តំណាងលរដ្ឋជិត១០០គ្រួសារ ០៧ភូមិនៃសង្កាត់ពន្សាំង ខណ្ឌព្រែកព្នៅ សំណូមពរ អាជ្ញាធរពាក់ព័ន្ធ ជាពិសេស សម្តេចតេជោ ហ៊ុន សែន ឱ្យជួយអន្តរាគមន៍ កាត់ឆ្វៀលដីស្រែចំការរបស់ពួកគាត់ ឱ្យបន្តកាន់កាប់ស្របច្បាប់
![](https://blogger.googleusercontent.com/img/b/R29vZ2xl/AVvXsEgJKC6RzEyTKdeuK8B2CweUzAdEw8mw9GJcZL9ecE1zlWz9lgpB6-ACAVnN62qZE3ZlJjScbVAhVsVrkDnwZ8QQI1W4DRCom-zemXL9RFPE-5A9-igC2IAtR0QGH8jep9cOMxrLv-jC_X9uP3IlgKqA1GpJ9pWLTXstm6eCF-iTR5fCSKvBjxP_jdIz/s1600/Picsart_23-02-05_21-38-12-862.jpg)
តំណាងលរដ្ឋជិត១០០គ្រួសារ ០៧ភូមិនៃសង្កាត់ពន្សាំង ខណ្ឌព្រែកព្នៅ សំណូមពរ អាជ្ញាធរពាក់ព័ន្ធ ជាពិសេស សម្តេចតេជោ ហ៊ុន សែន ឱ្យជួយអន្តរាគមន៍ កាត់ឆ្វៀលដីស្រែចំការរបស់ពួកគាត់ ឱ្យបន្តកាន់កាប់ស្របច្បាប់
ចេញផ្សាយនៅថ្ងៃទី០៥ ខែកុម្ភៈ ឆ្នាំ២០២៣ វេលាម៉ោង២១:៤៣នាទីភ្នំពេញ៖ ផ្ទុះការតវ៉ារបស់ប្រជាពលរដ្ឋជិត១០០គ្រួសារ ដែលជាម្ចាស់ដីស្រែចំការ នៅភូមិចំនួន០៧ គឺភូមិបួនមុខ ភូមិស្វាយឧត្តម ភូមិត្រពាំងអំពិល ភូមិត្រពាំងទទឹង ភូមិកាន់ទ្រង់ ភូមិកោះរងៀង និងភូមិថ្នល់បន្ទាយ នៃសង្កាត់ពន្សាំង ខណ្ឌព្រែកព្នៅ រាជធានីភ្នំពេញ នៅព្រឹកថ្ងៃទី០៥ ខែកុម្ភៈ ឆ្នាំ២០២៣នេះ។
តំណាងប្រជាពលរដ្ឋបានរៀបរាប់ពីប្រវត្តិកាន់កាប់ដីថា ចាប់ពីឆ្នាំ១៩៨០ ពួកគាត់បានកាន់កាប់និងអាស្រ័យផលដីដោយធ្វើស្រែនិងដាំដុះដំណាំផ្សេងៗយ៉ាងសុខសាន្ត មិនមានការរំខានពីបុគ្គលណាមួយឡើយ។ ស្រាប់តែថ្ងៃ០៣ ខែកុម្ភៈឆ្នាំ២០១៦ រាជរដ្ឋាភិបាលចេញអនុក្រឹត្យកំណត់ផ្ទៃបឹងតាមោកជាសម្បត្តិសាធារណៈ ប៉ុន្តែពួកគាត់នៅតែបន្តកាន់កាប់អាស្រ័យផលដីនោះដដែល។
ថ្មីៗនេះ ពួកគាត់បានឃើញអនុក្រឹតលេខ២៣៧ចុះថ្ងៃទី២១ខែវិច្ឆិកា ឆ្នាំ២០២២ ស្តីពីការកែសម្រួលផ្ទៃបឹងតាមោក (បឹងកប់ស្រូវ) ដោយយកដីរបស់ពួកគាត់ដែលកំពុងកាន់កាប់អាស្រ័យផល យកទៅប្រគល់ឱ្យបុគ្គល៤រូបមិនដឹងជារស់នៅទីណាដើម្បីធ្វើជាកម្មសិទ្ធិគឺ លោក ស្រេង ធឿន, លោក យ៉ែម ច័ន្ទរស្មី, អ្នកស្រី ទ្រៀង ស៊ីនួន និង អ្នកស្រី ភួង សុម៉ី ដែលបានធ្វើឱ្យប៉ះពាល់ដីស្រែចំការរបស់ពួកគាត់ដែលកំពុងកាន់កាប់អាស្រ័យផលជាក់ស្តែងតាំងពីយូរណាស់មកហើយ។ បន្ថែមលើសនេះបុគ្គលទាំង៤នាក់នេះ កំពុងរត់ការធ្វើប្លង់រឹងគ្របលើដីរបស់ពួកគាត់ផងដែរ។ ឃើញដូច្នេះ ពួកគាត់បានដាក់ពាក្យបណ្តឹងទប់ស្កាត់ និងសុំអន្តរាគមន៍ ទៅអាជ្ញាធរសង្កាត់ ខណ្ឌព្រែកព្នៅ អភិបាលរាជធានីភ្នំពេញ និង សម្តេចតេជោនាយករដ្ឋមន្ត្រីផងដែរ ប៉ុន្តែ មិនទាន់មានដំណោះស្រាយនៅឡើយទេ។
លោក ខៀវ ផាប់ អតីតមេភូមិត្រពាំងអំពិល បានបញ្ជាក់ថា នៅឆ្នាំ១៩៨០ ដីទាំងនោះជាដីក្រុមសាមគ្គី ហើយក្រោយមកនៅឆ្នាំ១៩៨៤ រដ្ឋបានចែកជូនប្រជាពលរដ្ឋដើម្បីបង្កបង្កើនផលធ្វើស្រែ និងដាំដំណាំផ្សេងៗចិញ្ចឹមជីវិតរហូតដល់បច្ចុប្បន្ននេះ។ ហើយគាត់ជាអ្នកចូលរួមបែងចែកជូនប្រជាពលរដ្ឋផងដែរ។
បងប្អូនប្រជាពលរដ្ឋបានលើកដៃសំពះ សំណូមពរអាជ្ញាធរពាក់ព័ន្ធ ជាពិសេស សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា មេត្តាជួយអន្តរាគមន៍ កាត់ឃ្វៀលដីពួកគាត់ចេញពីអនុក្រឹត្យពាក់ព័ន្ធនានា ដើម្បីឱ្យពួកគាត់បន្តកាន់កាប់អាស្រ័យផលលើដីស្រែចំការទាំងនោះស្របច្បាប់៕
![](https://blogger.googleusercontent.com/img/b/R29vZ2xl/AVvXsEiIfyQZlg6V3R1TPwn5bZ5l2Mn3Cg74YrFynpHbegilGqX8TIDNLPEtFKMItHniYbqcDOh1TkkMxYRZc0DENs86wJfRNMUmIg3QmDlXDoQFYNXDwAfWYosBvfowmHbzBzjxytrTjcUUG5aOS5FZftmDUOMqrHV9M7RJ8GuqZylQpsOcphNv41LtcLBM/s1600/IMG_20230205_213547_453.jpg)
![](https://blogger.googleusercontent.com/img/b/R29vZ2xl/AVvXsEjbBnPEGUQkopinkb-LHx7Rw8zn7fsetu2cDCvxoMSCkiL6nllc-ZfV0i1avC2Pbnr9iKS1DCUoayDhgV80Kh9WQ-gpz16MqsKizr-RTUcc2fUHaUEZQwB7M35sd4OIZQt8l5mxnVKjLUiWo3ARIbK1Fem1i2xR_1phkH6iAtF2vPeNqbCis4qEP7CH/s1600/IMG_20230205_213550_328.jpg)
![](https://blogger.googleusercontent.com/img/b/R29vZ2xl/AVvXsEhMCBmcesPqgJFv12Rp1B9mURK9N3ShrUDob_Vb1IF5t0rnRulhHgMGOpOG4fAKKie_zITJM7Ml99ee2acujHwlQsVLIQTlD3Sopk0yxQXyxcJRkE3fzTKnj-WoOmCjxKvByWK32OHGsiz6yz1ywvYAccK2ufa00vNK1ahZntRXJVNIgCfC-ndgVCWw/s1600/IMG_20230205_213516_266.jpg)
![](https://blogger.googleusercontent.com/img/b/R29vZ2xl/AVvXsEgFPnDbt5tprs-ogIRXYUxK5H8Jo6F2zAfoPuPmQ7DoiLM_OyCzZJrGWY3EexQJYJZWE4lx0P1NCeD2TSuODXqr0ly9HLznUHqDNm5jg41ts0cgDLEDFByHqrOVcVlXBRkEMFd82Q3NDoqnA3QdTPPIN-w6FHw0k5SB6sUYkhbLevTYAYoLLFNDh7PX/s1600/IMG_20230205_213520_082.jpg)
![](https://blogger.googleusercontent.com/img/b/R29vZ2xl/AVvXsEifYf-1K6uUdEi71YEp4LjpAxQyfNwNj4L1aa3GhpqlFXK6xvtYIwiQimBQCn_MLXIpRoLNhX-5ZCY911_fOnUS305zA_HmxH4H4lzoMHVGSI2AUcnk-yTAQDiZlzmBdyJaPNt2LgUPHiV0fqL23jD2s-yCry08jzNrSyoedLKt1txs6RVTa_v0JM9E/s1600/IMG_20230205_213523_355.jpg)
![](https://blogger.googleusercontent.com/img/b/R29vZ2xl/AVvXsEiov1y4sqvlDEN3CneRy1mQliNUHW2YvGwBfFYNDIb-rBEzVe8J30yJB2S7Y_MmTCruCCEAP-v8mBgZla2FNx-jXh8A0pU8PuHk6zTJ3WQC_Q4Dzw8soCzSOB-KKL_Kfrqy9cS_rPDg2HzOqmkWpYTrK9J2BtgPeVWaQCQ6jxLRnkCEZnWeSJPiISGA/s1600/IMG_20230205_213525_611.jpg)
![](https://blogger.googleusercontent.com/img/b/R29vZ2xl/AVvXsEgRlFWqA9G-XWM4CFqGDKkPTY6-xomTf7Kdqc4s9FRn0gsM7awrZy3kUsKdTetcDzpySLD-zp2VfqtIvD67wvI8WvE6BEjD5tcDBrhqL0TwFpw3I26qByaNfO2rcNaXjqKUfAewmD8q1PmNKEewjKtvjz0UDnWcnHpNvQ2dlu9xrxXAoxmtmOn9U8Ae/s1600/IMG_20230205_213533_504.jpg)
![](https://blogger.googleusercontent.com/img/b/R29vZ2xl/AVvXsEio7ZsEK85AazaRaoKGTV-nMGXO_9s_k-uWWaQHiDh_0ko2dmreaaCfd1xz4r-SJsHG3yL79pAzmnh29Ln0CDOHtG-SHtrm6ni6vjGeuChJmRaKgzm-EfC7FL9e6VT_XhZRfGm9mN-vrZO4vHd2arpFnPu1PTXTQE7bCl-NCCYlcS1pixrlR4tpBMCa/s1600/IMG_20230205_213544_064.jpg)
No comments