ប្រកាសចូលកាន់តំណែងលោក ឈឿន ប៊ុនឆន ជាស្នងការនគរបាលខេត្តព្រៃវែង
![](https://blogger.googleusercontent.com/img/b/R29vZ2xl/AVvXsEiVu2A8BATKyTCm5psnsVDjkhD2dYK_B5WXYBlU5yzlkxcB79pdCtCcHR_MiSDRZElPfV9oqqjk9Kx3hvvLgC3ybDIffrQadX3RjwuhSxMiVI1RzAmhuliK2piW7IDmCZXmH4LLeEWDbQQ4EdhCwDb9jnccAI-iPcU5yXeeS25_ktegGtOAL0I9VP2v/s1600/Picsart_23-03-13_12-04-32-900.jpg)
ប្រកាសចូលកាន់តំណែងលោក ឈឿន ប៊ុនឆន ជាស្នងការនគរបាលខេត្តព្រៃវែង
ចេញផ្សាយនៅថ្ងៃទី១៣ ខែមីនា ឆ្នាំ២០២៣ វេលាម៉ោង១២:១១នាទីព្រៃវែង៖ នាយឧត្តមសេនីយ៍សន្ដិបណ្ឌិត នេត សាវឿន អគ្គស្នងការនគរបាលជាតិ តំណាងសម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ និងលោក ជា សុមេធី អភិបាលខេត្តព្រៃវែង នៅព្រឹកថ្ងៃទី១៣ ខែមីនា ឆ្នាំ២០២៣នេះ បានអញ្ជើញប្រកាសចូលកាន់តំណែងលោកឧត្តមសេនីយ៍ទោ ឈឿន ប៊ុនឆន ជាស្នងការនគរបាលខេត្តព្រៃវែង។
សូមរំលឹកថា សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ នៅថ្ងៃទី២៨ ខែកុម្ភៈ ឆ្នាំ២០២៣ បានចេញប្រកាសតែងតាំង លោកឧត្តមសេនីយ៍ទោ ឈឿន ប៊ុនឆន ជាស្នងការនគរបាលខេត្តព្រៃវែង ជំនួសលោកឧត្តមសេនីយ៍ទោ ព្រុំ សន្ធរ ដែលត្រូវបានតែងតាំងជាអគ្គស្នងការរងនគរបាលជាតិ។
លោកឧត្តមសេនីយ៍ទោ ឈឿន ប៊ុនឆន មុនប្រកាសតែងតាំងជាស្នងការនគរបាលខេត្តព្រៃវែងនេះ លោកមានតួនាទីជាអធិការនគរបាលស្រុកកោះធំ នៃស្នងការដ្ឋាននគរបាលខេត្តកណ្ដាល ហើយក្រោយមកត្រូវបានតែងតាំងជាអនុប្រធាននាយកដ្ឋានសន្ដិសុខផ្ទៃក្នុង នៃអគ្គស្នងការដ្ឋាននគរបាលជាតិ។ រហូតដល់អំឡុងខែកញ្ញា ឆ្នាំ២០២១ លោកត្រូវបានសម្ដេចតេជោ ហ៊ុន សែន ចេញអនុក្រឹត្យតែងតាំងជាប្រធាននាយកដ្ឋានវិទ្យុទាក់ទង នៃអគ្គស្នងការដ្ឋាននគរបាលជាតិ។
លុះនៅថ្ងៃទី០៨ ខែកុម្ភៈ ឆ្នាំ២០២៣ លោកឧត្តមសេនីយ៍ទោ ឈឿន ប៊ុនឆន ក៏ត្រូវបានបញ្ចប់តំណែងពីប្រធាននាយកដ្ឋានវិទ្យុទាក់ទង ដោយអនុក្រឹត្យរបស់សម្ដេចតេជោ ហ៊ុន សែន។ ទើបនៅថ្ងៃទី២៨ ខែកុម្ភៈ ឆ្នាំ២០២៣ ត្រូវបានសម្ដេចក្រឡាហោម ស ខេង ចេញប្រកាសតែងតាំងជា ស្នងការនគរបាលខេត្តព្រៃវែងតែម្ដង៕
![](https://blogger.googleusercontent.com/img/b/R29vZ2xl/AVvXsEgNL4_KkF8BRc_kbeLTKYts-aUwCjq02CLcLyrkEToTL5b8GGDtLut4EkffkqaWEU6AwuxrlY89XJMXzUGX7eu6KyObGPoRAO2ySvr0-tA_3rUAQNj-_H27QsLgWDvCDy0IhaKIIQ1D92j_hg4_F7DBerYmmtf6y6wQwmarjiCHD8iea3rhssgNw1ec/s1600/FB_IMG_1678678424181.jpg)
![](https://blogger.googleusercontent.com/img/b/R29vZ2xl/AVvXsEh7hg2q5qoqVcxHGz4EN8_9fx21QfoP-ciCQzjZE8CTVuyfQAe_-hjpeWvcRdwaIcrU6x3VX0EyaUF8DAx41KxCyx7SfH09XcIxVPdOkT5BrADhe44RkwkhZOtN4k4tCsY2GGC5BmriXqeJWsTqXq_IPU7v9FBotcLAc-UGY_8d8jNXa1g-NxWT6Wk4/s1600/FB_IMG_1678678426467.jpg)
![](https://blogger.googleusercontent.com/img/b/R29vZ2xl/AVvXsEj9SfQIIvuJoJZ4O9qfvIoqLWBOT94DZONxDOe4w8g3QRP8jPIv3b_4IglaJC31wQDh26HP4pixXcpVfJf0LAX5NtTuRLXLhdNMGekWyujciYPxPQExz17yqLkUljjv1VlgK4QKRKcerJKonLThsRoGAwlE7TopZmQw-qwwIEGgxBBYt0A9ERrF_ZBy/s1600/IMG_20230313_090641_962.jpg)
![](https://blogger.googleusercontent.com/img/b/R29vZ2xl/AVvXsEgGfwKSrfvyHBIVg8F3hHZMNwpmXdn8iGBX-KptyURSfcqRC-LUcnbda_GMfk7ErtwqcKxX0tokhV-uR9tH8yIE28WHsdjmld7DhhRUEn5lZULYHk0m0V8K6wPic_7PypQ1H2S1-7aSEPUpXfOirbANPRDcQU5fmLwgEi2jw6yoEcJTBqOkZQo1oyeo/s1600/IMG_20230313_090642_581.jpg)
![](https://blogger.googleusercontent.com/img/b/R29vZ2xl/AVvXsEhdU6PPLoYaTFyzWL-II7MNzw0kFz2vGzQ15GLj7lxxj7aDUTLqEu5hwRMa0JJXEe-87E1tB881nJZlAlBSZRRnwzn2kCk_QgrcIMVaneK3_EzrbeAHGu-6ss-4Y5lCBp86q3TYchNy4M99UXy_OtHEHqUXnV6YltuT3s46sw1t6ljgi27lp0fI9EST/s1600/IMG_20230313_090642_922-1024x461.jpg)
No comments