ផ្លូវបេតុងមួយខ្សែ ក្នុងសង្កាត់ព្រៃវែងនិងសង្កាត់ពងទឹក ត្រូវបានអាជ្ញាធរពាក់ព័ន្ធរៀបចំដាក់លូរំដោះទឹកស្អុយជូនពលរដ្ឋរួចជាស្ថាពរ
![](https://blogger.googleusercontent.com/img/b/R29vZ2xl/AVvXsEjBvCXU5W_l8XPC3DrT6UDZEAJFCpNGZTKAUnVfqPzKP2vcallZJS73R6aMa_cPcsDY-klViUSgPqpJch0sQ-fFtQvkhwmoN9uDB0RZhNG-Mhy4pbKHLlAXCXP1H-Elb7AzSwGwdnMIZpJfcNdzfqAwbyW3glZcXh245Wz-ZH2jZpQJtWKcKKWhReJg/s1600/Picsart_23-02-26_20-32-05-428.jpg)
ផ្លូវបេតុងមួយខ្សែ ក្នុងសង្កាត់ព្រៃវែងនិងសង្កាត់ពងទឹក ត្រូវបានអាជ្ញាធរពាក់ព័ន្ធរៀបចំដាក់លូរំដោះទឹកស្អុយជូនពលរដ្ឋរួចជាស្ថាពរ
ចេញផ្សាយនៅថ្ងៃទី២៦ ខែកុម្ភៈ ឆ្នាំ២០២៣ វេលាម៉ោង២០:៤៤នាទីបន្ទាប់ពីមានការចុះផ្សាយព័ត៌មានជុំវិញទៅហ្នឹងប្រជាពលរដ្ឋត្អូញត្អែរថាក្រុមហ៊ុន លោក សុឹម ចាន់មករា ប្រើគ្រឿងចក្រកាយផ្លូវដាក់លូតាមអំពើចិត្ត កន្លងទៅថ្មីៗរួចមក ពេលនេះលោក សុឹម ចាន់មករា ដែលបានទទួលម៉ៅការដាក់លូបានបំភ្លឺមកកាន់សារព័ត៌មានយើងថា ផ្លូវបេតុងមួយខ្សែចាប់ពីចំណុភូមិរោលជ្រូកសង្កាត់ពងទឹក រហូតមកទល់នឹងផ្លូវ៣០ម៉ែត្រព្រៃស ត្រូវបានស្ថាបនាដាក់លូរួចរាល់ជាស្ថាពរហើយ។
ម្ចាស់ក្រុមហ៊ុនម៉ៅការលោក សុឹម ចាន់មករា បានបន្ថែមឲ្យដឹងថា គម្រោងរៀបចំដាក់លូនេះគឺ មិនមែនចេះតែធ្វើតាមអំពើចិត្តនោះទេ គឺមានការឯកភាពពីអាជ្ញាធរពាក់ព័ន្ធ ហើយក៏មានការចូលរួមពីមន្ត្រីជំនាញដោយបានធ្វើការចុះមកវាស់វែង ក្រោមការយកចិត្តទុកដាក់ខ្ពស់ ពីសំណាក់លោកស្រី គឹម ញឹប អភិបាលនៃគណៈអភិបាលខណ្ឌដង្កោ។
លោកសុឹម ចាន់មករា ម្ចាស់ក្រុមហ៊ុនម៉ៅការដដែលរូបនេះ បានបន្តប្រាប់សារព័ត៌មានយើងឲ្យដឹងទៀតថា ក្រុមហ៊ុនរបស់លោកបានធ្វើការយ៉ាងយកចិត្ដទុកដាក់បំផុតជាមួយមន្ត្រីជំនាញពាក់ព័ន្ធ ដោយសហការធ្វើការវាស់វែងដាក់លូតាមបណ្តោយផ្លូវមួយខ្សែក្នុងភូមិសង្កាត់ខាងលើបានជោគជ័យជាស្ថាពរ និងត្រឹមត្រូវតាមស្តងដាបច្ចេកទេសសំណង។
សូមបញ្ជាក់ឲ្យដឹងដែរថា៖ ដោយមើលទៅឃើញពីតម្រូវការចាំបាច់ហើយក៏ជាការសំណូមពររបស់បងប្អូនប្រជាពលរដ្ឋផង និងងាយស្រួលក្នុងការរំដោះទឹកស្អុយចេញពីមូលដ្ឋាន ទើបប្រជាពលរដ្ឋបានសំណូមពរដល់មន្ត្រីមូលដ្ឋានឲ្យរៀបចំប្រព័ន្ធលូ ដោយប្រជាពលរដ្ឋបានជួយចេញជាថវិកាទិញលូដាក់តាមមុខផ្ទះរៀងៗខ្លួន ដោយម្នាក់ៗមានតិចធ្វើតិច មានច្រើនធ្វើច្រើន៕
ម្ចាស់ក្រុមហ៊ុនម៉ៅការ លោកសុឹម ចាន់មករា និងប្រជាពលរដ្ឋជាច្រើនក៏បានថ្លែងអំណរគុណសាទរចំពោះការចូលរួមយកចិត្តទុកដាក់ពីសំណាក់មន្ត្រីអាជ្ញាធរពាក់ព័ន្ធ ជាពិសេសលោកស្រី គឹម ញឹប អភិបាលនៃគណៈអភិបាលខណ្ឌដង្កោ ដែលបានជួយធ្វើការសម្របសម្រួលចាត់មន្ត្រីជំនាញចុះវាស់វែង និងដោះស្រាយចំពោះផលលំបាកដ៏បងប្អូនប្រជាពលរដ្ឋ៕
![](https://blogger.googleusercontent.com/img/b/R29vZ2xl/AVvXsEjUW8-TqZT9xqm2nAhHiU5JLlxV7W6FY78uGIiWQFbnWOsTm6ozwUeNWEVMspPdPgJ7ZsRO9ZjSdNQEXzBTOEIJVKSsqbIKOmRsd52huvLwN95HP09PPoyQOWgIMkBeJZmCCncEryVfyHDJ7zCIPsw4qfsbkcw2eqLYojXF3C5C6Gz35Z5Gc3kOQe46/s1600/IMG_20230226_202647_939.jpg)
![](https://blogger.googleusercontent.com/img/b/R29vZ2xl/AVvXsEgr0FaRvgWildvZ0uJacs9ae3mknm2PK-iaAoZ2KL1iCOe-yFc1aIg1fCfCsUV9cWaFoz4W4lnynw8tnUaEAx_MoesWTQnT1O1hY6JpOsMGxqBNHLB5D-fCEjmB4zIJQxtRZCoF3zeV6CsbTskwf0TZIhBMQt_RPcwJsJjNHu-IvGhmiTTSdQhHX8xd/s1600/IMG_20230226_202650_966.jpg)
![](https://blogger.googleusercontent.com/img/b/R29vZ2xl/AVvXsEhea6Bo4AM_kOJ45vELObjJP1LDBMdp-251F65MhelQ9OimMt5UTQYgYWE9ILgAUHVW1pa1xgFeVLAJ4CfdQ63fVXJ23w-yBkpbW5yqtFIp-4Yv43Htdvf06E18kwlpTJX-eQloRm3CQsyXig12a5MbLQ4raXHw4wWgkcbpnRGxt7qxTogpvVW0T8vz/s1600/IMG_20230226_202654_592.jpg)
![](https://blogger.googleusercontent.com/img/b/R29vZ2xl/AVvXsEhJagrSdMTfIcq2r_WPnS7htsw9PcKoZ-gjgiGR8pNrDQSn1D3P_CBpBZTyYUCfUcVZgGlyM-ZVJoiiuc3KqlHoUMU1NriaSPY4g8-Gy5bHkJp6PtE60mOXuV7d643lPU5ywKLiGNfFaG5pOa09K9_BfCVqDTG3cfq2DIz3d8AiIjFCzmCsPLijlZ3m/s1600/IMG_20230226_202704_820.jpg)
![](https://blogger.googleusercontent.com/img/b/R29vZ2xl/AVvXsEgKxdC-_I1USvjhDHpMiW8S-Q4wtcomq72ce7fuUSZJmFYe9WhEcOIRzDr8PDS9QvJ-HbF0p7O5bDLriq-_BReLVTsUX1fI0TrTebjFgtflrWsBUSDOaa6KvVfvbZw73JJuvybUm1RWBDpDm2zcXartdGh4luvjpLxRPxLmPAWfWizFdC36bahisM4d/s1600/IMG_20230226_202708_266.jpg)
![](https://blogger.googleusercontent.com/img/b/R29vZ2xl/AVvXsEhAbvJCe3nN9DyNTMN_BJe2jGAHoThz4JLd6SVpWiwsnGFBH6EiSiJlBfD4D4eIjf-8KpQs-tgaGZHbJ4o2RKYJetnLu06Wjc_uq6pl9amHpgIxo6RZJfnnnED6xdzwJjqu3qjmAK3quAoBPJmSCBfRIr1xU4wK4vczo8uS_Nh6DwU9YMwMjyDbKXTa/s1600/IMG_20230226_202723_103.jpg)
![](https://blogger.googleusercontent.com/img/b/R29vZ2xl/AVvXsEhZv5kF8ZdpGVRulKwO4aZqtRzDzSLxsp0L60mCOSijuiMQPU8M6xemr-mTRijRO39SPSfFteHBb31boMQELK7SjwX8DpWj2yDSC4lQls6E_8ELQf2VUW0dgu7bD9t3zS7aB0HtMp00o5ww_-w8QSFVLDUP9mfHzvbtnm9zi222W8ZUynT49DfQwHis/s1600/IMG_20230226_202729_996.jpg)
![](https://blogger.googleusercontent.com/img/b/R29vZ2xl/AVvXsEiovSc07MmRPWacg6_uL--dgpZW9Q0ltjOg0Fj9ernYj0Jt_V77Xbxro86mKqDSW8jRFUXexOWa5AcHVhbyUrc5FeI__ACuWhoBqBT0ZcMOPeRTzu-uMQXiBs4jI1NcLflHWdIZfrGnhc2gUHsl_CQD7GsLz2C4N3Vc5ABh6_gKOKsyE2WMOuJyocos/s1600/IMG_20230226_202756_311.jpg)
![](https://blogger.googleusercontent.com/img/b/R29vZ2xl/AVvXsEhA4IS-_K9YpdOV10z1xq3ARB1xW6CwnEmYJ2uSz8KXxXj5W4mjb358LIwnVQqpLJJHfo-XTcyFDNt1J_E9yc-Sre-HR6j1o0QTuNBn0G6zP_Rdj_ZOO0G7kA6_SuuF6CKFX5dE-fEnSm1OIafIfjklaWECq7bXCmuYCNHeXNhN3--wHMhMAuuDNLiC/s1600/IMG_20230226_202816.jpg)
No comments