ ទាំងដែលអ្នកសារព័ត៌មានគ្មានកំហុស គ្មានបានប្រព្រឹត្តអំពើល្មើសច្បាប់អ្វីផងនោះ។ ចំណែកឯក្រុមឈ្មួញរកស៊ីដឹកជញ្ជូនបារីខុសច្បាប់ បែរជាមិនទៅចាប់ មកចាប់អ្នកសារព័ត៌មាន ដែលជាភ្នែកជាច្រមុះរបស់អស់លោកទៅវិញ។
រដ្ឋមន្ត្រីក្រសួងព័ត៌មាន ឯកឧត្តម ខៀវ កាញារឹទ្ឋ បានមានប្រសាសន៍ដោយលើកយកមាត្រា៤០ «អំពីសិទ្ធដើរហើររបស់ប្រជាពលរដ្ឋ» ដោយឯកឧត្តមរដ្ឋមន្ត្រីបានលើកឡើងថា៖ «បើប្រជាពលរដ្ឋចង់ដើរហើរទៅណាជាសិទ្ធិរបស់គេ គឺមិនចាំបាច់ជូនដំណឹងទៅណាទេ» ក៏ប៉ុន្តែបើសិនជាគេចង់សរសេរទាក់ទិនអំពីអាជ្ញាធរសមត្ថកិច្ចកន្លែងណា គេហ្នឹងអាចមានសិទ្ធិទាក់ទងសុំសួរសុំការសម្ភាសន៍ ។ កាលលើកឡើងរបស់ឯកឧត្តម រដ្ឋមន្ត្រីក្រសួងព័ត៌មាន នេះដែរ គឺធ្វើឡើងកាលពីថ្ងៃទី១៦ ខែវិច្ឆិកា ឆ្នាំ២០២១ ក្នុងឪកាសសិក្ខាសាលាស្តីពី «ការអនុវត្តវិជ្ជាជីវៈ និងសេរីភាពអ្នកសារព័ត៌មាន ក្នុងក្របខ័ណ្ឌច្បាប់នៃព្រះរាជាណាចក្រកម្ពុជា»។
ចំពោះករណីឃាត់ខ្លួនអ្នកសារព័ត៌មាន និង បង្ខំឱ្យអ្នកសារព័ត៌មានផ្តិតមេដៃលើលិខិតកិច្ចសន្យាដើម្បីជាថ្នូរក្នុងការមិនឱ្យបញ្ចេញនូវរូបភាពរបស់ឈ្មួញរកស៊ីខុសច្បាប់ ពីសំណាក់ប៉ូលិសអន្តោប្រវេសន៍ខាងលើ អ្នកសារព័ត៌មានជាតិជាច្រើន សូមចាត់ទុកករណីនេះជាការរំលោភបំពានលើសិទ្ធិដើរហើររបស់ប្រជាពលរដ្ឋ និងជាការបំបិទសិទ្ធិសេរីភាពអ្នកសារព័ត៌មានយ៉ាងធ្ងន់ធ្ងរបំផុត ហើយក៏ជាការគំរាមកំហែងយ៉ាងខ្លាំងដល់សិទ្ធិមនុស្សនៅកម្ពុជា ដែលកម្ពុជាជាប្រទេសប្រជាធិបតេយ្យសេរីពហុបក្ស ក្រោមការដឹកនាំដ៏ឈ្លាសវៃរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។
មហាជននិងអ្នកសារព័ត៌មានជាច្រើន សូមអំពាវនាវទទូចស្នើសុំដល់សម្តេចក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ និងស្នើដល់ថ្នាក់ដឹកនាំគ្រប់ជាន់ថ្នាក់គ្រប់ស្ថាប័នពាក់ព័ន្ធ មេត្តាជួយអន្តរាគមន៍លើករណីខាងលើនេះផង និងសូមជួយរកយុត្តិធម៌ជូនដល់អ្នកសារព័ត៌មាន ដែលរង់ការរំលោភបំពានពីសំណាក់មន្ត្រីខាងលើនេះផងទាន៕
![](https://blogger.googleusercontent.com/img/b/R29vZ2xl/AVvXsEi_mu7CS4ZtrLVG_7LkDk67hdKVkEwVkNNsjzD-74Mo1YCa0L7deMxFSP9G_W9reWqHC5Y7_pLPjqTiX9fAPTy47QU3tB8xiunPetTzoaJWy3nBEJ1nTQfKe18TTURxWdVjGxP_L7SpYrwH3LtEfSw2TIpzboFWTesBMzc3KdYRGk57UgBMRsdyf_w9/s1600/photo_2021-08-23_22-22-25.jpg)
![](https://blogger.googleusercontent.com/img/b/R29vZ2xl/AVvXsEhWcHdOLWfoWM2COtQXWNYgs1I5ecfVQr-pfwARYJUTYDdlbSnSt7sbUfqbg3nkBTgZWMzzsLTWO4WkwlBoCdAce8x171Sm_UVccnNGPCzkGEOdLgxvcP9g0mlniJ2FnLScIXiuyY82_3E6-LExyeJxTCokJQ39dTbo0U5B4lTxjuw-OaatE_kUD8nb/s1600/IMG_20230129_175328.jpg)
![](https://blogger.googleusercontent.com/img/b/R29vZ2xl/AVvXsEgi_6TpmLOgCFuYSfdMr_UoHJAMk2666a7_0VwJRw7wFsL3KN9_MaH4976jB1LDhOn4dhk7gWDTouyu4qLBTD5xyKP5YERWAQsZfpQj9Ry0fDcFWJZEi6ZeBXmakK_QK1uVBwHJk28X6YgZF9qcy7KhfTfVnn3zlkhJt4X_U0LrsEKqtK3cgYIu3IKF/s1600/IMG_20230129_175443.jpg)
![](https://blogger.googleusercontent.com/img/b/R29vZ2xl/AVvXsEi2IC_Xe2kx8nKzKZeoJTLYFX-dEYacihZjioX3JueTZ2GiMwqTWP8fdF_TW7EZfWfeXBpya-l2qudKzOqX5NXq0wVxmALCCFV0S_ejwuop0R0UcMnTFxm2H80oauNuQir8pq6mYACUw_O_22cC9aeLbHW377YOiZwL-d9tLp8DT-o-elOKJ2kffnpm/s1600/IMG_20230129_180350.jpg)
![](https://blogger.googleusercontent.com/img/b/R29vZ2xl/AVvXsEhZQjFbZ-vFRk0oNEOoOAmZeQHT8Y3KuNv-3IMZChRx9mXdkHRoCZ07TdKMNjgJTvLvZIVyHTxyjnp44k5U5VHRF5qrn772cnNreezv6JZyFYedwPtBXIZfMaxk0oTPQvtdVsBuasifr8kjY-iRCt2To9Avz2zIvTrTNUi40ZwjPt1HWJPrRfseLCb8/s1600/IMG_20230129_173323.jpg)
![](https://blogger.googleusercontent.com/img/b/R29vZ2xl/AVvXsEiaBkNVxGLEllRWPIH3tebvSqpnFIRgyQtnfMwbQ0r4ya1c942719TH4_LU57JhMIoo8NSr52lKnT2a2AxwddmqhoOMGTO9Kcnd1WL4x4nc_qqEN9TC6INZ4vISi7OR9EchP3ZTJl8KCxbOGeJCf6-vnHd59lcHUNt1ool8GPndv_V2ex_fFnex-1JF/s1600/IMG_20230129_173923.jpg)
![](https://blogger.googleusercontent.com/img/b/R29vZ2xl/AVvXsEihJoEMKe7w7s0Wmnb4TxibqPD9rEWZ8Sf2ouf2uUrDFz8hgYL5ERMQZ1uKe-kOEFUTDBsrLjD5H2JoDlOXTEkG6e9z8igC2jjmDvISq92VHu-KSOjh3K3p7aa5SIiDEYB5LfSQw7_PY4rxYNtfcnUXzS9u7F94u2yjRpAEWrnUpeTpKjN_UwPUAd-L/s1600/IMG_20230129_174113.jpg)
![](https://blogger.googleusercontent.com/img/b/R29vZ2xl/AVvXsEiYIffOJdrFpYTIR2Pdn-iBIrQaco8YP-IPJZWBmptzMrfnHgdv9kEr4ozCszb_XLO8bQxbDXWH4SYccr-ZOqh7QmBrF7EBZb1yVHvNdTZmdprvvtz1AWmz38l0ZxKBibs4mU8cEah-44BZ1OaVKP5rKWhqPEhvnR138Zf9Kzp7PDzNQ2fqxZHaMdRe/s1600/IMG_20230129_174131.jpg)
![](https://blogger.googleusercontent.com/img/b/R29vZ2xl/AVvXsEgJYFnCb7NCr3FupZq8YciYwQW95Z4uV2KL_TpeLN3Uq9GZJNBKU_LNeqSLgO66S1CLc4OcUu_DOsEPqE6TNYBNfCkuMx2kJIqAAyA08gogTxv7OddqnamUWIE6URbS2hzpIIqZJE6JNfk8Wi-lKhknF8DVsnN_tKQQxRvshP3O_z8qlbDUHn_TYyuN/s1600/IMG_20230129_174153.jpg)
![](https://blogger.googleusercontent.com/img/b/R29vZ2xl/AVvXsEj8wTbUD9BXHGvZ3iEnu9bc7hjpIYDrxhH6d1ChdaFYojvz5Uo8uIU8Oppc6es8wat-fo6Ix9bzJ9uFhI01186olbgV9w_Bz9P-V1-nEVsWKVLwm5DygOxS3YQm1-nmghH4P6S301GqqSAeAfObX0rC2SjqcIdzquW_mqoZw16kzVXDcwOu60Hi7EE1/s1600/IMG_20230129_185121.jpg)
No comments