លោក សាយ សំអាល់៖ ការបំផុសប្រជាពលរដ្ឋមិនឲ្យចូលរួមបោះឆ្នោត និងការគូសបំផ្លាញសន្លឹកឆ្នោត គឺចាត់ទុកថាប្រឆាំង និងចង់បំផ្លាញលទ្ធិប្រជាធិបតេយ្យរបស់កម្ពុជា
![](https://blogger.googleusercontent.com/img/b/R29vZ2xl/AVvXsEiFX4q8Fss0a4V0y78LDfNWhfcY70iMKgCrWuHYyWp9fgW2dC8pyKVP1PpqPhwW4F96b_ESzuSDPRBgv2vTlw6za-QuTWq3UbBzlaA5xreQ-WLHMA1A22xZ8t2mgcPDXM77j17eyKFy-5OjrxU7HTH_ZcAPyA531mxhyFIb-Zf5nrqSkrOUauRN53TOBvo/s1600/IMG_20230706_183230_730.jpg)
លោក សាយ សំអាល់៖ ការបំផុសប្រជាពលរដ្ឋមិនឲ្យចូលរួមបោះឆ្នោត និងការគូសបំផ្លាញសន្លឹកឆ្នោត គឺចាត់ទុកថាប្រឆាំង និងចង់បំផ្លាញលទ្ធិប្រជាធិបតេយ្យរបស់កម្ពុជា
(ព្រះសីហនុ)៖ លោក សាយ សំអាល់ ប្រធានក្រុមការងារគណបក្សប្រជាជនកម្ពុជាចុះមូលដ្ឋានខេត្តព្រះសីហនុ បានគូសបញ្ជាក់ថា ការបំផុសប្រជាពលរដ្ឋមិនឲ្យចូលរួមបោះឆ្នោត និងការគូសបំផ្លាញសន្លឹកឆ្នោតជាការបំផ្លាញលទ្ធិ ប្រជាធិបតេយ្យរបស់កម្ពុជា។ មិនតែប៉ុណ្ណោះជនទាំងនោះ មានចេតនាសើរើកិច្ចព្រមព្រៀងទីក្រុងប៉ារីស ប្រឆាំងជាមួយនឹងរដ្ឋ និងបង្កចលាចលផ្សេងៗក្នុងសង្គមកម្ពុជា ទាំងអស់នេះជាការរំខានដំណើរ និងសុខសន្តិភាពដែលកម្ពុជាកំពុងមាន។
ប្រសាសន៍លើកឡើងរបស់លោកនេះ ធ្វើឡើងក្នុងឱកាសអញ្ជើញជាអធិបតីក្នុងពិធីសំណេះសំណាលជាមួយសមាជិក-សមាជិកា គណៈកម្មាធិការគណបក្សឃុំចំនួន ៨ គឺឃុំកែវផុស ឃុំទំនប់រលក ឃុំកំពេញ ឃុំអូរត្រេះ នៃស្រុកស្ទឹងហាវ និងឃុំបិតត្រាំង ឃុំរាម ឃុំអូរជ្រៅ ឃុំបឹងតាព្រហ្ម នៃស្រុកព្រៃនប់ ខេត្តព្រះសីហនុ នៅថ្ងៃទី៥ ខែកក្កដា ឆ្នាំ២០២៣។
លោក សាយ សំអាល់ ថ្លែងបន្ថែមថា «សុខសន្តិភាពជាមូលដ្ឋានគ្រឹះក្នុងការអភិវឌ្ឍកម្ពុជាឱ្យកាន់តែរីកចម្រើនទៅមុខ ទាំងផ្នែកសេដ្ឋកិច្ច ការកសាងហេដ្ឋារចនាសម្ព័ន្ធ ធនធានមនុស្ស។ គណបក្សប្រជាជនកម្ពុជាមានគោល នយោបាយច្បាស់លាស់ មាគ៌ាដ៏ត្រឹមត្រូវក្នុងការដឹកនាំនាវាកម្ពុជាឱ្យកាន់តែឆ្ពោះទៅមុខបន្ថែមទៀត ស្មើមុខមាត់លើឆាកជាតិ-អន្តរជាតិ។ កត្តាទាំងអស់នេះគឺមិនអាចខ្វះបានពីការថែរក្សានូវសុខសន្តិភាព អធិបតេយ្យភាព ការបង្រួបបង្រួមជាតិជាធ្លុងមួយដើម្បីបន្តដំណើររបស់កម្ពុជា។ ទស្សនវិស័យក្នុងការអភិវឌ្ឍខេត្តព្រះសីហនុ ក៏ដូចជា ជាតិមាតុភូមិកម្ពុជា ឱ្យកាន់តែសម្បូររុងរឿង ដែលជាការតាំងចិត្តយ៉ាងមោះមុតរបស់ថ្នាក់ដឹកនាំ គណបក្សប្រជាជនកម្ពុជា គ្រប់លំដាប់ថ្នាក់ ជាពិសេសបុត្រាទាំង ៣ របស់សម្តេចតេជោនាយករដ្ឋមន្ត្រី ដែលបានលើកឡើងក្នុងឱកាសសំណេះសំណាលជាមួយសមាជិកសមាជិកាគណបក្សប្រជាជន ក្នុងខេត្តព្រះសីហនុកន្លងមកថ្មីៗនេះ»។
លោកប្រធានក្រុមការងារ ក្រើនរំលឹកដល់សមាជិក-សមាជិកាគណបក្សក្នុងមូលដ្ឋាន ចុះពន្យល់និងណែនាំដល់ប្រជាពលរដ្ឋ ពីការដឹកនាំរបស់គណបក្សប្រជាជនកម្ពុជា ដែលមានសម្តេចតេជោ ហ៊ុន សែន ជាប្រធាន ដែលបានយកចិត្តទុកដាក់ពីជីវភាព និងការរស់នៅប្រជាពលរដ្ឋនៅទាំងប្រទេស ហើយនៅអណត្តិទី ៧នេះ នឹងដាក់ចេញនូវយុទ្ធសាស្រ្តបញ្ចកោណ ដើម្បីទ្រទ្រង់សេដ្ឋកិច្ចរបស់ប្រជាជនកម្ពុជាបន្ថែមទៀត។
ជាមួយគ្នានេះ លោក សាយ សំអាល់ ប្រធានក្រុមការងារគណបក្សចុះមូលដ្ឋានខេត្តព្រះសីហនុ អំពាវនាវសូមឲ្យសមាជិក-សមាជិកាគណបក្សទាំងអស់ អញ្ជើញទៅបោះឆ្នោត ឲ្យបានគ្រប់ៗគ្នា នាថ្ងៃទី២៣ ខែកក្កដា ឆ្នាំ២០២៣ខាងមុខនេះ និងបោះឆ្នោតជូនគណបក្សប្រជាជនកម្ពុជា ដែលមានលេខរៀងទី១៨ ដើម្បីគាំទ្របេក្ខភាពសម្តេចតេជោ ហ៊ុន សែន ជានាយករដ្ឋមន្រ្តីបន្តទៀត និងលោកបណ្ឌិត ហ៊ុន ម៉ាណែត ជាបេក្ខភាពអនាគតនាយករដ្ឋមន្រ្តីនៃកម្ពុជា៕
![](https://blogger.googleusercontent.com/img/b/R29vZ2xl/AVvXsEgGoC3w5_cLNDhY2DjggQ0FIXm2gfJC-8_Xwq3vvtldVFGpV8b-nF3DAs62Ww3k7ElrfgQOgmYIgRy3qjoF7c5djowpK_XLqXPJZ60QCc4qVnBRS0IsSa8qVpqYsuF3oR0xUrZ7fmotpGH3N8cRphsQFowZB83lPdpPIvfe5AsImhuTrx4Lhx96uM9Kj1A/s1600/IMG_20230706_183230_070.jpg)
![](https://blogger.googleusercontent.com/img/b/R29vZ2xl/AVvXsEgKluF-T1fiWsnGpAJhkczT7dS1delmnz633MIZS8MzvdrcoG3M-LiLEJU32WOKAf5u67la-KtrlkQUd7ANbxfrI7YRpzih9qvlkqET5H8NEXKkNB8pvu4PKKsB6LQbXA24gjywF4TNoYl4HWlaZ5TBFKpWPOzvGZFTm0JLUxNDwNiqL6fATTKq5SOZay4/s1600/IMG_20230706_183230_154.jpg)
![](https://blogger.googleusercontent.com/img/b/R29vZ2xl/AVvXsEiOvVKrfz2Zm0fP2ALGD0vAUYrurKjXie0Bth4GVgVh5ADFUHftfmx2kf--cB1GRzXCiRj6sXx_QSvaXgMPOHKMeO0m1p1daELvgTiBJ3kQcbZWEiIMgRsFKoWY3E0ng0lkrJzL7VNw76WouzSCT61hSkz2ukUz44ySbik7j2DIqgPTWe0EE7c9t-6P_jk/s1600/IMG_20230706_183230_243.jpg)
![](https://blogger.googleusercontent.com/img/b/R29vZ2xl/AVvXsEhstU9zonbuzTnz1ygswNT-pD0yXayYeenBMlSHwQLhIrklKG0kcStovqEmJKEWl5jYpDoRW4pQGj9EuJrHsBGT-G64COCC-l4gnys1kgQHBpY1OoPm5UGjmHShDB_OzQCfPuYqTm3Xsn-_MWH9MHC7f6mHra2HZCENAJGTqog22YhI9AGcsPUZv5iyNic/s1600/IMG_20230706_183230_496.jpg)
![](https://blogger.googleusercontent.com/img/b/R29vZ2xl/AVvXsEit_COFNgdxgBJo812wUHUNIhuI9xzXISJEfyLZQi_pXf8i9rOtrlRpUciANSnEWMWknRTCLaNp_NP784BsHMgoJHSEtzb2iS7J2x9YjMoiDUdzO7J6WxGUXy8udiGpjDSyT9paM1W11bbNZN7abr4VIDmgudQgdg6HHLQFZfDj9vYtpE-xrI_4HHDLyXc/s1600/IMG_20230706_183230_611.jpg)
![](https://blogger.googleusercontent.com/img/b/R29vZ2xl/AVvXsEgpGIAe42ohhelKzIyURZ-u9H7f4QKMLFFbs_uQLF8r94NHRhlJRyFSijn2mdmsSG-bLPtdG1njLjdIbR_vmzWlaBgzBQ6vLo2_UKq14Ew37Ov-fYqZNjE2T7V2bP3UgYstaccuLxFbAvcuxAnx0mRIbYrTr_ak6VIfxgayFo64LTZXOMkmdO4pRL575Gw/s1600/IMG_20230706_183230_677.jpg)
![](https://blogger.googleusercontent.com/img/b/R29vZ2xl/AVvXsEjCSF26RtaXx_s_C_T5VqVQVZluephWf1Hv9pjVuBvUq0ZiI0O2_pT-SnmOmRUndZCTyQIUmFOKez1bABH578_7xFJRD9RXk_iopru8y6JPx4cXJVtbR-yHH_wRZ-rNkeKTOnX5EPtFqRrO8HetK-j_MQDNI8ppIufhds2RKWF6xd_PpFw9mhVnYe4r9RM/s1600/IMG_20230706_183230_699.jpg)
![](https://blogger.googleusercontent.com/img/b/R29vZ2xl/AVvXsEjbkL5bZO8NkC6T1OkrBF2S96EliOYAsf_phNpBrL3tby4ZCREsgVBQlYfBmDiX9Ps3dTNKBz03eB043en7LTr8mc5BR0UvmkqkLwbijVAfANMB36JNYHoQMiDu_EQcmkU6LhbwdtnLEOaB1hjmrTfpDYJv3wTlW4BFZ_YcG0gZhHYic5bBSe7V1_j2WBE/s1600/IMG_20230706_183230_739.jpg)
![](https://blogger.googleusercontent.com/img/b/R29vZ2xl/AVvXsEhTgQmHoQxmjTQnoPL5lldOwIPe8lCrHT9qJIuXt7T1k8ARBnBvIPbrtUCKkbx5yJu5eiT3CdtAqeFW5nbzjLeeLx31o4r7QteLy94IvPPVJi0Z0uu5gjkjk3lUbw3BhOkQjxnRuQ1SD6MD5X3r7zHlWkHEl6pO8MyqOsE5RJI5so57fvkDxd82iNtjvO0/s1600/IMG_20230706_183230_752.jpg)
No comments