ក្រសួងបរិស្ថាន៖ បណ្តាញអង្គការចាត់តាំងខុសច្បាប់ ដែលប្រើឈ្មោះ «មាតាធម្មជាតិ» មិនមានលក្ខណៈសម្បត្តិជាអង្គការមិនមែនរដ្ឋាភិបាល
![](https://blogger.googleusercontent.com/img/b/R29vZ2xl/AVvXsEgHAid8vTKfSozW_vwZsUT5Pb7Ry3ci3Wl9vIY4KJCeoJ3uq5SVMoysArY907ML6Re7KCaiwbiZ_ybMcPw9pJHsyGhDKHl8L5j7THudR0BtbaG7_hq71z79sv_J4C7Q__rrchqBod_M4WHs-PbXdJN6LPUZYZbTFJgohtrys_dofFn4JsWIwjxlKysN/s1600/poster_2023-05-24-112953.png)
ក្រសួងបរិស្ថាន៖ បណ្តាញអង្គការចាត់តាំងខុសច្បាប់ ដែលប្រើឈ្មោះ «មាតាធម្មជាតិ» មិនមានលក្ខណៈសម្បត្តិជាអង្គការមិនមែនរដ្ឋាភិបាល
------------------------------------------------------
ភ្នំពេញ៖ ក្រសួងបរិស្ថានបានកត់សម្គាល់ឃើញថា បណ្តាញអង្គការចាត់តាំងខុសច្បាប់ ដែលប្រើឈ្មោះ «មាតាធម្មជាតិ» ដឹកនាំដោយបុគ្គលសញ្ជាតិអេស្ប៉ាញឈ្មោះ Alejandro Gonzalez Davidson មិនមានលក្ខណៈសម្បត្តិជាអង្គការមិនមែនរដ្ឋាភិបាល។ ក្រុមនេះមិនបានធ្វើការចុះបញ្ជីជាសមាគម ឬអង្គការមិនមែន រដ្ឋាភិបាលតាមការកំណត់របស់ច្បាប់ស្ដីពីសមាគមនិងអង្គការមិនមែនរដ្ឋាភិបាលនោះទេ។ យើងក៏បានកត់សម្គាល់ថា កាលពីឆ្នាំ២០១៧ ប្រធានអង្គការនេះបានដាក់លិខិតស្នើសុំរំលាយអង្គការនេះមកក្រសួងមហាផ្ទៃ ហើយក្រសួងមហាផ្ទៃបានចេញប្រកាសលេខ ៤៥៧១ ប្រក ចុះថ្ងៃទី១៥ ខែកញ្ញា ឆ្នាំ២០១៧ សម្រេចលុបឈ្មោះ «អង្គការមាតាធម្មជាតិ» ចេញពីបញ្ជីអង្គការមិនមែនរដ្ឋាភិបាលជាស្ថាពរ។
ក្រសួងបរិស្ថានបានបញ្ជាក់ថា រាល់សកម្មភាពដែលបក្ខពួក និងក្រុមនេះបានប្រព្រឹត្ត គឺប្រាសចាកនឹងឧត្តមប្រយោជន៍នៃសង្គមជាតិកម្ពុជា និងផ្ទុយពីបទប្បញ្ញត្តិនៃក្រមរដ្ឋប្បវេណី ក្រមព្រហ្មទណ្ឌ និងច្បាប់ស្តីពីសមាគមនិងអង្គការមិនមែនរដ្ឋាភិបាល។ ដូច្នេះ អ្នកដែលចូលរួមធ្វើសកម្មភាពជាមួយក្រុមនេះ ត្រូវទទួលខុសត្រូវចំពោះមុខច្បាប់៕
![](https://blogger.googleusercontent.com/img/b/R29vZ2xl/AVvXsEgSWKk3HIa0FEmSeHhPT7NE738xbf342oxZsJi3cs0Mf3um4ODJ1LpkpQY1sGDuv7Byka8CGMbcZIAKXJLz_-Rt6uRoDqbG4QNUjjfZT_PRe2jXAm5jHz5ZI1drEsWKoNaoNsYnlyATPCqbSFFSZ38lJAYmaKpwxi2kq0b_-nPbIWziivcqKsT5iH9v/s1600/IMG_20230524_112718_495.jpg)
![](https://blogger.googleusercontent.com/img/b/R29vZ2xl/AVvXsEhfw9L9q5Ny3SlYf-Non9GOYzrfPtnEyoS2SF-sQX_DuF4dE1Syc97odqr8P_K7ZT2Dk52BLrorW2FTmK-uRyatdqBo-VmR5wS-Lf_AfPCrDDPYL9gZEbm8id0fQigaU4Zmus5jRYwu0XBsQLRN6nu_NlOvWvSxP2qMgYtgjLakyAETHXWSqMfGIqVG/s1600/IMG_20230524_112719_039.jpg)
![](https://blogger.googleusercontent.com/img/b/R29vZ2xl/AVvXsEhMfyl6L114vhTus9mG2JohlOBPYsBN4LAKwm2oVNhwxO0INERKP6EmHdfyAmORLxW0vL5-SCVzfWV5WzYo75kZGPWNgMEnKXiNb4DsPCvaFYCJugK9QDCMaaexSoyKR1j6WwvVeFC2JHRbVv35w62NCbaLbFDYre4s5KJ_9LrUzcysXdYAu-ubux-V/s1600/IMG_20230524_112719_351.jpg)
No comments