ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន និងជាប្រធាន ក.ជ.អ.ច. បានទទួលជួបពិភាក្សាការងារជាមួយលោកបណ្ឌិត Frank Rijsberman អគ្គនាយកវិទ្យាស្ថានអភិវឌ្ឍន៍បៃតងសកល GGGI និងមានការចូលរួមពីថ្នាក់ដឹកនាំក្រសួងបរិស្ថាន
![](https://blogger.googleusercontent.com/img/b/R29vZ2xl/AVvXsEgBCBsgDKq7BdzAQAlEtcHv6WJpJwH2jAQUOEt80FRlVTUBM4YAwB0Mni9_TaBl_cIrs6nhsxTx6A7CfRWkKo9RZCYVIH4y2o292secTVCdScZPy7y7w3FzFkK2FLcTdaZTLFto7uxJqhQBNm3WPeoFIS4snrUS6H6SZVxS2t_rJGPPHe_ryati_RqW/s1600/IMG_20230506_173711_665.jpg)
ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន និងជាប្រធាន ក.ជ.អ.ច. បានទទួលជួបពិភាក្សាការងារជាមួយលោកបណ្ឌិត Frank Rijsberman អគ្គនាយកវិទ្យាស្ថានអភិវឌ្ឍន៍បៃតងសកល GGGI និងមានការចូលរួមពីថ្នាក់ដឹកនាំក្រសួងបរិស្ថាន
ឯកឧត្តមរដ្ឋមន្ត្រី បានកោតសរសើរនិងវាយតម្លៃខ្ពស់ចំពោះសមិទ្ធផលការងារដែលបានសម្រេចរួមគ្នារវាងរាជរដ្ឋាភិបាលកម្ពុជា ដែលមានក្រសួងបរិស្ថាន ជាសេនាធិការ ជាមួយនឹង GGGI ក្នុងការពន្លឿនរបៀបវារៈអភិវឌ្ឍន៍បៃតងនៅកម្ពុជារយៈពេលមួយទស្សវត្សរ៍កន្លងមកនេះ ចាប់តាំងពីកម្ពុជាចូលជាសមាជិកដំបូងកាលពីឆ្នាំ២០១៣មក។ ឯកឧត្តមរដ្ឋមន្ត្រីក៏បានមានប្រសាសន៍លើកឡើង ពីអាទិភាពការងារសំខាន់ៗដើម្បីជំរុញកំណើនសេដ្ឋកិច្ច និងរក្សាបានកិច្ចគាំពារបរិស្ថាន ការរស់នៅដោយចីរភាព ពាក់ព័ន្ធនឹងការដឹកជញ្ជូនដោយនិរន្តរភាព ថាមពលនិរន្តរភាព ការគ្រប់គ្រងសំណល់រឹងនិងរាវដោយនិរន្តរភាព មូលប័ត្រនិងសញ្ញាប័ណ្ណបៃតង និងមូលនិធិប្រសិទ្ធភាពថាមពល ដែលមានកិច្ចសហការជាមួយក្រសួងស្ថាប័ន និងដៃគូពាក់ព័ន្ធ។ ឯកឧត្តមបន្តទៀតថា ក្រសួងបរិស្ថាន សូមស្វាគមន៍ចំពោះការបន្តកិច្ចខិតខំប្រឹងប្រែង និងការប្តេជ្ញាចិត្តរបស់ GGGI ក្នុងការកៀរគរធនធាន ដើម្បីឆ្លើយតបកំណើនគម្រោងវិនិយោគពាក់ព័ន្ធនឹងការអភិវឌ្ឍបៃតងនៅកម្ពុជា។
សូមបញ្ជាក់ផងដែរថា ក្នុងរយៈពេល១០ឆ្នាំនៃភាពជាដៃគូររវាងក្រសួងបរិស្ថាន និង GGGI នេះ យើងបានសម្រចលទ្ធផលសំខាន់ៗមួយចំនួនដូចជា (១). ផែនការទីក្រុងនិរន្តរភាពរាជធានីភ្នំពេញ ២០១៨-២០៣០ (២). ផែនការយុទ្ធសាស្រ្តអភិវឌ្ឍន៍ទីក្រុងនិរន្តរភាព ឆ្នាំ២០២០-២០៣០ សម្រាប់ទីក្រុងចំនួនប្រាំពីរ (ព្រះសីហនុ កែប សៀមរាប បាត់ដំបង បាវិត កំពុងចាម និងសួង) (៣). ការសិក្សាការវាយតម្លៃសក្ដានុពលការភិវឌ្ឍន៍បៃតងនៅកម្ពុជា និងផលប៉ះពាល់បរិស្ថាន សេដ្ឋកិច្ច និងសង្គមនៃការអភិវឌ្ឍន៍ឧស្សាហកម្មបៃតង និង(៤). ការអនុវត្តថាមពលនិរន្តរភាពក្នុងវិស័យកាត់ដេរ និង(៥) លទ្ធផលមួយចំនួនទៀតស្ថិតក្នុងគម្រោងកំពុងអនុវត្តនាពេលបច្ចុប្បន្ន។
ក្រសួងបរិស្ថាន និង GGGI នឹងបន្តពង្រឹងកិច្ចសហប្រតិបត្តិការលើវិស័យអាទិភាពរួមមាន៖ ឧស្សាហកម្មបៃតង និងអគារបៃតង ការកាត់បន្ថយការបញ្ចេញឧស្ម័នមេតាន ការគ្រប់គ្រងសំណល់រឹង និងរាវប្រកបដោយនិរន្តរភាព ការដឹកជញ្ជូនដោយនិរន្តរភាព និង ហិរញ្ញប្បទានបៃតងប្រកបដោយនវានុវត្តន៍ដូចជា ហិរញ្ញប្បទានកាបូន និងមូលប័ត្រ និងសញ្ញាប័ណ្ណបៃតងជាដើម៕
![](https://blogger.googleusercontent.com/img/b/R29vZ2xl/AVvXsEggZHRV35-7OGMcJHkj7M4oZ4wuAXUAdLYU0TXo-uCFEZCg1ONXN73JdAwMD7lA3EJ-k8Ep5XX2L7wPUsG732ZB36rlJd_AIwi_9TaouaghOIFyViwmFjmtzkhlRpuqVXd6XNSxuOL5TRw42sJwmOs5nhDh1mNiX0c_hmVWbyP2cViQUnAw-SG0RGcw/s1600/IMG_20230506_173711_622.jpg)
![](https://blogger.googleusercontent.com/img/b/R29vZ2xl/AVvXsEiUd1zw7qLPFnwFwg6MbDL91pdsRXkXQCtSC0dd647McRsajA5ygkckV_ggGB3Pi0CebvFZchKrmNQOfrHT6gE4UuugCZb6rH_ePsuCNN3_JC6PnKi-BUFRrrcY4Vp7I-3bWb3nSEfHCvXNfvIX4k6omdARoLHTWta90N6fk5KrBy9z8R-DO6cxYrjd/s1600/IMG_20230506_173711_665.jpg)
![](https://blogger.googleusercontent.com/img/b/R29vZ2xl/AVvXsEiUetF91LjYt5yClUiv9HmbQNGMIfbPd3zFEKKtjMR9YylDDIjYZcEB_F1QS7yIitmagCu_QCVf75w9zpzi6znjo4MYY0ThISD8-DzAAxL-gJ0QnNimOXg0SR9iVpGKHvqR9CZ90O0PE0mqE8VKQ_9dKPTcnn1Lklk3_6fsUOBVoUBUsItyRl2yX_Q3/s1600/IMG_20230506_173711_945.jpg)
![](https://blogger.googleusercontent.com/img/b/R29vZ2xl/AVvXsEihDHWUNGO_-TnjJDGPlh2hjmj7IoXXDhG8MnqsApIQdNHhCm7OHSOEb8-0BEdHpSchTzxJqUr3a6x63o9SM8u_S5z5aEspKuCNk-oKybLq9sQURHCOGa5bKXVmemfXx8Uk5QY1majK7bLSxLjTNxEQCf1RcCcjR4xm88p5niAGQliJ64yMaCv6JR5f/s1600/IMG_20230506_173712_040.jpg)
![](https://blogger.googleusercontent.com/img/b/R29vZ2xl/AVvXsEjcv8ZkII6L3H4bWT80ChvKF8ri4xtj0z_eb8dEBZZ9hM6t7FF5lTmUvGaxTUcBFFjWP9LECegp0-9m-VpLETh6uhg0Z44ihUZRLb-CogvaoLQEc6-J0U0Jt8koXzNcbFB630e9rE0V7NKCoeoSgCwrMgoAJnyQRnieYvbMipIt-vIfZon6JosHeFRu/s1600/IMG_20230506_173712_203.jpg)
No comments