លុបឈ្មោះមន្ត្រី យោធាផ្កាយពីរ លោកឧត្តម​សេនីយ៍​ទោ​ សូយ​ ចាន់​សឿន​ ចេញពីក្របខណ្ឌ នៃកងយោធពលខេមភូមិន្ទ

លុបឈ្មោះមន្ត្រី យោធាផ្កាយពីរ លោកឧត្តម​សេនីយ៍​ទោ​ សូយ​ ចាន់​សឿន​ ចេញពីក្របខណ្ឌ នៃកងយោធពលខេមភូមិន្ទ

រាជធានីភ្នំពេញ/ចេញផ្សាយនាថ្ងៃទី២០ ខែមេសា ឆ្នាំ២០២៣

មន្ត្រីយោធាផ្កាយពីរ លោក សូយ ចាន់សឿន ធ្លាប់មានតួនាទីជានាយរងទីចាត់ការអភិវឌ្ឍន៍ អគ្គបញ្ជាការដ្ឋាន នៃក្រសួងការពារជាតិ ដែលត្រូវបានតុលាការខេត្តកំពង់ស្ពឺ កាត់ទោសដាក់ពន្ធនាគារពាក់ព័ន្ធអំពើបង្ខាំង និងអំពើហិង្សាលើស្រ្តីភេទយ៉ាងធ្ងន់ធ្ងរកាលពីពេលកន្លងទៅនោះ ពេលនេះត្រូវបានលុបឈ្មោះចេញពីក្របខ័ណ្ឌហើយ។ នេះបើយោងតាមព្រះរាជក្រឹត្យដែលសារព័ត៌មានយើងទើបទទួលបាន។

សូមជម្រាបថា៖ នាថ្ងៃទី១១ ខែមេសា ឆ្នាំ២០២៣នេះ ព្រះករុណា ព្រះបាទសម្ដេច ព្រះបរមនាថនរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ទ្រង់បានចេញព្រះរាជក្រឹត្យ ដោយត្រាស់​បង្គាប់​លុបឈ្មោះ​ ឧត្តមសេនីយ៍ទោ សូយ ចាន់សឿន អត្តលេខ​០០៩៣៨០​ នាយទាហាន ថ្នាក់ឧត្តម​សេនីយ៍​ នៃកងយោធពលខេមរភូមិន្ទ ចេញ​ពី​ក្របខ័ណ្ឌ​ នៃកងយោធពលខេមរភូមិន្ទ​។

តាមប្រភពព័ត៌មានផ្សេងទៀតក៏បានឲ្យដឹងទៀតថា៖ អតីតមន្រ្តីយោធាផ្កាយពីរ លោកសូយ ចាន់សឿន រូបនេះ ក៏ត្រូវបានសាលាឧទ្ធរណ៍ សម្រេចផ្តន្ទាទោសមួយករណីផ្សេងទៀតផងដែរ គឺបទ «បរិហារបង្កាច់កេរ្តិ៍» ទៅលើជនរងគ្រោះដោយសម្រេចឲ្យសងជំងឺចិត្តចំនួន២០លានរៀល កាលពីពេលកន្លងទៅថ្មីៗនេះផងដែរ៕