គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!

Header Ads

ad728
  • ព័ត៌មានថ្មីៗ

    ទៀតហើយ អ្នកសារព័ត៌មាន ត្រូវបានម្ចាស់អាជីវកម្ម បូមខ្សាច់ ធ្វើសកម្មភាព ឆក់យកកាដសំគាល់ខ្លួន រហូតឈានទៅដល់ ហិង្សា

    ទៀតហើយ អ្នកសារព័ត៌មាន ត្រូវបានម្ចាស់អាជីវកម្ម បូមខ្សាច់ ធ្វើសកម្មភាព ឆក់យកកាដសំគាល់ខ្លួន រហូតឈានទៅដល់ ហិង្សា

    ចេញផ្សាយនៅថ្ងៃទី២៨ ខែមករា ឆ្នាំ២០២៣ វេលាម៉ោង១៧:៥៤នាទី
    ទៀតហើយ អ្នកសារព័ត៌មាន ម្នាក់ទៀតហើយ ត្រូវបានមន្ត្រីយោធាម្នាក់ឈ្មោះ ឡាយ រ៉ា ដែលជាម្ចាស់ការដ្ឋានបូមខ្សាច់មួយកន្លែងស្ថិតនៅភូមិអន្លង់រមៀតខាងត្បូង ឃុំអន្លង់រមៀត ស្រុកកណ្តាលស្ទឹង ខេត្តកណ្តាល ធ្វើសកម្មភាពឆក់យកកាដសំគាល់ខ្លួន រហូតឈានដល់ផ្ទុះហិង្សាចាប់បោកទំលាក់ទឹកបំផ្លិចបំផ្លាញទ្រព្យសម្បត្តិ។

    ហេតុការណ៍នេះបានកើតឡើងកាលពីថ្ងៃទី២៦ ខែមករា ឆ្នាំ២០២៣ បន្ទាប់ពីអ្នកសារព័ត៌មាន រូបនោះ ចុះទៅបំពេញកិច្ចការងារតាមជំនាញវិជ្ជាជីវៈប្រកបដោយក្រមសីលធម៌ ស្ដីពីច្បាប់នៃរបបសារព័ត៌មាន ដោយបានថតផ្តិតយករូបភាពនិងសកម្មភាពមួយចំនួន ជុំវិញទៅហ្នឹងការដ្ឋានបូមខ្សាច់ខាងលើ ដែលបានកំពុងបញ្ចេញសកម្មភាពលាងចម្រាញ់ខ្សាច់បង្ហូរទឹក យ៉ាងអាណាធិបតេយ្យ ដោយគ្មានការត្រួតពិនិត្យពីអាជ្ញាធរពាក់ព័ន្ធ។

    តាមប្រភពពីអ្នកសារព័ត៌មាន ដែលជាជនរងគ្រោះបានលើកឡើងថា៖ មូលហេតុដែលខ្លួនចុះទៅថតរូបភាពនិងសកម្មភាពនៅទីតាំងការដ្ឋានបូមខ្សាច់ត្រង់ចំណុចខាងលើ ដោយសារតែបានទទួលដំណឹងពីប្រជាពលរដ្ឋ ថា «ទីតាំងបូមខ្សាច់ខាងលើនេះ បានកំពុងតែធ្វើសកម្មភាពបូមខ្សាច់ លាងចម្រាញ់ខ្សាច់យ៉ាងអណាធិបតេយ្យ ដោយបង្ហូរទឹកចូលក្នុងប្រឡាយ ហូរកាត់ចូលស្រែរបស់ប្រជាពលរដ្ឋ បណ្តាលឱ្យប៉ះពាល់យ៉ាងធ្ងន់ធ្ងរទៅដល់ការលូតលាស់នូវផលដំណាំស្រូវ ខណៈដែលទឹកដែលបានបង្ហូរចេញពីការចម្រាញ់ខ្សាច់ទាំងនោះ មានសារជាតិកំបោរ ឬសារជាតិផ្សេងៗ ដែលបង្កឱ្យប៉ះពាល់យ៉ាងខ្លាំងដល់គុណភាពដីស្រែរបស់ប្រជាពលរដ្ឋដែលកំពុងតែអាស្រ័យផលនៅផលដំណាំស្រូវ»។

    ប្រភពពីអ្នកសារព័ត៌មានដដែលបានបន្តទៀតថា៖ បន្ទាប់ពីខ្លួនបានថតផ្តិតរូបភាពភ្លាមនោះ ស្រាប់តែម្ចាស់ការដ្ឋាន ដែលគេស្គាល់ឈ្មោះ ឡាយ រ៉ា មានមុខរបរជាមន្ត្រីយោធា បានមកឆក់យកកាដសំគាល់ខ្លួនរបស់គាត់ទាំងទទឹងទិស ថែមទាំងមានគីគ្នាបក្សពួកមួយក្រុមធំមកចោមរោមប្រទាក់ប្រទិចគ្នាឃាត់លិចឃាត់កើតដូចជាចោរប្លន់ ខណៈដែលឈ្មោះ ឡាយ រ៉ា បានឆក់យកកាដសំគាល់ខ្លួនរបស់គាត់រត់គេចទៅគេចមក ថែមទាំងបង្កហិង្សាចាំបោកគាត់ឱ្យធ្លាក់ចូលក្នុងប្រឡាយទឹកបណ្តាលឱ្យខូចខាតនូវទូរស័ព្ទ១គ្រឿង។

    តាមប្រភពព័ត៌មានដែលសារព័ត៌មានយើងទទួលបានឱ្យដឹងថា៖ លោក ឡាយ រ៉ា ជាម្ចាស់ទីតាំងការដ្ឋានបូមខ្សាច់ចំណុចខាងលើនេះ បើកការបូមខ្សាច់នេះមិនមានច្បាប់អនុញ្ញាតគ្រប់គ្រាន់ ពីក្រសួងមន្ទីរស្ថាប័នពាក់ព័ន្ធនោះទេ ហើយការធ្វើអាជីវកម្មបូមខ្សាច់នេះដែរ បានបង្កឱ្យមានផលប៉ះពាល់យ៉ាងខ្លាំង ដល់ដីស្រែពលរដ្ឋដែលរស់នៅអាស្រ័យផលដាំដំណាំស្រូវ ខណៈដែលដីស្រែរបស់ពួកគាត់ត្រូវបាត់បង់ជីវជាតិដោយសារតែការបង្ហូរទឹកចេញពីការដ្ឋានចម្រាញ់ខ្សាច់នេះឯង។

    ចំណែកឯលោក អ៊ួច សាវឿន អភិបាលស្រុកកណ្តាលស្ទឹង ដែលល្បីល្បាញថាស្រលាញ់ម៉ាស៊ីនត្រជាក់ ខ្លាចកំដៅថ្ងៃ បានបំភ្លឺកាន់ជើងលោក ឡាយ រ៉ា ម្ចាស់ការដ្ឋានបូមខ្សាច់មួយនេះថា មានច្បាប់អនុញ្ញាតគ្រប់គ្រាន់ត្រឹមត្រូវ ពីក្រសួងមន្ទីរស្ថាប័នពាក់ព័ន្ធ ខណៈដែលលោកអភិបាលស្រុករូបនេះបានបង្ហាញបំភ្លឺនៅឯកសារអាជ្ញាបណ្ណ ឈ្មោះ ឡាង លីហួរ ឯណោះវិញ  ដែលមិនមែនជាឈ្មោះលោក ឡាយ រ៉ា នោះទេ។ ហើយលោក ឡាយ រ៉ា ដែលជាអ្នកបង្កហេតុខាងលើនេះ បានលើកឡើងថាខ្លួនជាម្ចាស់ការដ្ឋានមានច្បាប់ត្រឹមត្រូវ ហើយអ្នកសារព័ត៌មានគ្មានសិទ្ធិមើលច្បាប់អនុញ្ញាតរបស់គាត់នោះទេ ព្រោះជាការងាររបស់មន្ត្រីរ៉ែនិងថាមពល ហើយបើអ្នកសារព័ត៌មានមកធ្វើការរ៉ែ មន្ត្រីរ៉ែមិនអស់ការងារធ្វើ បើសារព័ត៌មានមកធ្វើការរ៉ែអញ្ចឹង។

    មហាជននិងអ្នកសារព័ត៌មានជាច្រើនបានលើកឡើងថា៖ ការប្រើអំពើហិង្សាមកលើអ្នកសារព័ត៌មាន ពីសំណាក់មន្រ្តីយោធាឈ្មោះ ឡាយ រ៉ា គឺជាការបំបិទសិទ្ធិសេរីភាពអ្នកសារព័ត៌មាន និងជាការបំពានសិទ្ធយ៉ាងធ្ងន់ធ្ងរ ខណៈដែលអ្នកសារព័ត៌មានកំពុងតែបំពេញតួនាទីការងារ ប្រកបដោយក្រមសីលធម៌វិជ្ជាជីវៈ ដោយប្រកាន់ខ្ជាប់នូវពាក្យស្លោករបស់ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា «មិនបំពានសិទ្ធអ្នកដទៃ មិនបំភ្លៃការពិត» «ផ្សាយតែព័ត៌មានពិត កុំប្រឌិតកំហុសដាក់អ្នកដទៃ»។

    ករណីខាងលើប្រជាពលរដ្ឋស្នើសុំដល់អភិបាលនៃគណៈខេត្តកណ្តាលឯកឧត្តម គង់ សោភ័ណ្ឌ និងលោក យិន រដ្ឋា ប្រធានមន្ទីររ៉ែ និងថាមពលខេត្តកណ្តាល សូមជួយចាត់មន្ត្រីជំនាញពាក់ព័ន្ធចុះត្រួតពិនិត្យមើលការដ្ឋានបូមខ្សាច់នៅចំណុចទីតាំងខាងលើនេះផងទាន។

    អ្នកសារព័ត៌មានដែលរងគ្រោះ ដោយសារតែការឆក់កាដច្រានទំលាក់ទឹកពីសំណាក់ឈ្មោះ ឡាយ រ៉ា បានសំណូមពរដល់អាជ្ញាធរនិងសមត្ថកិច្ចពាក់ព័ន្ធដែលមានលោក ឡេង សុខរុន អធិការនគរបាលស្រុកកណ្តាលស្ទឹង ហើយលោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល សូមជួយចាត់វិធានការទៅតាមផ្លូវច្បាប់លើជនដែលបានប្រព្រឹត្តឈ្មោះ ឡាយ រ៉ា ផងទាន៕

    No comments

    Post Top Ad

    Post Bottom Ad

    បណ្ដាញសារព័ត៌មានកងមាស ជាសារព័ត៌មានឯករាជ្យ ផ្សព្វផ្សាយតែព័ត៌មានពិត ស្មោះត្រង់មិនលំអៀង ប្រកាន់ភ្ជាប់នូវក្រមសីលធម៌ និងវិជ្ជាជីវៈខ្ពស់។

    គោលបំណងរបស់បណ្ដាញសារព័ត៌មានកងមាស បង្កើតឡើងដើម្បីតែផ្តល់ព័ត៌មានឆាប់រហ័សពីថ្នាក់ដឹកនាំទៅពលរដ្ឋ ពីពលរដ្ឋទៅថ្នាក់ដឹកនាំ។

    បណ្តាញសារព័ត៌មានកងមាស បង្កើតឡើងក្នុងគោលបំណង ចូលរួមចំណែកអភិវឌ្ឍប្រទេសជាតិ មាតុភូមិ ឲ្យកាន់តែរីកចម្រើនថែមទៀត ក្រោមការដឹកនាំដ៏ឈ្លាសវៃរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជា។

    សម្រាប់ការទំនាក់ទំនងផ្តល់ព័ត៌មាន និង សម្រាប់ការឧបត្ថម្ភផ្សេងៗ ក្នុងវិស័យព័ត៌មាន មកកាន់អង្គភាពសារព័ត៌មានកងមាស៖ 077906664 / 098906664 / 0712326664 / ABA-001964056 CHHOM DANY $ 001964056 CHHOM DANY ៛/ Wing 098906664 CHHOM DANY.

    សម្រាប់ការឧបត្ថម្ភគាំទ្រពីសំណាក់មហាជន ផ្តល់មកខាងអង្គភាពសារព័ត៌មានកងមាស គឺជាអំពើល្អមួយក្នុងការរួមចំណែកខ្ពស់ សម្រាប់ការទ្រទ្រង់អង្គភាពឲ្យមានការរីកចម្រើនបន្តទៅមុខទៀត ក្នុងវិស័យព័ត៌មាន ដែលជាវិស័យទីបួន។

    ក្នុងនាមជាម្ចាស់អង្គភាពនៃសារព័ត៌មានកងមាស សូមថ្លែងអំណរអរគុណយ៉ាងជ្រាលជ្រៅបំផុតចំពោះ សម្តេច ទ្រង់ ឯកឧត្តម ឧកញ៉ា លោកជំទាវ លោក លោកស្រី អ្នកនាងកញ្ញានិងប្រិយមិត្តទាំងក្នុងនិងក្រៅប្រទេសដែលតែងតែគាំទ្រដល់ការផ្សព្វផ្សាយព័ត៌មានរបស់យើងខ្ញុំ ឲ្យជួបប្រទះនូវពុទ្ធពរទាំងបួនប្រការគឺមអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ! សូមអរគុណ.

    http://www.kangmeasnews.com/
    គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!
    រក្សាសិទ្ធិ​គ្រប់យ៉ាងដោយ គេហទំព័រ កងមាស
    "គេហទំព័រ កងមាស" ដំណើរការ​តាមប្រកាសលេខ...ចុះថ្ងៃទី...ខែ...ឆ្នាំ ២០...
    គេហទំព័រ កងមាស​ មានទីស្នាក់ការស្ថិតនៅ ផ្លូវលំ ភូមិទី២ ឃុំកងតាណឹង ស្រុកកងមាស ខេត្តកំពង់ចាម
    សម្រាប់ព័ត៌មានបន្ថែម សូមទំនាក់ទំនងតាមលេខ +855 77 90 666 4
    Copyright © 2020 កងមាស | រចនាគេហទំព័រដោយ បាយ័ន​ មុខគុជ