លោកសាយ សំអាល់៖ យើងត្រូវខិតខំបម្រើពលរដ្ឋឱ្យកាន់តែខ្លាំងបន្ថែមទៀតដើម្បីពង្រឹងជំនឿទុកចិត្តរបស់ពលរដ្ឋលើការដឹកនាំរបស់គណបក្សប្រជាជនកម្ពុជាកាន់តែខ្លាំង
![](https://blogger.googleusercontent.com/img/b/R29vZ2xl/AVvXsEhiIvBqOKoNhk52igUiK3oaBQKJQ1nTVUJmFfvR6xtXhrK4yGS2ke0Sy7jEWBTiGbewBP4kug01Y26H1M4_gTAY308kmcwDI5-c72tCezM2nXpD1DKuh_ZKo2s_qug99w9bc_p99RwoYLoUz89G9YGnNu1mJL-5mVvNTYUbl2mpMWfOUk_3LVM39HN0Wng/s1600/IMG_20230625_074758_364.jpg)
លោកសាយ សំអាល់៖ យើងត្រូវខិតខំបម្រើពលរដ្ឋឱ្យកាន់តែខ្លាំងបន្ថែមទៀតដើម្បីពង្រឹងជំនឿទុកចិត្តរបស់ពលរដ្ឋលើការដឹកនាំរបស់គណបក្សប្រជាជនកម្ពុជាកាន់តែខ្លាំង
------------------------------
ព្រះសីហនុ៖ លោកសាយ សំអាល់ សមាជិកគណៈកម្មាធិការកណ្តាល និងជាប្រធានក្រុមការងារគណបក្សចុះមូលដ្ឋានខេត្តព្រះសីហនុ បានលើកទឹកចិត្តថ្នាក់ដឹកនាំ និងសមាជិក សមាជិកាគណបក្សបន្តចុះពង្រឹងការចុះជួបប្រជាពលរដ្ឋនៅតាមមូលដ្ឋាន ដើម្បីបន្តបម្រើប្រជាពលរដ្ឋ ស្វែងយល់ពីសុខទុក្ខ និងដោះស្រាយភាពចាំបាច់ដែលជាតម្រូវការនៅតាមមូលដ្ឋានដើម្បីឱ្យប្រជាពលរដ្ឋកាន់តែមានជំនឿកាន់តែខ្លាំងថែមទៀតចំពោះការដឹកនាំរបស់គណបក្សប្រជាជនកម្ពុជា ដែលមានស្នាដៃដ៏ធំធេងជាប្រវត្តិសាស្រ្តក្នុងការបម្រើជាតិនិងប្រជាជនកម្ពុជា នាពេលកន្លងមក និងបន្តទៅជំនាន់ក្រោយទៀត។
ការលើកឡើងរបស់លោក សាយ សំអាល់ ធ្វើឡើងនៅរសៀលថ្ងៃទី២៤ ខែមិថុនា ឆ្នាំ២០២៣ នៅស្នាក់ការគណបក្សខេត្តព្រះសីហនុ ក្នុងកិច្ចប្រជុំបូកសរុបលទ្ធផលអនុវត្តសេចក្តីសម្រេចស្តីពីផែនការរួមឆ្ពោះទៅកាន់ការបោះឆ្នោតជ្រើសតាំងតំណាងរាស្រ្ត នីតិកាលទី៧ ក្នុងដំណាក់កាលទី១ និងទិសដៅអនុវត្តបន្ត។
ក្រុមការងារចុះមូលដ្ឋានខេត្តព្រះសីហនុ និងគណៈកម្មាធិការគណបក្សប្រជាជនកម្ពុជាខេត្តព្រះសីហនុរួមនឹងសមាជិកសមាជិកាទាំងអស់ បានប្រកាសត្រៀមខ្លួនរួចជាស្រេចក្នុងបើកយុទ្ធនាការឃោសនារកសំឡេងឆ្នោតជ្រើសតាំងតំណាងរាស្ត្រនីតិកាលទី៧ ដែលនឹងចាប់ផ្តើមបើកពីថ្ងៃទី១ ខែកក្កដា ឆ្នាំ២០២៣ រហូតដល់ថ្ងៃទី២១ ខែកក្កដា ឆ្នាំ២០២៣។
លោក សាយ សំអាល់ បានបញ្ជាក់បន្ថែមថា ការបោះឆ្នោតនាពេលខាងមុខ ពិតជាមានសារៈសំខាន់ណាស់ ដែលជាការសម្រេចចិត្ត ដ៏ត្រឹមត្រូវរបស់ប្រជាពលរដ្ឋទាំងអស់ ក្នុងការជ្រើសរើសយកមេដឹកនាំខ្លួនពេញចិត្ត ដែលបានរស់នៅ និងជួយប្រជាពលរដ្ឋ នៅគ្រប់កាលៈទេសៈ។
ជាមួយគ្នានេះ ប្រធានក្រុមការងារគណបក្សចុះមូលដ្ឋានខេត្តព្រះសីហនុ បានចាត់ទុកការបោះឆ្នោតនេះនឹងធ្វើឱ្យកម្ពុជាយើងមានភាពច្បាស់លាស់ថែមទៀតក្នុងការតម្រង់ទិសការអភិវឌ្ឍប្រទេស ឆ្ពោះទៅកាន់ប្រទេសមានសេដ្ឋកិច្ចជឿនលឿន ប្រជាជនមានចំណូលខ្ពស់ ហើយជាពិសេស អ្នករស់នៅក្នុងខេត្តព្រះសីហនុ បានទទួលការអប់រំខ្ពស់ មានការងារធ្វើ និងទទួលបានចំណូលកាន់តែប្រសើរ តាមរយៈការអភិវឌ្ឍជឿនលឿននៃប្រទេស ដែលដឹកនាំដោយគណបក្សប្រជាជនកម្ពុជា។
លោក សាយ សំអាល់ បានថ្លែងអំណរគុណយ៉ាងជ្រាលជ្រៅ ដល់សមាជិក សមាជិកាគណបក្សទាំងអស់ និងប្រជាជនកម្ពុជា ដែលតែងតែផ្តល់ការគាំទ្រ និងមានស្វាមីភ័ក្តិចំពោះការដឹកនាំរបស់សម្តេចតេជោ ហ៊ុន សែន និងគណបក្សប្រជាជនកម្ពុជា នឹងអំពាវនាវសូមអញ្ជើញទៅបោះឆ្នោតឱ្យបានគ្រប់ៗគ្នា នាថ្ងៃទី២៣ ខែកក្កដា ឆ្នាំ២០២៣ខាងមុខនេះ និងបោះឆ្នោតជូនគណបក្សប្រជាជនកម្ពុជា ដែលមានលេខរៀងទី១៨៕
![](https://blogger.googleusercontent.com/img/b/R29vZ2xl/AVvXsEjlLhHGRyBxnBLmrhx04uyc_-jqbAmF45ddpLl_Axtc7ztwfmOYSnJ923uuBaRVxiD5eo5c7bf-mv7aqXefRXg1I0Xaly_1eAOEwNT0GkTguph_eGCzaS5Vj3dkS4jIty8i4rEolwPIgo6i2_R4fpVGvycpFiUak45VcVX66fVrIvR9YQmnCwIeAZFC5Tw/s1600/IMG_20230625_074758_072.jpg)
![](https://blogger.googleusercontent.com/img/b/R29vZ2xl/AVvXsEhfc8c2JiEqNVJhfXEPYrPoFh-8mfDFG4ZFCjVg63nx7FujFQZNdHYggXWpw4g00Onzc00ddWWJiRmrj3jxEv3vg9th-yFFtClFyfL147SKh_CinpFDH8oZGzAZKdGYQpJ8_KNCkcNFwaDB0K6WI5pXVaip45Elh9mlliQEgNmyGfJAE-1u2lrfrzdzV74/s1600/IMG_20230625_074758_151.jpg)
![](https://blogger.googleusercontent.com/img/b/R29vZ2xl/AVvXsEjXx7YtLj1ewSb0ro7BGz7OwKhO9ECHeqW7RaNjJwBGzAXc4OfnV3uSr49RA0RJD3y5wse53GzD3NYfTJ7FCUyTAhitYR0UxQhoMT20Q00mV683V8xHcaenPRu_82ocTJ4X6VyTIUneG4yvyCDh33GbwU74CyLXeWdtrOJXCk17Dp1NG9GCA8T6iHxDQ60/s1600/IMG_20230625_074758_295.jpg)
![](https://blogger.googleusercontent.com/img/b/R29vZ2xl/AVvXsEgIYPccAOqxlx13D-qCjFqc-wonAlvBPoZyEcM_DqWqFGsB8gWYr0B10TgEPB-VYOiqpWqoem9O5zPJoezRhvV34eB4XALj_NBJ-XCpxrs6pJZaXijRpvJ0dl0gji3zqKC_sVXOiIRV9sxnGrFdX73wyaZouxwTtgjMl-sEmCOgAEnb0iSFXHrJlxN5Xmg/s1600/IMG_20230625_074758_582.jpg)
![](https://blogger.googleusercontent.com/img/b/R29vZ2xl/AVvXsEi4rQK3mLm2_t40UyDFJZBv6KE8xgsYf9QJQlolwZZjLyl0VAmFkVYVCPVVNd9_5zkzh5lxIsCQuim42FwDD2d_dwWlLaLoLteEJgf7iZyyOWgojnlKjSNdbOEcoLjuasnoCVcWO_QCMaKsP8XUf2PKoubgJ_i_MLi158mtHIFb4x_UPhdbi-DkKoROO44/s1600/IMG_20230625_074758_715.jpg)
![](https://blogger.googleusercontent.com/img/b/R29vZ2xl/AVvXsEiwz0FKY6BhyS4woLApeJMuddZCiE3_Eqx00UN4jECLdi9-8Vi42XZyxcd_v_GfUYtAdJp2rjewcWAa1TCL67rqoN-ujhbQFGnlx16UznpElamgCt3fCyWFoi7zrAb3UX6oFgidW6fRlg0h_hXWgg4rWs4Plerhxcj98vJidtTLl2iK_HU6k_OWSmfwl-4/s1600/IMG_20230625_074758_832.jpg)
![](https://blogger.googleusercontent.com/img/b/R29vZ2xl/AVvXsEhCUFR0iaKio_LNfYRGXUJxj2kVB7pGcD_4hHZn7f-DB8BwNY7yolM-0dLJDYAVXZ-0oPB_QxyED3XYJVJh0iPmLZ-MVeGLFnA_wQs1COdrWtuXhFTQ9WReOYov1KCOJDNK5ZexFB4mPJK0c5NQH3T_-suoC4YuCTSYX9KRC8E2JVcu8ESGGE9sJbhlKcg/s1600/IMG_20230625_074758_844.jpg)
![](https://blogger.googleusercontent.com/img/b/R29vZ2xl/AVvXsEgagNbarOjehu9K8EHTOQubj0hrAov0oxcib1LAzxcdLSoIkWf457o7wNW6rSBp38cpnwxpJlRTX4ZoEcmG4Hmlco3xcU3o4njt7688uUWyhHIU_Y9AJndE5IDTo9zi0OWQnF_G1WngjgRG3oC03pPCPLcVkm0DeAJsPMkee9mw3x-OT29tj-BW05B12WA/s1600/IMG_20230625_074758_874.jpg)
![](https://blogger.googleusercontent.com/img/b/R29vZ2xl/AVvXsEjxUMEpHla6v0C3I4d9QR5HAWqwUGANu9jL433rKa-5MANj6Q9yBRaijPpyz8YIRCtxhm9ofwJVhxr3Ya1Vf3VFPG0V9iyZE1jU5UIc3XriS8BEJFqNB4uIvuU2c6XtrgrRlDD00mheMFkbJqhoTGQhoeUrShfn34af7fMSSnPnBruMzUK7YiMGDTwXgqk/s1600/IMG_20230625_074758_969.jpg)
No comments