អ្នកនាំពាក្យកងរាជអាវុធហត្ថលើផ្ទៃប្រទេស បំភ្លឺជុំវិញការបង្ហោះ ព័ត៌មានមិនពិត ក្នុងបំណងមូលបង្កាច់ដល់កងរាជអាវុធហត្ថ
![](https://blogger.googleusercontent.com/img/b/R29vZ2xl/AVvXsEiZ8IjF1d0HebaPFPnicHOQVn4I1wV27C6922eAMFo_hqNpQCxOueF8zllTOAscVvmG_1QR3bCGQzmbDBtNHy_enqK7aOTkOrFOmWmOX2hY_M0j-1eqLQWc1SAwGNuqoh8hzG6w_qmbHrbSb8wUGVDka6E_7fzLXAWeIFgsXOCG5WdgUw3TjJ6pSrb_/s1600/Picsart_23-02-04_14-19-00-808.jpg)
អ្នកនាំពាក្យកងរាជអាវុធហត្ថលើផ្ទៃប្រទេស បំភ្លឺជុំវិញការបង្ហោះ ព័ត៌មានមិនពិត ក្នុងបំណងមូលបង្កាច់ដល់កងរាជអាវុធហត្ថ
ផ្សាយនៅថ្ងៃទី០៤ ខែកុម្ភៈ ឆ្នាំ២០២៣ វេលាម៉ោង១៤:២៣នាទីដឹងហើយថាមួយរយៈពេលថ្មីនេះមានការបង្ហោះផ្សព្វផ្សាយនូវព័ត៌មានមិនពិត ដោយបានចែករំលែកនូវរូបភាពមួយសន្លឹកតាមបណ្តាញផ្សព្វផ្សាយសង្គម ពីសំណាក់ជនអនាមិក ដែលបានបង្ហោះក្នុងគោលបំណងចោទប្រកាន់មកលើស្ថាប័នកងរាជអាវុធហត្ថ ដោយបានរសេរភ្ជាប់ជាមួយនូវរូបថត ថា “តេស្តសុខភាពចូលអាវុធហត្ថ”។
បន្ទាប់ពីមានការចែករំលែកនៅរូបភាពមួយសន្លឹកហើយបានសរសេរនូវខ្លឹមសារខាងលើនេះ នៅថ្ងៃទី០៤ ខែកុម្ភៈ ឆ្នាំ២០២៣ លោកឧត្តមសេនីយ៍ត្រី អេង ហ៊ី អ្នកនាំពាក្យកងរាជអាវុធហត្ថលើផ្ទៃប្រទេស បានបកស្រាយបំភ្លឺ នៅលើផេកផ្លូវការ GRK News ដោយបានលើកឡើងថា៖ «ខ្ញុំបាទឧត្តមសេនីយ៍ត្រី អេង ហ៊ី អ្នកនាំពាក្យកងរាជអាវុធហត្ថលើផ្ទៃប្រទេស សូមគោរពជម្រាបជូនសាធារណជន អ្នកសារព័ត៌មានជ្រាបថា រូបភាព១សន្លឹកនេះ មិនមែនជាសកម្មភាពពិនិត្យកាយសម្បទារបស់គ្រូពេទ្យកងរាជអាវុធហត្ថ នៅពេលពិនិត្យបេក្ខជននោះទេ។ ជាការពិត ការជ្រើសរើសចូលបម្រើក្នុងកងរាជអាវុធហត្ថ ត្រូវតែមានលក្ខណៈសម្បត្តិគ្រប់គ្រាន់តាមការកំណត់ ក្នុងនោះក៏មានការពិនិត្យកាយសម្បទាផងដែរ។ ប៉ុន្តែក្នុងអំឡុងពេលពិនិត្យមិនអនុញ្ញាតឱ្យយកទូរស័ព្ទ និងថតរូបទេ រីឯការពិនិត្យ គឺរក្សាបានក្រមសីលធម៌ វិជ្ជាជីវៈ។ ខ្ញុំបាទសូមគោរពជូនសាធារណជននិងអ្នកសារព័ត៌មានជ្រាបជាព័ត៌មានច្បាស់លាស់ពិត។»
ក្នុងនោះផងដែរ អ្នកនាំពាក្យកងរាជអាវុធហត្ថលើផ្ទៃប្រទេស លោកឧត្តមសេនីយ៍ត្រី អេង ហ៊ី ក៏បានចាត់ទុកថាការបង្ហោះផ្សាយនៅរូបភាពបែបនេះ គឺជា៖ «អំពើអសីលធម៌ គ្មានវិជ្ជាជីវៈ ក្នុងបំណងមូលបង្កាច់ដល់កងរាជអាវុធហត្ថ»៕
![](https://blogger.googleusercontent.com/img/b/R29vZ2xl/AVvXsEiYwLlgRr5t2LeZtQvZI6FRCsMww-wLCNraTJ6bEPDcfNWSCVoHo_q9BpKzKURcpOrXqA-eDIqR1dRffJS0vYHXOMana1d0eW4jeHTobVfMlpemWkdybUW1dLFmdxGrAz_24FtDfGw_LF6-ISFk0G7FE2P7bbFSJhcv8gX93mtey9w-vDWMqEiBE2Jz/s1600/fc17dd8b-fde0-46b7-8267-332c594972b8.jpg)
![](https://blogger.googleusercontent.com/img/b/R29vZ2xl/AVvXsEglaweuAYpiOsKZxQiRGzGZJ9YzrS7kLrXwMcfZmpPuvdZHDqNW2corc9QEdsZsXT1d_MAR99LKQOTxpzSB6Hr0YBdBI7rd25yc63MJ-Yb_blbIH8gj10VmGhyos4ZjasCY5FxcI-E_DP7-M-gd9O-bVZtxbrTF81D7awbse9YD4attaecedmSydzCd/s1600/Screenshot_20230204_134759.jpg)
![](https://blogger.googleusercontent.com/img/b/R29vZ2xl/AVvXsEjZ651O_0uifC5I-KQNCBw-JXgsL2Wy0UmmYEVBLdl-6OmfADCUx6fLZrmBFcmLYAT1ttkixbPy5oyD3GBmo-g9x5q3ccPbnalTirdGCoObZ3uA6DNit1sdpN92Hc_-_VBSwg6Dvc2qbM1jEjObhLmOGqr164_ZPDxPJ6RhMIeNa2AKH2b0kumGoS-n/s1600/FB_IMG_1675494779064.jpg)
No comments