ខណ្ឌច្បារអំពៅ៖ ទីតាំងល្បែងស៊ីសងខុសច្បាប់ នៅតែអាចបន្តបើកដំណើរការបានយ៉ាងរលូន ដោយគ្មានការរំខានដល់លោក ម៉ៅ សឿត_វគ្គ២
![](https://blogger.googleusercontent.com/img/b/R29vZ2xl/AVvXsEgDzvGY0nrtZYPCL0rLhxdyxTX11uFGr3GPQ0Gys2dndIxtecMSchfTZM0f7Gj4CleRFxg9XKVY5mOwRyeRuYthzGlcdom3ThXeWcl7WDPKczFZx_3XBprDHhDv0_CjxTQ5nswNbYtFZkoa2QqRjhGrnsVESalAbOyPgKdLOvQpYzpzykkhGlR_wk6M/s1600/Picsart_23-03-14_19-49-53-868.jpg)
ខណ្ឌច្បារអំពៅ៖ ទីតាំងល្បែងស៊ីសងខុសច្បាប់ នៅតែអាចបន្តបើកដំណើរការបានយ៉ាងរលូន ដោយគ្មានការរំខានដល់លោក ម៉ៅ សឿត_វគ្គ២
ចេញផ្សាយនៅថ្ងៃទី១៤ ខែមីនា ឆ្នាំ២០២៣ វេលាម៉ោង១៩:៥៤នាទីទីតាំងល្បែងស៊ីសងជល់មាន់ខុសច្បាប់តាមប្រព័ន្ធអនឡាញ នៅភូមិព្រៃធំមួយ សង្កាត់ក្បាលកោះ ខណ្ឌច្បារអំពៅ រាជធានីភ្នំពេញ ក្នុងចំណុចផ្ទះយាយផៃ នៅតែអាចបន្តបើកដំណើរការបានយ៉ាងរលូន ដោយគ្មានការរំខានដល់លោក ម៉ៅ សឿត អធិការនគរបាលខណ្ឌច្បារអំពៅបន្តិចសោះឡើយ។
តាមប្រភពព័ត៌មានជាក់ស្តែងបានឲ្យដឹងថា ទីតាំងល្បែងស៊ីសងខុសច្បាប់ខាងលើនេះ ក៏កំពុងតែបានបង្វក់ដល់ពលរដ្ឋខ្មែរមួយចំនួនរួមទាំងក្មេងតូចឲ្យវក់វីទៅលើល្បែងស៊ីសងខុសច្បាប់ភ្នាល់លុយ។ ចំណែកឯអាជ្ញាធរនិងសមត្ថកិច្ចពាក់ព័ន្ធក្នុងមូលដ្ឋានហាក់ដូចជាត្រូវគ្នាជាមួយម្ចាស់ទីតាំងល្បែងស៊ីសងខ្លាំងមែនទែន ទើបបានជាបណ្តែតបណ្ដោយយ៉ាងនេះ។
ករណីនេះពលរដ្ឋលើកឡើងថាកន្លែងណាមានល្បែងស៊ីសង កន្លែងនោះប្រាកដជាមានបទល្មើស លួច ឆក់ ប្លន់ កាប់សម្លាប់ ជាពិសេសអំពើហិង្សាក្នុងគ្រួសារ អំពើពុករលួយក្នុងសង្គម ហើយអំពើទាំងអស់នេះកំពុងតែដើរផ្ទុយពីគោលនយោបាយភូមិឃុំមានសុវត្ថិភាពទាំង៧ចំណុច ដែលចេញដោយរាជរដ្ឋាភិបាល ដែលមានសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា។
ពាក់ព័ន្ធទៅនឹងទីតាំងលេងល្បែងស៊ីសងភ្នាល់លុយខុសច្បាប់ ខាងលើនេះ ក្រុមការងារសារព័ត៌មានយើងក៏ធ្លាប់បានទំនាក់ទំនងទៅកាន់លោក អ៊ុន ប៊ុណ្ណា មេប៉ុស្តិ៍នគរបាលសង្កាត់ក្បាលកោះ តាមរយៈលេខទូរស័ព្ទ 095747878 ដើម្បីសុំឲ្យមានការសហការចុះបង្ក្រាបទប់ស្កាត់ ប៉ុន្តែលោកមេប៉ុស្តិ៍រូបនេះ គ្រាន់តែឮឈ្មោះម្ចាស់ទីតាំងល្បែងស៊ីសងខុសច្បាប់ ត្រង់ចំណុចខាងលើស្រាប់តែឆ្លើយថាស្ដាប់អត់បានស្ដាប់អត់ឮ អត់សេវា ហើយក៏បិទទូរស័ព្ទខលលែងលើកតែម្តង។ (ហាក់ដូចជាមានការលាក់បាំងខ្លាំងមែនទែន)
ជុំវិញទៅនិងករណីខាងលើនេះដែរ ប្រជាពលរដ្ឋជាច្រើនស្នើសុំដល់ឯកឧត្តមឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ និងឯកឧត្តម ឃួង ស្រេង អភិបាលរាជធានីភ្នំពេញ សូមជួយចាត់មន្ត្រីជំនាញក៏ដូចជាជួយបញ្ជាដល់លោក ចេង មុនីរ៉ា អភិបាលខណ្ឌច្បារអំពៅ និងលោក ម៉ៅ សឿត អធិការខណ្ឌច្បារអំពៅឲ្យដឹកនាំកម្លាំងចុះទៅបង្ក្រាបបទល្មើសល្បែងស៊ីសងខុសច្បាប់ខាងលើនេះផងទាន៕
![](https://blogger.googleusercontent.com/img/b/R29vZ2xl/AVvXsEgPPk3sT-nCqYLzsDRzC1eTSQBhQHFX3It6FtNZzpCnCuJwFHLq-bmSb3tNIH9HKKkS7gp4zk5aiTXW3OowWqSUaW9aAiz4I7GzdQzjVLzyc5x1Y7YtY6fVdBiAOXVTgpjuackXbMc7wsIuDQ4w2voyGEdJroKWaU6z3YqEByEOMSqOKGP-9x3PAlHO/s1600/FB_IMG_1678798095819.jpg)
![](https://blogger.googleusercontent.com/img/b/R29vZ2xl/AVvXsEghMIcMJaxM8wODBLHBRyg44SP_Eh-cFOEhn5P2fpN3ickgoqp1V5FCpBdiGxz98y9C6Kf_5MiJYaVhE_IsMBTIwTOLjG1zZZ1qo8-k7l1Zqzv6n6IQcSwtvG72fIyEmylorSM0CZyv3hTvl5w-JjnKW4GK3oDi2PMRQFc4EOIIVlnCsV2XoOICoq62/s1600/Untitled-10-101.png)
![](https://blogger.googleusercontent.com/img/b/R29vZ2xl/AVvXsEgoGuLBPRbNbVvWRF5a28AkC70oSC1oBGHuw0lKC3F672yjxaa7ykbggj_QPCrHp_MoiGGPy5tK-A67LudldkJNKPbDpIpAJxx78_Gsjcc80wTMEkJf__B-PYocrG1sTEcSNOUuG6ifcTgnqP8j3Zq7KGAX72YBwi5xR5pzqLgW3HHHUcgNW0c1jD7_/s1600/IMG_20230314_193225_847.jpg)
![](https://blogger.googleusercontent.com/img/b/R29vZ2xl/AVvXsEhwuvzWkbbXuqzq5KMci22EMt9w04GbIqgps1obZLaimpIcduRMVs97ZzZLCbDZZ6ntDS-BvveDh-4Lw-HAVSE7Ls5iGahEmIZlpF8zF66CWrOMOXsh1O25gfR7lQVU2U5xj0CMe9Xebj33314WHK-VGuIFNSHcweybaw21q5sLul-EWa4yNMFtex1I/s1600/IMG_20230314_193231_994.jpg)
![](https://blogger.googleusercontent.com/img/b/R29vZ2xl/AVvXsEiPUiW5_22TDDh-PxD47T-tYNISqnSzdtjxP9ErbrbkDI5kFzlRSeBd7_DWeJjifdmj-I-7Hk4fC1xs-xGYfURxa8rinOrQXuAbVCysNCDIGzWuRGPdtiCbxzab6bFSd48qsBlM_Zt8uiMzEjwig276VHQpdMP_5jwjDLeZWNgWDuD4fqub4JvFSEyj/s1600/Picsart_23-03-04_20-23-45-863.jpg)
No comments