លោកស្រី ស៊ិន សំអាន ដាក់ពាក្យបណ្តឹងប្តឹងម្ចាស់គណនីហ្វេសប៊ុក Long Rannatevy ពីបទបរិហារកេរ្តិ៍ និងញុះញង់ឲ្យមានការរើសអើង
![](https://blogger.googleusercontent.com/img/b/R29vZ2xl/AVvXsEhNiBKFwHC6VjloKgAP186fLxNeTMOnnvasvgZv5POGbtlihoknfbp7qJr-WRK14q1EpxUMbYQw-Cb2ggmIBRzScZ80lhKrt5xg9aR0OwbwI1zMoYYXnjJAt4pJXSvrF3UaSu_tt4vEqi5x_opkVdCvN8q8ytlw2RAg4bXSfpmFVGZBWFQw3hO9ccMQ/s1600/Picsart_23-02-23_12-44-17-329.jpg)
លោកស្រី ស៊ិន សំអាន ដាក់ពាក្យបណ្តឹងប្តឹងម្ចាស់គណនីហ្វេសប៊ុក Long Rannatevy ពីបទបរិហារកេរ្តិ៍ និងញុះញង់ឲ្យមានការរើសអើង
ចេញផ្សាយនៅថ្ងៃទី២៣ ខែកុម្ភៈ ឆ្នាំ២០២៣ វេលាម៉ោង១២:៥១នាទីម្ចាស់សិប្បកម្មកែច្នៃរមៀត លោកស្រី សុិន សំអាន បានដាក់ពាក្យបណ្តឹងទៅកាន់អយ្យការអមសាលាដំបូងរាជធានីភ្នំពេញ ប្តឹងម្ចាស់គណនីហ្វេសប៊ុកឈ្មោះ Long Rannatevy ពីបទបរិហារកេរ្តិ៍ជាសាធារណៈ និងញុះញង់ឲ្យមានការរើសអើង។
យោងពាក្យបណ្តឹងដែលសារព័ត៌មានទទួលបាន បានឲ្យដឹងថា ម្ចាស់សិប្បកម្មកែច្នៃរមៀត លោកស្រី សុិន សំអាន បានប្តឹងឈ្មោះ ឡុង រតនាទេវី ដែលជាម្ចាស់គណនីហ្វេសប៊ុក Long Rannatevy ដែលបានយករូបថតក្រុមគ្រួសាររបស់គាត់ទាំងមួយគ្រួសារយកទៅបង្ហោះជាសាធារណៈដោយគ្មានការអនុញ្ញាត ថែមទាំងភ្ជាប់នូវខ្លឹមសារ ក្នុងនៃបង្ខូចកិត្តិយស។
ក្នុងពាក្យបណ្តឹងលោកស្រី ស៊ិន សំអាន បានបញ្ជាក់ទៀតថា ការបង្ហោះរបស់ម្ចាស់គណនីហ្វេសប៊ុកឈ្មោះ Long Rannatevy នេះគឺក្នុងចេតនាទុចរិតធ្វើឲ្យប៉ះពាល់ដល់កិត្តិយសនិងសេចក្តីថ្លៃថ្នូររបស់ក្រុមគ្រួសាររបស់គាត់យ៉ាងធ្ងន់ធ្ងរ ជាពិសេសប៉ះពាល់យ៉ាងខ្លាំងចំពោះកិត្តិយសនិងសេចក្តីថ្លៃថ្នូរកូនស្រីពៅរបស់គាត់។ ម្យ៉ាងវិញទៀតការបង្ហោះសារបែបនេះបានធ្វើឱ្យអតិថិជនរបស់គាត់ ក៏ដូចជាសាធារណជន ជាច្រើនមានការយល់ច្រឡំ និងមានការរើសអើងយ៉ាងខ្លាំងដល់ក្រុមគ្រួសាររបស់គាត់ ជាពិសេសបានប៉ះពាល់ដល់យ៉ាងខ្លាំងដល់អាជីវកម្មស្របច្បាប់របស់គាត់។
ជុំវិញពាក្យបណ្តឹងខាងលើនេះ ក្រុមការងារសារព័ត៌មានយើង បានទំនាក់ទំនងជាមួយភាគីខាង ម្ចាស់គណនីហ្វេសប៊ុកឈ្មោះ Long Rannatevy ដើម្បីសុំការបំភ្លឺ លោកស្រី ឡុង រតនាទេវី បានឲ្យសារព័ត៌មានដឹងថា «ការបង្ហោះហ្វេសប៊ុកនេះគឺគាត់មិនមែនចេះតែបង្ហោះនោះទេគឺមានហេតុមានផល និងមានឯកសារពាក់ព័ន្ធទៅនិងករណីនេះ» «ហើយក៏មិនមានរឿងអីត្រូវបកស្រាយជាមួយអ្នកសារព័ត៌មានដែលព្រោះគាត់មានមេធាវីត្រឹមត្រូវហើយ»។
យ៉ាងណាក្តីលោកស្រី ស៊ិន សំអាន ម្ចាស់សិប្បកម្មកែឆ្នៃរមៀត ក៏បានសំណូមពរ ឯកឧត្ដម ព្រះរាជអាជ្ញា នៃអយ្យការអមសាលាដំបូងរាជធានីភ្នំពេញ ធ្វើការចោទប្រកាន់ទៅលើឈ្មោះ ឡុង រតនាទេវី ទៅតាមផ្លូវច្បាប់ និងទាមទារសំណងជំងឺចិត្តចំនួន ៥០០លានរៀល៕
![](https://blogger.googleusercontent.com/img/b/R29vZ2xl/AVvXsEi0m6f3pSgKYmv_mLGdIR7vUBqpz2wcXbAu7aQvhjfBPlujbW9UOmfka_5y9k6E3Y6Aez5YmoKxI78AZ_fozymNviADT1oSpCRcwsFys-YpNjVuQTV97u72ocT4Px_kGyB14Y4AI7Ab7pJgZtQW24klH03eYY4QHw0HwgxCxi8X5qxbBsrEhr0-7o6e/s1600/Screenshot_2023_0223_122414.jpg)
![](https://blogger.googleusercontent.com/img/b/R29vZ2xl/AVvXsEiv11zVxLmxkfG966Jii7M9ITz7R-cGA2k8VIn67krKEIN7ArkZx-B5kv1jM8buk_zQ5MH_9Q675wfyMP5kyao4kstS-aj7T1sSEazsD1hocwh_DTefB2v5IGCDFWq7k2RoXkEBlwy4G5GbZ1-nxli52o0zYlBLFXDARp2S4du4vm8gufatTQqg5np2/s1600/5_6318718304911362752_2%20%281%29.jpg)
![](https://blogger.googleusercontent.com/img/b/R29vZ2xl/AVvXsEimAah_INb10oBm22UM9zPjSffIf4uQtJ68GyW-bOOBKFAnPh-0tnB2X94EJQX62UbFpu1TxcelsyuYqM857C7racAg5gJktUseoJ_kx0ZMPuD2uXYtt1au52VS6OaNxWLhkinTEMP1hf34UhUW4gQgvJ0UQwDBMKjG0uBe9C9_N1KTZWkFbJbDEluY/s1600/IMG_20230223_121202.jpg)
![](https://blogger.googleusercontent.com/img/b/R29vZ2xl/AVvXsEjZtSwdXlygAgf3VdPbftFrOS4EkUX_9RQmdQXyy8CUPIJ3NNmNH-vQrcax_5cW2X2OaV3Olqwc4orDw6Z0Ill0yPD2Cg9x0l1yTEBcOWytPNaMMO7Bu7SY-p3gPr7dVCt9U17oeubPFbnQXD7AKZVS-p2egifDOtwqqMzYgCjlvbPZzW5L3DoeOWvo/s1600/IMG_20230223_121544.jpg)
![](https://blogger.googleusercontent.com/img/b/R29vZ2xl/AVvXsEiLf3FPs3oC2RapORYJ-qipiNTSRifgu-DfRD_z8DODN7Lzkz6vD40npzAs6-09WIJpIFrd8uMDemldJHJ_TSdS9a3j054Ic8MO5FZvixmxtsrv_HOnov20_qi8Fnq2NUe30PZ8_FE9xI6_a4YGA3bO5QGeBBMLlRAz-_qewUOiyFyPKDouyVKiYMOL/s1600/IMG_20230223_122700.jpg)
No comments