សេចក្តីថ្លែងការណ៍ និងបកស្រាយបំភ្លឺ របស់លោកមេធាវី នាង គីមហុង ជុំវិញពាក្យបណ្តឹងសុំអន្តរាគមន៍ របស់ជនជាតិចិនឈ្មោះ ឃ្វី រ៉ៃសៀន QIU RUIXIAN ទៅកាន់ក្រសួងយុត្តិធម៌
![](https://blogger.googleusercontent.com/img/b/R29vZ2xl/AVvXsEj0sgovfQIKWztB9h4zVahr2BVnQR1sfTQee7-83oI5I8twiteZqtYyLcxKPfXs2AedHrJztuoFx70gFonjPNhvU3GzCprEw2UrxyvB0n9L8R2fsXeTO7U6XvIUFrB7vWWxjWFrAUsYyk633OGT9Z2Z3fnYoHzqgXvSbX1nwLNVorLuvFpLDS_rGUoF/s1600/Picsart_23-01-23_14-26-15-540.jpg)
សេចក្តីថ្លែងការណ៍ និងបកស្រាយបំភ្លឺ របស់លោកមេធាវី នាង គីមហុង ជុំវិញពាក្យបណ្តឹងសុំអន្តរាគមន៍ របស់ជនជាតិចិនឈ្មោះ ឃ្វី រ៉ៃសៀន QIU RUIXIAN ទៅកាន់ក្រសួងយុត្តិធម៌
ចេញផ្សាយនៅថ្ងៃទី២៣ ខែមករា ឆ្នាំ២០២៣ វេលាម៉ោង១៤:៣៤នាទីភ្នំពេញ៖ សេចក្តីថ្លែងការណ៍ និងបកស្រាយបំភ្លឺចុះថ្ងៃទី២០ ខែមករា ឆ្នាំ២០២៣ របស់មេធាវីលោក នាង គីមហុង ប្រធានការិយាល័យមេធាវីនីតិនគរ និងជាមេធាវីតំណាងដោយអាណត្តិឱ្យឈ្មោះ គឹម ហោ បានគោរពជូនដ៏ឯកឧត្តមរដ្ឋមន្ត្រីក្រសួងយុត្តិធម៌។
ក្នុងសេចក្តីថ្លែងការណ៍បំភ្លឺរបស់លោកមេធាវី នាង គីមហុង បានបញ្ជាក់ឱ្យដឹងថា៖ កាលពីថ្ងៃទី១៧ ខែមករា ឆ្នាំ២០២៣ គឺមានករណីជនជាតិម្នាក់ឈ្មោះ ឃ្វី រ៉ៃសៀន (QIU RUIXIAN) ភេទប្រុស បានដាក់ពាក្យបណ្តឹងទៅកាន់ក្រសួងយុត្តិធម៌ដើម្បីសុំអន្តរាគមន៍រកយុត្តិធម៌ ដោយបានចោទប្រកាន់ផ្ទុយខុសពីការពិតមកកាន់កូនក្តីរបស់គាត់ ខណៈដែលកូនក្តីរបស់គាត់ជាម្ចាស់អចលនវត្ថុពិតប្រាកដ។
យោងតាមសេចក្តីថ្លែងការណ៍និងបកស្រាយបំភ្លឺទាំងស្រុងរបស់មេធាវីលោក នាង គីមហុង បានរៀបរាប់ដូច្នេះថា៖ «កាលពីថ្ងៃទី១១ ខែមិថុនា ឆ្នាំ២០១៨ កូនក្តីខ្ញុំបាទបានជួលដី និងផ្ទះវីឡាមានចំនួន១៤ បន្ទប់ លើដីទំហំ ៦០៤ ម៉ែត្រការ៉េ មានទីតាំងស្ថិតនៅភូមិ៣ សង្កាត់លេខ៤ ក្រុងព្រះសីហនុ ខេត្តព្រះសីហនុ ដែលមានវិញ្ញាបនបត្រសម្គាល់ម្ចាស់អចលនទ្រព្យលេខ ១៨០១០៤០៣-០០០៧ ចុះថ្ងៃទី០១ ខែធ្នូ ឆ្នាំ២០០៥ ឱ្យ ឈ្មោះ ឃ្វី រ៉ៃសៀន (QIU RUIXIAN) និងឈ្មោះ វេន សុិនជា (WEN XIN JIA) ក្នុងរយៈពេល ១១ ឆ្នាំ ១១ខែ ២៩ ថ្ងៃ ដោយថ្លៃឈ្នួលឡើងក្នុងរយៈពេល ៥ (ប្រាំ) ឆ្នាំម្តង ដូចមានចែងក្នុងកិច្ចសន្យាស្តីពីការជួលអចលនវត្ថុចុះថ្ងៃទី១១ ខែមិថុនា ឆ្នាំ២០១៨ ។ ក្នុងអំឡុងពេលជួលជនជាតិចិនខាងលើ បានវាយកម្ទេចផ្ទះវីឡារបស់កូនក្តីខ្ញុំបាទចោល ហើយក៏បានសាងសង់អគារថ្មី ដោយរហូតមកទល់ពេលនេះសំណង់អគារសាងសង់មិនទាន់រួចរាល់ជាស្ថាពរនោះទេ។ តាមរយៈកិច្ចសន្យាខាងលើកូនក្តីខ្ញុំបាទបានផ្តល់រយៈពេលអនុគ្រោះជូនជនជាតិចិនចំនួន ០៥ (ប្រាំ) ខែ គិតចាប់ពីថ្ងៃទី១០ ខែមិថុនា ឆ្នាំ២០១៨ ដល់ថ្ងៃទី០៩ ខែវិច្ឆិកា ឆ្នាំ២០១៨ ។ បន្ទាប់ពីដល់កាលបរិច្ឆេទបង់ថ្លៃឈ្នួល ជនជាតិចិនក៏បានបង់ប្រាក់ឈ្នួល ប៉ុន្តែការបង់ប្រាក់ឈ្នួលរបស់ខ្លួន គឺតែងតែមានការយឺតយ៉ាវជាច្រើនលើកច្រើនសារ បង់មិនគ្រប់ចំនួនតាមកិច្ចសន្យា ដោយខែខ្លះបង់ត្រឹមតែ៥០%(ហាសិប)ភាគរយនៃតម្លៃឈ្នួល ដោយខែខ្លះបង់ត្រឹមតែ៣០ (សាបសិប) ភាគរយ នៃតម្លៃឈ្នួល ប៉ុណ្ណោះ ដោយបានលើកយកហេតុផលផ្សេងៗ ដើម្បីបង់ប្រាក់ឈ្នួលមិនគ្រប់ និងមិនបង់ប្រាក់ឈ្នួលជូនកូនក្តីខ្ញុំ។ បន្ទាប់មកក្នុងខែវិច្ឆិកា ឆ្នាំ២០១៩ ចុងចម្លើយក៏ចាប់ផ្តើមឈប់ទូទាត់ប្រាក់ថ្លៃឈ្នួល រហូតដល់បច្ចុប្បន្ន ដោយបានលើកមូលហេតុពីជម្ងឺកូវីដ-១៩ និងលើកហេតុផលផ្សេងៗមិនសមស្រប ដើម្បីមិនបង់ប្រាក់ឈ្នួលជូនក្តីខ្ញុំបាទៅវិញ។ នៅចុងឆ្នាំ២០១៩ និងឆ្នាំ២០២០ អ្នកណាៗ ក៏ដឹងថាប្រទេសកម្ពុជាមិនមានជំងឺកូវីដ-១៩ នោះទេ ប៉ុន្តែជនជាតិខាងលើនៅតែលើកហេតុផលនេះ ដើម្បីរួចខ្លួនពីកាតព្វកិច្ច និងមិនបង់ប្រាក់ឈ្នួល។ ដោយទ្រាំនឹងការបំពានកិច្ចសន្យាម្តងហើយម្តងទៀតមិនបាន កូនក្តីខ្ញុំក៏បានធ្វើការបង្ហាញឆន្ទៈរំលាយកិច្ចសន្យា ដូចមាននៅក្នុងលិខិតជូនដំណឹងលើកទី១ ចុះថ្ងៃទី២២ ខែមករា ឆ្នាំ២០២០ និងលើកទី២ ចុះថៃ្ងទី០៣ ខែមេសា ឆ្នាំ២០២០ បន្ទាប់ពីមានការដាស់តឿនច្រើនលើកច្រើនសារ ស្របតាមផ្លូវច្បាប់ និងស្របតាមកិច្ចសន្យា (យោងតាមប្រការ៣.៤ នៃកិច្ចសន្យាជួល បានចែងថា៖ ការបង់ប្រាក់ឈ្នួលនេះមិនអាចហួសរយៈពេល០៧ ថ្ងៃឡើយ ។ ប្រសិនបើហួសរយៈពេលនេះ ភាគី (ក) មានសិទ្ធិពិន័យប្រាក់ ភាគី (ខ) ២០ភាគរយ នៃប្រាក់ឈ្នួលសរុប បន្ថែមទៀត លើប្រាក់ឈ្នួលប្រចាំខែ ។ ប៉ុន្តែការយឺតមិនអាចហួសរយៈពេល៦០ ថ្ងៃបានឡើយ ។ ប្រសិនបើហួសភាគី (ក) មានសិទ្ធិរំលាយកិច្ចសន្យាជួលនេះ ហើយប្រាក់កក់ និងសំណង់ដែលភាគី (ខ) បានសាងសង់នៅលើអចលនវត្ថុនេះនឹងក្លាយជាកម្មសិទ្ធិរបស់ភាគី (ក)។ បន្ទាប់ពីកូនក្តីខ្ញុំធ្វើការរំលាយកិច្ចសន្យាស្របតាមផ្លូវច្បាប់រួចរាល់ក៏ដោយ ក៏ជនជាតិចិនខាងលើ ពុំបានដោះស្រាយបង់ប្រាក់ឈ្នួលជូនកូនក្តីខ្ញុំបាទទាល់តែសោះ ដោយកូនក្តីខ្ញុំតែងតែយោគយល់ និងធ្វើការអនុគ្រោះមានការសម្របសម្រួលជាច្រើនលើកច្រើនសារ។ លើសពីនេះបែរជាជនជាតិចិនបែរជាយកទីតាំងជួលទៅបើកអាជីវកម្មផ្សេងៗ និងថែមទាំងបានជួលផ្នែកខ្លះនៃអគារឱ្យទៅតតិយជន និងធ្វើការចាត់ចែងតាមតែអំពើចិត្ត និងបានទទួលប្រាក់កម្រៃជារៀងរាល់ខែរហូតដល់ពេលបច្ចុប្បន្ន ប៉ុន្តែជនជាតិចិនខាងលើនៅតែមិនបង់ប្រាក់ថ្លៃឈ្នួលដល់កូនក្តីខ្ញុំ និងមិនព្រមប្រគល់ទីតាំងជួលជូនក្តីខ្ញុំបាទដដែល។ ឮបន្ទាប់មកនៅអំឡុងខែកញ្ញា ឆ្នាំ២០២០ កូនក្តីខ្ញុំបាទក៏បានដាក់ពាក្យទៅសាលាដំបូងខេត្តព្រះសីហនុ ដើម្បីជួយដោះស្រាយ ដោយក្នុងនោះកូនក្តីខ្ញុំបានដាក់ជាពាក្យសុំចេញដីកាសម្រេចរក្សាការពារ ចុះថ្ងៃទី ០១ ខែកញ្ញា ឆ្នាំ២០២០ ដូចមាននៅក្នុងសំណុំរឿងរក្សាការពារលេខ១០៨ ចុះថ្ងៃទី០៧ ខែកញ្ញា ឆ្នាំ២០២០ និងដាក់ជាពាក្យបណ្តឹង ចុះថ្ងៃទី១៨ ខែតុលា ឆ្នាំ២០២១ ដូចមាននៅក្នុងសំណុំរឿងរដ្ឋប្បវេណីលេខ១៨៩ ចុះថ្ងៃទី២៧ ខែតុលា ឆ្នាំ២០២១ របស់សាលាដំបូងខេត្តព្រះសីហនុ។ ស្ថិតនៅក្នុងចំណាត់ការ សាលាដំបូងខេត្តព្រះសីហនុ ទើបបានចេញសេចក្តីសម្រេចកាលពីថ្ងៃទី០២ ខែធ្នូ ឆ្នាំ២០២២ ដែលមានរយៈពេលប្រមាណ មួយឆ្នាំកន្លះ ទើបបានដីការសម្រេចចាត់ចែងជាបណ្ណោះអាសន្នស្តីពីការចាត់ចែងជាបណ្តោះអាសន្នដែលកំណត់ឋានៈជាបណ្តោះអាសន្ន ចុះថ្ងៃទី០២ ខែធ្នូ ឆ្នាំ២០២២ និង សាលក្រមលេខ១៤៦/០៤(ឆ) ចុះថ្ងៃទី១៦ ខែវិច្ឆិការ ឆ្នាំ២០២២ ជាសេចក្តីសម្រេចពីតុលាការផ្តល់ភាពយុត្តិធម៌ជូនកូនក្តីខ្ញុំបាទវិញ ទោះបីជាមានសេចក្តីសម្រេចទាំងពីរនេះក៏ដោយ ប៉ុន្តែនៅមិនទាន់បានអនុវត្តអោយជនជាតិចេញនោះចេញនៅឡេីយ បែរជាជនជាតិចិនដាក់ពាក្យបណ្តឹងអន្តរាគមន៍ទៅក្រសួង និងចុះព័ត៍មានមិនពិតទៅវិញ។ ក្នុងអំពើរបស់ជនជាតិចិនខាងលើ ធ្វើឱ្យកូនក្តីខ្ញុំជួបនូវផលលំបាកជាច្រើន ដូចខាងក្រោម៖
១-កូនក្តីខ្ញុំបាទបានជាប់បំណុលធនាគារភ្នំពេញពាណិជ្ជ មានទឹកប្រាក់ចំនួន ៤៨៥,៣៩៣ដុល្លារអាមេរិក ដោយសារតែជនជាតិចិនមិនបង់ប្រាក់ឈ្នួល ធ្វើឱ្យកូនក្តីខ្ញុំបាទក៏ពុំមានប្រាក់បង់ទៅធនាគារ ធ្វើឱ្យធនាគារធ្វើលិខិតជូនដំណឹងជាច្រើនលើកច្រើនសារ និងបានដាក់ពាក្យបណ្តឹងទាមទារប្រាក់ពីកូនក្តីខ្ញុំបាទវិញ ដូចមាននៅក្នុងលិខិតជូនដំណឹងចុងក្រោយ ចុះថ្ងៃទី១៥ ខែមីនា ឆ្នាំ២០២២ របស់ធនាគារ និងនៅក្នុងសំណុំរឿងរដ្ឋប្បវេណីលេខ២១២ ចុះថ្ងៃទី១៥ ខែសីហា ឆ្នាំ២០២២ របស់សាលាដំបូងខេត្តព្រះសីហនុ។ ចំណុចនេះខ្ញុំបាទសូមបញ្ជាក់ថា អ្នកទទួលជួលមិនអាចលើកពីបញ្ហាជំងឺកូវីដ-១៩ មិនអាចលើកពីបញ្ហាជំងឺកូវីដ-១៩ យកមកធ្វើជាមូលហេតុ ដើម្បីមិនអនុវត្តកាតព្វកិច្ចតាមកិច្ចសន្យាបានឡើយ ព្រោះរាល់គ្រឹះស្ថានធនាគារ គ្រឹះស្ថានឯកជន និងសាធារណៈនៅដំណើការធម្មតា ហើយចំពោះករណីកូនក្តីខ្ញុំ គឺធានាគារក៏នៅតែទាមទារប្រាក់ពីកូនក្តីខ្ញុំ និងបានដាក់ពាក្យបណ្តឹងទាមទារប្រាក់ពីកូនក្តីខ្ញុំដដែលដូចគ្នា។
២-ដោយសារហេតុផលខាងលើ ធ្វើឱ្យកូនក្តីខ្ញុំបាទមានជំងឺផ្លូវចិត្ត និងធ្វើឱ្យមានការជំងឺផ្សេងៗប្រចាំកាយ ហើយក្នុងអំឡុងពេលបច្ចុប្បន្នក៏ស្ថិតនៅក្នុងការសម្រាក និងព្យាបាលពីគ្រូពេទ្យផងដែរ។
៣-រាល់ដំណើការនីតិវិធីសំណុំរឿងនៅតុលាការ ធ្វើឱ្យកូនក្តីខ្ញុំខូចខាតផលប្រយោជន៍ជាច្រើន ដូចជាចំណាយសោហ៊ុយលើការពឹងពាក់មេធាវី ចំណាយសោហ៊ុយដាក់ពាក្យបណ្តឹង និងសោហ៊ុយផ្សេងៗ ដែលចាំបាច់ក្នុងការធ្វើដំណើ និងជាពិសេសត្រូវការចំណាយពេលអស់ជាច្រើនទៀតផង។
ស្របតាមអង្គហេតុដូចបានបញ្ជាក់ជូនខាងលើ បែរជាជនជាតិចិនខាងលើបានប្រឌិត រឿងមិនពិតយកទៅចុះតាមបណ្តាញសារព័ត៌មាន បង្កើតឱ្យមានការយល់ច្រឡំ តាមរយៈសារវីដេអូរមានរយៈពេល ៤នាទី ៥៦ វិនាទី និងថែមទាំងបានដាក់ពាក្យបណ្តឹងសុំអន្តរាគមន៍ទៅក្រសួងយុត្តិធម៌ ដោយបំភ្លៃការពិត និងបានចោទប្រកាន់លើកូនក្តីខ្ញុំបាទ ប្រើប្រាស់ អំណាច គំរាម បង្ខំដល់ខ្លួនឱ្យចាកចេញពីទីតាំងជួលទាំងដែលមិនមែនជាការពិតឡើយ។ រីឯរូបភាពវីដេអូ ដែលមានជនជាតិខ្មែរកំពុងចាក់សោរនោះ ក៏មិនដឹងថាជាអ្នកមកពីណាធ្វើអី្វនៅទីតាំងនោះដែរ ពោលគឺអាចជនជាតិចិនខាងលើខ្លួនឯងផ្ទាល់បង្កើតជាវិដេអូ នាំឱ្យមានការភ័ណ្ឌច្រឡំមកលើកូនក្តីខ្ញុំបាទ។ ករណីនេះកូនក្តីខ្ញុំ សូមរក្សាសិទិ្ធតាមផ្លូវច្បាប់ក្នុងការដាក់ពាក្យបណ្តឹងផ្សេងៗ ទៅលើជនជាតិចិនខាងលើ ក្នុងការស្វែងរកភាពស្អាតស្អំជូនកូនក្តីខ្ញុំ ដែលបានធ្វើឲ្យប៉ះពាល់ដល់កិត្តិយស និងសេចក្តីថ្លៃថ្នូរ។
អាស្រ័យហេតុនេះ សូម ឯកឧត្តមរដ្ឋមន្ត្រី មេត្តាជ្រាបជាសេចក្តីថ្លែងការណ៍ និងពិនិត្យ តាមតាមនីតិវិធីដោយសេចក្តីអនុគ្រោះ។ សូម ឯកឧត្តមរដ្ឋមន្ត្រី មេត្តាទទួលនូវការគោរពដ៏ខ្ពង់ខ្ពស់អំពីខ្ញុំបាទ។ ថ្ងៃសុក្រ ១៤រោច ខែបុស្ស ឆ្នាំខាល ចត្វាស័ក ព.ស ២៥៦៦ រាជធានីភ្នំពេញ,ថ្ងៃទី២០ ខែមករា ឆ្នាំ២០២៣ ហត្ថលេខា និងត្រា មេធាវី នាង គីមហុង»៕
![](https://blogger.googleusercontent.com/img/b/R29vZ2xl/AVvXsEiKeH9oT5ZuAEnncAV0VZPDaGW6hOuyOyN_zEXdHlI2bG4XrXgaGtlNnt-AyVGgltylMv9pIXAVcXbNLSVlUfob5m10jmLHTfnbKBqIaw0w7ztjnQlsSfjyR-IbAFVCSgjmNUklwdXcVslXG85HEaq7HwDt99qphkeO18RPiaN3ZjnoSVp3Yttl_d8j/s1600/IMG_20230123_142053_685.jpg)
![](https://blogger.googleusercontent.com/img/b/R29vZ2xl/AVvXsEgnb-jGRFjIeW93icEySTT_dXp7C6bOCsTlqVALxoS3-oT458_Tbagh5BGUpTiH5ATlAo45Or3Ko_3N3jbzy4woA9s8uRtayY8j4SxaL-AqFdnVSx3FRgDU9GeBj1F3mjpS3OojyqzCVxzm-m80qn2_Ng0G83wuVv-RA-e0M7RiN6RCB9A4kyc0dunQ/s1600/CamScanner%2001-23-2023%2012.11%281%29_1.jpg)
![](https://blogger.googleusercontent.com/img/b/R29vZ2xl/AVvXsEhoh973xIiKQGbwD5y2ex4W8G1DrEPcH3IsIUDTQP8mAxZEhEzvRR1z6WpZHBeFwu7BBtXMJiqhYsOR9zbjv2-9jGPACP_TUaGkmQn5jGNJYyXxoJfBToRct6TSkDtzgNIjPM5Lb8zKveT2cr9tL20geOacW7R-plOrxWoYXsgYJXGLvPKCw4bbXif7/s1600/CamScanner%2001-23-2023%2012.11%281%29_2.jpg)
![](https://blogger.googleusercontent.com/img/b/R29vZ2xl/AVvXsEhcHrLZ0fx0Y6YQPJACW0YXlTqLacTe3jvDUF2tIUWnGjM5iicdnLxyd1dKdoq2QxOiP0_Gfow_pL_OJC7M9D-aarjooWRMjaThsP0h5BaBr0a9lgGF9buX5RN8cFkP82r-HJwWXnATigAdUDh5OynNEDl3KJDYtBbFS53RUFK1LjSFLhWeA7LR_boy/s1600/CamScanner%2001-23-2023%2012.11%281%29_3.jpg)
![](https://blogger.googleusercontent.com/img/b/R29vZ2xl/AVvXsEjlr7JJw9uvNecOwrxGpuDo5YTzXgpEj293LvFBkzaJ-KSf3LpxmtKuGIKVt_1DPstBR4QUfpeKNthCUZ3_dloXosnKeV5nqIkHzEyn2MN9BJVVtVHzjyeG1zlWE_2DjVe6QOkKdGIN0YI9WTklXTHj6PWyWb6hOVs2rNCfwZiSE03tMHi6E7SGSe1K/s1600/%E1%9E%80%E1%9E%B7%E1%9E%85%E1%9F%92%E1%9E%85%E1%9E%9F%E1%9E%93%E1%9F%92%E1%9E%99%E1%9E%B6%E1%9E%87%E1%9E%BD%E1%9E%9B%281%29_1.jpg)
![](https://blogger.googleusercontent.com/img/b/R29vZ2xl/AVvXsEjJWnlFpffffXZFQOdIfeil7wIqZB6IIaSAl0w-4qgBgmS_JEkI-el3r3rSb60i8niLb4PFwVrbsq9NmnHEeNNIYXARq-pqcA9NAHCCsY1smydRDt_ejCESPfhP8VRP07vELl-y0stL5AI_M4bvxlDrZxNOaNS1X3eW0BAgkdVeZAT7YH0fk3hrbJ_V/s1600/%E1%9E%80%E1%9E%B7%E1%9E%85%E1%9F%92%E1%9E%85%E1%9E%9F%E1%9E%93%E1%9F%92%E1%9E%99%E1%9E%B6%E1%9E%87%E1%9E%BD%E1%9E%9B%281%29_2.jpg)
![](https://blogger.googleusercontent.com/img/b/R29vZ2xl/AVvXsEhuVD9VkYT74YDiNpHmmrxMVSv2LcgnS9uZHJybb7EYl6cdcwLWHzutLHvd6HHDBNXFJ7uZQ63VNxPWek57LhmZ7uFwypxx6sKUE9BO6Np1fu_e6ov6H8VPkmOk-hhGbnOrYSO5HR68S_RHOyQkw2s0IwiSm8yf59dVpdV714r7EYxSOvonbiH75RJW/s1600/%E1%9E%80%E1%9E%B7%E1%9E%85%E1%9F%92%E1%9E%85%E1%9E%9F%E1%9E%93%E1%9F%92%E1%9E%99%E1%9E%B6%E1%9E%87%E1%9E%BD%E1%9E%9B%281%29_3.jpg)
![](https://blogger.googleusercontent.com/img/b/R29vZ2xl/AVvXsEgKO9BrsOOhVuonToGs3K98efajxUa5JC3hRdqOIhHfoGvrTUgJ0rTazr4jRhKYCfdCSVFLAdsVVkFkGvsUfuepH-DGi5RkhhDm5kLZd6keIZeEQJOu7eeFImVLv1vlknwMDXW5NKEKi6o_vPX4qE-uEyHRqSH-2p3Au9kDomziy83XaLZr5pISxGql/s1600/%E1%9E%80%E1%9E%B7%E1%9E%85%E1%9F%92%E1%9E%85%E1%9E%9F%E1%9E%93%E1%9F%92%E1%9E%99%E1%9E%B6%E1%9E%87%E1%9E%BD%E1%9E%9B%281%29_4.jpg)
![](https://blogger.googleusercontent.com/img/b/R29vZ2xl/AVvXsEh-xQf4QNW3GeACZG1fKHplp1cTaTY3RPtaXbTpt3_1IDPVWESz-nXqlR4d0-XkhIWOtjjlajuxy07i4TlfjC7DT9CK0fId1p6kYJvXr8pzZ3K88XppL2T7GMB65FLukOU8N20vJ5GbSFxvG-bPmfEzKInF7AyZl3zraTs_WJ3R1AOLElgUx0rEThoA/s1600/%E1%9E%80%E1%9E%B7%E1%9E%85%E1%9F%92%E1%9E%85%E1%9E%9F%E1%9E%93%E1%9F%92%E1%9E%99%E1%9E%B6%E1%9E%87%E1%9E%BD%E1%9E%9B%281%29_5.jpg)
![](https://blogger.googleusercontent.com/img/b/R29vZ2xl/AVvXsEjv2CL9KmJFTVppuaVO1iEssQv3Xpqr1zuPXFhBPFZcffqWwJBaEyxLoGg8WtTbIdRdPZkd_PAitpOgbySsRjh_BKrla_AluA9JpS4MJYWbYfXVIVWy-7iQJxIC4-8AH4zQRLWspHSlty5rPOeP1rBpTuxTXBetOMRqhYil4UG-PqK3dCxGYtJKZGzd/s1600/%E1%9E%80%E1%9E%B7%E1%9E%85%E1%9F%92%E1%9E%85%E1%9E%9F%E1%9E%93%E1%9F%92%E1%9E%99%E1%9E%B6%E1%9E%87%E1%9E%BD%E1%9E%9B%281%29_7.jpg)
![](https://blogger.googleusercontent.com/img/b/R29vZ2xl/AVvXsEh3ATdWCnoaoB_RrTO9-kasmarJGAvJ_kd2gECXbD2CeHdJrriRRQXU_3N8qzZHfxUd-DjDc5YZXv9X-SMw2i5QG_mm1XlpyE6_22utxgvDDXY0f1jpoX26nXlBz7hPobOiMtPKy7vEJ1u6fbcndv1OF4oDZLvacl-Nt-BVycbNbncF9YROYL81ZEGG/s1600/%E1%9E%80%E1%9E%B7%E1%9E%85%E1%9F%92%E1%9E%85%E1%9E%9F%E1%9E%93%E1%9F%92%E1%9E%99%E1%9E%B6%E1%9E%87%E1%9E%BD%E1%9E%9B%281%29_9.jpg)
![](https://blogger.googleusercontent.com/img/b/R29vZ2xl/AVvXsEjjarun10mmpgjQsjWus-Vx9uMoRAI7FS6u5OeHtUiknn2efjV9QcrBjqGurxu48jaNJsSSNOqWAOEQDZSpKkOD41j1Sg5RXWstM0x1rYqyOJ7zqc5CEr4_7TeRkLGTBtcq9n9ekJLd3ygKspYAYH_dlE17htREY4CpoaLkLBOGV9Mdi_quZ0GPTKxf/s1600/%E1%9E%80%E1%9E%B7%E1%9E%85%E1%9F%92%E1%9E%85%E1%9E%9F%E1%9E%93%E1%9F%92%E1%9E%99%E1%9E%B6%E1%9E%87%E1%9E%BD%E1%9E%9B%281%29_10.jpg)
![](https://blogger.googleusercontent.com/img/b/R29vZ2xl/AVvXsEjYQcGR6vAvMgA3GvUpn3v9DIqBvgbi7EWG_HFZezqknFDHU93OPkYPF7JkKugqvfQcc1t8KZAkfEkG5gs-TWIpZ5E3NeDuMfLUDx0-nCwxHlfGQ-CBnRo-sW8tzVigK03E4t_AtBIydtwArv-IWztc0_1CqBUvOZlwj-mgG8rY4aOWbemy-p3r3WYX/s1600/%E1%9E%80%E1%9E%B7%E1%9E%85%E1%9F%92%E1%9E%85%E1%9E%9F%E1%9E%93%E1%9F%92%E1%9E%99%E1%9E%B6%E1%9E%87%E1%9E%BD%E1%9E%9B%281%29_13.jpg)
![](https://blogger.googleusercontent.com/img/b/R29vZ2xl/AVvXsEj7fvp2F1WQN97k6CHwFLvuTpJPsCtzkXfEqxMNTo-io7YKpZiBYEYcUjYOaPfbhOrcHAFpH4NxYXfPM9DRWpU4OHHLgZm5uJuJfvcM2jbHeY3tYCP4glm6YiFQ2VNkqLmhOMRLwj9wLI6AEFLYnVRwVULGOqE00GpudgdgLBXpvrakL0TLuecMaQGL/s1600/5_6224386271742003155_1.jpg)
![](https://blogger.googleusercontent.com/img/b/R29vZ2xl/AVvXsEgdOARN_bxxcbI0RWNuIHaxtq0GxtqZGwRrwbZpNdv6676e6MFb2P6BkxaCQ0oeCYAKuwwRflxAARTYy9UBlWzeUMz_JQMTM8oLbJ6tNKCCn6ieneCrb6CQexBMERaYmFKOQKlXEUzvmXqUG17plv9kUnOTFrprxeHqXLwAcwZjoWn-L1tDvqS4NH7u/s1600/5_6224386271742003155_2.jpg)
No comments