មិនដឹងមានរឿងអ្វី? បុរស៦នាក់នាំគ្នាចូលទៅវាយកម្ទេចក្នុងហាង និងនារីស្រស់ស្អាតម្នាក់
![](https://blogger.googleusercontent.com/img/b/R29vZ2xl/AVvXsEhEf13jz8TJeWgC6iDDNG5YK84ZMvWEokdq0wJ1-_OoDTmWnLmpYaVNdqR1oSvxm5bQ_YPCIQhAkbBgNM0MlVZQKn8LZDYK1afcZlmm2RxESnrKp4RaiMqvRG9H8fteF2dEhRrcW2Mgl_BCEImmMpfYUltQB2qMN2-by4es4z6LPBCsLzuH26__WnPk/s1600/Picsart_23-03-21_12-39-49-575.jpg)
មិនដឹងមានរឿងអ្វី? បុរស៦នាក់នាំគ្នាចូលទៅវាយកម្ទេចក្នុងហាង និងនារីស្រស់ស្អាតម្នាក់
ចេញផ្សាយនៅថ្ងៃទី២១ ខែមីនា ឆ្នាំ២០២៣ វេលាម៉ោង១២:៤២នាទីរាជធានីភ្នំពេញ ៖ ជនសង្ស័យចំនួន៦នាក់ ត្រូវបានកម្លាំងកងរាជអាវុធហ្ថតខណ្ឌចំការមន ធ្វើការឃាត់ខ្លួន បន្ទាប់ពីធ្វើសកម្មភាពកា.ប់បំពង់ទីប រួចចូលទៅវា.យកម្ទេចសម្ភារៈនៅខាងក្នុងហាងស្ប៉ាបែបថៃ បណ្តាលឲ្យរងការខូចខាត បង្កឱ្យមានការភ្ញាក់ផ្អើលកាលពីវេលាម៉ោង២និង១០នាទីរំលងអធ្រាត្រឈានចូលថ្ងៃទី២១ ខែមីនា ឆ្នាំ២០២៣ នៅត្រង់ចំណុចខាងក្រោមស្ថានទូតរុស្ស៊ី តាមបណ្ដោយផ្លូវបេតុង ស្ថិតក្នុងក្នុងសង្កាត់ទន្លេបាសាក់ ខណ្ឌចំការមន។
តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុ គេបានឃើញជនសង្ស័យមួយក្រុម មានគ្នាចំនួន៦នាក់ បានដើរថ្មើរជើងហើយប្រដាប់ដោយបំពង់ទីបគ្រប់ដៃ រួចដើរសំដៅទៅហាងកើតហេតុខាងលើ។ ខណៈពេលដែលជនសង្ស័យទាំងនោះ ដើរទៅជិតដល់ហាងកើតហេតុ ជនសង្ស័យទាំងនោះក៏បានឈរមើលមួយសន្ទុះ លុះបន្តិចក្រោយមក ជនសង្ស័យទាំងនោះ ក៏បានធ្វើសកម្មភាពចូលទៅក្នុងហាង ហើយយកបំពង់ទីបវា.យកម្ទេចសម្ភារៈនៅក្នុងហាង និងវា.យនារីម្នាក់ដែលជាអ្នកគិតលុយទៀត បណ្តាលឱ្យរងរបួសស្រាល និងសម្ភារៈនៅខាងក្នុងហាងខូចខាតរាយប៉ាយពេញហាងតែម្តង។
ប្រភពព័ត៌មានដដែលបន្តថា ខណៈពេលនោះ ក៏មានកម្លាំងកងរាជអាវុធហ្ថតខណ្ឌចំការមនចុះមកធ្វើការអន្តរាគមន៍ឃាត់ខ្លួនជនសង្ស័យទាំង៦នាក់នោះ ដោយក្នុងនោះមានជនជាតិចិនម្នាក់ និងជនជាតិខ្មែរចំនួន៥នាក់។
តាមសម្តីពីបុគ្គលិកដែលធ្វើការនៅក្នុងហាងនោះ បានអោយដឹងថា ពួកគាត់មិនធ្លាប់ស្គាល់ជនសង្ស័យទាំងនោះពីមុនមកនោះទេ។ ហើយកន្លងមកហាងកើតហេតុមិនសូវមានភ្ញៀវ និងក៏មិនធ្លាប់មានបញ្ហាជម្លោះជាមួយភ្ញៀវផងដែរ ប៉ុន្តែគ្រាន់តែដឹងថា ថៅកែហាងឧស្សាហ៍មានជម្លោះជាមួយគេដែលនៅខាងក្រៅ។
ក្រោយពេលកើតហេតុ ជនសង្ស័យទាំង៦នាក់ខាងលើ រួមទាំងវត្ថុតាង ត្រូវបានកម្លាំងកងរាជអាវុធហត្ថនាំខ្លួនយកទៅកាន់កងរាជអាវុធហ្ថតខណ្ឌចំការមន ដើម្បីធ្វើការសាកសួរ និងចាត់ការទៅតាមនីតិវិធីច្បាប់ជាបន្តទៀត៕
![](https://blogger.googleusercontent.com/img/b/R29vZ2xl/AVvXsEgHktQ7cQM7mepysygLX64mGyNCpZf06_At_IPfcpJfcm7EoDOgiklloSSmmuNNxsOEvIBxTUGJszv5YQp9dZTL_rMPSXFwgrBMZPu3XoaeAWJMYClfnAd06Skhd8sQANfsXj8fe0SUPcI9Aoru8tZB1UqH5jL6q8AWxiwFuxoGlvAA9PAobNyBMzh-/s1600/92cc227532d17e56e07902b254dfad10-22-460x268.jpg)
![](https://blogger.googleusercontent.com/img/b/R29vZ2xl/AVvXsEguM2LwHWfHjj-0aw1Cf3C4BLupzLq3ckjFeRwbQQuwe1SV62qxl4-L4sYcAyr0K4vrD0p0_IxPGv2H1odAmfmFliN1nUausrZ8Pbds4vYHGqxewSfrVX_aDZTPIXwUuNgtNlAIvZ_GZSmSKQP9OOG1orhU9-S5s56dkRHkgAH22tu5_tWchSG2xUhi/s1600/98dce83da57b0395e163467c9dae521b-24-460x268.jpg)
![](https://blogger.googleusercontent.com/img/b/R29vZ2xl/AVvXsEhAEux3RboxkHuBW-jqj_HMXrPxz0gURLn22N4sxikolEbwenFuXZhKKu53eqoXTilUyVneAwy3LbG1I4AE94Wy10rpSGhW3HASCzMLTHmuvcukDlNAsaojtM4YeyOkxRs7TPC9rKkVQ3j3uT62Vu7vNAAAGZofx79JcB6jouUGGt9orbtqnSEPUEwl/s1600/812b4ba287f5ee0bc9d43bbf5bbe87fb-24-460x268.jpg)
![](https://blogger.googleusercontent.com/img/b/R29vZ2xl/AVvXsEh6gRfrnShFMZ3JoiG6XkwdFwf8CRpxWlDMlTl0pzemfOcHwH68sXpIZen0kCwEhpMEEu08kZphdN1D9lHOsoXvCEqSp0h-rLxw2RXh-_CoaRWT8h2lDyfHxpJM0atjhaJlathnloP3I-0yNnKdPuh6PJuZcXa9fmd7WZhElf-Y7TFt5Y1ycOFC7Ndc/s1600/54229abfcfa5649e7003b83dd4755294-22-460x268.jpg)
![](https://blogger.googleusercontent.com/img/b/R29vZ2xl/AVvXsEjRkA-YTEMZ4HpeI9kjg9jJCXGsCluH1-wFNCvCOgQepgpip-ouf8pYMq3OOJoazG8557K3pdIr3OVuE96fr1u9q3UYG9IwyrFlaoN5Z_3_ad9kqFQYlU5qrDalHj8c0zdRAbjbLpML3jf9jbp8ViEX5_z0VRVE8vqa0RvsaVI-T6S88C5HUSatYDey/s1600/f4b9ec30ad9f68f89b29639786cb62ef-22-460x268.jpg)
No comments