ឃាត់ខ្លួនជនសង្ស័យចំនួន ០៣នាក់ ក្នុងចំណោមបក្សពួកជាច្រើននាក់ទៀតបានរត់គេចខ្លួន
![](https://blogger.googleusercontent.com/img/b/R29vZ2xl/AVvXsEgw3PcY-Ldzq9goFvkb6KBRR9xlvoZW0YBKiCj4WrnyCvHYEt74HuERz0XyCr03mvp8XI2r21hbPn4ajxyFVM4uZQgD0wn6RRw-G4nguUi2qm-iYXgAQUyI_3n0v4EiCLIAI-psNQLrTVSu66Le5k1XdNTPqG41uKjbMyVpiLIhaMSwguAMXtMILoyy/s1600/Picsart_23-03-08_17-57-31-733.jpg)
ឃាត់ខ្លួនជនសង្ស័យចំនួន ០៣នាក់ ក្នុងចំណោមបក្សពួកជាច្រើននាក់ទៀតបានរត់គេចខ្លួន
ចេញផ្សាយនៅថ្ងៃទី០៨ ខែមីនា ឆ្នាំ២០២៣ វេលាម៉ោង១៨:០១នាទីដោយមានការចង្អល់បង្ហាញពីលោកឧត្តមសេនីយ៍ទោ ស ថេង ស្នងការនគរបាលខេត្តពោធិ៍សាត់ លោកវរសេនីយ៍ឯក អ៊ុល ហៃ អធិការនគរបាលស្រុកតាលោសែនជ័យ បានដឹកនាំកម្លាំងសហការជាមួយមន្ត្រីមូលដ្ឋានឆ្មក់បង្ក្រាបទីតាំងលួចលាក់លេងល្បែងស៊ីសងខុសច្បាប់ (ជល់មាន់) និងឃាត់ខ្លួនបានជនសង្ស័យចំនួន០៣នាក់ ខណៈជនសង្ស័យជាច្រើននាក់ផ្សេងទៀតបានរត់គេចខ្លួនបាត់ស្រមោល។
ប្រតិបត្តិការបង្ក្រាបនេះធ្វើឡើងនៅថ្ងៃទី០៨ ខែមិនា ឆ្នាំ២០២៣ វេលាម៉ោង១១:០០នាទី ត្រង់ចំណុចព្រៃល្ពៅ ស្ថិតក្នុងភូមិតាំងគោ ឃុំតាលោ ស្រុកតាលោសែនជ័យ ខេត្តពោធិ៍សាត់។ ករណីបង្ក្រាបនេះដែរ គឺធ្វើឡើងបន្ទាប់ពីសមត្ថកិច្ចទទួលព័ត៌មានពី ប្រជាពលរដ្ឋតាមរយៈលេខទូរសព្ទ។
ជនសង្ស័យដែលត្រូវបានសមត្ថកិច្ចឃាត់ខ្លួន ទី០១ឈ្មោះ ភឿន គឹមស៊ុយ ភេទប្រុស អាយុ៦០ឆ្នាំ សញ្ជាតិខ្មែរ មានទីលំនៅនៅភូមិឃុំកើតហេតុខាងលើជាម្ចាស់ផ្ទះផ្ដល់ទីតាំង ទី០២ ឈ្មោះសូ សុខឃឿន ភេទប្រុស អាយុ ២៤ឆ្នាំ សញ្ជាតិខ្មែរមានទីលំនៅភូមិថ្មី ឃុំតាលោ ស្រុកតាលោសែនជ័យ (ជាអ្នកសុំទីតាំង) និងទី០៣ ឈ្មោះ ចាន់កង ភេទប្រុសអាយុ ៤៣ឆ្នាំ សញ្ជាតិខ្មែរ មានទីលំនៅភូមិថ្មី ឃុំតាលោ ស្រុកតាលោសែនជ័យ (អ្នកលេង)។
សម្ភារៈដកហូតរួមមាន៖ -មាន់ចំនួន០៥ក្បាល -កន្ត្រកចំនួន០៥ -កូនជញ្ជីងតូចចំនួន០១ -ម៉ូតូចំនួន ០៦គ្រឿង -ស្កុតរុំខ្នាយមាន់ចំនួន២០ដុំ -ស្គុតជ័រចំនួន០២ដុំ
សមត្ថកិច្ចបានឱ្យដឹងថា ជនសង្ស័យនិងវត្ថុតាងខាងលើត្រូវបានបញ្ជូនទៅកាន់អធិការដ្ឋាននគរបាលស្រុកដើម្បីធ្វើការសួរនាំនិងកសាងសំណុំរឿងតាមនីតិវិធីច្បាប់៕
![](https://blogger.googleusercontent.com/img/b/R29vZ2xl/AVvXsEgZs4LRm8ByrLBxkv7QZBkBRoC93Q3pkBfAPJwjQYcTovKRZdYOD1kXokVit9M4WIblorEPi6KbsyzluS6KELBIAnQ6IE6WyACqfdaojIeJyZg1tGm8Jr8UrsDuhHeFn4eTNcIEXNII8pdDqgBammMRx35-8FLjRAE5bzstqkvE2v4Pzf33QvkXdBF0/s1600/IMG_20230308_175319_050.jpg)
![](https://blogger.googleusercontent.com/img/b/R29vZ2xl/AVvXsEjDbRXpAxPBbsaqUO5GBT4s69Ay9t_jOpOK2PGezUj1bOqPxpOnsj78z2dCThD26NGixsisw5oW-fMD5eOqPSs4smp-GZN7w5zhhuQI05Ishni33_N8vIbqteQAtbGc66RUhqql3qqWrp3PvkkqwPoiJp0gMjCdpc8i9YXYI8D4_GVWiykTrUnmDanX/s1600/IMG_20230308_175323_417.jpg)
![](https://blogger.googleusercontent.com/img/b/R29vZ2xl/AVvXsEh3lfRpMmRxoHp_JIxQmASlr-lFYbBPC8WEU9KhO1qzRIzefiEEuBupLcmDY8dV8OAdVRFYNfJor8X_7x7YstKLxj4HpZWBio6nTQp-xO7ZScf9XmrKRZM2MOxHLYm8FN2B23Jpm2yXQ8kOWVWpw35IDDxuWkIx4uIyKT20YUeOd3Di8IlhOiY2a-lK/s1600/IMG_20230308_175326_211.jpg)
![](https://blogger.googleusercontent.com/img/b/R29vZ2xl/AVvXsEh1TnNP2kUVpQHrBSfWABrEI6A1QOghH65UDkvQh9mCpYtpi-Xc1reOAAy8geJuSqR0kRXT1DXM7wRLck0l2R7OqJl_RftVhSWzlDx_Ly__jdDjJjvxuNDoCjEsk4NPgJh4cNFNL-cidIIL-wPrvCQFUiSWopOU_sGa6bCOT7Set5EYwKVqhkCYQa7t/s1600/IMG_20230308_175338_954.jpg)
![](https://blogger.googleusercontent.com/img/b/R29vZ2xl/AVvXsEiGYfP1vxsHXmoaoTt5i0Tn1M3LBEdoDXV3zATnNqtg2u4UJN7HpIEG0uVUWKX-X2FcQGw0nEn6PuEqOHIdgpKgGdyoWpR99wR4xRRUB1QWfeCPb-gjbiLr_3AJjDzt654WVqZMTXNGeJgrX9mLEF0ffDtLzVzAGPDvEuLj4lywHhcBJhg7ALSI8KcE/s1600/IMG_20230308_175340_902.jpg)
![](https://blogger.googleusercontent.com/img/b/R29vZ2xl/AVvXsEgiZwtNUwJBBTnPdhQTEK-L3I3AIFEKmGvG3IIgtUtQJDn_imaMVW0c6rn5fdjYTgOfybSamzQug8Wxkdzl0JbWxhrPaAy5udm_xYGMrx0QtYV1tcpDi1mYx7o9PD4D5Gb6-g1uh7rMjLwrLtzMQAcwsq5zDmLzhd3xjjPKYuMN3RcU5PcSDDQW3fZi/s1600/IMG_20230308_175344_757.jpg)
No comments