ម្ចាស់អាហារដ្ឋាន «ជំនោរបឹងលាភ KTV 168» រងបណ្តឹងពីបទ បៀតបៀនកេរ្តិ៍ខ្មាស បង្ខាំងមនុស្ស និងជួញដូរផ្លូវភេទ
![](https://blogger.googleusercontent.com/img/b/R29vZ2xl/AVvXsEjcdByKar-NESJD3bgC-K-arobgBgeWpeB8qY-70tThD2zZ8Qe2vGULoUe_rsr9783GBN3e75ZzaxHAZiaBrYsSJI7bLBXzJi_bMuZzDUSuT9bNFpDPS8Z4y50lAP0DUrZ2FBtGpe-IZcbPWZjpHQgSJw2jQm2oyqeqHe1q1f8ypGD4R3RxDns1y1e-/s1600/Picsart_23-03-07_10-08-57-985.jpg)
ម្ចាស់អាហារដ្ឋាន «ជំនោរបឹងលាភ KTV 168» រងបណ្តឹងពីបទ បៀតបៀនកេរ្តិ៍ខ្មាស បង្ខាំងមនុស្ស និងជួញដូរផ្លូវភេទ
ចេញផ្សាយនៅថ្ងៃទី០៧ ខែមីនា ឆ្នាំ២០២៣ វេលាម៉ោង១០:១៣នាទីម្ចាស់អាហារដ្ឋានយីហោ «ជំនោរបឹងលាភ KTV 168» ស្ថិតនៅភូមិទួលព្រិច ឃុំជ្រៃលាស់ ស្រុកពញាឮ ខេត្តកណ្តាល ត្រូវបាននារីវ័យក្មេងជាបុគ្គលិកដែលបម្រើការងារក្នុងហាងបានដាក់ពាក្យបណ្តឹងប្តឹងទៅកាន់ប៉ុស្តិ៍នគរបាលឃុំជ្រៃលាស់ ដើម្បីសុំកិច្ចអន្តរាគមន៍ និងស្វែងរកយុត្តិធម៌។
យោងតាមពាក្យបណ្តឹង ដែលសារព័ត៌មានយើងទទួល បានឲ្យដឹងថា៖ នារីវ័យក្មេងចំនួនបួននាក់ ដែលជាបុគ្គលិកបម្រើការងារ នៅអាហារដ្ឋានជំនោរបឹងលាភ បានប្តឹងឈ្មោះ បងជឿន ម្ចាស់ភោជនីយដ្ឋាន «ជំនោរបឹងលាភ» ដោយរៀបរាប់និងបានចោទជាច្រើនករណី ដូចជា៖ «បញ្ឈប់បុគ្គលិកមិនបើកប្រាក់ខែ, ជេរប្រមាថ, បៀតបៀនគេខ្មាស់, បង្ខាំងបម្រើផ្លូវភេទ, ជួញដូរផ្លូវភេទ, ឃាត់បិទសិទ្ធិមិនឱ្យចេញក្រៅ, ពេលគេងចាក់សោមិនឱ្យចេញក្រៅ»។
ករណីខាងលើនេះ លោក ស្រេង វុត្ថា នាយប៉ុស្តិ៍នគរបាលឃុំជ្រៃលាស់ បានប្រាប់សារព័ត៌មានឲ្យដឹងនៅព្រឹកថ្ងៃទី០៧មីនា នេះថា៖ ពេលនេះប៉ុស្តិ៍កំពុងតែធ្វើការហៅភាគីដែលពាក់ព័ន្ធមកសួរនាំ ដើម្បីធ្វើការសម្របសម្រួលគ្នា។ លោកនាយប៉ុស្តិ៍បន្ថែមទៀតថា ករណីនេះបើសម្រូបសម្រួលដោះស្រាយត្រឹមប៉ុស្តិ៍មិនត្រូវគ្នាលោកនិងបន្តវិធានការ។
ចំពោះករណីខាងលើនេះ ក្រុមការងារសារព័ត៌មានយើង គឺមិនអាចសុំកាបំភ្លឺពីម្ចាស់ហាងយីហោង «ជំនោរបឹងលាភ» បាននោះទេ ព្រោះលេខទូរស័ព្ទសម្រាប់ទំនាក់ទំនងជាច្រើនប្រព័ន្ធ មិនអាចទាក់ទងបាន។
ទាក់ទិនទៅនឹងករណីខាងលើនេះ នារីរងគ្រោះទាំងអស់ខាងលើ ស្នើសុំឱ្យអាជ្ញាធរនិងសមត្ថកិច្ចពាក់ព័ន្ធ លោកឈឿន សុចិត្ត ស្នងការនគរបាលខេត្តកណ្តាល លោកគង់ សោភ័ណ្ឌ អភិបាលខេត្តកណ្តាល សូមចាត់វិធានការតាមផ្លូវច្បាប់ចំពោះម្ចាស់ហាងខាងលើនេះផង។
ជនរងគ្រោះជានារីវ័យក្មេងដែលបម្រើការងារក្នុងហាងខាងលើ ទទួចស្នើសុំឱ្យក្រសួងគ្រប់ស្ថាប័នពាក់ព័ន្ធ ជាពិសេសនាយកដ្ឋានការជួញដូរមនុស្ស និងអនីតិជននៃក្រសួងមហាផ្ទៃ មេត្តាជួយអន្តរាគមន៍ករណីខាងលើនេះផង៕
![](https://blogger.googleusercontent.com/img/b/R29vZ2xl/AVvXsEh2fvH9FxT4EmSkTBvtaEiEZKSxsaPfW5SvWv54_UpzTJmoa3tMnTiY3owos6UCrBTRlMmsZnOIPVvd9s3S1uqVI643kpENPR46OjDD4JXr4-GZruihsoA2miYHRhwJUoC-Lp4MbCpEAf8N6pYrbnKEdDvrn9-9pk1qRkyJ20fhSU3syPnxVv7FEZHd/s1600/127159285_2820780018135126_1847897516056811168_o-1024x642.jpg)
![](https://blogger.googleusercontent.com/img/b/R29vZ2xl/AVvXsEixRGoEa2BW6MEkO1bxEaaEchboH0idHjY_Za_XXEmHGj1Y1b7bvBx3dBmKGk1qhqu9zAHI1Azf2h2lzYS2I3PMu8xbgkbBY2iMeEkvmtHOgQOPefEuWUkqYYBGuVipboCKA0R3aXD0liB3EjxEIqbX8R7pmPt4o0vrdfrfDQWnxZ3w3tZhZSaB8Map/s1600/Screenshot_2023_0307_100343.jpg)
![](https://blogger.googleusercontent.com/img/b/R29vZ2xl/AVvXsEhvvPP8AMHdnzSdQNM6Zq_WCnoGKwW_qr84bx_KGj2yD8v8mBUZRq-S-Hdb9JTv0iSa999gvQrwtf5T9hh-yK_itBjVn02piAsE7aI5ttsx7iXxNlfFAT1fj_bQRUgL80a8FqWuNlS_Sqm7A-P7A6ZAYWCs_l8XdbAqWrIH0rfUydIvG-3p0rFnsFUB/s1600/IMG_20230307_100221.jpg)
![](https://blogger.googleusercontent.com/img/b/R29vZ2xl/AVvXsEg8HFOVSm-m-y2zSDTHbECLq6ZuFNwFlI81C8J5-jZ3H2xYjqcq7bHt0NKp9P3GDVFCTQNHKZCRqnZXzekqr2s-Yq1nuBWjzljFLxyrAcN2Cv6KONehWDHsr0xeB571XY0TFS-nmRz8Y9bVd8hhFiIBh6TwYgYvFOt-IQrjbrUaUg1Dz-9PpANxJY91/s1600/IMG_20230307_100250.jpg)
![](https://blogger.googleusercontent.com/img/b/R29vZ2xl/AVvXsEgNZKOYhEu2xztlCaEEzG1FETjWiUS5t9aZrbQga17_wZ6byRtDwR-PslCAynzkeHeaFl0Pjc0HobujmRQ83qxk6vKlCZM7vzTQh70o2p57FdpDmcTmkDbLN69lhKv-f3-W7OMxA1l4B6pMvEYIW72lw4LkVkAniRTEMGiwhSoAVLKl4GExPGRBTiRR/s1600/IMG_20230307_095900.jpg)
![](https://blogger.googleusercontent.com/img/b/R29vZ2xl/AVvXsEhkIlLh5HULC_x_-iQpjkrGT8pfEtYEHb3xFRu4XVVCTdKm77HwNc8GeQz45tomIvKMwDoq484G0KFDjOQ7QuWLMTwTCPFgsO2t8S0_rPU_FFd1B82f9MplO5h65RdJZSfyq-Q5qKEDyzfgbC5oaEtmWh55odzYhzXNZy0Q8KhsYmPOmmf2GwnpWNQA/s1600/IMG_20230307_095915_533.jpg)
![](https://blogger.googleusercontent.com/img/b/R29vZ2xl/AVvXsEjlAOBZv2jhTtYjB7nbQbdnJkuwP5eRc66cczGf9VY8I8p_7uMlfsSQ-dFpTg8z-RQWSuDpqCEhOumT27fAQJpijz8hVl5jpuSoq2iukEIqT1CrQVuZ9m_rRZrtSaUY9DhAtAPWJbLxEneKcERuitGkX3ygq9_23wGryIIiUKHL35SVySrnRR_POm2E/s1600/received_2825268381014120.jpeg)
No comments